甜姨姨 (煙廠街)

營業中

休息中

📍甜姨姨🍧400次髒髒Kitkat冰第一啖係好濃烈嘅咖啡味頂層係一坺好濃嘅咖啡cream 濃到苦嘅程度面頭有朱古力粉 食走面頭嘅冰就會見到美祿粉冰中間有球朱古力雪糕格外有朱古力水(因為都好稀下)俾你淋落冰度食到中間啲冰係真係無咩味🍧黑極(海邊走走)黑芝麻味嘅沙冰 芝麻味都ok濃中間個黑芝麻雪糕好食底層有豆腐花但得好少好少 少到得一兩啖？面頭有舊台灣好出名嘅海邊走走芝麻蛋卷都係有配黑芝麻水淋落沙冰度 正正常常啦 想直接食芝麻糊多啲

播緊天與地嗰個年代，天后店成日排曬長龍黎食佢嘅豆腐花。嗰陣嘅質素真係幾唔錯，價錢又合理。自從開左銅鑼灣分店之後，見到價錢越黎越進取，甜品款式越黎越多但原本嘅野就整得越黎越差，所以都好幾年無幫襯過。今日行經旺角，本身係諗住去食另一間出名嘅Kakigori，點知中途發現呢度開多左間甜姨姨，又見到最出嗰張枱叫左個開心果刨冰好似唔錯，就入左去試。點知就中大伏。。。首先開心果cream好漏。開心果酥入面都係開心果cream，食落係植物牛油嗰種漏嘅感覺。開心果醬係ok嘅，但係好少，反而開心果汁就好多，佢側邊仲有得俾你補加。但呢個汁真係不得了，本身食緊個冰都發現有苦澀味，唔肯定喺邊度黎。一試隔離呢個汁，就發現原來就喺佢度黎，但係成個冰最多嘅配料就係呢個澀汁，認真搞唔掂。至於開心果雪糕。。食落係劣質豆腐味雪糕嘅感覺，質感好生硬，而個開心果味完全係靠個開心果醬釣出黎。老實講我個人就鍾意豆腐雪糕嘅，但你寫開心果雪糕我唔expect係咁嘅味囉。然後就到主角 - 冰。不得了，係難食到不得了。開頭有開心果醬傍住嗰啲都還好。但我提過，啲開心果醬就係唔多，去到中段都未到，就已經食到啲冰係淡然無味，淨係得開心果汁嗰陣

女士食甜品總是有第二個胃！ 夏日炎炎， 食完個晚餐， 就好想食甜品。 嚟到旺角一條好多甜品餐廳嘅街， 見到呢間舖頭好乾淨裝修好日式， 就同朋友去幫襯， 呢個天氣最啱就係食冰 原來夜晚食甜品嘅人好多， 壁滿曬成間餐廳， 我哋就安排喺搭枱嘅位置。 見到餐牌又好多打卡刨冰嘅選擇， 而且仲有好多中式西式嘅甜品，好適合晚餐後舒服下個胃。 我哋一行三人見到刨冰嘅選擇， 真係有選擇困難症， 每個刨冰都好漂亮， 好想個個都點曬。 我哋最後就點咗個楊枝甘露刨冰， 外貌好精緻， 入面啲料好豐富， 一層層咁， 又有好多生果， 底下仲有好多椰果， 脆片等。。。。。總結來說， 要打卡就來甜姨姨， 好適合三五知己聚聚， 食物質素有驚喜！

