發記腸粉粥品 (已結業)

近日天氣凍凍，最好就食熱辣辣嘅生滾粥發記係大埔都有間，呢間新開嘅就試下佢啦我呢個係蠔仔及第粥，及第料每樣起碼兩件，豬潤煮得啱啱好，夠滑，肉片大大塊大讚蠔仔夠多夠大粒，友人食蠔仔碎牛粥，份量都好多粥底好甜，應該冇落味精，因為食完唔口渴叫咗蛋腸同店員推介嘅叉燒蛋腸，的確係一流，食過番尋味，再叫蝦米腸鍾意食蔥嘅人叫蝦米腸就啱曬👍🏻👍🏻唔駛落甜醬麻醬都夠味蘿蔔糕都好好味，好多蝦米，煎得又夠香後join嘅友人叫咗炒米粉，比起其他粥舖一早炒好嘅米粉，呢道夠鑊氣又夠熱店員有禮又勤力，值得一讚

在屋企附近慈雲山的街市買完餸後，轉入向來多食店的毓華里，發現新開左間「發記腸粉粥品」，唔知同元朗那間挺有人氣、同名的店子有冇關係，便入去嘗嘗。叫了一個魚片粥，$24算幾大碗，鯇魚片份量也足。味道中上，粥底不稀也不濃，魚片不腥又不會有細骨。看對面吃魚腩粥的份量也多，第一印象唔錯。跟著期待的蝦腸來了。腸粉皮雖非很薄，但不會太漿口，腸粉皮也有米香，蝦亦爽口，廿元有找的貨仔算合格有餘了。看到menu中有加蛋腸粉，念念不忘，結果隔了一天再來，吃雞蛋叉燒腸也。雖然不像我在澳門吃過成條加蛋腸粉變成黃色那樣，而是像夾心般的一層夾在腸粉內。不過始終物以罕為貴，香港有加蛋腸粉的店子不多，有了蛋感覺好像更有營養的，單是此味也會吸引我再來。