甜麥麥麵包西餅 (已結業)

三點三下午茶😋一個人走咗落屋企樓下麵包舖買麵包食因為忽然好想食港式傳統麵包第一時間諗起呢間，真係由細食到大細細個工人姐姐就會買佢個腿蛋包俾我食見到咁多港式麵包真係好開心，同時間有選擇困難▶️ 火腿芝士包 （$6.5)買咗最後一個🙈面頭有啲粒粒芝士碎，入口脆脆地麵包雖然唔係啱啱焗起暖笠笠嗰隻，但係尚算鬆軟唔空氣🍞本身甜甜地，配合埋鹹嘅火腿片同芝士啱啱好🧀食晒一個做snack好滿足🥰▶️ 大芝士包 ($8.5)另外見到呢個幾靚仔，買咗請屋企人食上面嘅芝士焗到變咗一層膜-見到竟然有榴槤包！唔知有冇榴槤味呢？個樣同芝士包差唔多，只係變咗綠色🤣另外仲有新鮮出爐嘅牛油皮蛋撻，$4.5/個純正紫薯包都只係$3.5/個一路喺公園睇小朋友玩，一路食返童年回憶嘅味道=簡單嘅快樂💓雖然金錢買唔到快樂，但可以換來牽連住快樂嘅回憶同味道啲姐姐都好友善，老街坊feel

今早（27/12/2022）去行山，諗住買個包帶去，以前都有幫襯過，諗住無問題啦。點知入到去，嘩！d包細個左咁多嘅，個size係迷你型，仲要唔係平。。。個份量俾細路仔食都唔夠啦，食2個先至等於其他正常鋪頭買一個。。。好啦，唔講依樣。去到我俾錢果時，個店員話你張紙幣崩左唔收。。我心諗，下。。。個細角仔炸喎。。你話我成塊爛就真係唔收姐，個店員態度十分惡劣，佢話唔收架啦，囂張跋扈嘅態度，令我覺得要分享俾紅磡嘅居民知，依間野，不論是外（麪包本身），還是內(店員態度），都絕對不能接受，永不幫襯！