百份百餐廳 (港灣豪庭)

營業中

休息中

港灣餐廳選擇不嬲都唔多懶得煮就落街食過百份百叫咗個雜扒鐵板餐份量係好多嘅 我分兩餐都夠食魚柳炸到好脆雞扒同豬扒都滑既但係整體都好油另外叫咗杯杏仁霜甜到黐線 如果有得揀走甜就好整體味道就唔錯 但一食完成隻碟都係油間唔中食就OK

早餐還好, 小菜晚餐真係難食, 未食過咁硬的東坡肉. 請留意相中肉的顏色, 係明顯偏紅的. 侍應服務不太友善就唔係第一次, 不過今次連放個輪椅都又話要咁擺又話要咁擺, 真係毫無同理心可言. 所以永遠不會再幫趁. 街坊生意咁樣做法, 遲早執,

好鍾意食百分百呢款下午茶：五香雞翼配金條西多士 $37五香雞翼：外層酥脆，內部多汁。一切開出晒煙，d肉好嫰。金條西多士：酥脆嘅外層配埋柔軟嘅內部，d牛油喺熱辣辣嘅西多上慢慢溶化，好治癒。用埋花生醬做饀，好香。奶茶紅豆冰 (+$9)：次次幫襯都會叫。一來好少地方有，二來個人唔喜歡普通紅豆冰果種甜，而家溝奶茶個甜度變得啱啱好，當然另一款咖啡紅豆冰都不錯啊。

食個早餐，明明聽到客人要落單，樓面員工（身型高，黑色長頭髮，藍色衫員工）就係吾想影你相放社交平台,你返工遇到自己朋友，一傾起仔女，客人叫落單，都沒有理會真係一早想我用粗口罵距都吾知返工返到咁無心就吾好返工，早上又吾見有QR電話落單

今天晚上， 我們走了過去港灣豪庭廣場地下的百分百餐廳 提早晚飯 。坐下的時候 ，還未夠六時 ，仲可以叫下午茶餐 。我們叫了 一碟雪菜炒米、 一碗胡椒豬肚飯 ，配一杯熱飲 ，合計98元 。胡椒豬肚飯 ，是分開上枱 ，一碗是胡椒豬肚， 另外一碗白飯， 酸辣適中 ，很好味。

今天下午 ，自己一個人 走了過去 港灣豪庭商場地下嘅百分百餐廳食午飯。 我 叫了一碟楊洲炒飯 ，配上一杯熱奶茶 ，合計44元 ，價錢經濟實惠。 餐廳坐滿了客人， 我等了大約三分鐘 就有位了 。揚州炒飯很乾爽， 味道唔錯。

今天下午， 走咗過去港灣豪庭 地下的百分百餐廳， 叫了一碟揚州炒飯 和一碟雪菜肉絲炆米。 揚州炒飯44元，雪菜肉絲炆米43元 ，各配一杯熱飲。 價錢經濟， 味道也不錯 ，只是份量好似 少了一些 ，如果大食啲， 應該唔夠。

今天下午， 行到去港灣豪庭地下的豪庭藝廚餐廳食飯 。看一看餐牌， 叫了一個蝦醬通菜牛肉飯，包一個蓮藕例湯 及一杯熱飲 ，合共48元 ，價錢亦算合理。 下午茶時段 ，依然有很多客人 ，夥記十分忙，有時未必可以立刻幫你落單。

我最近又光顧了一次「百份百餐廳」，這次點了他們的下午茶餐，包括滋味迷你鮮茄焗一口豚肉飯和咖啡。整體而言，這頓下午茶的味道相當不錯。首先，迷你鮮茄焗一口豚肉飯給我留下了深刻的印象。這道菜以豚肉為主角，搭配著豐富的鮮茄、奶酪和焗烤至金黃酥脆的表面。每一口都帶來豚肉的鮮嫩和茄子的甜美，而奶酪的濃郁則為整道菜增添了豐富的層次感。配上一口咖啡，更是完美的搭配。關於咖啡，「百份百餐廳」的咖啡品質值得一讚。我點了一杯濃郁香醇的咖啡，它的香氣和口感都非常出色。每一口都讓我感受到咖啡豆的風味和獨特的韻味，給了我一個美好的下午茶體驗。然而，我對這次下午茶的一點批評是，服務速度有些慢。雖然食物的味道不錯，但等待的時間有點長，讓我感到有些不耐煩。希望餐廳能夠改進這方面，提升服務效率。

