發記小食

營業中

休息中

《不負責任食評—發記小食》評分：🌕🌕🌕🌕🌗總評：位置唔方便、堂食環境差九點打後預咗要有排等但係我個人最愛既串燒宵夜檔❤️價錢好平 食到嘔都係每人$250（多數食$150人均）全部野即叫即燒、重香料重口味味道係行好多孜然、辣粉嘅風格😋（都可以揀港式蜜糖口味但係我冇食過）基本上佢餐牌大部份我都食過集合埋以往嘅經驗，精選左幾款同大家分享最愛1️⃣ ：爆漿豆腐外皮燒到脆一脆 一咬開真係會爆漿 好惹味！最愛2️⃣ ：燒牛脷心牛脷心爽口但唔un，油脂香十足 配埋啲醃過既生洋蔥，清新得黎辣辣地最愛3️⃣ ：燒原條茄子🍆蒜蓉醬調得偏鹹 但搭配本身無乜味既茄子簡直一流而且唔會燒到燶哂 連塊皮都食得麻麻地1️⃣：原隻燒鴨胸首先佢個份量完全唔似原隻而且食落好鹹好乾 千祈唔好中伏🫠麻麻地2️⃣：安格斯牛仔骨切得比較細件 一樣都係食落好乾似食肉乾多過食牛仔骨麻麻地3️⃣：燒秋刀魚明顯佢冇洗過入邊啲內臟識落又腥又苦 而且佢上碟嘅時候切晒一件件睇落好唔開胃😓我可以寫包單佢餐牌上面有八成嘅串燒都係好食嘅亦都推介過比唔少朋友 都話正🤭唯一比較垢病就真係環境比較差舖頭細，得四至五張枱通風差冷氣又唔夠，一多單隔離啲油煙就會供埋入嚟😷裝修又殘又舊又多

每次等巴士聞到都覺得好香，同屋企人提過，原來佢地食過之餘仲讚好味，所以特登搵一日DINNER叫串燒加餸。用APP叫外賣，等大概半個零鐘就拎得。食果陣唔夠熱，所以用燒烤爐熱住食，好好多。屋企人推介：雞全翼 – 抵食之餘又燒得唔錯燒賣 – 雖然係普通魚肉燒賣，但屋企人就係中意佢外脆內軟韭菜餅 – 翻熱後個面脆番，內餡調味適中，但整體我覺得日昇個韭菜餅好味D羊肉 – 似肉粒，如果唔係佢陣騷味，應該唔會知係羊肉豆卜 – 翻熱後外皮脆卜卜，不過略嫌調味唔夠最唔推介：牛肉 – 無牛味之餘，肉質亦好硬好實；正正因為呢個肉質，先估到佢係牛肉。燒拆骨雞髀 – 肉好乾好鞋，口感似雞胸😮，以呢個價錢，都係食番兩串燒雞全翼開心D牛舌 – 肉質偏韌、唔爽口雞腎 – 我每次食串燒都一定叫，但呢度嘅雞腎好細粒，SIZE同雞軟骨差唔多😣，食落口感偏硬，唔推介。重口味之選係燒茄子，蒜蓉好多，望落紅油唔少，但食落又唔覺辣。個人覺得比較好嘅係豬頸肉，厚身D、爽口D、因為油份較高，無咁易燒到硬崩崩。聞落好香，但調味輕手，食落唔夠鹹亦唔夠香料味，不過勝在外賣價錢唔貴，屋企人仍會不時幫襯。

去朋友家聚會想食燒烤 所以打電話外賣自取因為嗌左都幾多野食 姨姨表示要等大約半個鐘 會再覆電話叫我地去拎🤤等左大半個鐘 收到電話就出發去拎間舖頭既位置都容易搵而且行到附近已經嗅到好香既燒烤味😂最後係跟住陣味去搵拎到返上去打開影得一張相 已經唔得閒每樣野食影 開啟吃貨模式🤤🤤🤤臺灣腸好好味 感覺同去台灣旅行個陣食個啲好似而且有原味同黑椒味 兩款我都食曬 正😋原條燒茄子 好多蒜夠曬味雞皮夠乾身脆口蒜蓉焗金針菇同娃娃菜好夠味 連平時唔好蔬菜既我 都食唔少因為有朋友唔食辣 叫左姨姨將辣粉另上姨姨俾左兩盒俾我地 返去自己加上去唔算超辣 幾惹味 增加食物既味道🤤.整體嚟講 價錢唔算貴 食物夠香 同埋係即叫即燒姨姨啲態度親切 如果下次聚會可以再食過🤤

最近發現了兩家位於土瓜灣的小店，竟然有炭火燒烤🔥，難以抑制激動的心情❤️，立刻衝衝衝了！沒想到都超級😋好吃呀，我點了100💰左右的燒烤，包括羊肉🐑，豬肉串，豆卜，全翅🐤，燒醃肉腸仔，香菇仔，味道都很棒，如果吃不飽，還可以點主食，這邊有印尼🇮🇩撈面，酸辣粉，我們點了一個酸辣粉，裡面還有腸仔，娃娃菜🥬這個味道一般，不驚艷

