玩具小屋咖啡室 (已結業)

環境同食物都好好個小食併盤好有誠意，芝士波同薯餅都好出色，特別係個薯餅👍🏻另外個pizza都好好味，因為朋友們唔太肚餓，所以拎左返屋企，翻熱左仲好好食，餅底都做得好好既厚批，好多材料👍🏻個千層麵一上枱已經好搶鏡，食落都好味，只不過我一開始個注意力放左係個小食併盤到所以無試得好真燒春雞配薯蓉都好抵食，可惜眼闊肚窄，我地食凈差唔多半隻餐湯好足料，野飲朋友們都滿意，不過我麻麻地個抹茶latte,苦左d但落左糖漿又太甜都多玩具玩，不過牌類好似唔係好齊，又或者張兩套合埋左一套用會再黎呢間咁有誠意既cafe，個日見唔太滿座，所以特登上黎打第一篇openrice黎支持下

推薦大家黎食生日飯，可以自訂生日碟公仔同自己帶生日蛋糕，個生日碟好靚，仲靚過俾佢果幅相，完全唔捨得食～食物水準高尤其係意大利飯，推介飲啫喱花茶，好香，朱古力飲品就有點太甜同埋都cafe入面都好多board game玩，而且Board game 好新淨，Toilet十分乾淨同侍應服務好好～

朋友介紹下，已經是第三次上來。要臨近地鐵站，環境又舒服，價錢又合理的cafe可謂買少見少~~每次上來，都會叫"粉紅索羅斯"。3次只有1次不太對胃口，有點膩。(不過口味喜好可能因人而異~) 建議為免中伏，可事先向店員查詢有甚麼食材。最值得推介是小食拼盤和沙律。小食拼盤份量剛剛好，適合3-4人食用。口感鬆脆，不會感到油膩。沙律當前菜也是不錯的選擇，醬汁剛好，麵包槺都很脆口，價錢也很合理(以小食和份量來說)。飲品很大杯，可以喝很久!值得一提，staff很親切。當晚跟朋友慶祝生日，staff很樂意幫忙棒蛋糕等。如果買不到蛋糕，menu也有些甜品可點，碟上會裝飾好並畫上客人點的圖案~(我看到隔離台的，很精美!!! )場地都有頗多boardgame供選擇~~記得提前預約，因為walkin未必有位!

在openrice訂了這間cafe和朋友6月2日去食lunch, 6月1日已經有人whatsapp提醒我，真細心。當日去到這cafe,我和朋友都覺得環境好舒適，裝修好有別緻，waitress的服務態度非常好，有禮貌，有笑容。講到食物方面，我們點了煙花女燒鴨胸螺絲粉，味道好好味，螺絲粉不硬又不林，剛剛好。另外點了燒元貝配野菌煮忌廉意大利飯，味道略為淡左少少，但飯煮得軟硬適中，都好味。至於飲品，真係好抵，好大杯，好多選擇，我們點了一杯荔枝綠茶和百香果綠茶，好清新，消暑，正。

Cubby Café昨天，同兩位朋友到旺角試一試一間Café。Cubby Café的環境不錯，設計精美及舒適，有足夠的空間。(^ ^)同時，亦有各種的boar game，供客人借玩。有幾種出名而且我十分愛玩的遊戲也有，如Dixit。不過，今次的聚會旨在傾下計同了解下近況。所以，都沒有玩什麼遊戲。講反D食物先，Café的餐牌製作得十分精美，可見其用心。當天我們點了卡邦尼意粉($98)及燒汁鴨胸螺絲粉($128)，還有小食雞中翼($45)。卡邦尼意粉的味道偏淡，適合清淡的人士。意粉的質地不錯，唯個汁太”希”。不太合我「濃味怪」的口味。另外一個燒汁鴨胸螺絲粉，當天味道偏酸。朋友說和上次的味道有一點分別。但份量是足夠的，夠一位成年男士的份量。我淺嚐過後，覺得該燒汁味道不過不失，不算好食也不算難食。在食物中，最好食的是小食雞中翼 (HKD$45)。雞中翼是剛炸起的，夠晒熱。同埋佢有好多肉汁，好食!!!不過，就好似貴左DD，因為$45先得4隻。另外，值得一讚的是飲品，套餐是包一杯$45飲品。我們叫了曲奇朱古力、黑牛及荔枝梳打。3杯都大大杯，十分吸引。我飲了那一杯黑牛，真的有很多童年的感覺。性價比極

是日與一班相識多年的好友聚舊網上見這cafe食物不錯，果然令我們每一個都一試難忘，會再來！！第一次可以令我會寫食評的一間餐廳食物質素很有水準，味道一流，座位亦舒適我食的三文魚忌簾汁黑松露天使麵，一來到賣相已經可相比酒店級，味道已經令人流曬口水，望著有種不捨得食的感覺。待應服務亦很好，舒適，不錯

第一次黎係同好姊妹慶祝生日，已經覺得裝修好warm，亦提供好多款box game實唔怕悶！重點當然係精緻既生日畫盤今次再同老公黎試，果然冇失望，食物Keep住水準，今晚試左煙三文魚黑松露天使麵，每一啖都有黑松露既香味！另外叫左個廚師推介長通粉，但唔記得名味道係千島醬max忌廉甘上下，幾特別！最後仲加左$45小食，燒牛肉芝士卷，份量有3件，由於本身個餐份量都好足，真係飽到頂住！餐跟杯$45內飲品，又係大大杯，唔似出面cafe細細杯未食完餐飯已經飲晒食完仲可以慢慢坐慢慢飲可能閒日關係唔太多客人，可以係寧靜又溫馨既環境下同老公撐枱腳已經約定姊妹下次再黎慶祝生日

