影片
更多
2023-05-21
1629 瀏覽
今次去咗一間隱世嘅小店，佢嘅壽司價格都比較親民，如果想對自己好啲，又咁多budget 都不妨可以嚟試吓呢間小店👍🏻✨三文魚脆脆卷-呢個係我最鍾意嘅壽司，佢係三文魚腩同一啲炸面整嘅卷物，佢嘅三文魚非常肥美，而且用火槍炙過，所以整體食落有三文魚嘅甘香，仲有一啲天婦羅卜卜脆嘅口感，層次非常豐富。✨白玉豚-唔係太多地方都有呢隻魚買，佢係一隻比較淡口嘅魚嚟，不過都有油脂嘅甘香，唔鍾意太重口味嘅朋友可以試吓。✨帶子-佢嘅帶子好大粒，食落非常之鮮甜，加上價錢都好親民，絕對係必食之選。✨甜蝦-甜蝦大隻得嚟，仲要非常彈牙鮮甜，所以最後每人都嗌咗多咗round嚟食！✨玥屋蛋-其實即係玉子燒壽司，佢係屬於甜口嘅玉子燒，有好香嘅蛋味，最重要係佢嘅賣相好靚，仲有玥屋嘅標誌，拎嚟打卡就一流啦！最緊要係師傅整完壽司會直接放喺你枱面個玻璃架上面，完全係平民版嘅Omakase！提提大家，佢係位於奥運站同大角咀之間，基本上喺奧運站行5分鐘就可以到么不過依間舖頭嘅位置唔大，得八個座位，所以大家如果想去嘅就記得要打電話去book位啦🤣❤️📍玥屋（大角咀）大角咀海景街44號地舖💵＄250
✨三文魚脆脆卷-呢個係我最鍾意嘅壽司，佢係三文魚腩同一啲炸面整嘅卷物，佢嘅三文魚非常肥美，而且用火槍炙過，所以整體食落有三文魚嘅甘香，仲有一啲天婦羅卜卜脆嘅口感，層次非常豐富。
✨白玉豚-唔係太多地方都有呢隻魚買，佢係一隻比較淡口嘅魚嚟，不過都有油脂嘅甘香，唔鍾意太重口味嘅朋友可以試吓。
✨帶子-佢嘅帶子好大粒，食落非常之鮮甜，加上價錢都好親民，絕對係必食之選。
✨甜蝦-甜蝦大隻得嚟，仲要非常彈牙鮮甜，所以最後每人都嗌咗多咗round嚟食！
✨玥屋蛋-其實即係玉子燒壽司，佢係屬於甜口嘅玉子燒，有好香嘅蛋味，最重要係佢嘅賣相好靚，仲有玥屋嘅標誌，拎嚟打卡就一流啦！
最緊要係師傅整完壽司會直接放喺你枱面個玻璃架上面，完全係平民版嘅Omakase！
提提大家，佢係位於奥運站同大角咀之間，基本上喺奧運站行5分鐘就可以到么不過依間舖頭嘅位置唔大，得八個座位，所以大家如果想去嘅就記得要打電話去book位啦🤣❤️
📍玥屋（大角咀）
大角咀海景街44號地舖
💵＄250
張貼
