瓊芳冰廳

營業中

休息中

叫個雜排飯等咗差唔多半個鐘先黎，催店員店員又唔爽，嘢都未講完就講好好好，連我哋問咩都未清楚，坐我哋後邊台客雞排飯又冇黎，店員就好聲好氣道歉，仲話咩你哋等咁耐俾返啲小食你哋補償返，佢哋話食唔落仲問佢哋要唔要外賣打包攞走，佢又等半個鐘我又等半個鐘就唔理我哋，人哋著西裝打tie就高地位啲？嗰餐黎到，兩個雜排餐可以一個有多條腸一個少條腸，出餐嗰個有咩問題？同店員反應仲要好似我乞佢俾條腸咁，仲要串串供咁講俾你俾你俾你，俾就俾洗唔洗講咁多次？本身就係我俾錢叫嘅，唔想做生意可以唔做。

路過食個下午茶，睇個餐都幾抵食，點知蛋撻一早賣晒，就轉食我最鍾意既常餐沙嗲牛肉麵+雙蛋雙腸多士，份量十足，飽到夜晚個餐都唔使食！環境夠新清潔，侍應服務都夠快，可惜埋單只收電子消費，仲要咁啱八達通機壞咗，差啲無錢埋單，但整體質素滿意，有下次👍🏻

南區開左新商場後我經常幫襯瓊芳，因為佢環境衛生，座位闊落，帶小朋友去都坐得舒服，而且服務態度都令我滿意，員工有禮貌，見到有小朋友會主動準備碗仔，值得表揚我個人很喜歡他們的常餐，塊包夠熱，飲品方面都保持水準，(起碼叫凍檸茶少甜少冰真係有明顯效果)小朋友超愛紅豆冰，所以個人覺得值得幫襯！

來吃過兩次了，第一次是等我的飯，黯然銷魂飯真係叫人等的黯然銷魂，等了二十幾分鐘才上！今日又跟朋友來吃麵，一碗沙嗲牛肉麵要等半個鐘！！！半個鐘多都不上！落單半個鐘，催了好幾次也沒用！！千萬別來這家店！超級浪費時間，前台也沒有人。每次都要等好耐才上餐！！！真係好失望的一家店，很浪費時間浪費時間浪費時間浪費時間。等半小时也不上菜的一家店，每次来都至少等半个小时才上餐，要催无数次也没用。实在是太糟糕了这个厨房

我特別喜歡他們的奶茶，香滑濃郁很好 服務質素也讓我感到驚喜。服務員友好，總是面帶微笑，他們能夠迅速回答我們的問題，即使在高峰時段，他們也能保持高效的服務，都能享受到愉快的用餐

身為一個公仔麵愛好者,我最近發現了一家令人驚艷的餐廳 - 瓊方。他們的招牌菜「瓊方豬潤公仔麵」絕對是一道不容錯過的美食。首先,麵條口感軟糯有勁,吸收了湯頭中豬骨的鮮美滋味。搭配上嫩滑的炒蛋和香脆的多士,整個組合令人回味無窮。而那冰涼順滑的凍牛奶更是完美地中和了麵條的鹹鮮,為這頓午餐增添了清新爽快的感受。此外,餐廳的環境也相當雅致,服務人員態度親切,讓整個用餐過程都充滿了愉悅感。我真心推薦大家一定要來嚐嚐這家的「瓊方豬潤公仔麵」,相信絕對會成為你的新最愛!

當天大概下午2點半左右， 我們點了蔥油豬扒飯， 常餐，兩杯餐飲。 常餐既湯麵和豬扒飯大概20分鐘左右到， 但是常餐的腸仔炒蛋就要再等多15分鐘才到， 嗰時湯麵已經食完了。 之後兩杯飲品追了三四次都未有， 隔離位食常餐的都是欠飲品， 侍應都沒有真真正正去追， 之後又話廚房食緊飯。 如果廚房真係食緊飯， 廚房無人， 不如落場啦， 點解仲要開門。 😠喺啱啱坐低嗰陣， 隔離枱都食晒野， 諗住走嗰陣先至上份公司三文治， 嗰枱客都等左咁耐都冇， 野都食完， 話諗住飲埋杯嘢都埋單走。其實呢間集團餐廳一般都係咁， 上餐又慢又亂， 到埋單嗰陣仲要唔收現金😒，如果係老人家無電子支付， 八達通又無錢， 咁點算🤬唔推薦， 也不會再去😡

