白咖喱公司

營業中

休息中

旺角太多好嘢食，又太多選擇，但如果喺趕時間又唔想食茶餐廳嘅話，呢一間一定係平靚正又快嘅首選👍🏻👍🏻午餐/夜晚時段一定排晒長龍，今次下午茶時段都多人，不過唔使排隊😄叫咗2個午餐：B1 白咖喱！香茅豬扒飯$66白咖喱超級濃郁，香茅豬扒都幾油，食食下發現有件香茅豬扒好似食過咁冇香茅，研究吓先發現原來香茅豬扒因為太細塊，所以切開一半扮大塊😂😂F1 白咖喱！香茅豬扒日本職人幼麵$66香茅豬扒都係好腍好食，但係咖喱湯稀到好似水咁，冇咩白咖喱味，如果白咖喱可以好似飯咁濃郁就好啦😄蒜蓉牛油雞翼一如既往地熱辣辣又脆又好味🤤🤤🤤👍🏻👍🏻👍🏻臨走嘅時候問吓職員生日月份有咩特別，佢話唔知，叫我自己問其他職員😂😂

放工諗唔到食咩又得一個人食行行吓行咗去旺角諗起好耐無食過嘅白咖哩豬扒仲要可以揀椰菜花飯懶瘦嘅選擇總能夠説服鍾意食又怕肥嘅女孩子入到去原來仲有自修室位坐一個人靜待碟豬扒飯嚟🤣沙嗲王嘅白咖喱真係好食🤤椰香惹味配香茅豬扒煎得金黃豬扒啖啖肉又唔鞋口仲有三塊添加配咗隻溫泉蛋但偏熟椰菜花粒粒偏濕潤未炒得至乾身但口感不錯配合個醬汁一齊食真係perfect 餐飲仲可以揀杯熱咖啡不過味道就一般架啦唔使加一算係咁啦@whitecurryco #白咖喱 #白咖喱豬扒飯 #椰菜花飯 #香港 #香港美食 #旺角 #whitecurry #porkchops #hk #hkfoodie #CHUZZZTASTYJOURNEY #mk #mongkok #yummy #food #satayking

冷氣位 吹正晒超凍。食品未上已凍到想調位。禮貌問第一位員工可否調教冷氣。員工表示 好。後發覺無調教過，再問另一位男員工，男員工冷冷一句：冷氣係商場 無得調教。就轉頭走左。完全無諗過幫忙調位或解決。最終一家匆匆忙忙挨凍食完即走。最可笑，發現收銀櫃旁一推冷氣機調教制。全家食左個急凍快餐再返屋企食感冒藥。野食一般般。白咖哩味道唔夠沙嗲王香濃。蒜蓉茄汁味道一般，無蒜香味及蕃茄味。份量就合格。呢個份量，環境及價錢，係可以。但加上味道及員工態度，去茶餐廳可能好啲。

同屋企係旺角睇完戲，唔算好夜但求搵間唔洗點排隊又乾淨企理既餐廳食埋個晚飯🙈見到呢間白咖哩公司有位唔洗排隊又望落乾乾淨淨禁禁就入左去🤔特別想推介呢個飯俾大家-自家製漢堡扒滑蛋蓋飯+法式牛扒汁有啲驚喜俾到我，兩舊睇落細細既漢堡扒其實都算厚身，一咬落去肉味好濃仲要好多肉汁！ 滑蛋加埋入面個飯係炒飯唔係就禁白飯😆 係好夾得黎飽肚！ 牛扒汁都好入味☺️☺️ 好推薦俾大家！仲有都係第一次見會係餐廳鋪頭陳列自己既商品好似水樽 Tee shirt 禁！幾特別同埋款或都幾靚✨

