疊囍居 (已結業)

疊囍居是福臨門系列的新成員, 雖然老闆不是徐家成員, 但係無論門面和廚師, 很多也是個福臨門出身, 所以吃的菜式, 和家全七福, 國福樓及已結業的何必館也很類似, 唯一不同的是, 這裏對食客相當闊綽, 除了全單八折外, 更附送每位乘客一隻墨西哥19頭鮑魚, 是傳統的煮法, 不能說是溏心, 但整體味道以贈品來說已是不錯.也許是新開張關係, 這裡除了山珍海味外, 傳統點心也做得相當不錯, 燒賣皮薄之餘, 內裡是原隻蝦肉外有加了方魚碎的豬肉餡, 口感和味道的層次也有新意. 豬膶腸粉同樣皮夠薄, 也有米香, 豬膶切粒, 無腥無筋, 外爽內腍, 只加豉油也對味. 主食當然是點了福記出名的荷葉飯, 荷葉清香而且保持青綠, 內裏除了有菇粒和肉粒, 也有蟹肉和瑤柱, 蒸飯腍而不糊, 豉汁夠入味而非死鹹, 比老鋪的水準還要穩定.炸物酥香而沒油膉味, 當中的煎堆與沙翁更是經典的好味道. 前者的巨型夠Eye Catching, 剪開之後吃起來口感煙韌而綿滑, 除了基本的甜味就是芝麻香味; 後者同樣空氣感十足, 吃的就是久久不塌下來的手功, 和小時候喜歡的砂糖甜味, 比起山珍海味, 這些就是回憶越來越少地方

當天朋友提議到疊囍居茶聚，主要是來品嚐點心。個人覺得以下點心值得推介：鮮帶子芋角. 鬆脆，芋蓉帶子配合非常出色，一點也不油膩，是我吃過最好食嘅芋角之一。切肉浦魚燒賣手切豬肉，爽口彈牙，配上浦魚及冬菇等味道鮮美，值得推介.菠蘿叉燒餐包菠蘿叉燒餐包即點即焗，上桌熱呼呼的，菠蘿皮入口鬆化酥脆，餡料味道不俗。豬潤腸粉皮薄，豬潤嫩滑無筋。

叫了糯米雞90元一隻蒸出來是生米。再叫了炆斑頭腩煲,出嚟一陣雪味而且十分腥。收440元應該要用新鮮魚。炸蝦餃比較特別,都還可以。餐廳基本上收五星級價錢但是畀的是一星級的食品。

之前酒樓喺酒店地牢曾經幫襯過，今次搬咗新舖再去試吓🤭搬咗去呢個新位置，餐廳裝修比以前更歸一，感覺熱鬧啲😆之前嘅名物天九翅、鎮店之寶錦鯉魚同在👏🏻👏🏻👏🏻鎮店之寶燈影煎堆（$60/一件）呢個煎堆真係名符其實「燈影」夠曬薄，而且味道出奇地好👍🏻👍🏻👍🏻脆炸蝦多士（$90/三件）略嫌太燶，好似以前好少少兼且大件啲😅鮮荷葉飯（$220/半包）半包可以分做4-5碗，個人覺得絕對夠4人食😆筍尖鮮蝦餃（$40/二件）乾蒸牛肉燒賣（$40/二件）橡果黑豚叉燒（$180）的確係必食之一，肥瘦均勻👍🏻👍🏻👍🏻

諗住新開，星期六晚餐時段去試吓。成晚只有兩枱食客於大廳，其中一枱是我們一行七人。首先，餐廳並不主動提供散叫餐牌，枱上只有set menu，每個set 全部都鮑參翅肚級，四人份全都要$3000+以上（折扣後）。要求散叫menu後，開始下單；極失望下很多推介食物也「沒有」（請不要忘記只有兩枱大廳客）。最過分的就是落單了的置頂的金牌必食义燒，最後都話冇？？？但set menu 中差不多每個set 也有义燒？邊個信？？明明5分鐘前先推介我們吃即燒乳豬？但义燒就話廚房預錯份糧，所以冇？另外個枱2人客，明明就有义燒在枱，但他們是叫set的 ??!! 最終唯有再叫其他他們「御許」落單的普通家常餸。總算完成晚飯。公平D講，食物係好食eg 茶燻鷄。服務態度也可以。但這個5/6星酒店價錢，我可以係更多食得更開心更享受的地方叫，而不是這種經營手法的餐廳。(不過蒜子上湯豆苗的蒜子是益益地，但我們也懶得再處理..）話者要做的是先調整一下去這個餐廳，要預備吃那些山珍海味，會有好D的experience。最終～$28 X X埋單，只是吃了3個豆腐類頭盤、半隻雞、上湯菜、2位臘味煲仔飯、牛腩煲。