哩間cafe係我食得最多既一間因為野食幾好味之餘，仲有個果凍茶花茶好吸引哦！沙律菜：好新鮮呢～🥗炸物：樣樣都好邪惡😈好美味西班牙雞肉燉飯：辣辣地幾野味😋Pizza：都唔錯係我喜歡既厚底哦🍕蘋果果凍花茶：果凍係有蘋果肉哦，當啫喱食又得，加入茶又可以提升花茶味道😋

今晚同朋友兩個經過又未食飯，就上左黎呢間cafe!宵夜時段最低消費一杯野飲都夠，2個鐘。但因為未食晚飯關係我地share左個牛肉漢堡 勁高！！！！配料都好足，芝士同醬唔孤寒，好大手筆！其實仲有薯條同埋D炒菜做配菜，食完真係飽到呢好彩我地2個人share 一人一個應該冇可能食得哂牛肉食得出係自家手打 好juicy多汁，睇圖，厚到呢，唔係我細食，係真係好飽芝士可以拉到絲煎蛋仲有少少流心！再搭住生菜蕃茄沙律菜 酸酸地可以減少飽腻感，應該係因為間cafe都知個漢堡真係好巨。。。。芝士 牛肉 蛋 生菜 沙律菜 蕃茄 煙肉 都真係好足料架下次一定會再黎

同兩位朋友想慢慢食個飯同傾耐啲計 知道呢間cafe冇限時所以決定簡呢間 早左兩日打電話黎book位 留左電話之後食飯前一日有店員whatsapp我confirm booking 同講番個最低消費 都幾貼心我地三個人叫左三樣野食辣肉腸PIZZAPizza係偏薄批 但非常足料 有少許拉絲 入到口幾乎啖啖芝士 唔會乾煙三魚黑松露天使面呢個既味道係我自己最中意 好creamy同埋天使面都煮得有咬口芝士蒜容包面包好香口同脆身 中間有芝士 味道有驚喜冇限時同朋友坐得好舒服 以Cafe黎講食物都高質 會同朋友再黎

雖然係樓上鋪，但都近地鐵站，都容易搵。鋪頭唔係好大，咁岩去個陣唔係好多人，同兩三個朋友一齊上去食野，靜靜地，仲要坐到十二點先走都得，方便傾計，又有board game玩。野食方面都唔錯，唔係話要等好鬼耐，但外觀好靚，好好味。尤其個生日碟，真係好鬼靚。不過，價錢有啲貴，可能岩啲有經濟能力嘅人去。我地啲學生就覺得有啲貴，不過可以玩可以食可以坐咁耐都ok嘅，一兩餐食豪啲當獎勵自己。

成間cafe感覺唔錯ge，座位同環境都舒服位置都幾多，有d位似塌塌米咁，要除鞋再坐ge，我地都叫左好多野食小食拼盤啦、沙律、豚肉漢堡、薄餅同肉丸，個飲品都幾特別，叫蘋果啫喱花茶，用啫喱做糖咁覺得最好食ge係個肉丸😂味道唔錯，反而個豚肉漢堡有點失望，個肉有點老同厚身，但味道係唔錯！而個飯我覺得大家都可以試ge，名就唔記得啦😂同埋等食時，都可以玩board game，個氣氛唔錯架，大家都玩得好開心！重點來啦！亦係我最期待架😍畫碟畫得好靚，雖然都有點貴，但真係好特別見到係超開心！

一向都鐘意去樓上cafe食飯傾計，好enjoy可以慢慢傾慢慢坐既feel。尋日朋友帶我黎呢間cafe，兩个女生，只點左一份小食拼盤，一份卡邦尼意粉晚餐（包$45飲品一杯）。我地比原定預約既時間遲左半小時，當然有打電話黎改時間，但cafe係忙碌既星期五晚上都可以比我地改時間，十分幸運！ps: 每人最低消費，要一份晚餐（連飲品）或小食+飲品

同好耐無見既中學同學聚會 想坐得耐又想有得玩，其中一個同學推薦去呢間cafe 我地去到係1340可以坐到1730 夠曬時間我地敘舊！重點係我地可能要去，冇咩人，任我地玩🤩我地叫左午餐 就包一杯45蚊以下的嘢飲 但我地好想試啫喱花茶，於是每個人加多7蚊花茶跟一個啫喱 有幾個口味簡 我簡芒果口味 食法就係將啫喱擺入杯中 ，之後倒入花茶，好味又好玩。也可選擇分開食等食物上檯個陣就係我地玩遊戲的時候細個成日玩的層層疊仲有大富翁！跟住到主菜雞扒沙律配多士 好味得黎又靓 唯一就係等待時間會耐dd

呢排因為就結婚，所以要去派請帖，不停咁去唔同既 cafe 食野，一班一班朋友咁約出黎，大大話話都食左十幾餐,但呢間cafe 令我比較深印象，先講地點，相當就腳，油麻地鐵站行出黎大約十分鐘到十五分鐘時間，都真係幾方便，環境方面，我當日算係幾静，因我好驚去cafe 有啲朋友好嘈，所以當日我覺得好好，當然啦，人客既野佢地都控制唔到食物方面，我叫左個魷魚伴意粉，真係唔錯，又幾好食，魷魚無大問題，因為成日食到啲雪既魷魚唔好食，呢間無問題，總恬黎講呢間算係幾高水準既平民cafe