瓊媽媽 (皇后大道東)

營業中

休息中

今日突然想食海南雞，平時食開間餐廳full左，去左隔離街想食返之前勁好食嗰間海南雞先知佢執左，唯有食瓊媽媽。點解用唯有呢，係因為幾年前食過一次，覺得佢啲雞肉肉質好差，之後都無再食，但係得一個鐘食飯執唔到搵第二間喇，唯有俾多次機會瓊媽媽啦。懶人唔想食骨所以都係叫左無骨海南雞，揀左菜飯好似好健康。賣相唔差架，份量都好足，可惜既係佢既雞肉肉質好差，完全唔滑，又鞋又難咬，同幾偉前一鬼樣，個雞肉痴牙，仲搞到流牙血！以後唔會再食！不過呢，講味道，雞味都還好，個菜飯其實唔錯，又健康，另外個湯更加想讚，好甜好好味，飲完無口乾！為左個湯同菜飯，應該下次再試下其他餸。海南雞就不了！

瓊媽媽 (皇后大道東) 灣仔排場龍外賣店！💠💠💠💠💠💠💠💠細細間係外賣店係人來人往既皇后大道東，每日都好多人排隊，今日終於有機會試試~有多款lunch set選擇！而且仲有輕食碗仔飯 ($22-$26)，岩曬平時食量細既人~ 不過今日試下佢地既regular size lunch set~ 💠霸王雞菜飯 $36- 菜飯 +$2飯量好多，一大盒菜飯，同7件雞！性價比超高！！鷄肉啖啖肉同嫩，對得住價錢！而且雞下面都有好多芽菜，配搭特製豉油送菜飯好好味啊~~餐廳環境：🩵🩵🩵🩵🩵/5 【外賣】服務質素：🌸🌸🌸🌸/5 食物味道：😋😋😋😋/5 性價比：💰💰💰💰💰/5瓊媽媽 (皇后大道東) 📍皇后大道東162號地下B號舖

之前吃了好多次瓊媽媽（皇后大道東）去骨海南雞飯，都好OK。今日是週六，可能客人少，竟然雪櫃剛拿出來的海南雞和配菜，就包給客人，啲雞肉和配菜非常冰冷，雞肉有啲「霉」，吃了胃都不舒服了一陣…其實花小小心思，解凍下啲餸菜，不是一件困難或高成本的事情吧？…唔係個個客人都方便自己叮番熱啲餸吖！只是員工是否有心為客人著想…. 是否將心比心而已⋯⋯附近都新開了兩間兩餸飯舖頭，啲飯更加便宜，有了兩餸飯的競爭，還這樣差劣的方式趕客⋯⋯都有啲無語了…

今天是返工的星期一😙，好想食海南雞飯，梗係搵🙆🏻‍♀️瓊媽媽啦，瓊媽媽店舖只能做外賣並沒有坐位的，雖然店舖細細但已經有他們的熟客打電話來訂餐了，不過我的外賣很快就有了，今天的天氣真的太熱，我便趕快回公司吃飯。我點了無骨海南雞油飯跟例湯$54，海南雞都算幾滑連醬汁好好味，湯🥣是水瓜煲紅蘿蔔🥕粟米🌽，好甜，飯🍚都是滿滿的⋯。今次給我意外驚喜的是這個湯比較出色，可能是天氣很熱有啖湯水可以解喝吧！

原本好掛住佢哋個靚湯殊不知今日收到盒午餐（無骨海南雞配油飯）⋯⋯一打開個盒即時令我產生懷疑⋯⋯ 真的是我在網上點的是否同款？先試第一啖雞，大跌眼鏡，食燒味鋪頭既白切雞可能仲正一個字形容：鞋兩個字形容：難食三個字形空：搞唔掂下次再去可能要絕對絕對諗清諗楚先至好作決定曬

越做越衰，唔知咩事。有圖有真相。骨多無肉。初初開業嗰陣都幫襯過好幾次，覺得佢CP值好高，之前都係嗌開無骨海南雞，今次嗌咗普通海南雞即刻賴嘢，從來未食過咁差嘅，淨係得啲骨完全都冇肉，唔怪之得執吓有一間，睇嚟灣仔呢間都唔捱得好耐。

同事一齊買外賣🥡，原本想買車仔面，行行下經過瓊媽媽👩🏻，平時十幾人門口等，今日竟然無人等，決定叫外賣🥡，叫咗無骨海南雞（$50）升呢菜飯（+$2），送例湯，等咗3分鐘度就有，同杯面一樣。返到office打開，見雞🐔都滑，食過証實有一半滑，可惜有薑蓉，我唔鐘意薑，送甜豉油，點雞🐔食正。菜飯一般。例湯都足料，有粟米🌽、蘿蔔、瓜同蜜棗。

返工最煩就係諗食咩🤯🤯唔想喺餐廳食最好就係買外賣唔知點解灣仔呢頭特別多海南雞飯🐥🐥但係價錢都爭好遠呢兩日就試咗一間叫瓊媽媽既雞飯專門店佢都有幾多選擇淨係雞都有好多種（口水雞、海南雞、香蔥雞、霸王雞、沙薑雞、手撕雞）另外佢都有啲咖喱種類嘅飯（牛腩、豬扒、雞扒）飯可以揀油飯、白飯或者菜飯咁我就比較鍾意佢個油飯但係都要睇狀態（有時可能冇咁乾身，會有啲濕）通常佢都會比雞翼或者雞胸嘅部位就好少有雞髀但係肉質都唔會話好鞋同埋佢啲醬汁都做得唔錯回頭率90%，喺灣仔區返工呢一間CP值絕對係好高$40都唔洗食個飯，仲要唔係頹飯，絕對係一個想慳錢但係又冇飯帶嘅恩物

