生原創(蛋包飯) (已結業)

同同事食lunch ,都幾中意食呢間蛋包飯。首先個賣相已經非常唔錯，感覺好吸引，令你好想食。呢個系豚肉蛋包飯，佢有得比你揀茄汁，白汁定咖哩，我個人最中意茄汁，因為感覺搭d同開胃d! 味道方面，雖然我今次無揀到流心蛋，但佢個蛋都冇overcook ,都系一樣好滑。佢個豚肉都好味，佢亦無因為d豚肉係放係入面而hea煮，一齊放入口d味道真係非常㚒。環境方面，比較安靜，lunch time唔洗等位。我個人認有lunch time去食比較抵，有沙律，有野飲，價錢都合理。

呢間蛋包飯好似好出名，仲攞過百大香港經典美食.. 不過幾年前試過一個蛋包飯，覺得好失望，只係份量多，食剩好多，所以幾年都無再食。前幾日心郁郁去試多次，同友人各叫一個蛋包飯，加$18流心，再加幾道小吃，或者今次期望已經降低左，食得晒，唔算難食，但係印象依舊覺得係好普通，分分鐘茶餐廳既滑蛋炒飯都好食啲。啲醬汁其實有啲多餘，因為飯本身有味，而且啲醬又唔夾啲蛋包飯，用既料亦唔覺系高級醬料，番茄汁同麥當勞個啲無分別。飯入面既肉好碎，所以其實食唔係好出，唔會有「有o野食送飯」既感覺. 真係唔值成百五蚊一個飯 服務態度ok, 都算殷勤

當日係天后行行下, 見到依間餐廳, 我朋友就話因為蛋包飯好出名想食好耐, 所以我地就入左去試之後我地就叫左2個蛋包飯, 咁因為如果要轉做流心蛋要加$1X, 所以我地就一個轉左而另一個就無轉到, 可以2個種試下 (其實有啲唔明, 一間以流心蛋包飯做主題既餐廳, 點解轉流心蛋要加錢?)另外, 因為本身去天后係想食串燒, 而間餐廳咁岩又有串燒, 咁就叫左串雞翼 再加野飲咁到重點, 當我地一心期待住個流心蛋包飯時, 佢上菜時竟然無轉到做流心蛋!!! 明明加左錢...之後就問個店員, 佢就好冷靜咁講左句"唉啊師傅無做到流心" 完不過唔緊要 照食, 就當慳反十幾蚊,咁我地就一路食一路等個串燒啦,點知到到我都就食完 (45分鐘有多) 都仲未上個串燒, 咁我地就追一追啦 (重點: 餐廳計埋我地得3台客)之後點知另一個店員就話"岩岩無落到單...."吹漲, 落一次單叫左5樣野可以錯2樣野, 其中一樣仲要係餐廳既招牌... 點做生意啊?之後我地都無再追串串燒, 心諗出去過對面食串串貢算(反白眼

早前跟友人在京都嚐過享負盛名的流心蛋包飯，實在難忘！友人發現天后有一小店有點像京都店的copy, 她即約我一起回味京都的蛋包飯，當然京都那間是獨一無二的，這間店與京都那間是沒有關係。當日是午飯時間，地方很細，但也不用等位，朋友推薦菠菜蛋包飯，但價錢略貴，要百多元，故叫了一客芝士汁牛肉蛋包飯$68，流心另加$18，那不用了！朋友不是蛋包飯愛好者，只叫了拉麵餐。蛋包飯賣相不錯，份量十足，芝士汁與蛋包飯竟然那麼夾，蛋內包著碎牛肉炒飯，蛋雖然沒有蛋香，很淺色，但整體味道也不錯，以這個價錢，我覺得是超值呢！

蛋好老，味道唔夠，料越來越少，飯炒到好乾。服務態度差，好似前世欠佢咁，又串又冇料，仲衰過澳牛，比佢好既餐廳多的是，如期受氣仲要挨d唔好食既野，不如幫襯第二間。冇下次！

一直都想試下流心旦包飯切開隻旦果下d旦槳流晒出黎 然後配一啖飯 諗落就覺得好滋味今次就去左呢間以旦包飯為名既餐廳我同朋友每人叫左唔同款既飯我係白汁鰻魚 佢係咖哩和牛我要流心旦 佢冇要流心旦其實除左個汁同既分別成個飯個味好似都係一樣... 鰻魚同和牛亦唔算多 不過個旦都係流心既 值得讚一讚另外叫左個牛魔王串燒 有三款其中有一款唔知係咩部位 對我黎講有少少韌 但係三串黎講都算抵食 好似大約$60-65左右 我冇食過日本既流心旦包飯 冇得比較不過可能我期望太高 有少許失望呢

