百份百餐廳 (新都城中心一期)

營業中

休息中

四川麻辣牛肉炒飯，真係一食就上癮！夠哂麻辣，牛肉都夠滑 好夠味 炒埋一齊 粒粒分明既飯 每一啖都夠麻夠辣仲有小小米香味，令人食指大動。蒜茸、蔥既香氣，同牛肉既搭配令成兜炒飯爽。絕對係愛好辣味人士既首選無論午餐定晚餐呢碗炒飯都好適合！

百份百餐廳係我午餐的食堂，因為鍾意佢選擇多，餐廳坐得舒服，性價比高。每次來，都會必叫爆蔥豉油雞扒飯，首先醬油很香甜，而且最鍾意佢嘅雞扒炸得好香，又唔會炸得好硬，而且有兩大塊，份量都好足夠。另外，有時想冇咁熱氣，都會叫一個鹹蛋蒸肉餅，這個餸超級好送飯，豉油配埋肉香味真係不得了。食兩碗飯都得哈哈。而且肉餅份量都好大，不過叫肉餅呢個餐要有心理準備，就係等得比較耐，因為佢話係即叫即蒸，所以上次都等咗20分鐘左右。如果趕時間就要叫其他餐了。

下雨紛紛最啱就係喺室內食個鑊氣小炒🔥今次同大家嚟到呢間港式茶餐廳🇭🇰體驗健康小菜(平時無乜食菜又高油🥹)梅香鹹魚蒸肉餅香氣四溢、口感豐富🐟肉餅採用豬肉和其他調味料搭配而成，同鹹魚的鮮味完美融合，散發出濃郁的魚香味同梅子既清香氣息🌱蒸製後，肉質鮮嫩多汁，口感豐富，梅香鹹魚蒸肉餅不但好味，而且營養豐富🥚含有豬肉的蛋白質和鹹魚的鈣質等多種營養素，對人體健康有益。蒜蓉西蘭花炒蝦球🥦🦐蝦球新鮮、鮮甜，搭配西蘭花爽脆既口感，經過簡單的烹調，融合出豐富的風味。特別係加入左蒜蓉，讓整道菜餚散發出濃郁的蒜香味。#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

母親節竟然落雨, 好彩尋晚巳同阿媽慶祝, 所以今天眠到下午2點才起床。走去百份百吃下午茶. 要排隊等， 仲好多人等外賣! 唯有乖乖等. 好彩等咗20分鐘就可入座. 人頭湧湧都幾熱鬧!乾炒豬扒即食麵@$42見到有幾碟一齊出, 即叫即炒 豬肉鬆軟唔韌, 麵唔"淋"爽口, 可惜太油!!!黑松露迷您焗雞扒飯$42每次去連鎖餐廳, 多數會叫焗飯, 中伏機會比較少. 今次又選對了, 芝士足, 但唔夠黑松露, 幾十蚊! 不可太大要求.熱奶茶+即磨咖啡咖啡正常夠熱. 奶茶唔夠茶味!!!總括來說, 以40+蚊既茶餐都算合格, 但環境太迫, 快食快走，冇拍照留念, 殘念.

今日拜年外賣自取，這間100分百so far so good , 抵食好味。今日叫咗6個下午茶餐⋯全部都好好味，唯一凍奶茶係唔飲得⋯奶茶+檸汁+花奶omg…激氣⋯新年流流，唔通攞去換咩！

舖頭入面冇乜人，三份一枱係吉，跟手就入去坐，俾職員無禮貌地叫返出去㩒飛，奇怪，撳咗飛之後，另一職員又即刻嗌我Number，入到去枱多的是，坐一張四人枱，冇禮貌職員又過嚟要放隔板，我話陣間有人嚟先再放，而家都冇人，佢話係要間開，朋友再同佢講話陣間有人先放😠，增持了一下子，職員讓步，但我已經火都嚟埋，即刻起身走人，我話我怕咗你，行一步拮一步，俾錢嚟食個早餐啫，又唔係排隊輪米，都唔知咩態度，咩胃口都冇晒，完

假日午市來到要等大概10分鐘才有位，坐下來望下餐牌有乜食先睇見餐牌有個皇牌湯麵-咖喱牛腩湯伊麵好似幾吸引下，價錢只不過39元，於是二話不說揀咗先，再望下另一個餐牌見到有干炒牛河呢個到幾考廚司功架嘅經典炒粉麵，決定叫呢個套餐試下，餐飲要咗凍奶茶，因為外面氣溫太熱好想飲凍飲。首先嚟嘅係佢嘅皇牌湯麵之一嘅咖喱牛腩湯伊麵，咖喱香味唔多夠，但係食到有啲麻辣味，牛腩較細嚿但份量都算多同夠淋，39元算係超值，你去粉麵舖食碗牛腩麵都唔只咁嘅價錢啦！跟住上嘅係呢碟街邊干炒牛河，一上枱就見到有煙冒出，好夠鑊氣，佢最特別之處係佢竟然會有什錦海鮮同臘腸一齊炒，不過啲什錦海鮮冇乜味，反而配菜嘅芽菜仔就夠爽脆，佢用嘅係啲又短又肥嘅芽菜品種，牛肉份量算多，味道都幾好！餐飲凍奶茶就正常水準，甜度適中！總結：兩個人食咗剛好100元，價錢合理，味道唔錯！

好鍾意去百分百食飯，新都城呢間啲位坐得舒服啲。老公叫左蔥香雞扒飯，係招牌食物，好香好惹味！啲汁真係絕配！我食蕃茄牛肉豆腐湯飯，勁多了食完之後勁飽！唯一美中不足就係佢用咗白菜仔，有少少唔係好夾！

