甘甘好蔗 (已搬遷) 新店位置

我自己細細個已經幾鐘意飲庶汁 路過見到旺角肥姐隔離 開左主打甘庶茶飲既店就試下 原來甘庶都可以有咁多mix and match😯✨甘庶青茶 $28上層係甘庶汁 下層係御翠烏龍青茶 無添加糖份 撈勻飲用 甘庶既清甜同青茶既甘味配合得宜 唔會好甜又解渴 好適合轉季滋潤下☺️✨甘庶蜜瓜 $34呢款係甘庶汁同蜜瓜汁調配而成 入口蜜瓜味好重 自然既果香味 原來同甘庶汁都幾夾 比青茶就甜啲 有啲果肉粒粒咬下 喜歡果汁感既不要錯過啊🍈🎉依家店舖有優惠 係社交平台分享 有第二杯半價啊 快啲去試下啦🙋🏻‍♀️🍽️ 甘甘好蔗 #旺角sis📍 旺角登打士街55號鴻達樓地下6號舖🚆 油麻地A2出口，步行約5分鐘

肥姐小食隔離原來開咗一間新嘅手搖飲品，相對珍珠奶茶會健康啲🤣決定一試呀！全間店都係主打蔗汁嘅，平時都唔算多飲！佢寫明係全港首創添呀😝價錢亦都合理嘅！甘蔗青茶 $33加咗$3要蘆薈增加口感，幻想自己飲緊珍珠奶茶🤣好清！好舒服個感覺！而且茶底係烏龍茶，好夠茶味！蔗杯檸檬 $32又幾特別!!略略覺得酸咗啲，而個蔗汁味相對無咁濃🤣不過熱辣辣飲好消薯！最正後面有得打卡影相😆👍🏼好有香港style!有心思❤️

今日同老婆行開旺角，佢就嘈住好熱好熱，所以搵一杯解渴嘅飲品係相當重要。除咗珍珠奶茶、奶蓋烏龍茶之外，近排發現咗呢一間蔗汁店，而且種類更加係超乎我嘅想像！老婆鍾意加入水果元素，所以揀咗蜜瓜，除此之外仲有百香果、草莓、西瓜等等，飲落去嘅第一啖非常之透心涼。而我就俾佢嘅美式蔗汁所吸引，底部嘅蔗汁鮮榨出嚟，面頭加上左美式咖啡，做出一個漸層，飲之前記住攪拌一下，甘甘甜甜咁都幾特別。飲完之後老婆同我都即刻變得涼快。

全港首間蔗汁主題茶飲店🫣 小店主打新鮮即搾蔗汁飲品 更有蔗汁美式咖啡 別具特色 夏日炎炎解暑一流！蔗汁飲品帶得自選固定甜度 但調出黎絕對唔會過甜！都好自然 感覺健康(⁎⁍̴̛ᴗ⁍̴̛⁎)====᪥ 蔗杯西瓜以西瓜汁混合鮮搾蔗汁 香甜可口 清甜解暑 賣相都好吸睛🤩᪥ 蔗杯鳳梨以鳳梨汁混合鮮搾蔗汁 鳳梨果香十足᪥ 鮮橙檸檬茶 以御翠烏龍茶為茶底 而鮮橙味較出 ᪥ 班蘭椰奶椰奶幼滑又香濃 加上班蘭汁更有層次感～買返屋企一人一杯😆 個個都話正！

見到呢間嘢飲店用蔗汁做唔主題覺得好特別 ..唔知係咪全港首創呢？ ？🤩我自己本身好鍾意飲蔗汁而且好鍾意嗰種青青甜甜嘅味道👅今次同朋友叫咗2杯試吓..飲品嘅選擇都算多蔗汁好似感覺上健康啲😆🩵甘蔗青茶加蘆薈 $33清甜甘香 蘆薈粒增加咗飲品口感🩵越式班蘭檸檬茶 $32班蘭味好出 配埋檸檬 整體感覺都幾夾比起普通檸檬茶多咗浸清香味飲落去冇苦澀嘅味道☺️整體嚟講飲品嘅味道都幾好比起珍珠奶茶係清甜而唔係死甜🤭本身我都唔係特別鍾意太甜嘅飲品因為成日飲甜嘢對皮膚都唔好😂下次經過都會再試吓其他👍🍽飲品店環境：🧡🧡🧡💛💛🙋🏻‍♀️服務：🧡🧡🧡🧡🧡👨🏻‍🍳👩🏻‍🍳味道：🧡🧡🧡🧡💛💲性價比：🧡🧡🧡🧡💛(5🧡最高)

