百份百餐廳 (石籬商場二期)

營業中

休息中

公司三文治都幾大份，足料，有午餐肉。有火腿有蛋有蕃茄有菜有芝士～💕麵包係烘底，合格👀加幾蚊要多個雪菜肉絲米線👍🏻👍🏻👍🏻再配咗杯熱奶茶，不過冇影相😳埋單要$60 ，質素正正常常啦

食物有曱甴同員工講嘅時候員工態度極差。原來亞洲國際餐飲集團屬下旗艦品牌嘅員工係咁嘅質素。食物有曱甴同員工講嘅時候員工態度極差。原來亞洲國際餐飲集團屬下旗艦品牌嘅員工係咁嘅質素。

相隔3個月都沒有食百分百的早餐，突然想食就去食。點了一份牛扒蒜蓉多士焗蛋早餐加通心粉，餐廳轉了新碗碟，牛扒變細左和通心粉都少左，但味道仍然保持到水準，牛扒仍然好味。但我朋友點了雞扒，雞扒份量不變和keep 到嫩滑好味，仍然都咁抵食。下次都會變食雞扒。

叫左個外賣拎走 等左過40分鐘都未有，見其他人都拎餐走，睇下佢地張單幾時落既，張單遲我半個鐘落既反而拎得先，我唔發現唔講會拖到幾時？廚房做單係咪唔洗睇落單時間？係咪睇個人興趣去做？之後重要pack 漏咗嘢飲，叫個酸菜魚，啲粉條佔左7-8成，得幾塊魚片，呢個餐跟白飯既，你咁得意既，你預人粉條配白飯食？我第一次食酸菜魚食唔到酸菜, 配料有問題, 得粉條, 比人配白飯無酸菜得粉條,酸菜魚無味, 魚少, 非常差

今日去百份百餐廳食個早餐有豬，牛，雞，魚選擇。我媽媽要了炸魚塊，而我就要了牛扒。味道不過不失兩塊多士幾香蒜蓉味，但略嫌比較乾，最好要打包走。牛扒韌度適中，加上汁料幾好的同流心焗蛋也是剛剛好流心，喜歡這個蛋的做法。凍奶茶夠甜，好喝！！

我比較專一，淨係食開呢三種麵包🍞： ✨海鹽包之前食唔係咁😂係有啲海鹽喺面㗎🧂不過一直冇唔同嘅係…佢仍然有牛油mix麵包嘅口感，超級香牛油味😋😋同埋有層次感，真係捲捲捲嘅麵包。✨藍莓芝士麵包都係我最鍾意嘅麵包之一🫐芝士唔係鹹嗰種，係cream cheese!!!佢同藍莓jam好配，甜甜地😋份量不少～麵包好香，用韓國麵粉整。✨菠蘿叉燒包呢個冇咩驚喜，就係大大個波羅包夾著叉燒餡料，幾香嘅😂😂

係屋企附近嘅餐廳，唔係第一次食，明明唔係咁既質素，今日真係好失望啲嘢難食都算，服務員態度仲要勁差，話說佢杯凍檸茶苦澀到難以形容，再請服務員確認多次係真係檸檬茶，佢話我哋由開業到而家都係將個檸檬打碎做檸檬茶，你肯定係第一次嚟，我心諗就算第一次嚟你杯凍檸茶飲到咁，合理咩？我叫佢取消咗佢我唔要啦，佢就話咁你記得啦喎，我哋杯凍檸茶係咁嫁，下次唔好嗌凍檸茶，你想飲咩啊，換比你喇今時今日咁嘅服務態度得唔得㗎？

原本一早約好大細仔仔，在1月14日提早食團年飯，但細仔仔突然中疫，不宜外出，肥華衹好改變計劃，移船就磡相約大仔仔當日，在佢住處楼下商場，呢間餐廳食晚飯，而今晚在此餐廳所食嘅，幾個中式晚餐，肥華感覺有啲怪怪哋，每樣食物唔講得好食，但又唔算難食，個價錢唔算收得平，但又唔講得貴，最神奇係，當晚靚媽所點嘅嗰杯熱檸水，和肥華杯凍檸茶竟然係冇檸檬嘅，飲檸茶，檸水走檸檬做咗幾拾年人嘅肥華，都係第一次見識到，所以呢間百份百餐廳，真係百份百考到肥華，差啲唔識點俾分呢間食店；🙇‍♂️🙇‍♂️🙇‍♂️

