甜

營業中

休息中

叫咗疏乎厘同窩夫超好食 勁大份食到好滿足 仲有茶送 係有茶包嗰隻🤩除咗好食，都唔知講乜好勁少寫食評但真係好鍾意食呢間嘅甜品💕超級正！啲位都坐得好舒服，仲有呢個天氣咁熱冷氣都好足夠😆😆

之前朋友長征入屯門已經講過呢間好食但可惜個日冇開🥲前排係附近食晚餐終於食到了🥹🔸榛子朱古力棉花糖疏乎厘 $70疏乎厘蛋味好香,空氣感都好足😚入口係好鬆軟配上朱古力醬同榛子粒係絕配🤝🏻旁邊有牛奶軟雪糕,奶味都算重但好快溶建議快食🍦旁邊有燒過嘅棉花糖中間係半溶狀態,係BBQ嘅回憶😹🔸焦糖脆脆香蕉吉士窩夫 $58滿滿嘅焦糖脆脆係窩夫上面🤭雪糕可以自由選擇今次揀咗曲奇🍪而窩夫係外脆內軟,都不錯但最好食係香蕉🍌😂蕉味好濃同香再加上好甜真係少有咁好食香蕉🤣🔸嘉義綠豆沙冰 $50可以揀4款配料🙌🏻揀咗綠茶麻糬,雪燕,芋圓同小丸子🍡小丸子同芋圓都煙煙靭靭, 麻糬同雪燕就正常😉但綠豆沙夠甜但綠豆味略不太夠💚

揸車行錯路經過，不經意發現左lee間甜品鋪，食左2個佢哋嘅招牌，都好掂👍🏻焦糖香蕉梳乎厘pancake，個人仲意食空氣感，佢做到，而且多料，未試過食空氣會有飽肚感覺🤣香蕉加上焦糖經過烤焗後變得酥脆，而內部的香蕉則非常香甜，口感非常豐富，加上上面的焦糖脆脆，讓整道甜點更加美味。另外配有的牛奶軟雪糕牛奶味濃。嘉義綠豆冰沙，口感非常滑順，唔係綠豆粒粒而係軟綿綿沙冰，我一向唔仲意食綠豆沙，都食晒🤣仲可以加配唔同配料。不過就真係等左好耐，鋪面唔大，坐位都正常，外面可以泊車，下次都係打定電話，叫外賣穩陣🤣🤣

大熱天時山長水遠特登過嚟，已經事先check埋開門時間，去到都係冇開門，如果係改咗開門時間點解冇update? 如果改咗休息時間點解都冇update? 就算有突發事情出個post update好難？唔係每個客人都係住樓上樓下，將心比己一下

1. 焦糖香蕉梳乎厘pancake香蕉加上焦糖經過烤焗後變得酥脆，而內部的香蕉則非常香甜，口感非常豐富。而梳乎厘口感非常鬆軟，空氣感十足!加上上面的焦糖脆脆，讓整道甜點更加美味。另外配有的牛奶軟雪糕牛奶味濃，但略厭好快會溶。2. 嘉義綠豆冰沙它的口感非常滑順，而且味道也非常清新!夏天食用消暑一流!再加上其他配料十分豐富!但記得要走煉奶!!因為本身已有足夠甜味!!呢款是我每次必點之一!小總結📌CP值高📌服務態度麻麻📌等候時間長

不論食物幾好食都好～等待時間真心太長～起碼45分鐘才上餐～不停做外賣～做既只有等等等等～～服務員黑口黑面～真係比錢買難受～目測只有2台客人～真心本人永不取錄～～

軟乎乎梳乎厘pancake 甜 852 Homie天氣涼特別想食嘢，最近溫度適宜排隊，就去左呢間係紅橋既甜 852 Homie度試試佢，因為呢間甜品店長期都大排長龍嫁！入到去打開餐牌，勁靚，個餐牌係人手畫出來，手字勁靚，靚到似印出來，色彩繽紛🌈款款甜品都好似好好食咁，左簡右簡最後簡左2款😊Homie 特色層層疊窩夫杯🧇芒果吉士味🥭🥭$68成個窩夫杯總共有10層🤭包括有：軟雪糕、朱古力醬、朱古力脆脆、粟米片、吉士、芒果同埋窩夫🧇食落去每一啖都有唔同配搭🤭852 梳乎厘pancake🥞🥞焦糖脆皮香蕉味🍌🍌 $68之前一向麻麻地梳乎厘pancake,因為覺得好似食咗個空虛寂寞咁，咁但係呢度個招牌係梳乎厘pancake 咁就一定要試吓佢。結果係個pancake 一食落口好香蛋味又軟配上焦糖脆口，好好食，加埋焦糖脆脆同雪糕，絕對唔寂寞！

