田舍家

營業中

休息中

好少寫食評，但係呢間餐廳值得一篇超級劣評！服務質素茶餐廳不如！嘢食未食完就被收走，上食物時亂咁放，完全唔會介紹食物內容。唔會問食客有啲咩唔食。有個阿姐，問佢問題10 問9唔知，態度超級惡劣。如果呢間係一間茶餐廳，我可以接受。但係話自己又米芝蓮又剩，簡直連麥當勞都不如😡😡😡一定唔會再食，超級伏！The worst dining experience I ever had. Try it yourself if you dare to !!

🌟綜合評分：9/10🌟食物口味：9/10🌟環境：9/10🤩亮點：無敵海景米芝蓮二星餐廳好味！覬覦呢間嘢好耐la，米芝蓮二星+無敵海景日料，平時好難book，疫情期間終於book到位la！起初喺窗邊seaview位同吧台位糾結左一陣，最後都係揀左bar seat，畢竟食omakase都係坐bar有feel d😄✨sushi omakase set$2280+10%價錢喺omakase中算係貴少少，但食完覺得非常抵！首先餐飯食到最後超飽（我大胃王黎嘅，食omakase好難覺得特別飽），份量充足且菜式比普通omakase多，甜品都有兩種，d魚有真係好新鮮！其中有幾款特別impressive嘅係赤貝、左口魚、大拖羅同海膽，質素絕對係top，且師傅好專業好好服務，超considerate，同我講話女仔通常好鍾意食海膽所以俾大舊我，最後又見到我食唔落所以手卷整少左d飯，好細心超感動！呢間係一定會再黎嘅，下次可能會試下懷石料理，大家喺特別嘅日子都真係可以黎一試wo！

因為6日限聚令，我地今日要坐房，最底消費要$20000,但食物質素高，而且經理都好貼心服務，而且環境既開揚，間直真係物超所值我地係房內有師傅鐵板燒，經理大部份時間都係房內照顧我們需要；一開始未揀餐，有個朋友話好肚餓，經理即時攞左一些小食比我們真係好貼心呢。

起碼食咗五次，呢次係最差，螺超級腥，又唔問客人有啲咩特別想食，唔食啲咩，個拖羅竟然係帶筋既！咁高級既餐廳，竟然咁嘅食材！？環境係好好，可惜6:30入座，明明好多空位，全場只有一台客人，唔明白點解要將我個枱同埋另外嗰台放得咁近🤯

朋友話好耐無黎過，約好左一齊響田舍家食lunch。我早3星期訂左枱，個職員好有禮貌問坐鐵板燒，壽司定爐端燒位。我地怕鐵板燒油煙。所以揀左壽司table 😃職員亦有打黎reconfirm booking去到餐廳，我地被安排坐窗邊位。因為天氣好好個景好正！我點左鵝肝、活鮑魚及美國牛肉套餐$690, 套餐包左沙律、鵝肝、活鮑魚、牛肉厚燒、炒菜、炒飯、香菜、麵豉湯及甜品。沙律菜落左好多沙律醋。唔怕酸既我好啱食！鵝肝煎得好香，鮑魚都勁好味。可惜牛肉少少韌。甜品係牛奶布甸❤️朋友點左壽司定食$480, 包左個牛舌前菜、沙律、茶碗蒸蛋、雜錦壽司、野菜天婦羅、迷你湯烏冬及甜品。壽司上面既魚生都ok既，朋友話唔算非常新鮮。如果以食物質素同價錢去比，性價比就一般。不過無得出去旅行，偶然食一次，獎勵下自己，逗自己開心下都ok既！

