百份百餐廳 (新都商場)

營業中

休息中

屯門百分百越嚟越多人食，今次貪方便買返屋企就中咗招啦 百分百咖哩一向出名好食。 試過幾次百分百咖哩牛腩只係得牛肉碎之後， 我已經轉行食炸魚好耐。 今次外賣買到返去一打開齋魚 咁乾！！ 近乎係冇咖哩汁。 嗰一刻真係好因為七十幾蚊，買一個咖哩飯。大家最想食，願意比錢買嘅都係佢哋咖哩汁。咁不如我喺超級市場買炸魚焗佢拌飯食？魚依然大大件新鮮炸起。但又有咩用呢？冇咖哩汁我可以點咩呢？ 以後一定冇下次。即使其他菜色，大家最好都打開個盒望一望

今天我和媽媽去了屯門市中心郵局寄了信，估不到今天百份百餐廳好多人，我們等了一陣位才可以入座。我們入到百份百餐廳己經11點20分，我媽媽見到還可以叫早餐便叫了一份豬扒熟蛋米線，今天豬扒米線居然比己往水準好。我等到11點30之後，我叫了一份咖喱雞排腸仔意粉。咖喱雞排腸仔意粉超級好難食只有一點咖喱醬，廚師居然放超級多辣椒油，只吃到辣椒油味道。我感覺到好失望，沒有想到咖喱居然煮得咁難食。希望百份百餐廳改善一下

周末同埋肥仔兩個人食下午茶， 特別推介四點半之後，人流較少，可以即刻有位坐（仲有卡位㖭）炸魚薯條&西多士, 完美下午茶組合。講咗★炸魚薯條★先啦！炸魚粉少咬落去啖啖肉冇腥味又唔會一啖啖魚肉粉，正！伴菜的薯條都係真材實料，外脆內軟熱辣辣 我最鍾意係鹽比較少，唔口渴☆ 西多士☆足足有一吋半厚，新鮮上碟。望住從冰櫃拎出堅硬硬崩崩嘅大塊牛油，在熱啦啦西多士 慢慢融化，真係令人食指大動，乜嘢減肥、卡路里、膽固醇…都拋諸腦後 最後必須要提及飲品鍾意飲檸水嘅朋友，佢哋嘅熱檸水絕對香港number 1。百份百用作碎咗嘅檸檬肉運入熱水中，每一啖都有檸檬肉 下午茶真係做得太出色，為咗膽固醇超標，都唔敢成日過嚟

派左第二期消費券，屋企人都懶得煮，出去食算。1.美味煎牛扒拼司華力腸 配吉列脆脆魚柳 $72 唔知係咪煎牛扒需時，呢個等得有啲耐，牛扒唔韌，薄薄地好易切，魚柳雖然炸粉有啲厚，但魚係滑嘅。2.川辣水煮魚$76湯底夠麻夠辣，用嚟送飯一流，略嫌薯粉有啲碎，同埋白飯有啲爛。魚塊夠鮮夠滑，份量多。3.紅燒枝竹豆腐魚柳煲 $78好多料！！枝竹好香豆味，魚柳最好上菜嘅時候夾出嚟先，如果唔係喺底嘅魚柳嘅炸粉會浸到腍曬。凍立頓奶茶+$3, 凍檸茶+$3, 熱檸茶

早上於屯門華都附近睇完醫生之後，返屋企途中，順便在附近的百分百餐廳買外賣早餐回家食。兒子大概吃了三分之一後，竟然發現有一隻小昆蟲，看樣子是一早沉在麵裏。于是立即停用並棄置。事後因兒子可能食得多了幾口,肚子不舒服,幸好吃藥休息後沒大碍。

第一次嚟呢度食呢個餐，食前人人都話一定要試吓…就叫咗。👀果然謝謝推介，整體來講口感都唔錯嘅。雖然油多咗少少，但口感相對上比較軟，啲麵食落口嘅口感唔會過份硬。下次有機會你都可以叫下佢架！🤤PS：如果啲位可以坐得再鬆動啲就更好啦，不過我哋午餐時間去就無法啦🤔另外，啲服務員態度都唔錯，即使要等耐少少但係都值得架，佢哋都好用心機聽我哋嘅需要，會盡力做到同唔怕我哋人多太多orders，謝謝你們嘅服務質素。

連續兩次嚟幫襯，都竟然可以話俾我聽，早餐冇晒即食麵，作為一間茶餐廳，完全唔合格，其他嘢食水平OK，但係作為茶餐廳，真係唔知點解可以無即食麵，希望之後能夠改善，如果唔係真係可以唔使幫襯

路過新都商場剛巧下午茶時間，見到餐牌食物都幾特別就試吓先，我就點咗碗仔翅併迷你海南雞🐤配熱奶茶，另外又叫一個地道食物黑椒牛肉炒意粉🍝下午茶價錢有呢個份量都確實唔錯，味道方面還可以，呢間店都開咗一段時間，所以唔算太新不過座位還舒適的！

晨早起床，去眼科中心覆診， 大約離開了，走走看看，去食早餐，路過附近嘅新都商場，先拎個籌，稍等等 ，立刻排半邊檯坐下😀睇吓menu : 三文治、麥皮、多士、即食麵、扒餐… 可供選擇野菌鮮奶炒滑蛋 $35 長方開白色碟放上健康 鮮甜 粒粒 野菌嫩滑炒蛋 .. 蛋香輕量火煺絲濃湯通粉小碗通粉，份量算多湯好味😋蒜香牛油多士金黃色多士，牛油香、滿滿蒜吃得滋味餐飲： 大大杯熱奶茶，香滑 食飽啦，離開時順便 睇吓 近門口位置嘅「MAMA BAKERY」麵包🥯賣相不錯喎😊