番得灣仔嘅 應該對瓊媽媽唔陌生lunch 門口都實有一堆人 皆因性價比極高不過睇番 原來瓊媽媽都有其他分店食過 口水雞 無骨海南雞 沙薑雞 霸王雞咖喱雞扒飯 咖喱豬扒飯 最like 都係雞如果唔想等可以提早15分鐘打電話落單喇

瓊媽媽當我lunch諗唔到食咩時好多時候都係買佢只因佢性價比高35-50$左右一個飯味道不錯　但要嚴格要求的話佢既雞唔算滑但口水雞 手撕雞等調味都不錯而且可以轉菜飯!!手撕雞係凍食份量絕對夠女士一餐仲會跟湯~可以揀走渣 可以揀走渣 可以揀走渣 可以揀走渣 可以揀走渣仲意飲湯既人既福音!!而且佢D湯仲幾好飲唔味精

之前有同事買過瓊媽媽的雞飯回辦公室請我等一眾損友吃，大家都給了讚。小人喜聞家的附近開了一間分店，某日午餐便買來吃。午市的有無骨海南雞飯餐$45，小人加$4要了雞油飯，此外還有一碗例湯。先說主打去了骨的海南雞，雞肉軟腍細滑，且有雞味；醬料無需多，雖然只有薑茸和豉油，經已夠味夠香。加了錢的雞油飯則只有淡淡的雞油香，若然追求要充滿雞油香的話，不建議要這個飯。例湯好像是冬瓜湯之類，喝得出沒有味精。好吃之餘，價錢還很合理。

我媽媽前2日自己去買飯, 想買海南雞飯, 要雞背脊, 收銀可能聽錯咗係雞半隻, 俾我媽媽話, 我媽媽一開始都冇鬧佢, 但唔知係唔係收銀條氣唔順, 冇入到單, 要個70幾歲嘅老人家喺條街度係咁等, 遲過佢買嘢嘅客人都拎咗外賣走曬, 等到冇晒人, 裏面廚房見仲有個老人家企喺出面, 先出嚟揾單, 我諗就算大家有誤會起咗衝突, 都唔好難為個老人家係咁企, 收銀見到仲有客人未有外賣, 都好應該要跟進一下, 最後不歡而散又有咩好處呢, 反而快啲整好個飯出嚟畀客人拎走咪仲好

今日偷偷地出左去灣仔午餐， 其實真係好多選擇😋。 價錢亦有平民價。（5⭐️係最高）深海龍利柳（咖喱汁）配夜香菜飯送湯（4.5⭐️）其實份量好大， 有1.5碗菜飯。 有一條龍利柳， 洋蔥及數粒薯仔。 咖喱味以香辣為主， 相反析香味唔算重身🫣。由於天氣好熱， 今日例湯係冬瓜豬骨湯， 正呀👍🏻👍🏻。飲得出無味精😍😍

尋日星期五唔想帶飯返工鬆一鬆俾我發堀到瓊媽媽🐔見好似好抵食咁就去試下啦🍽海南雞飯配冬瓜湯，轉雞脾，轉菜飯呢個飯呢個海南雞好嫩d肉，又大件，好味道！菜飯好有驚喜，我食到有少少嘅麻油香味，好特別，菜碎都唔少架。呢個海南雞個底係舖滿芽菜，之前都擔心海南雞飯得雞和飯，我覺得幾好因為有多d纖維量，增加飽足感。👍👍唯一我覺得個冬瓜湯湯底好甜😅不似一般海南冬瓜湯，我只試了一口。我見外賣自取時都好多人排隊，應該反應唔錯。今餐因為有openrice減10元優惠，所以都係46元吃到飽了，開心🥳

今日要買午餐外賣返公司食，諗起瓊媽媽個豬軟骨飯所以過去買，點知去到已經一早買曬，最後唯有食口水雞菜飯加例湯。估你唔到價錢非常超值，如果我食白飯只係35蚊加所以加多兩蚊要埋個菜飯。攞到返公司見碟頭都幾大，先試咗個例湯係合掌瓜蘿蔔煲豬肉，味道幾清甜加8蚊都值得飲, 有住家湯水嘅感覺唔錯。而口水雞以呢個價錢同埋份量我覺得係抵食嘅，佢個口水雞醬汁唔同一般四川菜做法，佢應該落咗少少花生醬，我覺得一啲都唔辣，所以同正宗四川菜有啲出入。而雞既下面就放咗啲芽菜。雞既嫩滑程度一般正常水平，而醬汁我就鍾意正宗四川菜嘅口水雞多啲，但佢啲雞斬得唔好勁多碎骨，如果老人家食真係要小心。菜飯方面都幾多菜就淡而無味，唔知係咪因為要健康啲少鹽少糖呢？整體嚟講我覺得呢餐飯絕對對得起佢個價錢，因為我唔加例湯只係$37，加例湯再畀多8蚊，但味道我覺得係正常水平，可以一試，但抵食。因我喺北角店食個豬軟骨同咖哩牛腩飯都唔錯，下次如果想食豬軟骨唯有中午十二點之前叫定，如果唔係都唔使諗。