2021年3月28日同姊妹去fine dining,試試這裡的午餐。坐升降機直上101，入到去餐廳，職員介紹壽司吧、鐵板燒區等的位置。侍應推介鐵板燒區給我們，由於餐廳客人不多，全區域只有我們坐。在101樓居高臨下，當然已經加分不少。Set lunch 價錢由$600起，亦可散叫。我同好姊妹各叫左一個懷石料理，埋單每人約$870左右。餐廳還有其他刺身餐、壽司餐等，可供選擇。我倆選了中價的款式。食物包括：前菜、魚生、壺湯、燒物、天婦羅、面豉湯、炒飯、甜品。每樣都十分精緻，味道很不錯。前菜的擺盤和味道，已經好吸引。魚生非常新鮮和肥美，入口滿口魚油，有入口即溶的感覺，配合生磨的wasabi ，絕配。燒物：魚肉燒得非常好食，有肉質彈牙的感覺，平時食開普通食店的我，未試過食到這種質地，這味菜是全餐料理最高分和驚喜的菜式。天婦羅和湯也好美味，十分脆口，但沒有太大驚喜。天婦羅蝦肉質彈牙。湯有幾粒海鮮：包括蝦和貝類，味道鮮甜，但味道略偏淡。我地坐在鐵板燒區，所以可見到師傅即場製造炒飯和牛肉卷，熱辣辣的送上。看到飯在鐵板上跳舞，別有一番風味。面豉湯、甜品味道正常，沒有什麼特別。美中不足的是侍應的表現，我們

放假嘅日子裡、同姐姐想找個環境舒適！坐得舒服地方食日式午餐！又來田舍家！十二點正去到好多人已經在門外等候入坐！由於我地有訂枱、等了一下、接待員很快安排入坐！進入餐廳、人客不少！因為姐姐想食鐵板燒..而食鐵板燒、當然要坐吧枱！訂枱時已經訂鐵板吧枱！坐下侍應放下餐牌！我們不用多唸是日叫了兩份鐵板龍蝦牛肉套餐！每個套餐都先係沙律作前菜、是新鮮生菜加柚子醋、簡單清新開胃！刺身各樣也是新鮮！跟住主角出現啦...師傅將龍蝦在鐵板上拆殼起肉！加入調味用鐵鏟翻炒、蓋上鐵板燒蓋、待焗至熟透後！淋上豉油、清酒和檸檬汁！調成的龍蝦啖啖肉鮮甜爽彈！美國牛肉厚燒...牛肉入口味道頗濃、肉質香嫩、不錯！最後就係炒飯、湯、同漬物 、炒菜、正正常常！壓軸甜品奶凍、幼滑美味、為這餐作完全句號！餐廳的地方寬闊、樓底高、枱子不密！簡單整潔的裝修、帶出的空間感令人舒暢！中午時間餐廳坐滿了客人、也不感覺人聲鼎沸！一頓吃了90分鐘的鐵板餐，也不覺得時間很長！而且很享受，鐵板師傅每道菜都做得非常精緻用心！食物由生演變美味及擺碟功夫！除了味覺滿足、並且視覺也很滿足！而且今天還安排在窗邊吧枱角落的位置從窗邊可以欣賞美麗的景色！舒適的環

寶貝要去圓方買嘢，話食埋飯。。咁咪上網搵吓比佢揀，佢就揀咗呢間，於是我打電話去book位，店員問要爐端燒定普通，由於本人未試過爐端燒，所以揀咗爐端燒，店員話要每位500蚊落訂，跟住wtapp資料比我落訂！上101樓真係好高，搭直達，上到咁高耳仔難免有少少唔舒服，bk咗6點，但上到去仲差10分鐘，店員話爐未得，安排我兩坐住普通位等。。。由於面向大海日落，我地都不忘影相準備好了就帶我地入座，嘩。。。真係大鄉里呀！坐低後見面前有好多菜，再睇吓餐牌子，以為係睇餐牌叫，問問店員先知餐牌係出面鐵板燒嘅，既然坐爐端燒梗係想試吓響到嘅串燒啦！真係一睇就知我地係初試於是店員介紹吓我地就邊食邊再點啦！食埋個飯已經飽喇。。。呢個時間全房滿座，我地就埋單走人。終於明白爐端燒就係高級嘅串燒。。。食客都係邊飲酒，邊食傾計，但我地唔飲酒嘅未免就唔太合適，所以試過一次就夠喇，下次都係食返出面坐嘅鐵板燒算喇