行完山經過百分百餐廳，非常肚餓，見到蔥香豬扒好吸引，叫咗外賣返屋企食，跟餐會配埋餐飲，豬扒好大塊，配埋蔥油一齊食，更加滋味，唯獨係油太多，食到最尾因為太油膩而食唔晒啲飯 🙈

今日午餐唔知食乜好，諗住落樓下望下有咩清淡嘅午餐，喺餐牌度見到芥菜鹹蛋肉片湯，諗住試一試，跟餐配埋有營蕎麥飯，不過嘢飲就要另外加錢，肉片嘅數量都多，湯都幾清淡，不過就有少少味精，食完之後飲左好多水 🙈

屋企人想食一個火鍋，見佢有所以入去食。$80一個醉雞鍋幾抵，唔錯！叫左一個！有粉絲、芋頭、生菜、金針菇、粟米配菜跟著嚟左碟醉雞肉👍🏻店員幫我地點起個爐，一人鍋呢個抵食，又多配料，真心唔錯。不過跟著嚟嘅湯飯就有啲失望嚟個湯飯時無咩野，正正常常，食左兩啖之後見到有隻蚊螆，自己拎走左，覺得無咩野，一隻半隻唔驚啦，再食多幾啖，又見到多隻菜蟲，拎走，繼續食，但再食食下，又嚟，唔係掛，認真望下碗野，有一隻隻菜蟲漂係湯面，應該係啲菜洗唔乾淨？因為捉左幾隻，已經食唔落。結果同侍應講，佢都見到我張紙巾有蚊螆同幾隻菜蟲，我話想轉個餐，佢話得，補返個餐錢就ok結果叫個普通肉餅飯，簡簡單單好了薏米水好飲其實之前有食過佢嘅午餐同晚餐，都無呢個問題，佢嘅野食係好食，咁岩今日食佢嘅湯飯有幾隻菜蟲，希望餐廳會正視返呢個問題，侍應都好好幫我轉餐👍🏻唔該曬

石籬商場今次終於吐氣揚眉，商場新裝修之後多咗好多新餐廳。今日就試下呢間，餐廳菜式選擇多，除咗小菜之外仲添加小型火鍋。我地叫左個花雕醉雞鍋有一碟雞同埋蔬菜拼盤，沒有飯跟，個湯低好香醉雞同藥材味，雞肉都好滑，蔬菜拼盤正常。另外我地叫咗碟乾炒牛河，幾有火候，牛肉滑，不過味道略甜。

石蔭商場多咗好多新裝修嘅餐廳，今日試吓呢百份百，下午茶時段冇咁多人，入到去唔使等即刻有得坐員工都好快手落單，叫咗食物都好快到！環境乾淨，裝修唔錯，仲有自助水位，比客人自己斟水下午茶價錢幾抵海南雞飯，雞肉份量如圖，碗仔翅比較淡，可以再濃少少公司三文治做得超好，勁好味！焗飯真係超抵食，佢嘅白汁好多，結果我成碟都食晒，如果下午茶就好夠食，但當晚餐就要嗌多一個餐喇！焗豬扒都超好食😋，塊豬扒好入味，整體唔錯！

最愛飲呢間既奶茶 好夠奶味又吾會太澀 每次食呢間必點！今次外賣自取野菌咸魚雞粒炒飯份量夠飽 雞粒都幾多 咸魚吾會過咸 略嫌飯不夠乾 而野菌份量極少 不太食到。整體來講 吾會似一般茶餐廳果種香口炒的感覺 似自家煮的 如果你喜歡食健康版炒飯 可以試吓呢款另一款係椒鹽豬扒飯 同平時茶餐廳食開既有不同。百分百餐廳的豬扒食落冇雪味 而且煮得軟熟 口感一流 配有洋蔥絲 食落更開胃。但因為用乾辣椒炒 所以有微辣 但可接受的 蒜蓉都有爆過 食落好香口 加杯奶茶滿足晒