這間店都開了一段時間。上年試過1次堂食，之後就無再去堂食了。原因是坐位編排與隔離枱近。中間雖然有膠板，但自我感覺不習慣。所以沒再堂食。這次就試試外賣，收銀櫃檯本身已有幾個客人要處理，剛好有一個有點問題要處理耐一點，等了約10分鐘。另一職員先幫我落單，再過去收銀付費。付費後又再等約20分鐘才有得取。真的等到頸長。由等落單至取外賣，最少都半小時。他們有外賣自取熱線，或許下次試打熱線先落單。今次叫了午餐。蝦仁炒蛋加熱杏霜。蝦仁大隻，蛋滑有蛋味。另外配了甜豉油，自己可選擇加多少落去。份量來說，比起新開FOOD COURT那間兩餸飯的蝦仁炒蛋，雖然不算多，但還算夠飽。幾十蚊午餐來說，味道都算幾好食。外賣的熱杏霜都幾大杯，味道OK。總體來說，主要是人手不足，影響了服務質素。味道算幾好食。

今日難得放早，拿拿聲趕去百分百嘆個下午茶。2:30去到，估唔到都有咁多人等位，諗住走人去其他餐廳，但最後都堅持等一陣。等咗15分鐘度，終於有得入座了。餐牌都唔使睇，立即叫我嘅最愛—迷你無骨霸王雞飯配碗仔翅同凍檸茶。除咗雞好嫩好滑之外，佢最吸引其實係個香蔥甜豉油汁。佢蔥嘅份量好多，甜豉油爆得好香，飯嘅軟硬度亦啱啱好，加埋一齊食真係一流。食咗咁多次，好似真係從未令我失望過。咁啱我坐係望住廚房嗰個位，我見到好多食客都係叫同一個餐。而佢嘅碗仔翅的確係好足料，唔會水汪汪，每一啖都充滿住啲肉絲、木耳等材料，加埋啲麻油同紅醋嘅香味，真係食到舔舔脷。另一樣我好欣賞嘅係佢杯凍檸茶。佢係成個檸檬連皮拎去榨的，所以你只會見到啲檸檬碎而唔會係檸檬片，檸檬味好香好濃，茶味同甜味都剛剛好。唯一少少挑剔位係我叫咗少冰，但啲冰仍然好多。（食到一半先記得影相📸️）

和朋友平日到屯門行山，下午3時左右回到市中心醫肚，完全想像唔到平日的屯門係間間餐廳都滿座，唯有去座位比較多的百分百搵發，btw都等咗15分鐘先有得，但又估唔到下午茶焗豬扒飯又幾好味喎，再配個凍零樂，perfect

第二次來到這間店吃飯之前吃過下午茶餐，味道不錯， 但份量偏小。今天也來嚐嚐別的味道。 街邊乾炒牛河（有薑粒）$56 （午餐）配凍奶茶＋$3味道幾好， 但不覺有薑粒。凍奶茶無咩特別。 黑椒牛肉炒意粉 $40 （下午茶）配熱檸檬茶味道不錯， 意粉軟硬適中， 下午茶分量偏小， 大食的要叫午餐才夠飽。 但是真的落了很多油去炒， 吃完碟底還有一大灘油啊！餐廳場大，但不夠侍應。 每次點菜也要等一會 。本想飲熱杏霜， 侍應話無！叫我轉飲其他凍飲。細問之下才知原來爐頭壞了！ 怕熱水不夠熱， 杏霜的粉會變一嚿嚿。 侍應建議我飲凍奶茶 ，但我不喜歡 ，我話要飲熱檸茶， 她又說沒有熱水 ，但我堅持我告訴她不太熱也沒關係 ，結果還是來一杯熱檸茶給我。 但是沒有檸檬的 ，茶味也不香濃 ，感覺沒有出面的茶餐廳好喝！

昨日路經百份百餐廳，朋友推薦手工奶茶，話好飲，原來門口位置有售賣MAMA BAKERY的麵包及飲品，每次經過見好多人喺門口圍住，等候入餐廳進餐，完全睇唔到門口位置有麵包賣今次就買左一樽手工奶茶、一樽手工咖啡、黑白芝麻芝士火腿條及一入門口就吸引住我嘅眼球的燒芝士吐司拆禮物日試新嘢食手工奶茶及手工咖啡每樽$12佢嘅條款係買一個麵包，可以用優惠價$12買一樽奶茶或者咖啡，原價$18一樽，奶茶及咖啡都香滑，質感夠厚，奶茶有茶味，咖啡有啡味，二樽都好味道不過本人飲開奶茶少甜/走甜及齋啡，所以覺得略為甜，不過都可以接受。黑白芝麻芝士火腿條$12昨日買咗放入雪櫃，今朝早用微波爐叮15秒，瞬間變得軟熟及香噴噴，加上芝麻香一流燒芝士吐司$12昨日買咗放入雪櫃，今朝早用微波爐叮30秒享用，原來中間有流心呢件燒芝士吐司好味道，係我杯茶已經落入左我嘅必食名單內相信每次我路過MAMA BAKERY我都會買件燒芝士吐司回家。

係咪同意樂同一集團，味道、餐牌都一模一樣。今日食早餐，點咗雙餸蕃茄通粉，蕃茄味ok，火腿都有2片，焗蛋就比較健康，不過加辣椒油會野味d。另外加3蚊要咗蒜蓉牛油厚蛋士，雖然明知會好油好肥，但忍口太耐都要俾自己開心吓。所以餐飲只係點咗齋啡。另外都鍾意佢有新鮮出爐麵包賣，選擇都多又唔貴。