好好彩，我地去到就有一張台走，如果唔係真係有排等，因為入座之後出面多左5-6個人等位。坐低之後梗係叫我念念不忘既窩夫，就係焦糖脆脆香蕉窩夫。因為之前外賣食過都幾好食不過質素就時好時低，今次堂食就試試新鮮出爐係咪特別好！上台之後，發現，真係好過外賣好多。起碼外形有心機幫你整理好，雪糕，香蕉，所有野排列得整整齊齊，又好睇。今次叫左朱古力雪糕做襯托，切開窩夫，尚有餘溫，皮帶有輕微脆口，小切一塊，配上焦糖脆脆加香蕉，口感雙重鬆化，配上香蕉，吉士醬係後面真係回味無窮。再切一小塊，再加上雪糕，簡直好似冰火咁。我朋友就叫上一個小太陽，芒果奶上面加上真既芒果，其實都睇唔出點解叫小太陽，不過食落口帶有微溫，配上西米加小丸子，係黃色燈光之下，發覺顏色其實都似太陽溫暖你既心，都真係幾貼切個名。芒果奶配上西米，芒果味道係芒果西米既兩倍。中意食芒果西米露既各位唔好錯過。溫情提示，假期真係好多人等。

紅橋呢間野真係不知所謂！！早2日日佢比人上網話食品質素差，我撐佢！佢真係質素無問題嘅！！不過今日我真係要反爆佢轉頭！！我9點幾10點到咗，之後拎飛排位，呢個動作我都習慣了！！之入去坐低落order，到我忍唔住前後應該最少有45分鐘嘅事！！我唔明一間鋪點解堂食客嘅單都做唔掂但可以不停去出外賣單！！坦白講，我去過食幾次都預咗要等，但唔會等到咁！！我一個單爸，2個女難得放假返屋企過夜，我特登帶2個女黎食下甜品等佢哋開心下！點知等到2個都嗌眼瞓眼都謝曬啲野食都未到！！如果人有吹水嘅大家可以睇下能否揾番早幾日熔雪糕果個post，入面我有同店主講我過2日個女放假會去幫襯下！！我想問下點解真係做唔切都仲要做外賣做apps客？你會否明白2個小朋友滿心歡喜， 九點幾睇完戲 同爸爸散步傾計一路來到甜品舖門口， 一心諗住有得食榴槤甜品，但係點知等到個人都攰曬謝曬皮都未食到寧願返屋企瞓都唔食，嗰一刻個小朋友個心態同埋個爸爸係有幾唔開心？？對於呢一間舖頭我只會永遠黑名單！！ 因為你哋畀到我兩個女一個永遠嘅失望！！垃圾之中嘅垃圾！！

呢餐飯真係食得好開心😭❤️除了係因為同好朋友食之外，呢間既環境、食物選項、店員服務、味道都幾好！！！🧡食物🧡1. 綠袖子最推薦呢個！💚個底係抹茶奶，佢抹茶味好似天仁個隻，完全唔似其他甜品店會有味道好甜、得個顏色既抹茶底🍵！入面有紅豆🫘、奶凍、西米、小丸子🍡！另外加芋圓，幾唔錯！仲有抹茶口味～2. 泰茶珍珠奶茶梳乎厘 🧋比想像中好味！泰奶唔會太死甜。珍珠煙韌！不過個梳乎厘既蛋白有少少🤏未攪拌均勻，見到一舊有少少得有蛋白既部份。3. 芒果吉士窩夫🧇呢個窩夫食落唔似平時食到既😂我預期係脆皮，但呢個口感有點似麻糬。🧡店員🧡店員真係好nice有禮貌！

同朋友去食過幾次，好鍾意食佢既士多啤梨waffle，個waffle底整得夠香脆，上面既忌廉同雪糕比例恰到好處，2個人share食都唔會覺得滯😋士多啤梨又夠甜我亦都食過佢嘅梳乎厘，夠鬆軟

