白海豚咖啡 (已結業)

舜舜生日，之前打了好幾間親子餐廳好多間都早一兩個月就話FULL晒，真係好難BOOK。幸好，比我搵到呢間未FULL，仲BOOK到位，好啦，生日嘅節目就咁決定好了。可能當日係閒日，我地嚟到嘅時候，只有一兩枱客，而且似乎係附近工作嘅人，可能因為佢有D午市套餐。而我地嚟嘅目的係為咗玩，於是都Join咗佢個會員Plan。餐廳以海洋為主題，地方好大，分了幾個區域，多D朋友仔一齊嚟都唔怕冇位、好迫下咁。而且係度開生日Party都好似幾開心呢食物方面，我地叫咗個焗蜜糖雞中翼，味道唔錯!食物質素就算一般，不過尚可接受，主要係玩環境同氣氛。而且我地個餐仲包咗一份親子甜品工作坊，其實係自己整嘅，我地就揀咗整"木糠布丁"，感覺都幾好丫，又有得玩又有得食，小朋友都好高興。有機會下次都會再嚟呀!

前台所有人員都黑口黑面，態度非常惡劣，地方細，不值220元入場費，所有食品都非常貴，難食的微波爐食品。 重點：波波池並無徹底消毒，如有小孩感染或其他病菌，入去會有危險。今日帶住3歳幼兒，被職員三番四次極不客氣喝罵，慘過番工。這種地方本係為歡樂而設，但氣氛毫不歡樂。 這個價，強烈建議去ocean park 好得多。遊樂場也不用錢。屋企下面會所仲好過playhouse ，簡陋搶錢，肯定不會再來。 各位家長小心中伏

星期四的下午，人不算多！小童入場費用$125/位，額外成人$75市區黎講算是平價了！波波池尚算清潔，係玩具舊左d，又壞。毛公仔更顯殘舊。。。但是其他設施算是足夠，有千秋，繩橋，滑梯，絕對足夠小朋友散電！值得一讚更係服務生的態度，個個都精神開心，對住小朋友又有愛心，閒時又經常入波波池視察環境！食物種類算多選擇，有兒童餐，蛋糕，完全滿足小朋友大人的願望！飲品方面，更有小朋友果汁！餐廳衛生令人滿意，而且有洗手盤，方便小朋友洗手！

今日帶3歲囡囡初到此地，本身都擔心星期日，好多較大既小朋友好逼，但係呢到個場夠大，今日又唔太多人，空間岩岩好，小朋友質素都比較有禮貌，最少無粗口。波波池好多野玩，最仲意波波池上面個吊穚，訓練平衡力。成個環境都好乾淨，不過其實食野唔太放心，雖然波波池同餐廳區係開放式，但係儲物櫃較高，比較難睇到小朋友。價錢方面，做左會員之後200蚊1大1細，包50蚊買食物，波波池價位都ok，食物等候時間正常，半自助式。不過除左兒童餐其他全部單點。份量偏少，唔夠男人食，同普通Cafe差唔多，仲意Cake櫃有得睇到實物同甜品總類多，方便小朋友簡，只係性價比低。最後門口有海盜哥哥，個感覺開心啲同投入啲。

趁假期前跟小朋友到Play house放放電 以前也會去playhouse的但往往人多 跟住小朋友玩又辛苦想坐坐休息閒聊飲食都難知道新蒲崗新店附有餐廳跟大樹先生的家相似今天帶小朋友來 總算比較舒服入場時已分配好檯位置感覺上比較安全 袋及財物可以放心隨便放坐的位置可以看到小朋友玩cafe 食物不可抱太大期望可以輕鬆坐就算了意粉普通 但份量算多芝士蒜蓉包都正常Pizza 味道不錯 份量大小都很適合小朋友食用飲品不錯 作為親子餐廳算很好加入了會員相信以後也會多來是親子好去處

今次總於有機會約埋朋友黎試下啦！環境唔錯！入場買飛玩送左D餐飲券！叫左幾款野食，彩椒白汁雞皇扁意粉份量都算幾大碟，Share食係唔錯既選擇，如果可以熱返少少會好D!味道Ok!溫泉蛋肉醬飯個味道唔錯.夏威夷Pizza好好食，仲有最愛既芝士粉提供俾你加落去！正！焗蜜糖雞中翼好入味，小朋友都好鍾意食！烤德國腸以為會好鹹，但食落先發現唔會好鹹，味道啱啱好！個人最推薦既係夏威夷Pizza同焗蜜糖雞中翼！