夏日熱辣辣，最啱食個冰涼甜品，涼一涼，降一降溫。旺角既甜姨姨分店裝修，一樣以日式木系裝修，地方都大，坐得舒服。除左刨冰，都仲有其他中式，西式甜品，選擇非常多，應有盡有。甜姨姨既menu非常有心思，用左精美既圖片+文字詳細解釋每款刨冰既分層同構造用咩材料製作而成，非常詳盡。—楊枝甘露冰 $ 158楊枝甘露冰既賣相非常吸引，好啱打卡～刨冰最頂層插有一枝新鮮芒果肉雪條，並由泰國金柚粒粒同鮮忌廉包圍住，好搶鏡🤣影左陣相打完卡，雪條都仲穩陣痴住，不過我諗最好都系由芒果雪條上而下開始食，廢事有咩意外，跌左無得食就慘🫡而刨冰既主體仲分左幾層由楊枝甘露汁，呂宋芒果粒、芒果脆脆、熱情果果凍、椰汁和芒果醬等等，多重層次同口感較豐富，另外仲有額外一杯楊枝金露醬（泰國金柚、芒果粒、西米）可以淋上刨冰，令到每一啖都充滿芒果香楊枝甘露味，而且刨冰綿密，好味道！仲附上左一張可愛既刨冰小卡，圖片一樣精美。額外附送既2粒抹茶蕨餅就…有D難食..唔煙韌之餘，質感有D奇怪..🤣價錢就有少少貴，不過係香港食刨冰普遍偏貴

🚩挑戰港人口味 用上多個品牌做冰🚩📍 甜姨姨以前常説香港人一年四季都愛打邊爐，換作現今，看來把這句説話放在刨冰上亦沒有錯。專門做刨冰的甜品舖比比皆是，每間店都要使出渾身解數創作特色口味才得以生存。甜姨姨就想到用上多個本地或非本地的知名品牌作為材料，推出富特色兼有主題的刨冰。其中包括配上海邊走走芝麻蛋捲的「黑極」（黑芝麻味刨冰），還有用上400次咖啡和Weiss85%朱古力汁的朱古力味刨冰。🍴甄沾記 ($158)今次就去試了甄沾記這個椰子味刨冰。正如其名，此刨冰用上的就是甄沾記這個知名椰子品牌的各種產品。刨冰頂部先有脆脆米，然後在冰粒上面先鋪上一層特濃椰子糖糖漿。夾雜在冰粒裡的更有脆脆椰（椰子脆片）、焦糖椰子汁和甄沾記最有名的產品之一椰子汁。當你不停進食的時候，更會發現內藏椰子雪糕。單憑上面描述，相信你都可以感受到它口感十分豐富，而且更會不停發現驚喜。特別是椰子脆片，配上冰粒可算是非常新鮮的體驗。由於材料夠多，所以整個刨冰份量十足，對女仔來説三個人食也未必能完成，這點要多加留意。另外值得一提的是這裡的甜品主要偏甜，所以未必乎合香港人「甜品不甜就美味」的奇特理論。不過難得一嘗，如果不介意的

可能因為我試過其他味道，本人都係prefer返水果味，呢款Oreo有少少太過漏，特別係食到後面就真係覺得有啲似Oreo溝冰，好彩佢中間有其他朱古力汁中和下，但如果唔怕鍾意食嘅人其實都幾好食嘅～不嬲甜姨姨啲甜品都真係幾出色，純粹係我個人冇咁鍾意食，唔係水果類嘅甜品

夏天咁熱成日都會想食冰🍧，本身想食我嘅愛店S冰屋但係太多人，而且咁啱行過條街有另一間都幾出名食甜品嘅舖頭都有冰食，呢邊排得比較快，咁就入左黎中伏☹️▪️你今日開心果味$148外型就幾靚，最頂有一件迷你甜牛角，不過就係淋嘅，估唔到啲冰超淡，唯一好味嘅係焦糖脆餅，個冰要食到中間先有幾粒開心果，完全大失所望！另外配一粒雪白mochi，口感軟糯▪️楊枝甘露冰$158朋友comment係同水冇分別，同樣好淡味，冰底有少少椰香，入面有芒果粒，不過偏酸，頂層有原條芒果肉，熱情果果凍就少到搵唔到。兩款冰都溶得好快，食左大半就變水佢同另一間銅鑼灣起家嘅冰屋相比味道真係差好遠，個間食完會想翻轉頭，呢間價錢仲要貴過另一間，冇下次

