影片
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
今日深水埗行街，好耐無食牛腩，於是黎呢度食個lunch，咖哩牛筋肚飯，中辣，咖哩好香好好味，中辣都還可以接受，送飯一流😋😋😋另外朋友食左碗，崩沙腩河粉，牛油脂比較多，視孚各人口味，上次就食牛坑腩，兩款牛都唔韌，個湯底亦好有牛味👍🏽👍🏽👍🏽
繼續閱讀
多次幫襯咖喱安格斯牛腩飯。但係有時佢俾埋晒啲碎得好緊要嘅碎腩，碟野黎到嘅時候，確實有啲失望。又有時俾埋成碟都係啲薯仔同牛筋；牛筋都唔緊要，牛腩有唔同部位，有筋有腩我接受。但弊在我全真牙都咬唔開，有時幫襯都有啲失望。佢啲味道ok嘅。只係要睇吓自己有無食神，遇著廚房大佬俾晒啲韌過橡筋嘅牛筋同薯仔，果餐嘅quota又嘥咗啦，灰。
繼續閱讀
$60得五嚿牛腩手指尾咁大，食晒嘢先嚟嘢飲，都唔知係咪做餐廳嘅叫嗰樣冇嗰樣廚房又漏單，物價貴姐都唔係咁誇張呀嘛，問佢又話煮緊到你再追先話冇，完全都唔係做生意嘅，午市過左唔係忙姐。送俾我都唔會再嚟食，湯底又重胡椒又鹹，食完又頸渴飲10杯水都唔夠又話自己係專家，夠肉鞋到死完全冇牛肉味又話冇味精飲極水都唔夠食飽晒先上嘢飲又嚟錯晒送俾我都唔會再送俾我都唔會再食，千祈唔好浪費金錢去做善事好過啦比真正有需要幫襯嘅舖頭
繼續閱讀
叫左清湯腩外賣，一打開見到個幾舊牛腩都覺得唔係好野，放入口，果然如我所料，全部都係渣，好似湯渣咁，完全唔想吞，有6-7舊嘅，但舊舊都係咁，我淨係可以食河粉。$67食河粉😅😅😅
繼續閱讀
朋友，整盤過嚟，咱嘅舌頭準備好未呀？今次我去咗一趟，撈埋碟避風塘雞翼，啖啖肉啤返一啖啤酒，實在太正！外皮炸到金黃鬆脆，裏面嘅雞肉唔止滑嫩，仲香口得滯！🍗咖哩牛，這個濃郁到出奇嘅巴基斯坦咖哩，攞嚟搭配香脆嘅薄餅，真係諗起都垂哂口水。那腩肉嘅纖維爛到揭唔開咁樣，入口即溶，咖哩味又重又香，每一啖都有驚喜。🤤再嚟就係煎墨魚餅，彈牙有勁，墨魚味道鮮美得嚟又唔重，啖啖都有碎粒嘅墨魚肉，呢個腍滑度，一流呀！最後一碟，麻辣牛肚，唔會太辣得過火，一啖落肚暖笠笠，麻辣味道啱晒平民口味，怕辣嘅朋友都啱食啊。肚肚有啲似金錢肚咁鬆化，想不到咁平宜嘅地方都食到咁高質量嘅小菜！🌶️跟手食個杞子桂花糕，完美收場。糕種濕潤得嚟彈性十足，每一啖都食得出桂花嘅清香。這一餐，不夠半個鍾就解決，但印象深刻，好食過癮，啱啱好！
繼續閱讀