午餐時段嚟咗呢度食飯⛳️4個人食等咗一陣先有位，不過餐廳turnover都算快嘅集中講吓我自己個飯先✨️蟹粉豆腐窩配飯 4🧡/5極邪惡！！😈沙嗲王年代已經時不時會叫嚟食佢係一個燒熱咗嘅鐵窩上，一路食都keep到個溫度啲豆腐好滑，蟹肉份量都算係咁味道方面，雖然叫蟹粉豆腐窩，其實係咸蛋味更突出感小姐覺得會有種越食越好味嘅感覺因為個窩嘅熱力可以令個汁越嚟越杰身同香口特別係佢個窩比較平，同啲汁嘅接觸面多，好容易做到收汁嘅感覺食之前放一放先，之後再撈一撈，如果唔係可能會覺得汁比較稀，油還油，蟹還蟹雖然唔係一個好精緻嘅菜，但呢個餸撈飯確係有佢自己嘅魅力！😋跟餐有杯熱無糖烏龍茶，免費嘅同枱朋友叫咗✨️白咖哩自家製漢堡扒滑蛋蓋飯 4🧡/5我都有食到，估唔到啲蛋都確係幾滑白咖哩汁一如既往唔係typical咖哩味嘅，甜甜哋有啲香芧味撈飯好食👍🏻另外佢有得揀咗將飯轉做椰菜花粒粒呢個option最岩想健康啲嘅朋友總結：3.5🧡/5啲嘢食總括嚟講都幾好味環境都舒服，上菜又夠快不過我覺得佢菜式嘅選擇都係偏向"撈汁"或者濃味路線，爭在撈唔同嘅汁落飯/烏冬/椰菜花粒粒度，可以話係高級嘅頹飯🙈🙈同埋雖然裝修令餐廳隔調提升，但

有次經過旺角發現沙嗲王原來開咗副線，專食佢地嘅白咖喱。已經好耐冇食過沙嗲王嘅我，今次要試試佢，而且就咁望落menu都好吸引。除咗有白咖喱飯，仲有湯麵、鐵鍋。今次兩個人都係叫白咖喱，另外再加小食，再叫咗杯番石榴烏龍茶。白咖喱厚切吉列豬扒飯叫咗一個最經典嘅白咖喱吉列豬扒飯，4大舊，真厚切，炸完都keep到個肉汁同唔鞋口。白咖喱特長吉列魚柳飯另外特長吉列魚柳飯條魚柳真係好好好長，唔係用炸粉扮長果啲，一啲都唔hea 。即過即炸肉質嫩滑。白咖喱keep到以前嘅味道，但佢個量用黎撈飯就有啲少，可能要問店員有冇得加汁。龍蝦湯都係入貨果啲普通味(似m記嘅龍蝦湯味)，蒜蓉牛油雞翼偏咸，烤餅都係正正常常。整體環境闊落坐得舒服，夠冷氣，上枱速度快。將沙嗲王嘅皇牌食飯revamp 去一條young啲嘅路線，仲出咗啲周邊product可以買，食物水準都keep到，真係唔錯。

今晚係旺角行下行下～見到個fd就傾左陣 順便搵間餐廳坐底吹下水見到有間叫白咖哩公司就試下，咁岩隔離個客都係第一次食睇黎好多人都未試過～就等我都試下先～入面有好多不同種類既食物依家推行緊QR code落單對我黎講很方便，可以自行選擇配料 ， 惜食的行為👍🏻🌟濃香沙嗲湯特長吉列魚柳米線豬骨湯底，味道不是很濃，米線很有口感，而且我發現魚柳很大塊、鬆脆可口、完全feel到 即叫即整😋😋食完個米線都仲有好多魚柳比我食😋好味指數極高，如果中意食魚柳既朋友仔 可以試下員工很有善對待客人，客人問問題都會樂意解答環境方面：坐位很舒適 因為當時人流不多 感覺空氣很流通

沙嗲王的白咖喱豬扒飯聞名遐邇，因此沙嗲王開設了一家專門供應白咖喱的專門店。因為朋友喜歡吃白咖喱，所以今晚特意帶他來試試看。白咖喱香茅豬扒湯米線 + 越式春卷🍜🐖米線的軟硬適中，順滑可口。白咖喱在湯中的味道略淡，但豬扒依然保持了一貫的水準，肉質鬆軟，入口即化。越式春卷的外皮稍微不夠脆，內裡餡料欠缺味道，不是水準之作。熱烏龍茶☕️茶味不濃，味道與一般市售的烏龍茶相似。慢煮牛肉泡菜白咖喱飯 + 蒜香雞翼🍛🐂肥牛嫩滑，白咖喱的味道非常好，只是稍嫌稀了一些，加上少許辣味的泡菜，味道更加惹味。雞翼的外皮金黃酥脆，內部仍然保留著肉汁，但稍微有些過鹹。番石榴梳打🍹番石榴的味道不夠突出，冰的量較多，甜味稍顯淡薄。餐廳相較於沙嗲王的人潮較少，環境寬敞，裝修簡約。餐廳提供了單人用餐的座位，類似圖書館的自閉位，為單獨用餐的客人提供了方便。