之前試過香港仔同啟德的百分百餐廳，覺得都幾有質素，以為一個集團出品品質都會有保證，所以睇到呢間咁多差評都決定來試下。番茄滑蛋牛肉飯唔係第一次食了，之前幾次都覺得非常好食，所以今次都撿左呢款。點知難食到一個程度，好似漿糊的口感，真係大失所望。如果食過其它分店水準較好的，睇相就知呢個出品係咩水平。所以好評多唔一定真，但差評很多真係要三思。好彩咖啡都係即磨，奶量正常，水準同其它分店差唔多，算是有少少安慰。

今次我去左呢間餐廳食晚飯，諗住快快趣食就揀左呢度，佢地餐具同水都係自助既，坐位都算闊，佢地呢度算多元化，小菜，焗飯，鐵板，碟頭飯各樣都有😮我今次叫左個唔咖喱豬扒拼吉列魚柳（$63）賣相都好普通，咖喱通常都係配飯，不過我鐘意食意粉就揀左意粉😂 其實呢碟野一個字都形容曬，劣👎🏻👎🏻 首先咖喱汁我冇諗過唔係分開上，豬扒亦都係又乾又韌，魚柳算係好小小咁🤷‍♂️另一個就叫左家鄉蓮藕馬蹄煎肉餅連一碗飯（$73）仲另外加碗燉湯（$15）😗 蓮藕餅就還好，但食落唔知點解似芋頭feel🤣 碗湯就係今餐最好既環節，料好多，有菇有肉，個湯都幾入味，真係估佢唔到地唔錯🫣總括黎講，呢間餐廳就叫左周身刀冇張利😪 好似咩都有得食，好多選擇咁，實際就咩都整得唔好食，仲要個價錢唔係話平，我寧願食茶記，茶記會平d但坐就呢度舒服d，貪快唔洗等咪黎食下，但對自己好d就唔好黎食了🫢

嚟到百分百通常都會叫佢哋嘅蔥香雞扒飯. 呢個飯嘅蔥量好多, 十分適合鐘意食蔥嘅人. 塊雞扒都好juicy, 皮又脆. 同埋佢個油係甜鼓油, 仲可以汁另上添一個餐嘅份量都好多, 食唔晒就可以叫少飯啦

今晚9點左右去左港灣豪庭間百分百食dinner，叫完餐食到中途，未夠9點半叫人埋單先，之後有個後生女在我地隔離拖地，拖拖下無端端抆條繩，啲拖地水彈到我老公成碟飯都係，之後個後生女都識安排換返碟飯比我老公，但食食下又有職員走黎話我地夠鐘要離場，趕我地走，雖然我地本身都已經食得七七八八諗住走，比個職員咁樣講一講，真係好嬲，唔係因為佢地職員趕收工，明知有客食緊嘢都仲係隔離拖地，仲彈哂啲拖地水落人地碟飯度，一早食完走左喇。咁趕收工，就索性一早截單唔比人入，唔好等人食食下，又呢樣個樣咁。P.S.舖頭關門時間係晚上10點

得獎的咖哩味道非常普通!! 而且咖哩牛坑腩只係得三塊手指公咁大!! 裏面有三嚿半個薯仔.  完全唔食67蚊. 椒鹽焗豬扒放得太多麻辣辣椒, 完全沒有香港口味. 中式炒牛柳放得太多番薯用嚟吖住嗰啲位. 檸檬茶沒有檸檬!! 只係得少少檸檬肉. 侍應聽唔明人講乜嘢: 叫咗個侍應多飯但係佢淨係寫咗一個多飯, 問個侍應點解唔全部多飯佢就開始有少少忟憎, 然後指著一個飯話已經多咗飯, 但係之後其他嗰啲全部都冇多飯...入面部分位置有浸廚房臭味. 

揚州炒飯勁濕勁難食，這是正式錄用的廚師嗎？炒飯咁基本野都可以煮得咁難食，返去練多幾年先啦。staff服務差，由入去到坐低左，冇人理你，佢地繼續有講有笑。總結：不建議入去幫襯