瑞士咖啡室 (已結業)

我媽咪好聲好氣叫佢浸杯水叫左2次然後我再大聲叫多一次佢扮聽唔到跑走我明白你份工好忙 但都可以講聲話陣間先比我地唔需要咁冇禮貌就算啲嘢幾好食都冇用但其實啲野食都唔係好食好差 好差

早餐就食得多，晚餐就第一次黎，星期六晚餐時間都唔洗等位，但都有唔少人的。🐷咕嚕肉🐷X🥬雜菜煲🥬$158自選2款小菜連白飯套餐$158，揀左咕嚕肉同雜菜煲，首先2樣份量都適中，似茶餐廳食開的份量，咕嚕唔算肥肉，中規中矩，係唔脆口，但配料菠蘿🍍同青椒🫑就好足夠。👍👍👍雜菜煲都正常發揮，唔會鹹，有青口，帶子，蝦，魷魚，西蘭花，菜心，白菜同粉絲咁，健康之選。🐥韓式泡菜白椰菜花飯配香煎雞扒🐥$68難得見到白椰菜花飯試下先，不過加左泡菜，比較濕，而且泡菜比較鹹，但雞扒比早餐時更滑又冇雪味，不錯的。評語：侍應比較有性格環境有大排檔風味價錢合理

經典早餐又黎度搵食時間⋯今次黎樂富附近搵嘢食因為8點太早啦，好少地方開舖就黎左呢間啦⋯早餐不過不失，好味既真係冇咩野可以挑剔我叫左火腿通粉+腸仔+餐肉+多士環境就十分迫啦⋯食完要啦啦聲走果d只係前2，3年前出既餐牌會得有加錢就有 2隻瑞士雞翼而傢沒有⋯有d失望..期望都會轉轉餐牌。

每一次電話落單員工都一定會勁惡命令式咁講：講聽唔到！可唔可以大聲啲？大聲到就快喺條街度大嗌佢都可以話聽唔到。同一個餐要講最少講三次佢先幫我落到單，嘢飲同佢講凍奶茶佢就問係咪凍咖啡，雞同鴨講。仲有，例如同佢講C2，佢仲問咩C2，要我讀返個中文餐牌俾佢聽，咁請問你set啲編號出嚟做乜，咁基本嘅英文字母餐牌你都唔識，我真係好質疑你嘅能力。而且同佢講完啲餐同嘢飲佢都係勁唔熟啲收銀電腦啲制喺邊，係咁喝人地嗌人哋等等。由於佢成日都聽錯人哋嗌嘢飲，咁我就預先再同佢講多次個嘢飲，費事佢落錯單，個員工就勁大聲喺度喝：等等喇！唔好催我！落緊喇！啲嘢飲成日要重複三次，落幾個餐都可以落咗10幾分鐘，成日就同人講聽唔到聽唔到，成日喝人哋。其他同事聽電話都唔會咁惡劣，每一次都係某位女員工態度勁差。

員工態度極差，尤其是個短頭髮收銀，自己做錯嘢仲話服務唔到我，以後不會再幫襯，垃圾，愈來愈難食，落單時同你講左話要樽裝朱古力，連樽上，加錢唔緊要，因為同你講咗話要連樽，之後話我冇講，係咪你自己能力有問題。可以話個客既問題，話我冇講，廢。唔想做就唔好做

去食中午，大約12點10分入咗這間餐廳坐，12點15分出柯打單，坐到12點45分， 覺得有啲唔對路坐咗咁耐兩杯凍檸茶都未到，問啲夥記佢話整緊，等咗 五分鐘都未有嘢飲，第二次再問夥記，佢攞咗張單去 check 點知原來冇落單入廚房，我見佢即刻寫單入廚房 ，我便叫她不要再寫單 我不要，點知佢話入咗單 冇得唔要，咁我就開始發火 撳住佢張單不要再寫單入廚房我要走啦，佢就話我哋無理，我話15分入單，現在55分都未寫單入廚房，我是否有權取消單呢？之後一肚氣走去第二間食。

我係樂富街坊，尋日晏晝去叫左碟涼瓜牛肉飯。黎到睇一睇得四塊牛肉，我示意侍應過黎睇下。我 ：你地啲牛肉好貴？61蚊得四塊？女侍應A:係喎，點解嘅！你個餐係正價。然後佢示意女侍應B過黎睇下女侍應B:做咩呀我睇下。。。哦~差唔多啦，咁大塊你去邊度揾呀~我：正餐得四塊咁下午茶係咪再小啲？得二塊？女侍應B:幾塊我就唔知喇，下之我數俾你睇？然後二個覺得處理完就走左無件事。其實你覺得處理唔到可以揾個第二個黎處理，而唔係咁樣敷衍人。

因見到樂富瑞士㗎啡室可以用現金卷才選擇瑞士，點知去到食完嘢賣單，店員居然話未裝個系統唔用得？咁我買咗現金卷又指定用瑞士㗎啡室點算？仲唔係騙人去？openrice有冇fact check 㗎？