中規中矩嘅港式刨冰🍧，多toppings但味道依舊單一，冇層次感😬・・・・・・・・・・・・・・・・・・・・🥭 楊枝甘露冰 HK$148＞鮮芒果雪條、泰國甘柚、鮮忌廉、楊枝甘露汁、芒果粒、椰汁、芒果脆脆、熱情果果凍・味道：芒果汁冰幾鮮甜，唔算假芒果醬味，不過都應該落咗唔少糖漿，冇咗芒果酸甜味。而且食到中間就冇乜味，得冰🧊，要自己再倒芒果醬，唔夠醬呢樣嘢喺sharishari度就唔會發生嘅XD，不過芒果脆脆同熱情果果凍好似好少，少到完全唔記得自己食咗🫨・口感：鮮芒果雪條幾香甜，但懷疑雪太耐，已經冇晒芒果原本嘅水果質地，似芒果蓉多過原個芒果～以往甜姨姨啲冰冰粒太多，冰感太勁嘅問題，今次有改善到👍🏻💚 你今日開心果味 HK$134＞A級伊朗開心果仁、開心果卷、開心果忌廉、開心果酥、100%開心果醬、焦糖脆餅、開心果汁、自家製開心果雪糕・味道：呢個有啲失望⋯⋯除咗個開心果醬，基本上冇配料食到開心果味，或者太淡口得啲甜味🥲建議做好味道先跟trend出開心果喇⋯⋯・口感：同上，冰粒同冰感太重問題有改善到👍🏻！・・・・・・・・・・・・・・・・・・・・🤰性價比：中～🤰9衝度：可試～🤰結論：甜姨姨一直以嚟

近排天氣咁熱，最啱就係食雪花冰。呢間甜品舖就夠特別啦，佢哋由日本入口日本冰用日式整法整成刨冰，再融合自己嘅創新，加入咗好多港式元素味道。味道都好唔錯，好值得大家支持。😋** 汪阿姐**雪花冰的質感非常綿密滑順，入口即化，絲毫沒有冰凍感。店家加入新鮮紅火龍果乾，為雪花冰帶來一股清甜的果香，配搭上細軟的椰果和香脆可口的草莓片，口感層次豐富，十分討好味蕾。這道甜品清爽不膩，非常適合炎熱夏日食用。🌞** 甄沾記**另一款招牌甜品同樣令我驚喜連連。特濃的椰子糖漿為雪花冰帶來濃郁的椰香，再配以細碎的脆脆粘米，口感更添層次感。脆脆粘米不但增添了咀嚼感，更為雪花冰帶來一股獨特的香氣，與濃郁的椰子糖完美融合，令人一吃難忘。🥥甜姨姨 (煙廠街) (旺角)旺角煙廠街31號地下C號舖

🍧新分店X特別口味刨冰系列🤤❄️—▫️餐廳：甜姨姨 (煙廠街) @auntiesweethk ▫️地點：全港有4️⃣間分店‼️此為：旺角分店旺角煙廠街31號地下C號舖▫️營業時間⏰：星期一至日▫️價錢：～$90+ （每人最低消費$45）—美味：❄️❄️❄️❄️環境：🍧🍧🍧+0.8🍧價錢：💰💰💰+0.7💰服務：🧑🏻‍🍳🧑🏻‍🍳👩🏻‍🍳👩🏻‍🍳—🔥🔥又熱又焗就去咗食冰❄️❄️ 🍧👧🏻覺呢間啲冰幾好食🥰仲有唔同口面🥰兩個人share好抵❤️仲有新嘅口味😁🤩—今次叫咗📍 你今日開心果味 PISTACHIO FEVER價錢：$148鍾意食開心果嘅一定要食😁超級足料☕️仲有雪糕好夾😆好味🤗🤗要打卡真係20秒內😁每個半分鐘就會下沉幾cm😂😂兩個人share會好啲🤣🤣啲冰唔會有一粒粒，好綿滑🥰🥰食完覺得唔夠喉‼️果然係日本冰🍧🍧—-#好西 #打卡 #甜品 #抺茶 #冰 #中環 #銅鑼灣 #sharishari氷屋 #正餐 #美食 #旺角美食 #HK #foodie #goodwest #instagood #photooftheday #instamood #iphonesia #tweegram #ice #shariahari

