瑞士咖啡室 (已結業)

今日工作好忙,之後LUNCH去到瑞士咖啡室食,好彩都唔太需要等位熱奶茶茶幾香,都算滑意粉唔算好硬都唔會好軟雞肉都入味,都算幾好食蛋左老左一點煎得,不過好彩唔算好油膩

近期好像流行冰室、懷舊茶餐，這次下午茶時間，想要吃個簡單而豐富的港式茶餐，但周圍都要等位，於是去了舊區一點、人也沒那麼旺的石蘺。入了瑞士㗎啡室，大部分是卡位，坐得舒服，下午茶餐的選擇超級多，仲要有懷舊鷄湯公仔麵，正！同友人都想吃瑞士常餐A ，包括有火腿奄列、牛油多士、2 隻全翼瑞士雞翼、雞湯公仔麵和包熱飲）。奄列幾滑，勁多火腿，多士是厚身的那種，軟熟得來，個面有toast 了一下，不錯。雞翼好夠味，配埋個雞湯公仔麵，大満足！

三年前搬黎，呢間係其中一間常食既，雖然吾平，但有質素鍾情於中式牛柳飯，幾夠厚切大大塊牛柳，鮮嫩多汁，不過每況愈下了試過牛燶哂咁比我，又試過啲飯係凍咁上俾我，服務員態度吾多好，之後少左好多幫襯，同區仲有好多相若價錢選擇今晚突然想起再去食，唉啲牛柳變左幾塊牛肉薄切片咁上比我，我明搵食艱難既但價錢變得好不合理，再加埋前面既事，感覺老闆根本無重視店既質素問題再睇埋其他人食評，原来大家街坊都感覺到，真係吾會再幫襯

每次同同事朋友黎瑞士都會食呢度嘅傷風感冒餐，唔代表我有病，只係佢呢個餐清清地，蕃茄羅宋湯做湯底，再配埋啲蘿蔔西芹嘅火腿通粉，好岩啲諗唔到食乜又幾開胃嘅人食。套餐仲有杯熱菊薑蜜。幾好飲。朋友就食咗咖哩豬頸肉飯，啲豬頸肉好白，好厚。。

因為工作關係 經常出沒於石籬石籬係個舊舊地既社區除左茶餐廳 就係連鎖快餐店而且因為交通比較麻煩 沒有地鐵此區餐廳都係區內顧客多而我 工作時間比較鬆動 可以調節最鍾意就係趕及食個豐富早午餐 早餐可以非常豐富 丁麵配熱狗走醬同火腿奄列茶走 - 幼滑香濃熱狗-雖然唔係用熱狗腸 但有菜絲夠誠意火腿奄列-蛋沒有過熟 夠大份足料丁麵-無得輸如果唔想食丁麵 亦可選腿通 較健康熱狗可轉沙嗲牛包 - 之前工展會宣傳賣點呢間餐廳 坐得舒服 早餐時間長 已經變為我飯堂PS 坐得太入既卡位 電話接收訊號會變差

其實真係唔想嘥時間同佢再寫食評，但係真係頂佢唔順。時間緊迫嘅關係，又去咗食瑞士咖啡室。我地叫左蜆尬韭菜炒牛肉同埋焗椰汁泰式咖喱焗豬扒，聽見個名都驚呢？! 食落仲驚啊！！個牛肉超鹹，要食一啖牛肉要加一啖白飯先哽得落，個焗咖喱豬扒又唔甜又唔辣，真系食多兩啖都覺得曬咗我個胃嘅quota。究竟個廚師做d fashion 菜有冇試味架？！怪唔得入到去咁多空位。因為真係好難食！間鋪咁大，得幾台客。二人餐仲要收$178， 睇怕都係全葵涌茶餐廳最貴！如果啲食評可以有得比負分嘅話，我一定會比負分！貴店嘅高層再唔正視食物質素問題，真係可以早點關門大吉。唔好意思好似好刻薄，但你試過就知我講乜。

啱啱開嘅時候都幾好食,不過而家質素越嚟越差.佢依家d特餐嘅組合好奇怪，完全唔夾。初時整體都一啲唔差，又平又大份。依家價錢貴左，質數差左。初初開最好食嘅係瑞士雞翼常餐，點知食食吓啲雞翼越嚟越難食，浸到林晒，腐屍一樣。已經好少食佢啦

雖然瑞士係連鎖式餐廳，但係佢嘅食物質素真係好參差，有時又幾好食，有時又太淡，有時又太鹹，有時比好多飯有時又比好少。唯一我覺得keep到好食啲嘅係咖喱牛腩飯呢味係最唔易中伏