好耐未試過早起身食早餐， 今次到瑞士咖啡室， 位於樂富聯合道198號樂富廣場1樓1119-1120號舖。 點了兩份早餐🔸 ～ 特濃沙爹牛肉麵+午餐肉+太陽蛋+牛油多士$38 、凍啡$3、仿鮑片肉丁通粉+熱狗+火腿奄列+茶走$47、 令叫一杯啡走$16。 🔹特濃沙爹牛肉麵+午餐肉+太陽蛋+牛油多士 ～ 沒有特濃沙爹的效果， 沙嗲味好淡， 午餐肉和太陽蛋🍳味道正常， 牛油多士味道一般。 🔹仿鮑片肉丁通粉+熱狗+火腿奄列 ～ 這個早餐的賣點是份量多， 熱狗🌭超大隻， 但整體都是味道普通。 🔹凍啡、茶走和啡走 ～ 飲品也是一般。 個人感覺整體普通， 但可以一試。   

今日（20/12/2021）放假，行完街，來這食店食下午茶，下午茶餐款式都幾多，五點來到，當食埋晚餐。點了咸魚雞粒炒飯，飯炒到乾身，唔油，配料都好多，加咗瓜粒，食時爽口，但無咩咸魚，份量唔少，有成四小碗。瑞士汁炒牛河，用瑞士汁炒更勝過豉油干炒，炒得好均勻，有甜香味，牛肉有些韌，咬唔爛，份量都多。餐飲杯奶茶太濃，習慣唔落糖，但太濃，只飲咗半杯。埋單$102，記得用Storellet個apps，可平$10還可以儲分。

今日返工前經過哩間連鎖咖啡室 平時都見排哂隊今日冇咩人排就衝咗入去食喇 點知入到去 原來勁多人 好唔容易先搵到位 客係多 員工都多 不過都係冇咩人理 叫餐都好唔容易先搵到個員工幫手落單 叫咗平時其他茶餐都食嘅沙嗲牛肉意粉拼雞蛋餐肉多士 個沙嗲牛肉比較淡 煎餐肉就hea嘅 唔香口唔脆 凍飲用哩種杯飲都正 裝食物啲器皿都幾靚 可惜搵位叫餐送餐埋單都唔係好順利 都係衰基本野 搵位落單需時 野食來得遲 飲野追幾次先有 又冇比單埋單又要錯 冇基本服務可言 員工多都冇用 真係得個名 食物同服務都比唔上其他連鎖店茶記 希望只係個別哩一間係咁 因為第一次係o係荔枝角食 希望有機會再試下佢另一間分店

呢間瑞士咖啡室嘅奶茶不嬲都好好飲，有一日突然間心思思想飲，順便過去食個下午茶。今次下午茶食咗個雙拼麵，就係沙嗲牛肉㗎太陽蛋，估唔到佢個太陽蛋仲有兩隻，不過略嫌沙嗲牛肉唔夠沙嗲味，個汁唔係好出嚟，剩係得啲花生粒，所以好難掛落公仔麵度。同行友人食咗個芝士火腿西多士，嚟到嘅西多士好厚，呢個比想像中好食，入邊嘅芝士半溶狀態，幾好。最緊要當然係杯茶走，茶底夠味，但係又唔會苦，花奶煉奶份量啱啱好，我諗我隔一排又會再想飲

總評：最高5粒⭐📌好味程度：⭐⭐⭐⭐📌回頭指數：⭐⭐⭐⭐⭐📌環       境：⭐⭐⭐⭐⭐📌服       務：⭐⭐⭐⭐⭐※※※※※※※※※※極品早餐   1.仿鮑片肉丁麵+菠蘿油配火腿奄列+凍鴛鴦 $50公仔麵質彈口，放湯耐都唔易淋身，仿鮑及肉丁好味至愛菠蘿油，皮脆內暧，加上香口牛油，回味無窮凍鴛鴦味道香濃環境   地方清潔整齊，坐位寛落唔迫夾，舒適服務服務員落單爽手，落單至到齊不到5分鐘，快※※※※※※※※※※個人感想 :這間餐廳基本上一個月都會來兩三次，因為近街市，間中買餸前都會黎食個早餐，多數都會點這個極品早餐，因為夠飽肚同埋最重要有個至愛既菠蘿油。正大家都黎試試，呢間值得推介

這是我第一次寫食評。我今日叫咗個早餐想轉奶醬多，同阿姐講分開上，因為隻蛋會變成奶醬蛋，上一次是可以分開上的。阿姐話廚房做唔到叫我唔好叫😳😳😳😳，沒有溝通餘地。個早餐條腸好實和凍，沙嗲牛肉好un食唔到，食物和服務令人非常失望。

今日下午經過樂富分店，叫咗一個瑞士雞髀奄列，雞髀好似柴皮一樣非常難食！我食咗一啖已經沒有要，同樓面反映佢竟然問我想點，其實我不是想他換過俾我，而係希望佢可以正視呢個問題去改良水準，但他沒有處理更將整碟掉進碗盤內。我已經一年冇黎，以前的水準及服務態度非常好唔明白為什麼而家退步咗咁多