甜牙牙 (已結業)

屯門區甜品店選擇較小，有時想找下甜品店，以前去滿記,vcity甜牙牙已經光顧3次左右，整體只是一般,有時想唔到去邊間就會來甜牙牙,我放工經過VCITY,這間不用等位,我去時間6:30左右冇咩客人，服務老實講不算得上好 ,今次吃窩夫系列，我覺得窩夫真是麻麻地,窩夫個脆皮唔夠脆，雪糕就一般啦,甜牙牙整體水準都是一般,環境都OK食物水準雲尼拿雪糕窩夫,窩夫唔夠脆，雪糕只是一般服務我覺得唔算好好,亦不算太差環境這裡都OK價錢我覺得偏貴番吃未必再去

友人在外國回來, 晚飯後想帶她到此吃個飯後甜品,誰不知卻令人十分失望, 首先甜品冇甜味, 問疑似店長/經理(黑衫肥婆)拿糖漿, 她黑口黑面冇回應,其態度令人不能接受, 之後她拿來一小瓶疑似是士多啤梨汁的東西給我朋友(友人點的是士多啤梨砂砂冰), 同樣沒有甜味, 鄰桌的三位女客人聽到我們討論, 她們也告訴我們, 她們所點的窩夫, 心太軟以及多士, 同樣只有附送的雪糕球算是正常, 其他完全不能吃。只不過是沒有來光顧一段時間, 水準便下降了這麼多, 難怪由往日要排隊得30-45min先有位, 變成今晚完全不用等位, 或許,可能呢間鋪頭係做甜品模型，只供觀賞，不能食用。看來又有一間鋪頭永久列入我個人的黑名單之中。(細項評分沒有零分可選, 否則我一定選味道零分。)

很人山人海的一家店!裝潢都十分用心,以各種粉色來配襯,周圍放置了很多可愛的動物公仔,氣氛十分少女呢!這店的甜品款式很多,中間有很多是以窩夫配各式不同口味雪糕及配料的,另外還有現在不難吃到的心太軟,焦糖焞蛋之類的大路甜品.不過店內客人的位置確是比較細少,個人空間嚴重不足.今次被安排與其他兩位客人分享一張四人枱,但枱面面積其細得幾乎放不下四份甜品,而且這家店的碟子都很大,搭枱之下少不免做成尷尬局面.服務方面還有一點值得一讚的,很少甜品店會為客人奉上茶水,這家較獨特的是有奉上的今次點了香蕉配窩夫,窩夫是比較跪身的,本身蛋香味不算好厚,牛油味很香,不過如果期待外脆內軟的那種口感就有點失望喇.這個是配上蜂蜜的,另外以小瓶子分開上的.味道還夠香甜的.雪糕球香草味也可以,不過端上來之時己開始溶了,要盡快吃才可以.整體來說都不過不失吧,下次可以試其他不是混合式的甜品再試.

自搬進屯門區後，經常都在大型商場遊走，少有到周邊社區閒逛. 雖然知道屯門區也有一些甜品小店，不過就是離家太遠，而且我也不熟路，所以還是遲一點請友人帶我去好了.為了解解甜品胃，雖然明知甜牙牙甜品只是一般，還是要到屯門店試試. 店內以木製傢俱配上布藝圓櫈為主，環境濶落整潔.原來甜牙牙下午期間也有下午茶套餐供應，由all day breakfast, 雞翼出前一丁以至窩夫等都有套餐供應，還包括是日特飲. 即使不好甜食，也可吃鹹點.紅豆栗子窩夫配朱古力雪糕 $36甜品送來時看到那球半溶的朱古力雪糕已經心知不妙，再試試那些窩夫，入口很乾硬，內裡一點都不鬆軟，唯有沾點栗子蓉與溶雪糕同吃. 甜品賣相看似吸引，可惜味道卻差.英式原味窩夫配杏仁片 $30友人的窩夫同樣都非常乾硬，即是調較的粉漿質素不佳，故完全沒有外脆內軟的感覺，取而代之就是又乾又硬，只有賣相的甜品實在虛有其表.薰依草花茶店員送上花茶時我以為這是一杯熱滾水，仔細看清楚後，可看到零碎的花瓣，如果有近視的話，戴上眼鏡的你可會看清杯底下的花瓣? 雖然是送的餐飲，可否表現出多一點誠意呢?我寧願到老麥吃杯麥旋風，至少那雪糕也是冰凍的. 