上星期我們一家去了田舍家預祝媽媽生日餐廳位於ICC 101/F,可以飽覽維港景色可惜那天天公不造美,大霧到什麼都看不見看不到風景,就看看店內環境吧！餐廳本身設有weekend 午市套餐而我就選了以下套餐💖鵝肝、活鮑魚及美國牛肉套餐 - HK$800套餐內包括沙律、刺身、鵝肝、活鮑魚、牛肉厚燒、炒菜、炒飯、香菜、麵豉湯及甜品🌿刺身除了Toro有少少筋外,都沒有什麼挑剔🌿鵝肝入口即溶,配上龍珠果和藍苺,即時減低油膩感🌿活鮑魚質地軟身,配上旁邊的醬汁,味道十分配合🌿牛肉厚燒賣相精緻,牛肉的質地也是很柔軟配上紫蘇等配菜,感覺很清新🌿炒菜、炒飯、香菜、麵豉湯🌿甜品是生果來的,味道很清甜以這個餐廳的景觀來說我覺得價錢是可以接受的以食物的質素來說,雖說不上很驚艷(也可能是我第二次吃這個套餐的關係吧🙈)但質素也屬於中上,我們一家也吃得很高興

又到年尾、當然同姐姐聚聚！想食日本嘢、由我話事！今次又揀田舍家！這餐廳雖然窗口位多、不過實在太旺！我哋早十日前預訂也訂不到窗口位！仲要食頭輪、餐廳需要一點半前還枱！但田舍家坐落ICC高級商業大廈！餐廳本身已經好幽雅！而今次雖然訂唔到窗口位！我哋只是坐在窗邊隔離的普通位！但位於101樓、加上落地玻璃窗及高樓底！居高臨下也可以睇到維港景色！去到係第二枱客！時間尚早、在窗邊飽覽一下維港景色！而且天色咁好當然影下相先！我們點了兩個壽司套餐再散叫了兩款刺身！這天由沙律開始，沙律顏色美觀、菜很新鮮！味道酸中帶甜、十分開胃！最喜歡的其中幾條露芛仔夠爽脆！個人覺得略嫌柚子醋香不足！蒸蛋既香且滑，香菇味道甚為突出！刺身及壽司也隨即送上...兩款刺身之中：牡丹蝦刺身相當大隻、蝦肉黏黏、味道鮮甜！赤貝入口爽脆無比，肉質鮮甜！九件壽司及卷物一件件捏好放在盤上！師傅握得夠實淨沒有鬆散！海膽軍艦是我們最期待的！海膽顏色鮮明偏黃、食落濃郁甘香！我一啖過把整個軍艦放進口！那一刹那的滿足簡直非筆墨所形容！赤貝壽司、當然同那刺身都一樣咁新鮮、口感爽口彈牙！那種鮮味留在口內很久先散！赤吞拿魚油脂比較少、姐姐不喜歡！就由我一

仲有不足20小時就到牛年了，先祝大家來年事事順利，身體健康，真緊要百毒不侵。講返上年就算係疫情下，有好多餐廳都會靈活求變，又或者推出好抵食既套餐，其實係限聚令前，曾造訪過位於尖沙咀的田舍家。說起來，都有好一段日子沒來了，從半空遠眺足下的景色，同一個位置，卻是感觸良多。鐵板溏心鮑魚及龍蝦套餐龍蝦沙律一上檯已經喑叫一聲，原隻龍蝦鉗褪殼，令食客可以啖啖肉，實在有點奢華的感覺，係坊間好多日式食肆都係折肉上，一來慳成本，二來慳時間，因為折原隻蟹鉗真係好花時間，蟹要靚，鉗要大，折要細心以免整爛。溏心鮑魚食材選得好，功夫慳一半，鮑魚切開兩半，肉質煙韌，而且好入味，大廚處理得相當好。波士頓龍蝦原隻新鮮龍蝦開邊，塗上了海膽汁去焗，既保留了龍蝦的肉汁，蝦肉爽彈有緻，原來跟海膽汁係非常配襯，一試難忙，家陣諗起都想食。宮崎牛厚燒自己一向是牛魔皇，無牛不歡，用上宮崎牛，質素已經無須多講，加上厚燒至六七成熟，咬落的確鬆軟有嚼口，而且好濃肉味，蘸點一下岩鹽，鮮度進一步提昇，超正。鮑汁燴稻庭鳥冬以往食稻庭烏冬多數係放湯，大廚反而肯花時間用鮑汁去燴，將味道逼入烏冬內，軟滑得來又滋味。當日整個套餐要 $1288/位（另加

