生記粥店

營業中

休息中

想食清清地的午餐, 食粥係好選擇店裡食物的選擇有好多, 冇諗過粥都有好多款揀, 一品粥好似好正咁, 最後都係揀左鮑魚粥, 雖然都知係齋鮑叫左以下:1.生滾鮑魚粥2.腸粉3.油炸鬼4.糭生滾粥大大碗都係35蚊, 仲要係鮑魚粥, 粥好綿, 油潤甘香, 再同油炸鬼一齊食, 正呀, 個油炸鬼炸得幾好, 好脆, 仲剪埋細舊, 岩哂我呢D懶人, 粥加油炸鬼真係最佳的配搭不過可能我食開屋企的淡味粥, 會覺得呢個有少少咸腸粉同糭就冇粥咁好食啦, 普通冇咩特別4野樣共74蚊2個人食, 好抵既午餐!

我本身是山東人，我們從小就吃油條、麻球。香港很多粥店的油炸鬼我都吃過都太脆了沒有面香，泡粥喝還行，直接吃根本不行，和正宗的油條沒辦法相提並論。這家生記的油炸鬼 煎堆可以講是世界級水平！會廣而告之，無限回購！煎堆是上海江浙地區比較多，我曾在上海住過十年，這個煎堆絕對比上海的還好吃，香到不行但是不膩，也不會太甜！入口糯米香，芝麻香混在一起，Q感十足！粥的水平也很高，明天準備繼續幫襯！太驚喜了，希望大家都來試試！

已經好難搵到用了極度新鮮嘅生滾粥店，尤其是喺港島區，如果有價錢亦極不親民今晚去天后做嘢見到呢間生記正平很多; 食咗一個魚嘴、豬紅粥，一個豬潤腸，用料極之新鮮，仲係拉布腸。下次有機會一定嚟再食番我今次食唔到嘅魚卜 粥底當然有味精啦，但係已經比上環老字號哪間輕手好多

平時都有去生記食晏，整體啲粥好有水準，尤其是瑤柱蠔豉粥，柴魚花生粥及豬紅粥等都是我的喜愛。啲炸兩好大碟，香脆可口，蒸糕亦非常夠份量。值得一提嘅係，粥店阿姐落單好大聲，第一次去真係嚇咗一跳，同埋有時會好熱情，好似上次不斷叫我食黃鱔粥，話隔離個客食咗三碗，一定好好味。我問吓佢食過未，佢話未但叫我食完話返俾佢聽好唔好味，有啲搞笑，一試之下果然冇介紹錯，非常鮮甜，有鱔肉的油香！而家越來越少粥麵店，希望佢哋經營到落去，值得推薦。

第一次光顧，係放學後，同學帶我嚟食湯飯，一吃就愛上它😋 之後每星期放學後或在附近出席完什麼活動之後，都會嚟生記食湯飯，因為實在太好味。自選三餸一菜，可選飯或粉麵，多飯又得、少飯又得、唔夠添啲都得👏👍 有幾次想吃魚雲粥或魚咀粥 (因為冇乜食肆有此供應)，但因為湯飯實在太吸引，真材實料，而且價錢堅貼地 👍佢哋嘅豬肉丸係自家製嘅，有馬蹄㗎😍😋👍所以始終未有機會試其他粥品 😁適逢店員準備包裹蒸糉，嘩！真係真材實料呀👍👍👍

平時有去開試… 粥品等等… 講真唔算特別。個蒸飯仲頗咸添（可能我慣清淡）。豆腐花因為幾新鮮，好滑同豆香重，算好食，但未算驚喜。但係個「白糖糕」真係不得了！為了印証我特別早兩天去深水埗坤記買＄8件既白塘糕比較。白糖糕要好食，難度甚高。1－看撕開既纖維，你見到一半打橫；1半打直，同埋疏疏地就最好2－發酵時間要準確，否則會有酸味3－米香（呢點睇各自喜好）我鍾意米香濃既生記：纖維可以；有少少酸咪；米香唔算濃坤記：纖維可以；清香甜咪，無酸味；濃既米香味兩家最近都係試左1次，可能岩岩失準／或好彩好食。但綜觀講，生記既白糖糕絕對係米芝蓮推介既之上。（而且好抵，＄4／件咋！）

想試左好耐，次次行過都好似好多人排隊，今晚行過見冇乜人就入去試吓。夜晚樓面得返一個人，等左好耐先至可以落order。碗鯪魚球粥好多料！都ok.不過啲腸粉唔夠滑。 呢度勝在價錢夠平，夠實惠，一試無妨。