在家吃了晚餐，然後去UA睇戲，一邊睇戲一邊食爆谷。但我覺得要食甜品再回家感覺才滿足。但屯門可以只吃甜品的地方不多，我首先去了京都抹茶屋，但滿座了，看見很多人還在吃，所以都不想等了。然後才去甜牙牙。去到只等了五分鐘，就有位了。這是我第二次吃甜牙牙，我第一次吃，其實我對它的評價是比好，所以有得選擇都不會去。今次我見不用等太久，才比多一次機會自己去食。我男友點荔枝布丁$42(6/10)，我經過上一次的教訓，我是不會在甜牙牙吃布丁。不過，這一個比雪梨布丁較好吃，但我還是不會主動去吃的。荔枝的口感和味道與布丁較夾，所以好吃過梨布丁。布丁上是雲尼拿雪糕，其實有雪糕會比較好吃，因為布丁和荔枝的味道都是淡淡的，不太甜。但有雪糕配上，可以增加少少味道。蜂蜜玉桂香蕉窩夫$41(6/10)，窩夫裏面有蜂蜜的味道，味道不錯，但窩夫好薄，太脆了，一切就散，沒有綿密的口感。雪糕和香蕉上都有撒上玉桂粉， 原來蜂蜜和玉桂的味道是幾夾的。總括而言，布丁還是覺得不好吃。窩夫味道是好的，但窩夫整得太薄，太脆，中間決少了口感。

似蛋糕多Ｄ 抹茶雪糕紅豆布丁，34元 甜牙牙在VCITY已經開了1年時間，之前曾去過1次,去完又覺得不外如事,而家太懒寫blog，上星期放工後又想吃下甜品,在市中心甜品店選擇不太多啦 ，甜牙牙是第二次來,其他分店冇去過，屯門店計埋今次足第二次光顧,今次點了木槺雪糕抹茶紅豆布丁，我本身愛吃抹茶系列，抹茶味好濃。味道又不會太甜,甜味剛剛好,這個都OK,我覺得似吃蛋糕多Ｄ,配以紅豆，紅豆配綠茶還可以，Vcity服務一直一般，店員不會太主動走來寫箄,服務有侍改善，整體都OK,Vcity甜牙牙不用排隊，十分易搵位,我覺得比第一次是OK呀,Vcity分店位置較辟 如果不熟這商場較難找,這間人流少Ｄ，座位設計用圓椅子，的確坐得冇咁舒服，我覺得可以接受，反正不是坐太耐，這裡環境尚算舒適，價錢都OK,喜歡中式甜品可能未必喜歡這間甜品店,我覺得甜牙牙整體OK味道:木槺雪糕紅豆布丁整體OK,抹茶雪糕都OK,抹茶味十分香濃,我覺得OK,個人覺得似蛋糕多Ｄ 服務;真是一般環境:我覺得地方適中,十分舒適番吃:間中會去

難得返母校附近, 約了以前校隊的教練, 還有隊友一起去吃甜品, 教練說要去吃「好多層那個」, 於是我們一行4個人就去甜牙牙挑戰窩夫巨無霸。我很喜歡它的餐牌, 一整本都是由甜品照片整成的, 看得人想把每個甜品都試食。當然, 我們是來挑戰窩夫巨無霸的, 所以其他甜品呢還是等下次吧。這個九層的窩夫巨無霸, 最頂層是兩球大的朱古力和香草雪糕, 層與層之間夾了CREAM、水果和餅乾, 例如有OREO、手指餅、士多啤梨, 還有栗子蓉。其實一次過要製作九件窩夫也不容易, 還要把它們疊起來, 難度很高。雖然不是每一件窩夫都脆卜卜, 但都很鬆軟, 絕不馬虎。結果, 3女1男, 剛剛好把這個窩夫巨無霸吞進肚子裡。可是, 應該飽到夜晚。

慶生從不少得吃蛋糕，但壽星公不想吃，所以我們決定到進化為連鎖式食店的甜牙牙吃甜品代替！我們仨點了香蕉Tiramisu窩夫（＄５８），一如以往，窩夫甜品的賣相不俗，碟的正中央放了用木籤串起的窩夫脆脆，上面淋有Tiramisu奶油，兩側各放了糖漿及Tiramisu伴香蕉。窩夫很脆，沒有外脆內軟口感，窩夫配上濃稠的奶油，吃著吃著會有點乾。另外Tiramisu層次分明，中間冰冷的奶油很滑，伴碟的香蕉鮮甜，整體在合理水準，味道不及賣相出色。其實甜牙牙的甜品不算特別美味，但勝在水準穩定，環境舒適，會繼續來的～期待店方有更多新產品推出！