昨晚和朋友一起去試新餐廳一直喺灣仔返工，都唔知有一間剛剛搬過來的傳統粵菜中菜館首先覺得服務態度都非常好我哋叫咗係出名嘅招牌菜獅子魚羹蘿蔔清湯牛坑腩蟹肉桂花抄蝦絲茉莉花茶熏雞子薑梅子炆鴨枝竹羊腩煲蝦子蝦乾蟹肉炒米粉每一道菜都非常出色，我個人最喜歡是他的羊腩煲和炒米粉飯炒得米粉通透晶瑩味道非常一流，大力推介配紅酒白酒都非常出色

因朋友介紹，聽說是國福樓原班人馬再戰江湖，食物質素一定有保證所以與老婆飲啖茶食個包今次主要是來歎點心韭黃雞絲春卷⭐️⭐️⭐️⭐️餡料味美，外皮脆口菠蘿叉燒包⭐️⭐️⭐️⭐️⭐️菠蘿皮入口鬆化，叉燒醬不會太甜，餡料的叉燒有口感更內含有一粒令人驚喜的菠蘿。切肉浦魚燒賣⭐️⭐️⭐️⭐️⭐️豬肉是人手切，同出面用搞拌機整出來的口感差很遠，這入口彈牙爽口，亦有肉汁。必食之選豬潤腸粉⭐️⭐️⭐️⭐️皮薄，多料山竹牛肉球⭐️⭐️⭐️牛肉稍硬身本身都坐得舒服，坐位開揚夥計態度都很親切有禮，這幾款點心都是他們推介的，場內更有三十多年的風水靈魚相伴不過在等上點心時突然有位衣衫不整的男人在門口大大聲滿口粗言穢語，像瘋狗般破口大罵，以為發生了什麼事，原來是斥責門口職員好奇一問，誰知是這裡的經理那男經理真不太友善事關一早我倆都跟服務員說不需要為我們加茶，自便而不知為何他走過來為我倆斟茶後，在我們身旁責罵他的同事們不好好招呼客人有如此經理，十分可笑

疊囍居遷址之後，小人一直心癢癢的躍躍欲試，終於有機會拉著友人一起晉餐。新店比起舊店更見光猛，濶落開揚。我們的柯打是一個「星級二人套餐」，另加了兩客點心。套餐包括前菜、五款點心、一款麵食以及甜品。前菜香橙慕絲鵝肝脆餅橙香四溢，減少了魚子醬的腥味，加上鵝肝和脆口的餅乾，精緻而矜貴。炸物點心是完全不油不乾的，我們都認為是焗的效果，非常正！蝦餃和燒賣都極好味，熱騰騰蒸得剛剛好。而伊麵也是不油，乾濕度怡宜。腸粉及灌湯餃是另叫的：豬潤腸粉的豬潤粉嫩無筋；至於灌湯餃則夠實在。接下來是套餐的干燒伊麵，不論乾濕度或食味皆操控得很好！到最後，極品終於出場了，燕窩是毫不吝嗇的放在芒果布甸之上，絕對畫上了一個完美的句號！喜見店子的招財魚仍在，更多添兩條小魚相伴，更有生氣！

約朋友食午飯，他極力推薦到疊囍居試試這裡的點心，說是正宗及巧手出品。點了鮮蝦餃，果然是皮薄餡靚，蝦很大隻同新鮮。叉燒包亦都很出色，個皮做得很鬆軟，內裡叉燒食得出是新鮮製作，朋友一次食了兩個，完全無問過我要唔要食😂。另點了半份叉燒，食材新鮮，咬落去入口即溶，連d 豆都很好味😋 重點是龍蝦泡飯，經理陳年細說個湯底是用上大量龍蝦頭及龍蝦殼再加上海鮮熬製而成，所以個湯龍蝦味很重，再加埋泡飯一齊食，口感一流👍👍

嗰日去飲茶試吓啲價錢係偏貴嘅味道係唔錯但係成件事未去到個位可以收呢個價錢收得呢個價錢以下幾個項目都要兼顧裝修餐具食物嘅擺位員工服務態度非常好冇得挑剔可能舖頭租貴同埋伙記多所以要收呢個價錢先至計到數總括嚟講樣嘢中規中矩但係就唔值呢個價錢