旺角新開同家人去試,點左個K4) 初心$128蚊 + D14) 榴槤奶凍$68蚊,初心個刨冰勁酸,加左佢D奶都係酸,入面其實都係全部冰碎,小朋友食左2啖就冇食.旁邊有張卡仔,先發現原來有圖示話比你知入面有D咩每層係有乜,先知原來呢個野係一粒鮮果都冇,連頭頂果粒都係士多啤梨乾黎.$128食碗咁野一定冇下次,榴槤奶凍就正常野.

又開始熱辣辣，又會想食冰平時食親冰都會食氷屋，不過朋友想試吓新嘢，特別係甜姨姨新出既開心果冰，所以去左佢地間旺角新店食 🥸💫💫💫💫💫 你今日開心果味 （$148）呢個開心果冰，平心而論，係我食過咁多間入面最出色既！開心果味超級！無敵！香濃！面頭既開心果卷仲保持脆身，之後既開心果cream 比較輕盈，但仲有淡淡開心味味❇️❇️ 到重頭戲！ 開心果冰上面有超濃開心果醬，冰入面既開心果酥，面頭既開心果 完美咁做到啖啖開心果 🤤 開心果迷既感動呀！ 🥰🥰🥰 食到中間會有啲脆餅碎，增加口感，而唔夠味既話，可以加上附有既開心果汁 （用咗開心嗰間燕麥奶整既）配搭埋最中心既開心果雪糕，食到一啖接一啖停唔到落嚟 每一樣嘅配料都真係精心配搭 🫶🏻 真係好食到已經準備好encore 😎400次髒髒冰 （$148）雖然開心果冰已經拎晒個spotlight，不過其實佢都唔差架！面頭既400次咖啡真係好濃！ 😂濃到好似會瞓唔着咁冰面有朱古力汁，有朱古力既澀味，而唔係死甜味，連埋可可粉，入面既美祿粉，焦糖脆餅，食既時候，味道、口感、層次都做得好好 😎😎 最入面既雪糕都唔馬虎，用左 haagan Dazs 雪糕，所以雪糕

甄沾記焦糖椰子冰 $158一上枱見到咁大碗以為會食唔晒🍧 點知兩個女仔食食吓好快KO左🌝 一入口已經食到細細個食椰子糖嗰陣味，童年回憶返返晒嚟🍬 中間仲有大量椰子脆片。 店員教我哋由上邊食落去下邊，中段冇咩味嘅時候自己再加椰子汁。整體味道唔會好驚喜特別，冇其他人講嘅食評咁吸引，感覺上其他味道應該會好食啲。

最近經常見到巨型日式刨冰嘅打卡，飯後路過呢間店名很港式，但裝修日系風格嘅刨冰店，心郁郁入咗去一試。朋友仲挪揄食個冰，水嚟架姐，成百幾蚊咁貴，都係食返普通糖水。難得入到嚟，幾貴都試吓，今次點咗400次髒髒冰，外面淋上朱古力醬、咖啡泡沫、朱古力脆脆、85%黑朱古力粉和Kikat朱古力條，多重口感，不會過甜。店家以防刨冰融化後，味道會變淡，仲隨餐附上一份朱古力醬。留意到Menu上寫道，刨冰選用日本純淨水製作，並非水喉水，比客人安心食用，尤其係腸胃敏感嘅我。而朋友見到刨冰送到，立即二話不說，密密食。我：又話無興趣，比你食咗我半個喎價錢比起傳統甜品的確係貴啲，但以手工嘢嚟講，都係值得一試。

同朋友食完飯諗住食甜品，行到呢邊見到甜姨姨menu幾吸引就決定食呢間。我地揀左甄沾記焦糖椰子冰share，味道唔錯，值得一試，好濃既椰子味，鐘意椰子既人必食，食落去係會有驚喜，而且食到中間仲可以倒埋佢附上既椰奶，會更加好食。不過個雪糕雪得太硬，美中不足。