陪媽咪住係皇悅酒店 落樓左邊就係尼一間生記粥店 連住四日都去左尼一間 雖然附近都算多早餐店 但費時揀食咩 而且尼一間食粥清淡d味道有唔錯 於是我地四日基本一個個唔同既粥試一遍我地第一日揀左魚片粥 係稍微平d既果d 唔錯 魚片唔算多 但粥都算幾滑 岩岩落單 粥就即刻黎之後幾日我地試曬果邊既內臟粥 佢地內臟處理得唔錯 落單之後佢地從生既內臟開始處理到加入粥度 所以要稍微等一陣 但味道唔錯 唔腥 豬潤豬腎很嫩 而且份量唔少喔！我同媽咪分岩岩好我地試過叉燒腸粉同埋牛肉腸粉 第一日叉燒腸粉係平d果d 所以入面係叉燒絲 好似有四條 腸粉算滑吧 第二日媽咪話要對自己好d 所以叫左貴d既牛肉腸粉 牛肉份量多左 而且係牛肉片 好嫩！ 腸粉佢地其實做得唔錯 就是有d油 不過都係幾好味蘿蔔糕我地四日裡面食左兩次 因為媽咪很鍾意 入編夾有粗粗既蘿蔔條 很腍 加豉油蘿蔔香氣好好味！朝早食油菜走油 我估就我地 但清淡配粥增加纖維 幾好呀 但第四日我地去食既時候姐姐話無入貨菜 成間鋪頭無菜⋯⋯算啦 我地叫左韮菜豬紅 估唔到係清湯底 清淡幾好呀 韭菜唔多 豬紅比較多 豬紅食多d都ok呀！清理身體垃圾 哈哈我地屋企飲食

天氣涼涼地，吃碗粥先。免治牛肉粥 $17有味粥底是吃落不覺得有味精，粥吃至底亦不會變水水，粥味純樸，牛肉碎有足夠的米粉碎裹着，攪拌來吃是很家常的味。蒸蘿蔔糕 $12一句講完:粉多過蘿蔔，入口好黏！牛肉腸粉 $16腸粉有米香，吃落口感佳，滑牛肉餡有馬蹄碎在内。廉宜又飽肚的一餐。味道 3環境 3服務 4  (當時聽到後面位女仕與電話中人對話稱自己無帶銀包要求救, 可惜對方不在粥店附近, 女仕只好硬著頭皮對男店員解釋並說可留底甚麼抵債, 會立刻跑回公司取銀包回來付款, 不過那男店員反叫女仕無需擔心亦無需拿甚麼來抵債, 只叫她得閒再回來付款便行, 抵讚!)衛生 3.5抵食 4

今晚買左2隻糉返屋企食 $32/2隻。一咸一甜。咸嗰隻我唔可以叫佢咸肉糉，因為佢入邊無肉的。但多綠豆同咸旦黃都算大。糯米包得比較厚。味道淡淡地，要點豉油。咸旦黃唔太咸，但旦黃油多，都幾香口。簡水糉-打開睇賣相幾靚。好多紅豆。有瘦肉。成隻糉好重紅豆味。咬感好淋，配合紅豆有咬感。

在炮台山返工的我, 近排發現附近開了幾間新的食店, 其中一間是生記粥店, 愛食粥的我就去幫襯下.前幾日天氣好差, 不停落雨, 所以我就外賣返公司食.本來打算食生滾粥, 但見到佢地有生滾湯飯食, 覺得幾特別, 所以就決定試下.自選三款材料也只不過三十八蚊, 都算抵, 而且仲送時菜.我選了豬心, 滑雞和滑牛.即叫即整, 所以要耐少少時間.返到公司打開, 原來佢地將飯和生滾湯料分開, 這樣幾好.份量都幾多, 個湯幾清甜, 因為吸收晒材料的精華, 啱晒鍾意飲湯的我.豬心唔係成日有得食, 帶點咬口.滑雞的肉夠嫩滑, 若肉多一點更好.滑牛的肉也夠腍身, 與雞比較, 我鍾意食滑雞多一點.夏天食湯飯最好不過, 吸收晒湯的精華, 好味道.湯裡面仲有菜, 有肉有菜最為健康.

新開張的餐廳, 一直喜歡生記, 食過鰂魚涌果間分店, 生滾粥很好吃, 無人匹敵了... 這天晚上回家, 順道吃晚飯, 點了炒米粉+油菜 -- 居然有我最喜愛的西洋菜!!!!而且很便宜, 只要$15!!西洋菜以油勺過, 配點點鼓油, 真不是每間都有, 以後會多點去吃))btw, 天后以往只有一間粥店, 現在肯肯定比下去了

天后已經一段時間無粥品店，大概租金貴被逼遷等等原因。終於開番一間，即刻去試吓...及第粥：粥底粘稠，啲料就普通皮蛋魚片豬紅粥：粥底仍然粘稠，啲料仍然普通，豬紅尤其普通有即拉腸粉，梗係要試啦，可惜米漿唔滑：鮮蝦腸：其他全部$19，呢個鮮蝦特別大字體收$25，以為好靚，點知啲蝦勁細，腸粉皮厚，唔滑炸兩：油炸鬼唔脆，米漿仍然厚，仍然唔滑新張營業，已經知道服務、流程需要磨合，但係漏單、錯檯頻頻，隔離檯哥仔食完碗粥炸兩都未到，落單個個又唔上菜，周圍搵邊個叫，全件事真係好有進步空間。加油！