天氣熱梗係要飲返杯蔗汁清熱，見到依間有好多款式嘅蔗汁飲品，一於就試吓🤓📌有蔗汁加茶、蔗汁加果汁，或者手打檸檬茶系列，大部修配搭都好新穎，唔試過都唔知係咩味🔻鮮榨甘蔗汁($28)即叫即榨好新鮮，無加糖👍飲到天然甘蔗嘅甜味，唔係死甜🤩➡️ Lamlam脷指數 😋😋😋😋😋 (5/5)🔻甘蔗青茶($28)甘蔗汁加御翠烏龍青茶，分開兩層飲可以先試下茶味，搖勻後飲可以中和甘蔗汁嘅甜味，整體嚟講無鮮榨甘蔗汁咁甜👍➡️ Lamlam脷指數 😋😋😋😋😋 (5/5)➡️ 整體評價: 天然甘蔗好新鮮又健康，除咗台式飲品店外，又一個解渴嘅好選擇🥰➡️ Encore指數 ⭐️⭐️⭐️⭐️⭐️ (5/5)

日日飲台式日日飲到驚，不如轉下口味飲下清甜蔗汁四個女仔每人叫咗一杯，試足四種口味甘蔗美式$32叫美式咖啡又怕苦，加咗蔗汁就唔驚用左天然蔗汁，甜味即刻唔會artificial 咖啡甜甜地，唔會苦澀，卡路里低甘蔗青茶$28青茶好Fresh，似似緊醇蔗汁，但又有點茶香斑蘭椰奶$34Coconut milk 好香滑，有埋斑蘭香的點綴，味道清新得黎又香蔗打檸檬$$32想要少少酸味可以簡蔗打檸檬，用左檸檬酸撞撞蔗汁的甜味，味道幾得意

🌞天氣咁熱，平時出街都好鐘意買手搖茶，經過見到新開既茶飲店，亦係香港第一間以蔗汁為主題既茶飲❤️🔸甘蔗青茶飲品漸變色好靚😍底層係鮮榨蔗汁，面頭係青茶🍵味道唔會好甜，甜味來自蔗汁，🌱茶味香濃回甘🔸蔗杯美式蔗汁加齋啡🫣配搭非常特別，味道出奇地夾，☕️咖啡既甘味比蔗汁既甜味中和左，幾創新🔸斑蘭椰奶人氣飲品❣️用左斑蘭醬做掛杯，🥥椰汁味香濃，入口順滑，加埋斑蘭既香味，唔會死甜超好飲，飲品入面仲加左新鮮既斑蘭葉🔸蔗打檸檬🍋手打檸檬加埋蔗汁，開頭都擔心會好酸😵‍💫選用左香水檸檬，味道相對無咁酸，仲有種獨特既香茅味

🥤旺角手搖飲品眾多, 離不開大熱的手打檸檬茶, 珍珠奶茶🧋, 純茶🫖等🫣近日喺”肥X小食”旁邊新開咗間特色飲品店🤩>>全港首間甘蔗主題茶飲店🎋<<✅提供多款創新飲品✨: 🎋蔗汁＋茶🫖 /蔗汁＋咖啡☕️/ 蔗汁＋水果🍈🍑🍊另有大熱的手打檸檬茶🍋等選擇～🥛班蘭椰奶都好吸引, 下次試試先🤤～🎋甘蔗即叫即榨, 十分鮮甜😌因為甘蔗本身含🈶蔗糖❌所以冇額外添加糖份❌⭐️係更輕盈更健康的茶飲選擇🥳🔍甘蔗：清熱解毒、生津止渴、滋陰潤燥✔️好適合轉季, 🍂秋季口乾時候飲👍🏻🔸蔗杯美式 $38 7.5/10😻漸變色好靚, 上啡下青🤎☕️平時飲美式有時會怕好苦, 呢款加咗鮮榨蔗汁🎋甘蔗清甜, 帶淡淡咖啡的餘韻😚🤪有驚喜, 蔗汁x咖啡又幾夾啵🤭🔸蔗打檸檬 $32 7/10🍋檸檬的酸味中和咗蔗汁甜度整體幾fresh🙌🏻🔸金鳳梨檸檬茶 $34 7/10滿滿的金鳳梨果肉🍍酸酸甜甜, 好清新開胃😌🔸白桃檸檬茶 $32 7/10底部有好多白桃果粒🍑👄推薦俾中意”有咬口”嘅朋友～