本來呢日係專誠去土瓜灣試“泰仔串燒”嘅，但由於太早的關係仲未可以喺舖門口開枱。咁我哋只好沿路離開，但塞翁失馬竟然俾我哋發現咗呢間隱世小店。堂食的地方似舖頭的雜物房，牆身有少許壁畫，唔太單調。最重要係有冷氣開放，好過喺街邊一路流汗一路食串燒。雖然舖仔细细，但串燒的種類繁多，而且價錢非常大眾化，可以話好抵食添。重點推介: 燒韮菜餅$12（一份三個），熱辣辣架，記得一定要趁熱食。餅内的韮菜非常多，令整個餅看來很飽滿，由於菜多肉少，食落無油膩的感覺，值得一試！燒雞中翼$15（一串三隻），燒得恰到好處，皮脆肉滑又唔會太燶，非常惹味，可口至極。況且雞中翼在串燒界一向是穩健之選。燒墨魚咀$14，價錢相對較貴，但食落口感好特别，既脆口又有咬口，值得一試！燒牛舌燒得太乾，無咗肉食嘅質感，相對較失色。可以不試！燒韮菜一份$9，非常抵食，加埋孜然粉燒，有微辣的感覺，極之惹味，令人食唔停口！作為腸仔控的我，腸仔煙肉卷绝對不能錯過，因為腸仔能夠燒到皮脆又唔燶，係好講技巧。所謂一件事能夠做到極致就係藝術嘞！食咗咁多串都係百鬆蚊一位，今時今日仲可以去邊度揾呀？！況且食物的質素不錯。真係值得一試！

今晚想食串燒，去左土瓜灣一間小店order 左好多串燒，整體都好食外賣買番屋企食，一路睇電視一路食，都幾爽！串燒一般要燒半個鐘，所以預早電話落單，差唔多咁上下先過去拎，就唔洗等咁耐。串燒揀左小辣，食食下都辣辣地，下次試下唔辣先。可配蜜糖、麻辣粉、椒鹽、孜鹽粉試左好多唔同既款式串燒，晚餐黎講都算食到好飽原條燒茄子，好多蒜容，好味燒扇貝，好野味，加埋少少辣椒同蒜容錫紙蒜蓉金菇，一樣咁出色燒冬菇，都唔錯燒牛舌，都幾大串，味道不過不失燒秋都魚，好香口燒翠肉瓜，普普通通，唔知係咪放得耐先食，太林燒粟米，好味，好甜燒丸，都唔錯燒牛，牛就肉質普通，個人麻麻燒羊肉，好味燒韭菜，吸收左醬汁，好夠味燒去骨雞肶肉，啖啖肉燒秋葵，如果原條唔切應該仲正

平安夜, 升仙夜, 訓得黃朝白晏醒完再訓訓完又醒, 頹廢又奢侈地浪費了半日假期, 避開了最熱鬧時段才外出走一圈, 回到家已經近半夜, 又再肚子咕咕叫, 夜欄人靜的老區還有什麼選擇? 其實比起豪宅區鬧市地區, 老區的宵夜選擇可不少; 今晚就決定到之前也幫襯過的燒烤小店渡過聖誕這間發記小食只是一間路邊檔, 簡簡單單的燒烤檔, 再在旁邊的空置小店加多幾張桌椅, 人多時還要坐路邊, 不過來得吃的都是街坊街里, 誰又會介意這些小節; 坐陣的是母子兵吧? 一個落單一個燒烤, 是夜人客也多, 因為即叫即燒的關係食物都要稍等, 不過燒物非常可口, 整體質素不遜色於有規模的燒烤店, 街坊價錢配上暗舊的小店人情風味, 自是青菜蘿蔔各有所愛 

每次經過土瓜灣的時候 我也很喜歡到發記小食吃路邊燒路邊燒是平民的美食個人認為發記小食的路邊燒 的確性價比甚高個人推介吃 墨魚串燒、雞腎串燒和雞翼串燒下單時記得要點辣的！

又到食消夜嘅時間，想食串燒，但又唔想太貴，心念一想，土瓜灣有一間路邊串燒店，他的店名叫《發記》，主要賣的也只是串燒食物，他除了堂食已外，其實可以先致電後到取外賣，就是正因一間路邊串燒小食店，所以並沒有什麼裝修，店內給客人坐的位置不多，座位也不夠10個，如果要堂食就要時慢慢等待，因人手只得三兩，講返食物的味道，也算不錯，特別他的「燒茄子和拆骨燒雞脾」，也不需要擔心因店內有多款飲品售賣，如喜歡辣的也絕對值得推介。，