夜麻麻搵甜品食意外經過哩間甜品小店有d人門口等外賣睇左menu見到都好多款式就即管入去試吓點知～～～～😍😍😍😍😍😍嘩！好有驚喜呀！嘉義綠豆冰沙綠豆冰沙同中式果d好唔同係打容左咁綠豆做底，然後加上好多toppings雖然無綠豆粒，但綠豆容好好味想要綠豆粒既話，果toppings可以加返綠豆我加左黑糖條，奶凍，芋圓同埋蒟蒻全部都好好味呀！滿分滿分💯👏🏻👏🏻焦糖脆脆香蕉窩夫窩夫好脆 好香超級好食😋焦糖脆脆甜度岩岩好脆脆唔係好硬果種係軟身嘅仲有得揀我最鐘意既豆腐雪糕😄我鐘意！我全部食哂！💯💯👍🏻雖然只係小店，無乜裝修但係甜品做到色香味俱全擺碟一d都唔求其咁有heart，我會繼續支持既🫰🏻

一早已經喺網上外賣平台食過呢一間小店食外賣已經覺得唔錯幾好食可以有take two ☺️今日同朋友去虹橋 終於可以喺現場食💗😎我哋叫咗三樣嘢 芒果疏乎厘 香蕉窩夫 芒果小丸子先講芒果疏乎厘🤟🏻正值11月 芒果完全唔當造的日子啲芒果完全唔酸 仲好甜疏乎厘更加好吃 溫度足夠好似食緊空氣咁 完全唔覺得濟👍🏻👍🏻各位朋友都爭住食呀跟住到香蕉窩夫窩夫好脆 窩夫熱熱地 加上凍嘅雪糕球口感豐富🈵🈵仲有啲焦糖脆脆加乘 100分😎芒果小丸子 十分便宜芒果唔酸 小丸子煙煙韌韌加上西米襯托 非常有咬口呢間虹橋新嘅小店的確令人驚喜一定會再嚟

次次去親虹橋食甜品都係去有料案內所，原來同一條街有呢間「甜」。喺門口見到menu係手寫，勁有heart，勁整齊。因為同行友人嚟M ，見佢有個section 叫女仕恩物，就叫左個「小太陽」（芒果奶、西米、芒果、小丸子）$36芒果好新鮮，唔酸，同埋佢暖笠笠，一嚟到已經可以放入口。嘉義綠豆冰沙 （芋圓、雪燕、綠茶麻糬、奶凍）$50唔算好大碗，但幾足料，綠豆冰沙好綿，記住唔係沙冰，所以唔好問點解食唔到碎冰嘅感覺。Homie大大份窩夫-芒果吉士$62每個窿窿都嘅滿吉士，而唔係一大pat吉士，個人幾鍾意呢個做法。

朋友介紹話呢間甜品鋪幾出名，一於嚟試吓～附近都好多嘢食，所以咪錶位都幾full😵‍💫見到menu有好多唔同款式，中式西式樣樣齊，花多眼亂😈. ▪️852梳乎厘班戟(配意大利軟雪糕) $68 • 8/10*焦糖脆皮香蕉*Staff話意大利軟雪糕賣哂🥲得返普通雪糕：雲呢拿、朱古力、士多啤梨、曲奇、咖啡嗰啲味～我就梗係揀咖啡味啦☕️🤣賣相非常吸引！！金黃色～💛 份量適合share🫶🏼真係有梳乎厘嘅質感，唔會太實淨之餘又夠空氣感✨雞蛋香唔算太重，比焦糖嘅甜味蓋過哂🤣不過班㦸嘅濕潤感拿捏得啱啱好，軟綿綿嘅口感👍🏼焦糖燒得好脆，同香蕉一齊食好夾🍌仲有大量嘅焦糖脆脆佈滿喺梳乎厘上面，味道滿分😋.▪️椰椰樂 $34 • 7/10*椰汁西米、桃膠、雪燕、芋圓*名乎其實嘅「女仕恩物」🫶🏼又桃膠又雪燕～有齊哂我最鍾意嘅配料😍 份量都好多好足夠！！好重椰汁味👍🏼 芋圓都有幾款：紫薯、地瓜、綠茶，不過略嫌唔夠煙韌🤏🏼