食完飯好口渴，行緊去搭車返屋企，見到呢間新開嘅店舖。見佢主打招牌係蔗汁，成個裝修設計都好得意，掂過碌蔗。標榜係全港首創甘蔗茶飲，而且做緊優惠，喺社交平台分享，第二杯半價。試咗兩杯推介飲品。$32 黑加倫子檸檬茶檸檬茶飲得多，黑加侖子味嘅，都係第一次飲。同最近大熱嘅手打檸檬茶味道好似，除咗有檸檬嘅fresh，仲有少少甜味，夏天飲好正！$34 🍈蔗杯蜜瓜呢杯係蔗汁配蜜瓜汁。從來冇諗過蔗汁可以配蜜瓜汁，呢杯同檸檬茶係相反，偏向果汁味重。入口飲到蜜瓜嘅香甜，之後有蔗汁嘅回甘，唔會過甜。

幾個同事一齊放lunch食完飯點都係會想買杯飲品返Office提神，今日經過見到一間新開嘅蔗汁主題茶飲店，我哋幾個決定要寵幸下佢！咁為食嘅我，見到呢類型咁新穎嘅配搭，梗係每杯妹都偷啖飲下啦！🥤蔗杯檸檬四杯飲品當中，我本人最推薦蔗杯檸檬！佢哋選用左香水檸檬，獨有嘅香味配埋蔗汁嘅甜，飲落去非常清新，一改我以為蔗汁淨係一味死甜嘅觀感！非常值得一試！🥤蔗杯美式其中一個同事話佢好眼瞓，所以就試咗杯蔗汁咖啡！聽到佢個配搭好奇怪，點知試一啖，飲落去竟然好似食咖啡糖嘅味，一啲都唔奇怪，而且好夾！如果你平時怕Americano太苦，呢個你就可以試吓啦！🥤蔗杯白桃白桃味飲落去有清新嘅桃香之餘仲有好多白桃果粒，都係唔錯嘅配搭！🥤黑倫子檸檬茶有個同事唔飲蔗汁，就試咗佢哋嘅黑加倫子手打檸檬茶！茶底採用御翠烏龍青，配上黑加倫子同埋檸檬，唔會好甜，而且偏酸，鍾意酸嘅朋友記得試吓啦！基本上而家好多茶飲店都主打做珍珠奶茶，今日見到呢個第一間主打做蔗汁感覺好新鮮，你哋快啲去試吓啦！甘甘好蔗 (旺角)旺角登打士街55號鴻達樓地下6號舖

細細個成日飲甘蔗汁，最鍾意佢既清甜，唔似一般茶飲要添加額外糖份，飲得更健康。最近旺角新開左一間蔗汁店，兒時回憶番晒黎! 佢仲係香港第一間以蔗汁為主題既茶飲店，每一杯蔗汁都係用原條竹蔗即刻壓縮而成，仲可以混合唔同果汁。除左蔗汁仲有班蘭特飲同宜家人氣的手打檸檬茶，好多款式比你選擇! 大家去開旺角掃街食完邪惡野，飲番杯健康蔗汁中和一下，真係唔錯架！蔗杯蜜瓜 $34熱賣茶飲之一，鮮榨甘蔗汁，再加入多汁蜜瓜，味道十分清爽甘甜。仲有切碎咗嘅粒粒鮮甜蜜瓜肉，真材實料，口感一流!蔗杯鳳梨 $32同樣用鮮甜甘蔗汁做底，加入新鮮菠蘿，菠蘿酸酸甜甜，配埋蔗汁甜度剛剛好，仲有粒粒菠蘿肉架! 班蘭生椰拿鐵 $40除了蔗汁飲品，佢地既班蘭飲品同樣出色！賣相好靚!拿鐵入口又香又滑，椰奶有濃郁椰子香，杯入面放左一片班蘭葉，加入班蘭糖漿，好夾好好飲! 黑加倫子檸檬茶 $32近期流行飲手打檸檬茶，小店用上御翠烏龍青茶，茶味香醇濃厚。加入青檸，不酸不澀，富有濃郁芳香，解膩解渴一流!

