甘甘好蔗 (已搬遷) 新店位置

平時出街飲台式飲品店，不外乎都係茶飲/珍珠奶茶🧋，今次👧🏻就同同事買咗新開嘅蔗汁飲品，蔗汁仲要係即叫即榨，蔗汁類飲品又冇另外加糖，夠曬健康又夠創新！大家出開旺角都可以一試！另外佢地有款好特別嘅飲品 - 蔗杯美式，原來蔗汁同咖啡☕️都可以Mix埋嚟飲，下次有機會都想試下！🌟蔗打檸檬🍋+原味晶球而家好興手打檸檬茶，而呢到嘅蔗打檸檬🍋就用咗同一個原理，先用機器打檸檬再混入蔗汁。檸檬帶有少少酸澀味，同蔗汁平衡得非常之好，味道清新飲落唔會覺得太甜！🌟斑蘭椰奶雖然呢間係一間甘蔗飲品專門店，但係佢哋竟然有斑斕味飲品！斑斕味天然不造作，椰奶有濃郁椰子香🥥。杯邊仲有少量斑蘭糖漿，又有斑蘭葉做裝飾，同事激讚呢杯飲品！🌟蔗杯白桃如果鍾意有啲咬口，叫呢杯蔗杯白桃就岩曬！杯底有唔少白桃果粒，蔗汁亦混入白桃🍑，較為香甜。🌟蔗杯葡萄🍇👧🏻就叫咗蔗杯葡萄，店員先舂爛新鮮嘅提子同冰，再混入蔗汁，可以咬到提子果肉，蔗汁味亦得以保留。