今日早上第一次去百分百食早餐點了魚柳餐$41，等咗20分鐘才送到，但係見到魚柳點解同圖片太不一樣的😅，都不緊要因為我食量少，但係全部是凍的，魚柳硬，唯獨杯熱奶茶是最好飲😆

前幾晚同屋企人去百分百食晚餐，叫咗一個霸王雞飯，價錢$65配一個細燉湯。一上菜就比碟上面嘅蔥嚇一嚇，真係有啲多，啲蔥唔係鹹嘅，有撈少少甜豉油，食晒應該會咳死。啲雞份量可以接受，主打應該係無骨，都唔錯嘅。個飯就比較少，正常食量嘅人都會覺得偏少。

今晚比屋企人帶去食百份百，晚市都算唔少人。樓面人數幾多下。叫左個咖哩雞扒拼魚柳飯，58蚊。咖哩比較多係辣油，浸到個飯得死辣，得dd咁多咖哩味，比較失望。雞扒皮大過肉好多，正正常常，吉列魚柳比較乾身，唔點執食完全魚味，應該話咩味都冇，食落去淨係食到炸皮。飲品叫咗凍檸茶，餐廳比較特別預先幫你吉檸檬，的確係方便左，但係有啲人如果唔鍾意咁酸可能就一般，味道真係比較酸，鍾意飲酸嘅就啱你。屋企人叫咗個酸菜魚，味道唔錯，不過入面有牛肉，應該係餐牌上列明，因為都幾多人唔食牛肉嘅，呢方面可以改善。

琴日想試試百份百呢間茶餐廳，食左個下午茶，之前屋企人叫我去試試都未有時間去食，一坐低環境俾我感覺都坐得舒服感覺，而我想讚下個飲品質，我滿意佢地既奶茶，幾滑的感覺。而食物方面都大份夾抵食，埋單60樓下，對平民化茶餐廳都感覺唔錯，可再試試。

新新地嘅餐廳，下午茶時段要等位先入得，因為佢食物種類算多，價錢大眾化，座位唔會太迫。 🍴 原隻炸雞脾配脆脆薯條 ($36) + 五香脆雞翼2隻 ($11) ⭐️⭐️⭐️⭐️💫 下午茶包熱飲，凍飲加3蚊，雖則雞脾製作時間要15分鐘，但起碼佢真係即叫即製。新鮮炸嘅雞脾真係冇得輸，面頭d七味粉再增強左本身嘅香味，令到個皮好入味好脆，正！雞翼就大小適中，又係有五香粉加強左個口感，好味！ 🍴 香煎豬扒麻酸辣湯米線 ($36) + 五香脆雞翼2隻 ($11) ⭐️⭐️⭐️⭐️ 下午茶嚟講算幾大碗，湯底麻酸麻酸，飲落好開胃。豬扒唔會整得太韌，幾大塊，唔錯！ .............................. 百份百餐廳 (新都城中心1期)  地址📍: 將軍澳貿業路8號新都城中心1期地下G27號舖 總評分: 7.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰: ⭐️⭐️⭐️⭐️

奇型怪碟不便撈飯上碟是把飯碗大小鐵鍋的咖喱上在長方形淺盤上，盤的另一端倒cup了一碗白飯，如此型態實不便於咖喱汁撈飯，若是南亞餐廳如此上碟還可理解是為了賣相風情，師傅可能不太了解港人吃咖喱飯的習慣。小鍋咖喱薯仔佔多碗口大小盛咖喱的鐵鍋深若寸許，本身就裝不了太多咖喱（與菜單上的圖片有極大反差）；更讓人失望的是馬鈴薯多，牛腩肉塊少。勉強只有四塊，每塊又比橡皮擦小，極其量是麥樂雞一開二。辣椒搶盡咖喱味淡咖喱裡摻雜了太多辣椒，嚐起來像沒有香料但一味追求辛辣的印度咖喱。既沒南亞咖喱的香，也不存在咖喱料理的奶油餘韻。這種咖喱確實不適合撈飯，作為醬料的一種「沾」來吃還勉強可以。

疫情之下，老人家嚴守家門。香港家庭多為餐單煩惱，漸漸火鍋和蒸魚等都可外賣。帶備保暖袋，干炒牛河可以熱烘烘上檯，福建炒飯可以保持濕潤。「仔：我想吃肉絲炒麵！」保熱和保濕可以，要炒麵如炸，獻汁如湯，有難點。此店聲稱可以百份百做好，但描繪肉絲炒麵的海報太虛假了，炸麵如雀巢，如高塔，湯汁如彩虹，如金液！ 外賣價57元，包飲品，是茶餐廳價。即叫即做，要等10至20分鐘。效果如何呢？包裝用心，即炸麵分盒盛裝，不設頂蓋以免壓碎。老人家很開心，炸麵如即食的伊麵，如祝壽的舊式圓盒，體積不如海報那麼誇張，也沒有那麼立體有型。她立即伸手去感受脆麵的熱力。獻汁如湯是事實，份量比一般外賣湯的一人份量還要多一倍。汁色深棕，卻不是正宗茶樓炒麵的豉汁味道，不死咸而惜不惹味，幸好不油膩而健康。耀眼的是椒絲，有紅的黃的，可惜沒有綠色的，泛綠的是蔥段。銀芽未算多，減少了入口的爽脆和清甜味，亦減少五彩的顏值。不正宗的是用牛柳絲取代豬肉絲，這改革倒是妙，肉質較稔滑呢。肉絲稍嫌粗大，是肉條！味道尚可啦。平價的牛肉，味道與豬肉愈來愈沒差別，又有人造豬肉面世，難怪老媽常說：「牛肉要有牛肉味！」近年吃上乘的干炒牛河不太難，今回找到了不