利申係冇食開沙嗲王以前偶然食都只係食白咖哩豬扒依家原來開左支線係專食白咖哩，而且裝修都好唔錯，舒服乾淨仲有d 自閉位好岩獨食既I 型人，不過自閉位係門口當眼既位置😂幾鐘意佢個menu好多配搭夠flexible價錢都唔貴，最驚喜係有椰菜花飯！！（+$18)減肥期間去食白咖哩豬扒飯真係好邪惡但呢d 汁醬係主角既菜式又冇理由唔配飯依家有椰菜花飯就好岩，有野伴下汁又低卡低脂零碳，抵消下食白咖哩豬扒椰菜花飯如果就咁食會有點腥，要配汁食先ok另一個正常白飯係配豬扒、燒雞扒同burger steak味道都正常發揮另外加錢可以配小食烤餅比較油，唔算好酥而日式炸雞炸得都幾好，外脆內嫩，不過似台式多過日式有個bonus 位，汽水係罐裝架！

成日經過旺角見到一間白咖哩公司，呢間公司嘅名字前面有沙爹王三個字，究竟係唔係同沙爹王同一間機構呢，今日就走入去試下。我地叫左白咖喱香茅豬扒，可以揀要飯或椰菜花粒粒，我地就揀左椰菜花粒粒，因為健康啲，仲可以配埋春卷和可樂。另一個就叫蔥油燒雞扒煎荷包蛋飯，配烤餅兩件和可樂。白咖喱香茅豬扒嘅味道比沙爹王淡啲，雖然喺淡啲，但係味道都好好食，冇咁濃感覺健康啲，再加上唔喺食飯，喺食椰菜花菜底，有菜會健康啲。我鍾意食春卷，因為夠脆，味道好。烤餅反而唔及沙爹王。蔥油燒雞扒煎得夠香，再加上蔥油，都好好食。

買左3樣野但比漏1樣野。買左一個白咖哩吉列魚柳滑蛋飯，一個白咖哩3拼飯(香茅豬扒，雞扒，漢堡扒)，另加一個小食一口香茅豬扒，一共$193，外賣拎走。要求可否多汁，店員姐姐有禮貌回應盡量。等左一陣外賣拎得，由於外賣盒數量唔少，無一盒盒打開檢查，直接問店員姐姐系唔系齊，店員姐姐話“系”，然後就拎起外賣走人。返到屋企打開所有外賣盒...個一口香茅豬扒唔見影...😑屋企同間鋪有距離，所以就算啦。白咖哩吉列魚柳滑蛋飯個吉列魚柳外賣返屋企仲好脆，而且超大塊，成個外賣盒咁大，而且唔會薄到好似紙咁。滑蛋唔系真系好滑，不過還可以。白咖啡汁好味，配既蔬菜同飯正常。白咖哩3拼飯(香茅豬扒，雞扒，漢堡扒)有配一塊煎荷包蛋，個蛋黃半生熟。香茅豬扒最好食中，咬落唔會太實，輕易咬開，主要都系配白咖哩汁。雞扒中規中矩，正常唔柴，都系配白咖哩汁。(配白咖哩汁真系無敵)漢堡扒...em...呢個都系算啦以前成日食沙嗲王既白咖哩豬扒飯，一直都好鍾意白咖啡汁，配埋個香茅豬扒一絕。吉列魚可以encore，但3拼我寧可食返最普通既香咖哩豬扒飯。今餐飯以呢個價錢黎講食物質素無投訴既，但唔見左個小食，豬扒唔夠食😮‍💨。下次真系一盒盒