本人已經去過呢間冰室幾次，但是差不多一個月前因為等食物等得太耐，所以沒有再去，直至我前天有朋友約我去，自己心裡都不太想再去，但朋友已經坐低了，咁我就再去。我點了黯然銷魂飯及凍奶茶，當時是午飯時間，心想唔知又要等幾耐，但這次竟然不到5分鐘便已經有了，更令我出乎意料的是這碗黯然銷魂飯的賣相真的很吸引，不知道是否換了廚師，而樓面的侍應比起我上次黎多左好多個，真心說整體改變真的改善了很多，看到那經理在問其他客人食品到齊未，他主動幫客人追單，其他侍應都好留意客人需要，這方面的改善不得不讚，希望他們可以保持這樣的水準吧。

叫得個飯做黯然銷魂飯，收我比普通叉燒飯貴咁多，我真係唔expect啲叉燒咁鞋又咁乾！今次係第二次黎，上次我比次機會佢，算，兩次都係咁，真心唔得。係環境方面，張張椅子都有食物碎屑，叫咗兩次先有人抹一抹。係Southside依個新商場，間餐廳本來裝修得幾靚，但清潔衞生做得唔到位。。。

落單落左20分鐘，叫侍應跟一跟張單。30分鐘都未到，再叫侍應跟，又話跟左。又話個廚師唔知去左邊，又話未整。最後白等半個鐘，取消張單！建議唔洗再黎食！本身好肚餓，都等到唔肚餓，火都黎！

The southside 係幾多野食選擇，吸引力仲好過落返香港仔食。但今晚星期五商場就比較多少少人，想食的餐廳又太多人排隊，咁商場食店有平有貴嘅，所以是但食間茶記先，星期一至四先試吓其他吧⋯⋯我估星期六日maybe 會好多人. 入去都有位，但大約都坐左六七成…..叫左個茶餐和牛扒餐⋯⋯見到樓面人手不足，好在未坐滿，但野食都正常速度，唔算太慢…. 野食都正常嘅，一般茶餐廳level 啦，醫飽個肚就ok la 😂😂😂暫時冇cash 服務，只收電子交易.

肉醬意粉都要30分鐘先上菜～唔駛焗架喎。咖哩雞扒飯40分鐘都唔得～這個速度仲慢過去餐廳。趕時間千萬不要去！門口好多人等位會誤會餐廳啲嘢好好食，其實食物好一般，全因上菜慢。

叫咗兩個餐，其中一個餐到咗，兩碗湯都未到。催左一次先俾到一碗湯應付下我先 。之後飯都食完湯都飲咗，仲有一碗湯同一個餐都未俾到我。由叫完餐等咗差唔多30分鐘先有第二碗湯到。但係仲有一碟飯仲未到就搵左咗經理，個經理話幫我催下廚房，但等咗20分鐘都未有😵之後再問個經理，佢話叫咗廚房幫我盡快整我個餐先，不過要等5分鐘先有。最後過咗5分鐘都係乜都冇再問另一個員工 ，佢問返我仲差邊一個餐 即係之前根本就冇人認真幫我追過個餐最後差唔多成個鐘先俾到另一個餐俾我 但係仲係錯咗隔籬枱遲過我到都有飯食 我要三催四請問啲員工幾時先有飯食 點知個個都係敷衍我🙃其間係一句唔好意思都冇 好似等一個鐘先有飯食係好正常咁出菜慢 服務質素又差 要茄汁又話冇 廚房同樓面亂晒籠 俾錢買難受 唔知咩餐廳嚟

食過幾次常餐 唔知點解都係麵先上 多士太陽蛋腸仔都係後上 其實後上都唔係問題 但唔知點解等咁耐都係凍嘅 今日再去試多次 結果都一樣 最後我忍唔住就叫人 問點解次次都係凍 佢哋乜都冇講就換過一份熱嘅俾我 好喇 食完出去埋單 一個人都無 我企左係出面幾分鐘都無人出嚟 我就行返入去叫人 點知又等左一陣都係無人出嚟 係我後面都仲有個人等緊 我又要再入去叫人出嚟收錢 ⋯⋯想俾個錢都咁難嘅今時今日咁嘅服務 真係會趕走晒啲客唔怪得有咁多人都上晒大陸食飯囉⋯⋯

超冇禮貌 埋單過唔到數唔係即刻發現 我地走左差唔多3分鐘先知 追出嚟好無禮貌話過唔到數 西晒面又口噏噏 我地話佢冇禮貌仲話叫左我地好多聲 一句唔好意思/Sorry 都冇 唔知佢點做到經理！