百份百餐廳 (石硤尾邨)

營業中

休息中

石硤尾嗰個分區 店舖 主管 他到服務差 問佢一聲，可唔可以拎去隔離舖頭食。你話公司話唔得咪OK囉，唔使大大聲聲講搞到所有客人都知道晒 我話你公司有冇寫明唔可以拎去隔離食 我話間間餐廳都可以拎去隔離度食食完拎返俾你隻碟同埋個叉 我打過去公司問過佢話完全冇寫出嚟 多謝客服 你好好禮貌 係嗰個石硤尾百份百餐廳 主管問一聲就大大聲講嘢喺度串嚇人 怪之得，個個都上晒大陸食嘢。大陸服務一流。禮貌又好好。 大家唔好幫襯呢間嘢呀冇禮貌㗎。

晚市外賣 6點左右叫咗個咖哩豬配吉列魚等成半個鍾 仲係我行入去催先有大概只有一半客坐緊豬扒及魚的質素十分一般 盛惠64+1元咖哩汁仲勁少 話比人食咗一半我都信下次絕不光顧

今天嚟到石硤尾的百分百餐廳， 未夠一點餐廳已經坐滿人， 點了一個台式鹽酥雞肉燥飯午餐。肉燥是半肥瘦，米飯偏硬一點，要用力趙。 鹽酥雞的脆漿不夠鬆脆，味道亦略為偏淡。檸檬茶是最值得讚的，檸檬味很香。

今日去石硤尾既朋友屋企打麻雀，開枱前緊係要食飽飽，咁先能夠專注打牌。咁就去咗附近食茶記，百份百係連鎖既茶記，入面選擇好多，今日就去食下午茶。叫咗個野菌白汁忌廉迷你焗雞扒飯，上菜時間好快，炒飯底，表面有好多芝士，$40黎計我覺得算唔錯 幾足料，另外必叫既一定係佢個凍檸檬茶，佢同一般茶記嘅檸檬茶好唔同，檸檬已經混入咗檸檬茶入邊，唔會有一塊塊嘅檸檬喺茶入邊，檸檬味度重亦唔會苦澀整體以茶記嚟計，坐得唔算迫，冷氣亦足夠，嘢食又正常，可以一試

外賣講20分鐘,等了半小時。 食物已出但冇人出餐。所有食物已經凍曬。 唔會再去。 外賣講20分鐘,等了半小時。 食物已出但冇人出餐。所有食物已經凍曬。 唔會再去。外賣講20分鐘,等了半小時。 食物已出但冇人出餐。所有食物已經凍曬。 唔會再去。

今日去咗石硤尾同小朋友上堂，放咗學之後嚟咗呢一間茶餐廳食下午茶，佢哋嘅下午茶非常特色，佢哋嘅薯條係用新鮮薯條即炸，但唯獨是份量頗為少，希望反映一下薯條大份量啲就好啦！

一大班朋友去食飯，自然就想去茶餐廳，於是去咗呢間百份百餐廳試吓，我哋一共七個人，服務員好好，一入去就幫我哋安排，將幾張枱拍埋一齊，於是可以一齊坐，一邊食一邊傾偈。食物份量都算多，比預期中好，超越一般茶餐廳級數，性價比高😊😊😋😋😋😋

救命🆘！呢間應該榮登我最難食排行榜🥴🤧仲差過學校啲飯堂幾條街🚧🚧🚧！！佢究竟點樣生存😵‍💫啲店員服務都異常地差（見到佢對隔離檯的態度 wow親我.-.我叫了番茄濃湯雞扒湯意粉。都要$4X-$50!啲湯完全冇味，有幾粒茄汁🥫加超少粒番茄。完全冇味，連小小假蕃茄🍅都冇！雞扒、蛋正常。意粉多。冇其他配料啦。哇！可能我上一餐先自己整了番茄蛋燴麵😂太好食（係，自己讚自己）所以有咁大反差。

咖哩牛坑腩飯是百分百最得意得小菜，前幾年佢地仲標榜拎過獎。食評轉頭講，我地叫咗個街邊炒牛河。menu 說有薑粒，本身期望佢係辣辣的㷫㷫的。黎到一條薑絲都冇，搞到我有㷫㷫的感覺。好，到得獎牛腩。到底是甚麼的獎項？完全食唔出是得獎的味道。希望下次再努力加油。

想簡簡單單食個下午茶，就梗係食炸雞髀啦！！(◎_◎;) 雖然本身對茶餐廳式既下午茶都無太大期望會有咩驚喜，所以今次呢份炸雞髀都屬於唔錯既炸雞髀 炸到熱熱脆脆 呢個就係炸雞髀既基本ε=ε=ε=ε=ε=ε=┌(;￣◇￣)┘

This is one of local cafe go to weekly basis. Especially if I can decide what to eat for a quick meal. The reason I come here often is because the food is actually decent and it’s very clean.I have tried many lunch dishes and all quite tasty.The fried wings is juicy and fried in perfection.The curry beef rice is really good too.

今日要去石硤尾做野，難得見到一間比較乾淨的餐廳，即刻衝入去試試。我叫左一份午餐，有印尼森巴海鮮炒飯加一杯熱奶茶。炒飯賣相幾吸引，一大塊印尼蝦片放係飯上面，仲有好多海鮮好足料，味道不錯啊

石硤尾邨舊式餐廳比較多夏日熱辣辣 打算搵間新淨少少餐廳好坐一點 冷氣大一點 舒服點就見到呢一間連鎖餐廳百分百 無乜大期望 平日下午要等位 餐廳姐姐會叫你禁飛出門口等 當日中午都成30幾度 姐姐都好堅持大家要企出面當日有個老人家帶住個小朋友 好熱好熱 但姐姐都叫佢哋出返去 唔好開住個餐廳門 會走冷氣我就覺得唔係幾Nice 餐牌上有好多選擇 炒粉麵飯 / 港式味道 / 麻辣米線 / 西式扒飯今日我就揀咗牛扒腸仔煎蛋飯 配蒜蓉汁蒜蓉汁好出色 除咗有味道之外亦都有蒜蓉 口感很好牛扒係一般冰鮮牛扒不抱有期望不過佢冇煎到好熟 唔會好韌隻蛋就要一讚 佢聲稱係煎焗蛋 蛋白邊脆 蛋黃半熟 少流心 總括 除咗姐姐態度一般外味道 份量 尚算正常

黎排好耐冇出街食飯，平時經過哩到都幾多人食，就入去試下，發覺還不錯，點左兩個餐，份量好大，滴牛扒豬扒好好吃，我腫吃5⃣️西，比我老公吃左，焗意粉都好好味，都是好多肉，我覺得焗意粉入邊滴雞肉豬扒腫好食滴下次再黎幫襯。

黎過百份百食過幾次下午茶餐，今日仲有時間食個早餐先返工，就黎百分百試下佢d早餐。始終百份百係集團式，選擇都算多，我今日揀左個唔太 heavy 之選~野菌鮮奶炒滑配蒜香牛油多士，再併埋輕量火腿通心粉。呢個餐$34，有一整塊多士（圖示我已食左一半塊🤭），蒜蓉味夠香，搽足整塊多士上；炒蛋目測至少有兩隻蛋，加埋野菌好香好食；仲有個通心粉，我本人真係唔鍾意食通心粉，因為d湯底唔係我杯茶，所以從來都唔會叫通心粉食。但呢個通心粉的湯底竟然又岩我口味喎😍；最後係杯奶茶，茶味係香，下次試下少d奶睇下會唔會仲好飲。整體黎講，我係滿意呢份早餐的。