呢間嘢由裝修到開幕我一直好期待，開幕即刻有機會同我女朋友去試，睇菜牌無論相片款式及飲品都非常吸引豐富。但當食物一到嘅時候，現實及圖片打咗個折扣。試咗兩個招牌咖喱飯，最大嘅感覺係味道比較淡，不算得有什麼咖喱嘅香味，有點似日本嘅名稱但係大排檔嘅味道。雖然價錢不算太貴，所以要求也不能提供，而且亦都係黃金地段，但係我覺得出品略為欠缺誠意，而且飲品全部都係即棄餐具，大佬我$30一杯特飲你俾個膠杯我？唔係特別鍾意環保，但係賣相的確唔多好！

放工經過,主要俾呢度嘅椰菜花飯吸引咗.話說依家越嚟越少地方有椰菜花飯提供,唔知有冇人好似我咁鍾意食椰菜花飯.厚切豬扒椰菜花飯椰菜花飯本身有少少調味,食落清清淡淡.反而後切豬扒有驚喜,豬扒食落Juicy,而炸粉亦都做得薄身,食落好脆.可惜成餐飯食完之後好口乾,可能唔多唔少都有落味精.一個咁健康嘅椰菜花飯落味精…. 🤦‍♀️蟹粉豆腐鍋飯味道同咖喱王嘅蟹粉豆腐鍋飯一模一樣 😂

白咖哩公司提供了一系列獨特的白咖哩美食，讓食客們能夠品味到不同於傳統咖哩的風味。🥰❤️白咖哩厚切豬扒椰菜花粒粒豬肉扒配椰菜花粒粒，搭配上濃郁的白咖哩醬汁，味道豐富而濃郁。以椰菜花粒粒代替白飯，健康嘅好選擇。🧡濃香沙嗲湯慢煮牛肉米線濃香的沙嗲湯和慢煮牛肉搭配上細緻的米線，滋味滿足。💛龍蝦湯濃郁、滋味、香滑的湯品，每一口都充滿了龍蝦的鮮味，令人感覺溫暖。💚白咖哩海皇焗蟹蓋以蟹肉和海鮮再加上濃稠的白咖哩醬汁，經過焗烤後，味道更加濃郁而香甜。精緻的賣相和豐富的口感，令人驚喜。💙蒜蓉雞翼&炸雞外酥內嫩，口感香脆，每一口都散發著誘人的香氣和美味。💜越南春卷香脆的春卷皮包著滋味的餡料，口感豐富🖤番石榴烏龍茶&凍青檸柑梅蜜番石榴和烏龍茶為基礎，口感清新且帶有一絲酸甜的味道，消暑解渴的茶飲。結合了青檸和柑梅的酸甜風味，再加上冰涼的口感，同樣是解渴的佳品。

講起香港人嘅回憶餐廳相信一定會有沙嗲王以前沙嗲王嘅餐廳設感覺都係比較撲實最近佢地搞左一條感覺較年青嘅副線白咖喱公司 一見到白咖喱3個字就感覺好親切入面餐廳design以明亮又帶點木系木青風感覺帶點cafe感椒麻麻婆豆腐鐵窩配飯麻婆豆腐以鐵窩上上枱嘅時候仲熱辣辣keep住個溫度椒麻味好出好惹味 充滿花椒香氣入口麻得黎又唔會過火豆腐好香滑溜每一匙麻婆豆腐配一大啖白飯超滿足白咖喱香茅豬扒飯經典白加喱一定係必點白咖喱充滿一陣奶油濃厚質感入口帶點椰香及微甜豬扒嘅香茅香氣好入味豬扒肉質軟腍 咬入口好juicy 自家製醬油麻辣魚肉燒賣完全無諗過竟然有燒賣!燒賣質感好彈牙得黎又唔會好重麵粉感帶淡淡魚肉香配上麻香味濃郁嘅自家辣油超正白咖喱海皇焗蟹蓋以為白咖喱淨係配豬扒先好味？白咖喱其實都好百搭配上焗蟹蓋同樣惹味番石榴烏龍茶清香番石榴加入烏龍茶味道好fresh又唔太甜乳酸梳打酸酸甜甜嘅乳酸梳打配上濃味食品啱啱好中和油膩感