突然間想食蛋包飯，於是openrice search 到附近呢間餐廳，決定一試！雖然屋企附近有一間，但我就一直未試過。 一進去感覺店鋪細細的，還有很多空位，不用等位，我們被安排坐的位置有點迫窄。過多十五分鐘，餐廳漸漸人多，已滿座。先點了一個咖喱汁牛舌蛋包飯，內裡的炒飯底炒到濕濕地，好多汁，牛舌都夠香口，整體份量都算多，咖喱濃味帶咸。個人覺得，本身炒飯已經夠味，又要撈咖喱汁，太濕太濃味。值得一讚的是，流心蛋的確夠流心，夠出色。加埋支n年冇飲嘅波子汽水😋爽呀

到天后搵食但又唔知食咩好🌞見呢間野唔洗排隊就入左去。2個人一人點左一個飯再加多個沙律。呢到既飯可以自己選要咩汁架好鍾意佢有好多蟹棒，我既最愛呀，醬汁方面可以自己落。成碗野都幾大碗，我地兩條友都唔係好食得哂。呢個食落幾特別👍🏻👍🏻個蛋好滑，而且加埋個汁黎食幾特別，值得一試。呢個飯選左最保守既番茄汗，食落就普普通通，冇咩特別，同平時既蛋包飯差不多。整體黎講都唔錯既，但百幾蚊食個蛋包飯真係貴左D。

冒名而來，怎料中伏!星期五晚放工，七時半去到，門外無排隊，但要等。我們拿了等候號碼，後來有兩位女仕在我們後面拿飛。不久，有個阿嬸待應出來問：你地邊個先?我們還來不切反應，她已向兩位女仕說：你地!想帶他們進內。我呆左，點解唔叫號碼?那拿飛來幹麽?好采兩位女仕有discipline,主動說是我們先。第一印象已差落單更是不悅。又是阿嬸待應，我們舉手示意落單，她大叫：俾一分鐘我! 我地等啦，然後佢又大叫：其實落左都做唔切架啦，唔使咁急落。我又呆左，我們沒有催你哦，同埋做唔切就唔落單? 第一次聽。未完，落單時阿嬸待應服務態度之差去到一個點。我們點了鰻魚蛋包飯，佢sell我地加18蚊轉流心蛋，我諗左半秒，佢竟然話：快啲啦！!態度之差。。。我地話唔要流心蛋，佢又話：咁出名都唔要!?。。。。勁嬲，唔要咪唔要囉 （後話，唔少食評寫流心蛋根本唔流）。然後我們想點海膽玉子燒，佢差啲落錯海膽蛋包飯。。。。我唔想再講。。。食物方面，賣相是不錯的。海膽玉子燒ok滑，有蛋汁，但無甚海膽味。鰻魚蛋包飯超難食，鰻魚很少，鰻魚味很怪，飯太濕太多汁，而汁很難食。我們其實不飽，但不想再食。。。埋單走。。。怪不得星期五都不用排

之前睇日本京都食過個蛋包飯係中間切開，啲蛋汁就會好似瀑布咁樣寫晒落嚟，勁多人拍片嘅嗰間餐廳，返到嚟香港念念不忘，朋友介紹喺天后有一間又係咁樣嘅蛋包飯，經過個陣終於去試啦。成間鋪頭都係買蛋包飯嘅，但要留心個餐牌，原來要食到好似日本果隻流心蛋，係需要額外加多＄18嘅，都唔平喎，個價錢拍得住係日本食。今次我就叫左最平嘅和風牛舌蛋包飯加留心蛋試吓。外表十足十係日本見到啲，但係個蛋嘅顏色就好似比較沉左啲，唔係金黃色咁樣，切開都係好似日本咁樣寫出嚟，但係食落去呢無乜蛋味，而且唔係想像中咁滑，係冇膽未方面扣左好多分，但係個飯都幾好食嘅，有時切碎咗再攞埋你炒，牛屎嘅意味同啲飯要配合都唔錯，單體一個牛舌返其實係幾好食嘅，但係個蛋就有啲大失所望。朋友叫咗一個冇留心蛋嘅普通蛋包飯，蛋皮好薄，但係好似唔係特別吸引，唔需要話特登走到來呢度食嘅一個蛋包飯。一人加埋一之後$120都走唔甩。

叫左饅魚蛋包飯，加左流心蛋個流心蛋原來係店員黎係枱面前，將蛋介一下，就會有入面既蛋蓉，完全唔係所想像既流心蛋，入面既饅魚食係幾好味既，但唔算好特別，呢個價錢覺得唔值。另外叫左幾串串燒，係店員推介既牛三食，牛舌味道正常，其餘2串都好un，咬唔開，一般。最後想講，店員服務態度真係好差，叫佢地過黎，好似唔想行過黎張枱咁，勁遠就問我地：咩事呀？完全唔想招呼客人咁款-_- 而且漏左單無道歉，又無諗住幫我地落番單。 今日係12月31，我都明白做食肆會比較忙，不過今次呢個經歷，唔會再有下次