香港好少見到專賣甘蔗汁嘅鋪頭！呢間蔗汁仲會混合唔同果汁，款式十分多✨味道原來都好夾~而且店員都十分有禮有誠意🤩▪️甘蔗青茶 ($28)🎋上層係甘蔗汁，下層係御翠烏龍青茶。可以先分開兩層飲~撈勻之後茶味好出！但又唔會苦因為䉀汁甜味可以平衡返✨▪班蘭椰奶($34)🥥呢杯都係佢哋招牌之一🌟用上生椰乳調製，第一啖已經係超香椰奶味！入面放左一片班蘭葉，底下有班蘭糖漿呢💚記得撈勻飲呀~▪蔗杯密瓜($34)🍈真係未試過蜜瓜加蔗汁呢個配搭！估唔到十分清甜好飲飲到有切碎咗嘅粒粒鮮甜蜜瓜肉。見到仲會有白桃、西瓜、葡萄等甘蔗汁可以選擇 唔試唔知原來咁夾😋▪港式爆打檸檬茶($28)🍋除左甘蔗汁之外，佢地仲有特色手打檸檬茶系列。呢杯用上錫蘭紅茶，茶味好濃。如果中意茶餐廳檸茶嘅澀味可以試呢杯！😋🌟而家店舖做緊優惠活動！在任何社交平台分享店舖資訊，即可享第二杯半價優惠🌟.✍🏻整體:店舖除咗甘蔗汁，仲有好多選擇！而甘蔗汁清甜解渴，又比起普通茶飲店更健康呢😋

平時出街飲台式飲品店，不外乎都係茶飲/珍珠奶茶🧋，今次👧🏻就同同事買咗新開嘅蔗汁飲品，蔗汁仲要係即叫即榨，蔗汁類飲品又冇另外加糖，夠曬健康又夠創新！大家出開旺角都可以一試！另外佢地有款好特別嘅飲品 - 蔗杯美式，原來蔗汁同咖啡☕️都可以Mix埋嚟飲，下次有機會都想試下！🌟蔗打檸檬🍋+原味晶球而家好興手打檸檬茶，而呢到嘅蔗打檸檬🍋就用咗同一個原理，先用機器打檸檬再混入蔗汁。檸檬帶有少少酸澀味，同蔗汁平衡得非常之好，味道清新飲落唔會覺得太甜！🌟斑蘭椰奶雖然呢間係一間甘蔗飲品專門店，但係佢哋竟然有斑斕味飲品！斑斕味天然不造作，椰奶有濃郁椰子香🥥。杯邊仲有少量斑蘭糖漿，又有斑蘭葉做裝飾，同事激讚呢杯飲品！🌟蔗杯白桃如果鍾意有啲咬口，叫呢杯蔗杯白桃就岩曬！杯底有唔少白桃果粒，蔗汁亦混入白桃🍑，較為香甜。🌟蔗杯葡萄🍇👧🏻就叫咗蔗杯葡萄，店員先舂爛新鮮嘅提子同冰，再混入蔗汁，可以咬到提子果肉，蔗汁味亦得以保留。

食完嘢喺旺角行過登打士街想飲嘢但係間間都差唔多竟然見到這一間賣甘蔗配果汁嘅茶飲店 真係未試過就試下買第二杯仲有半價，咁冇理由唔買兩杯㗎好快就揀咗 蔗杯鮮橙蔗杯白桃店員提醒我哋記得要拎粗飲筒蔗杯橙橙因為甜度冰度都冇得少原本都好怕佢太甜飲落唔會太甜，啖啖都係天然嘅蔗汁甜味 底嗰度勁多橙肉， 唔怪之得話要用粗飲管 橙同蔗汁嘅味竟然係都幾夾蔗杯白桃同樣地甜同冰都冇得都係冇得揀但係覺得各樣都配合得好好底嗰度有超級多白桃肉，冇諗過係咁正覺得這間飲品店真係同平時嗰啲果唔同經過真係一定要試下