前幾日同妹妹慶祝生日，當然同佢食返餐好！去咗ICC這高級日本餐廳！我們叫咗二客午餐，壞石料理及刺身套餐大家分享...餐廳逐一將菜式送上首先係沙律所有蔬菜都好新鮮 配埋柚子醋 味道酸酸地好開胃海鮮湯以茶壼上每次可倒少少落小茶杯中，慢慢品嚐。海鮮湯味道不算非常突出！但打開茶壺可以見到幾隻條菇。仲有帶子同蝦壞石料理的刺身有三款、每款兩切放了些花同葉裝飾品顏色都配搭得好好。食落去都好新鮮，非常之享受。前菜每款食物的賣相都很精緻，好吸引花螺應該用咗少少味淋調味去煮！ 食落肉質彈牙之餘仲好鮮甜！之後先食蒸蛋真係好滑溜啊銀鱈魚西京燒啲肉比較結實 、唔會一夾就散但呢款魚油脂重而醬汁入味不需要點沙律醬都得天婦羅，炸得來好薄身，不會好厚粉，薄燒牛肉稍熟、但仍然保持冧身~食下油脂甘香~最後炒飯還附上味噌湯、醃漬小菜~而刺身定食，每款都有兩切，以拼盤形式上令人興奮！刺身分別是中拖羅、帶子、海膽、大甜蝦和油甘魚，海膽色澤鮮黃，質素未算最頂級，但起碼沒有腥味帶子中規中舉比較冧身 好易咬大甜蝦蝦身晶瑩剔透，肉質鮮美，吃來也啖啖肉。中拖羅厚切肥美，油脂豐腴，令人滿足。還有油甘魚，同樣厚切，魚味濃郁。其中有兩切最初都不

風和日麗既星期日Book左1230午餐時間對於係101樓既環境食午餐係滿心期待既🙂去到唔算多人被安排左係窗邊位置風景係靚既 瞬間加分左🙂餐牌有好多選擇最後叫左兩個Lunch set分別係鮨御膳壽司套餐🍣田舍家特選懷石料理另外再叫左一支手造熟成酒🍶整體既食物質素係比我想像中差可能係我期望太高其實食物味道唔係差 只係所有野都好一般係出面都會食到既質素所以性價比係唔高但值得讚既係環境真係靚同埋服務態度係幾好

第一次吃壞石料就再在田舍家一份午餐$680也不是完全負擔不起食物賣相味道都十分精緻有用心裝飾過的，味道都不錯但不是令人有驚喜的我們坐在房仔內，侍應不是常常見到我們，所以等了好耐才上菜，你真的要有兩個鐘午膳時間才好來吃

ICC 高空望住海景食飯都夠囇，我地3個人晏就去，完全係同個日本人師父單對單🤫成個環境都好掂，如果唔想好多人就要依個時間去。個爐端燒超高質，佢個”喜知次”一定要食 超impressed!!! 師父仲教我地要連埋佢果d配菜食，真係成個口感上左一層，就知道佢貴都有道理 我地仲叫左生豪，燒嘅同普通都有佢個豪又甜又大，我仲未係香港食到俾得上佢嘅蠔，大家要黎試下！Ps: 唔好俾佢地sell到雪糕，80蚊一球仲衰過維記😤