今日咁岩去開港島呢頭，諗住lunch留喺呢面食下好野，就同老公仔去左試呢到嘅蛋包飯同芝士無骨雞翼。一入到門口，已經覺得好殘舊，有啲污糟，侍應態度又唔好。本身有諗過走，但諗住野食應該會好正，就留低試。我地叫左和牛蛋包飯($138)、牛舌蛋包飯($88)同芝士無骨雞翼($58/3隻)，跟飯送左兩杯飲品，我地叫左凍檬水&忌廉。嗌飲品果陣，侍應態度已經唔好。之後佢黎錯左杯熱檬水，叫佢換，佢拎杯涷檬水黎果陣「啪」一声就放左喺枱。至於野食就真係好一般，其他食蛋包飯嘅連鎖店都好味過佢。我見隔黎枱黎流心蛋包飯果陣，真係O咀，就咁切一切就當流心。總之服務態度+野食完全唔值呢個價啦，以後唔會再幫襯。

今年嘅工作量特別多，搞到連星期日都要返公司忙一陣！辛苦揾嚟志在食，一於放工去揾啲好嘢食，補充吓能量先 ！記得之前行經天后，見到有間蛋包飯店，名叫“生原創”，除咗賣點~蛋包飯之外，仲有唔少美味嘅小食 呢 ！就試下呢間喇 ……店子小巧，居酒屋式嘅格調佈置 ，感覺悠閒親切！侍應生安排我倆坐bar枱，我哋一心打算主攻小食，無奈坐低先發現lunch時段只得lunch set供應，小食得几款咋 ！唯有向蛋包飯低頭了……1.秘汁鰻魚蛋包飯$108 ：我地揀咗咖哩汁，微甜而不太辣！飯唔硬亦唔軟，香濃嘅咖哩汁配軟滑嫩蛋 ，yummy yummy ！加埋嫩口鰻魚肉 ，口感更豐富，可惜鰻魚肉太少，唔夠喉囉 ！呢個set包埋沙律及飲品 。加18蚊有個流心蛋，不過我哋對流心蛋麻麻，無加到。2.芝士無骨雞翼$58 ：炸雞翼，外皮酥脆熱辣辣 ，内裡啖啖嫩雞肉 ，好肉地 ！芝士唔多，感覺唔會膩！點沙律醬而食，同樣味美 ！如果午市做多啲小食，應該會更受歡迎 ！

今日約左朋友係佢屋企附近食飯，依度附近選擇多的是，我地最後揀左蛋包飯，因為見幾吸引同幾多其他不同款式既食物叫，同埋依度既蛋包飯係餐廳既賣點主打。入座時諗住要等一陣位，因為見店內座位唔算好多，地方細細咁，但店員竟然話有位，原來佢帶我地到店內後座位置，入面仲有間小房可容納十至十二人。店內裝修未算新亦唔舊，具有日本居酒屋既風格，令客人都感覺係日本既餐館進餐。餐牌上除左蛋包飯之外，有串燒、飯、麵、前菜、小食、刺身，真係包羅萬有，如想落單或有任何需要，房內有個按鈕鈴可叫店員過黎架。我地三個女仔叫左:冬陰公蛋包飯: 食落有少少辣，蛋包住香濃冬陰公味炒飯，配冬陰公汁，都幾開胃秘汁鰻魚蛋包飯配忌廉芝士白汁: 濃郁既秘制汁同粒粒既鰻魚炒珍珠米飯，飯粒口感煙韌，每啖飯用蛋包住，配芝士忌廉白汁幾好味炸芝士無骨雞翼: 新鮮炸好熱辣辣咬一啖，入面好多汁，芝士仲有流出黎，好好食蟹腳沙拉: 配日式沙拉汁，味道普通，蟹柳條份量都算多另叫左兩杯巨峰梳打，解渴至緊整體上，食物種類好多，主打蛋包飯味道都可以，我估轉做糖心蛋包飯會更加突出同令蛋包飯既口感更驚喜

同事話個蛋包飯好正，咁都講左咁耐就去試下啦。我呢個好明顯就係帶子菠菜蛋包飯啦，$158食個飯真係幾貴，仲要加$18先有流心蛋，其實我唔知點流心法，不過人一世物一世咪試下囉👉🏻👈🏻原來流心蛋即係喺你面前生劏左個蛋，我即時覺得比佢生劏左🙄咁就盛惠$18👏🏻👏🏻我當時諗如果唔流心，咁其實真係無咩特別。首先☝🏻️個飯唔夠熱，雖然出面個☀️☀️曬到我燶，不過食蛋包飯都一定要熱囉☝🏻️帶子得嗰幾粒，省住食啦😂友人叫左個海膽蛋包飯，佢好似想喊咁嘅樣。咁又唔怪得佢嘅，d海膽只溶喺蛋不溶喺口，哈哈，盛惠$138+$18流心🙈🙈貴唔緊要，問題係唔值，無下次👎🏻