這間剛遷往灣仔三湘大廈嘅「疊囍居」酒樓，據其掌櫃陳年(年叔)解釋，其命名也有一個鮮為人知的故事：由于食肆最緊要係客似雲來，要好多把口幫襯，故「疊囍居」取名係用上大量嘅「口」字(共有九十二個口字)，好有意思。位於三樓嘅餐廳既有十多間不同大小的廂房，也有一個以彷古大宅的柱樑作天花装飾嘅大廳，此廳可同時延開六席，以滿足不同客人嘅需要。餐廳除陳設着罕有嘅天九魚翅及超巨形龍躉皮，還有一尾已經飼養超過30年，愛跟行近貴客打招呼的靈氣風水魚，如此用心既佈置，除了提供一個優雅舒適嘅用饍環境，更突顯其獨特氣派！細看「疊囍居」嘅餐牌，它同時提供多達七十八種鹹甜環球美點，以及近三十種湯羹小菜 ; 以其媲美中環超五星「春夏秋冬」酒店米芝蓮星級中菜廳「隆境軒 」嘅天價食物質素，大部份美點都竟然只不過六七拾元有交易，實在「親民」抵食😋！今次掌櫃(年叔)推薦我哋用佢地啱啱新出既套餐，分別係「海龍皇套餐」、「魚翅飯套餐」以及一系列的充滿創意的懷舊及環球美點。令人驚喜的香橙伊朗魚子醬法國鵝肝慕絲：據負責人楊先生指出，伊朗魚子醬乃世界級美食，實乃黑黃金！以一個一磅裝曲奇罐盛載著的的伊朗魚子醬，其售價接近三十萬港元，而此道

今日約咗老友 “布萊約兒” 交換情報同埋技術訓練, 選址傳說中嘅 “疊囍居”. 📖 聽講 “疊囍居” 嘅班底喺福臨門國福樓. “國福樓” 起初落戶灣仔皇悅酒店, 之後搬咗去中環美利酒店, 結業後, 班底以 “疊囍居” 再戰皇悅酒店, 最近搬到嚟灣仔商業大廈, 地理位置喺銅鑼灣同灣仔地鐵站中間.🥢 餐廳裝修走中高檔路線, 可能由於樓底或者面積限制, 感覺有點不協調. 正方形嘅大廳設多張圓枱, 另有多間包廂.🥰 今日點咗二人午市套餐, 包魚子醬鵝肝慕絲, 五款點心, 一款主食, 每人一款甜品.🐟 伊朗魚子醬法國鵝肝慕絲. 魚子醬, 慕絲, 餅乾非常配合, 一啖放入口, 攪掂! 質素唔錯喎!🦐 點心一: 筍尖鮮蝦餃. 呢兩粒蝦餃一粒向左走, 另一粒向右走… 蝦餃皮簿, 餡料足, 好食.🥰 點心二: 切肉蒸燒賣. 一籠得兩粒燒賣, 感覺少少可憐, “相依為命”. 味道高質, 冬菇及其他素菜比例啱啱好, 值得推介.🍍 點心三: 菠蘿叉燒餐包. 好香菠蘿包味, 熱辣辣, 面皮酥脆, 叉燒餐包味道不俗.🥟 點心四: 鮮帶子芋角. 神級鬆脆, 芋蓉帶子配合非常出色, 應該係我食過最好食嘅芋角之一.🦐

味道不錯 見到廚師用心煮食，但碗盤清潔有待改善，一上來服務員擺枱時，碟就有個殘渣在碟上，不明白咁大塊嘢都可以洗唔走，是真的有洗嗎？之後都發現碟有啲乾嘅一點點，自己抹咗就算，衛生對食店好重要，否則再好食下次都不敢來。但也要讚服務員態度好好，好久冇見過這麼態度好的食店，食物味道也不錯，可以再來。

八號風球食乜好 ， 就去剛剛搬了新鋪嘅酒樓 ，點心非常之精緻🤩， 味道精湛點心... Heehee好味😋，推介一吓以下點心先。燒賣， 味道好特別出面好少有。 菠蘿叉燒餐包, 包裏面真係有菠蘿㗎🤣， 咖哩魷魚, 鳳凰煎糯米雞， 炸雲吞， 雞絲木耳腸粉， 燒鵝瀨， 黑松露野菌餃, 菜苗帶子餃😋. 甜品就是咗冰花蛋球，燈影煎堆, 黑糖蜂巢糕🤩. 今次就食住咁多先, 下次再試其他.