/食完峰壽司 緊係落去食埋個甜品先滿足啦是夜叫左❤️Valrhona Chocolate Serradura ❤️一層又一層黑白分明既朱古力布丁以木糠材料為餅底,香濃既朱古力配上香軟又滑身既忌廉😁口感豐富,又唔太甜,（中意食木糠布丁既人一定一定要試佢呀）連我男朋友唔太愛食甜都讚不絕口

又黎喇! 同朋友最近好中意黎呢間食甜品賣相一如以往咁靚我地見到個下已經好開心右邊係GREENTEA 木糠布甸:第一次食木糠布甸, GREENTEA味好出, 少甜得黎仲有D茶既甘味, 好特別, 紅豆好多, 一D都唔"孤寒"雪得夠硬, 唔會好快溶, 有D似雪糕左邊係MANGO PANCAKE:呢個比較普通, 芒果少左D不過個PANCAKE整得好鬆軟, 平平地黎講不錯!好大份, 我地最後食唔晒侍應好多都係妹妹仔, 好勤力, 態度好好, 讚

屯門市中心附近始終較少新派甜品店，VCity地下的一間在夜晚和周末都經常爆滿，老婆經常話要食，終於搵到一日唔洗等，滿足下佢ge需求吧。看一次Menu就知道這店將所有甜品都畫到花碌碌，大堆頭就是賣點，個人並唔睇好，最後點了一個雜果waffle同香蕉朱古力多士。waffle 疊得高一高，灑滿糖和朱古力漿，看似吸引，實質上乾硬脆到有少少界口，並不享受。我地經常都周圍食窩夫，知道一件好食的窩夫應該有咩要點，而面前的就明顯乾脆過龍，最後勉強用雪糕沾上去吃，吃完生果就算。窩夫本身內邊唔夠煙韌，蛋香欠奉，就只是一條外脆內又脆的脆餅而香蕉朱古力多士是零難度，因為烘多士，放雪糕，切幾片香蕉再擠朱古力醬，志在有幾啖麵包分比小朋友食，簡單的配料，都用上新鮮生果，好難唔好食，但因為窩夫的印象太深刻，不得不比個喊面，亦都唔會再來下次

聽過呢間好多次, 今次終於有機會試下間店既環境好大好乾淨, 等左一陣就有位喇! 水杯好"的骰"好靚因為之莉食到好飽, 知道呢D食物好大份, 所以叫左一樣兩個人SHARE呢個係多士, 新鮮出爐, 脆脆地, 加埋HONEY正到不得了! 推薦!!總結: 好抵食! 平平地 份量又夠大 食物裝飾得好靚好用心侍應既態度好好, 好有禮貌, 會再來

見屯門開了甜牙牙，又未食過，便去一試。店面裝飾同食物外表都做得不錯，但衛生就較馬虎了，杯子洗得不乾淨，叫了兩次侍應才換一杯給我，而且食物又難食。梨同布丁的口感完全唔夾，而且布甸是啡色，不知道加了什麼，但布甸沒有味道，梨都不好吃，我都是第一次吃到這麽難吃的布甸。班戟樣貌就蠻可愛，上面那個只是混合了杏仁的忌廉，而裏面只有香蕉幾片，只有底部的花紋有朱古力醬，班戟沒有足夠涵料和醬料，乾吞變得好難吃。

實在係垃圾 伏中之伏 一定唔會再去第2次叫左個士多啤梨pancake但係塊pancake實在太厚 根本無可能係一人份量既甜品又少cream, menu幅圖中間明明好厚cream而且只係得幾粒士多啤梨碎 我諗加加埋埋用左三粒士多啤梨都無塊pancake又燶 有圖有真相咁就盛惠45蚊 完全唔值呢個價千其唔好去呢間伏店 除非你之前乜都無食咁就可以乾吞呢舊垃圾

今日同阿媽去行完美食展後，打算坐西鐵返屋企,我坐到中途又想吃甜品，我想帶阿媽去Vcity甜牙牙，我阿媽吃開中式甜品，較常去是滿記，滿記已經吃厭咗,可能甜牙牙真的不是阿媽杯茶，我帶到去甜牙牙坐下後，阿媽話見到感覺好甜,我決定叫姜汁梳孚里,因制作需時,差不多等了15分鐘才送到來,這個是熱食，阿媽吃了1口話好味,她又叫這個，我覺得梳孚里真的幾好味,阿媽話好甜,好似有一堆沙塘,我吃個杯真的不算好甜,我覺得甜度又適中，環境都唔錯呀,服務就一般味道:我覺得不算太甜,姜汁同甜度剛剛好環境:我覺得幾好服務:我覺得一般價錢:我揀了姜汁梳孚里44元,有些小貴番吃:我來了3次 屯門甜品店選擇真的不多,市中心只有4間可以揀，甜牙牙可以試下