上網見到有間親子餐廳又有得玩又有得食,好似好好玩咁所以就搵埋朋友同埋佢囡囡一齊到Play house玩,因為驚星期六太多人所以之前已經打電話黎訂左位,我地都早左小小黎到買飛,所以都等左一陣,不過好快就入得入場既時侯工作人員帶我地去預訂既位置坐低,地方都坐得幾舒服,場內都幾大,餐廳既環境好乾淨!佢地重有埋洗手盆同埋洗手液之後我就出左去叫野食,叫左個兒童餐﹑蘑菇肉醬意粉﹑雞翼﹑德國腸 3個人食,食到好飽!!個兒童餐有粟米肉醬螺絲粉﹑生果﹑蛋糕仔﹑有機蘋果汁,但係唔知係唔係小朋友已經3歲唔係咁鍾意食淋既野,所以都冇食哂d螺絲粉,但係生果﹑蛋糕仔同埋蘋果汁都有食哂,佢都好鍾意蘑菇肉醬意粉好大碟都幾抵食,我地share食都幾飽另外最鍾意都係雞翼同德國腸,雞翼係朋友既囡囡最愛,所以佢係咁食,食左4隻我地大人只係每人食左1隻,佢食完都話好好食然後德國腸都好好食,因為食完都已經好飽,已經食唔落pizza,下次黎試下佢地果d pizza,望落都幾吸引另外一提果到重有提供小朋友用既圍巾,因為小朋友食野都幾論盡,所以幫左我地好大忙最方便就係有洗手盆唔洗特登行出去洗手再返黎玩 今次小朋友食得開心又玩得開心!

早幾日放假同仔仔出左新蒲崗搵朋友，搵完朋友仔仔不停叫我帶佢去玩。醒起之前都有聽其他媽媽介紹過呢間親子餐廳，就帶左仔仔黎試下。當日係平日，所以唔不太多人，靜靜地都坐得幾舒服。餐廳係每日4個時段，每一段時段係2.5小時。我同仔仔一大一小入場，就包左$30餐飲券可以係場內餐廳買野食飲品用。因為我去的時間是下午茶時段，同仔仔都唔係太餓，我地叫左個兒童餐同埋一份烤德國腸。仔仔好鐘意食兒童餐個螺絲粉，而我自己就覺得個烤德國腸幾好味其實仲有pizza好想試，但同仔仔真係食唔到咁多😅仔仔真係係度玩足兩個半鐘，絕對係放電好地方，家長又可以一邊同小朋友玩一邊舒舒服服坐低食野。最欣賞是餐廳地方好開揚好乾淨，有好多落地大玻璃，成個餐廳好光猛我好鐘意。下次搵個weekend叫埋老公一齊黎同仔仔再玩過☺️☺️

之前都去左好幾間親子餐廳 , 但今次黎到MIKIKI 呢間親子餐廳令我覺得值回票價 ... 可能係因為平日既關係 , 人唔算太多 ... 老公就陪左個女去玩 , 我就去左叫野食 , 食物好多都好吸引 今次選擇左PIZZA同烤德國腸 ... 食物好快就有 ... 份量都唔細 ... 最鍾意都係個個烤德國腸 ... 個女好鍾意食 ... 下次都想再試其他食物 ! 雖然地點唔算好近 , 但老公揸車好快就到 , 而且黎玩又有免費泊車 .. 下次會再約埋朋友仔再黎玩 !!!

本身今次諗住同小朋友黎放下電試下mikiki呢個遊樂場, 黎到先知呢邊原來係親子餐廳,買飛入場既時侯仲送左$30餐飲卷, 因為係下午茶時間,我同小朋友都唔算太餓所以只叫左碟意粉share食,食物等左一陣好快就有喇!!碟意粉都算幾大碟, 小朋友掛住玩差唔多成碟我食哂都幾飽可能因為平日黎唔算好多人, 所以都坐得幾舒服, 親子餐廳黎講價錢都唔算貴, 扣返送既$30餐飲卷其實都係50幾蚊仲幾大碟, 下次應該會再約朋友同成班小朋友黎玩