成日都去瑞士食lunch, 真係食都無嘜想食，點知依間瑞士仲有特選餐，就試下啦，果然有驚喜，煙三文魚配炸雞翼同牛角包，廚師仲好細心地張隻牛角包界開，方便客人可以自己放啲煙三文魚，菜同蛋入去，牛角包仲熱加埋冷既煙三文魚，內冷外熱，完美組合，雞翼係生炸，無加炸漿，灑上少許椒鹽，非常好味，份量即多，只係$55包野飲，推介

無煮飯，全家人出去食.平時經過所以打算入去一試.食完之後，返屋企煮粉食.因為我真係就食佐兩淡，未食過咁難食既晚餐.飯上到來係凍既，套餐入邊既湯好鹹.叫佐個二人餐 加另外一個雜扒餐.一個唔知乜乜粉絲煲，青菜多過粉絲 粉絲得小小.另外個薑蔥霸王雞，我以為煲仔個種，點知上到來原來係燒味個D白切雞咁既樣都算啦，距仲要放左薑絲紅椒絲蔥絲 淋D汁上去叫薑蔥霸王雞.係街市買既白切雞都好食過距.個扒餐一百一十幾仲唔低食.總之無下次！

呢次黎到瑞士食下午茶，揀左雞髀撈公仔麵，第一次食，原來都幾大碟雞髀好大隻，仲有一碗瑞士汁，可以自己倒落d麵度，咁就唔會太咸啦！雞髀睇落好濃味，食落又唔會好咸，都幾香，下次會再黎試其他野

這是在家附近常吃的餐廳 如果唔係咁伏 唔會寫出黎.....晚上來吃小菜， 客太多 ， 點左兩個小菜套餐廿分鐘， 先通知話冇魚煲， 其實係完全冇入過單， 於是我地重新揀過另外兩樣， 又要問廚房有沒有， 所以坐左半個鐘， 都未點到菜。叫佢地俾左個例湯黎飲下先， 再等十五分鐘出左Xo醬炒西蘭花鮮魷， 但完全只是整熟左加pat 醬， 唔係炒， 西蘭花仲有水， 魷魚好似唔熟， 唉真係太差。  再過十五分鐘， 即已點菜半個鐘後， 仲有個雲耳蒸雞仲未到。 追問， 答我蒸野要耐d! 但已經半個鐘 而且飯都差不多食哂， 再加上之前攪錯冇入單， 其實已經成粒鐘， 我問佢只答我蒸野要耐d, 我惟有同佢講三分鐘內冇就唔要， 竟然即刻出到！但雞太肥， 好油， 真係好失望！

對於茶餐廳我總是有一份情誼結就是鐘愛他那淡淡的人情味由於時候緊迫 附近只有酒家所以今晚便一試連鎖式茶餐廳一進茶餐廳便被他的裝修吸引了茶餐廳的名字是由麻雀組成的創意十足❤️另外一面牆寫有茶餐廳特色用詞👍🏻侍應阿姐推介中式孖寶 表示「大件夾抵食」$138 兩個小菜跟飯跟湯 還有餐飲價錢真的很貼地👍🏻👍🏻👍🏻我們點了小炒王跟蝦仁韮王炒蛋例湯是蓮藕排骨湯料很足 但味很淡☹️小炒王到！！！十分香口送飯一流🤤而且並沒有很油👍🏻蝦仁韮王炒蛋相對遜色👎🏻蝦仁不新鮮有腥味雞蛋味道很淡☹️

本身想叫茄汁蝦同娃娃菜，但佢話蝦同娃娃菜都無，所以轉左呢兩樣海皇一品煲賣相ok🍲，但豆腐買到$78，都真係幾貴，成煲野一隻蝦，一隻青口，一條蟹柳，兩片好似擦膠甘既飽片🤦🏻‍♀️成煲野無乜味，普通到我唔識得點去形容😂性價比太低。芥末牛柳粒嘩！呢碟野真係不得了，一路食一路流眼水，放得太多芥末啦！d菇炸過黎再炒，好香口好好食，但d牛占滿芥末，有好幾舊都青BB綠色🤢🤢🤕食到怕怕，平時食牛柳粒係唔會食淨，但今次真係頂唔順，好努力甘食都仲淨三分一。

早餐的確係每日最緊要嘅一餐，唔食飽嘅直係咩動力都無呢間茶餐廳喺屋企附近，雖然名係咖啡室，但的確係一間茶餐廳今日嚟食早餐，早餐款式都多選擇，價錢都ok，我都揀左一陣，再俾枱面玻璃下嘅一張餐牌吸引左呢度竟然有綠茶牛奶飲，點都要試下！😍同朋友一人一個早餐set，都係傳統麵餐！好扺每人都係$30，仲要跟餐係牛油多士，唔係牛油麵包！👍🏻俾呢個餐牌吸引左我，跟餐+3可以轉綠茶味夠濃，唔似台式奶味重，係奶唔夠滑差啲😙