真正親子歺廳。 聽朋友介紹新蒲崗有間新嘅親子餐廳雖然不在附近住，今次也專登前來試試這間親子餐廳，好在樓下有很方便的停車場 泊位也不需要排隊。 原來是有分時段的那也沒所謂。等一等便到下一個時段了推介雞翼, pizza 。雞翼好香哦，連我的小孩也讚口不絕coffee又好飲過某大品牌 雖然價錢也不便宜，但也值得再來一杯服務不錯，有齊bb設施亦設有table game可以一路食一路玩食物選擇不算太多會再來开party最後仲有禮物取走

今天原定是到郵輪碼頭放電、野餐、切蛋糕和小朋友慶祝生日的，奈何整天都天氣欠佳，惟有改變計劃了。我們來到Mikiki Mall的親子餐廳。大概因爲雨天，室內的活動地方都很擁擠，餐廳的位置都被訂滿了，我們被安排坐到入口附近放在一隻船入面的矮枱椅。大人坐得不太舒適，但小朋友就覺得剛剛好了餐廳的坐位不是太多，不算迫，有空間讓小朋友走動。說一下收費：由於即時付了$10的入會費，我們以會員價$200+$70就能一家三口進去消磨2.5小時了。$270入面有$70是餐飲值，可以在餐廳購買飲品食物。當然，這裡的飲品食物不算便宜還有小食、意粉等等。我們點了咖啡和買了一瓶雪櫃內的枝裝飲品。咖啡的質素是很一般的，不是難飲，但的確是不值$47的。雞翼和啫喱糖大概是最穩陣的小食，小朋友吃得很滋味但$28一杯啫喱，值不值得就真的見人見智了說一下玩樂放電的地方：範圍的確不算太大，但基本應有的設施是齊備的：波波池、波波發射、滑梯，小型千秋，小小的搖攞吊橋，大公仔等等，羊baby和朋友仔是玩得非常盡興的另外，這裡衞生不錯，出出入入都不時有工作人員指示大小朋友消毒清潔雙手另外，這𥚃提供給再年幼一點的小孩是很多的！還有，在這

大家都有小朋友，自然想揾個地方可以大人細路都玩得開心的地方啦！電話好彩打到，早三星期訂星期六，只餘下中午場次有位，即要就算啦！消費沒想過星期六日會和平日差咁遠，會員制$10， 比左後要比入場費$200（包一大一細）， 另加$70多一個大人， 2大1細消費$270為基本，其中$50+20= $70可抵消費。是次只加了錢買了雞肉蘑菇意粉，份量是Ok的（話哂值$88喎），味道都正常好味！ 唔好意思太肚餓食左忘記影相😬尼度其實主打小朋友遊戲室，大大的波波池及爬上走落的間格，小朋友見到都開心啦， 所以除去$70消費，當$200入場費玩2個半鐘都是可以的，畢竟室內可以比小朋友消磨時間的地方不多嘛！唯一我認為最唔好的... 真係好多人囉

星期五晚bk左呢間play house,之前見雜誌介紹原本好大期望，但一去到..首先講入場，一位小朋友加一個大人150蚊，額外一位大人40蚊，150蚊嗰個就有30食物蚊劵，40蚊的額外大人就20蚊食物劵。俾完已經覺得唔對路，價錢貴過之前睇介紹..但一場黎到就入去玩玩。食飯區整潔，有一次性的bb圍巾，但一個小朋友食飯的地方唔應該有梯階，當小朋友食完想去玩時通常會跑，好易會整親。親子餐廳野食唔會有好大期望，所以野食我都ok,當合格。分糧唔算細。但另外再加pizza,135蚊但好細，分得4階...到playhouse部分，比平時playhouse細一半，但算整潔。

一大一小入場費$200，當中$120可用作購買食物飲品，但計算方式複雜，有如上了一次數學堂。若你想先叫杯飲品或小食，對不起，職員說總數要是$20的倍數，否則零頭要另外補錢，或自動放棄收少的部份。例如飲品$35+腸仔$50=$85, 額外的$5要另外俾錢，或者佢收你$100, 即係叫你蝕$15。這些“陰啲陰啲”的收費方式目的都係是要想賺個客多啲，但令客人感覺不好，而且收費複雜難明，職員要不停解釋，令點餐時間很長。食物質素還可，但份量較少，$120基本上只能填肚而不能飽肚，但如此收費方式，加上室內設施只是一般，相信都唔會再幫襯。