百份百餐廳 (秀茂坪商場)

營業中

休息中

外賣自取等左差不多一個鐘！！！我見你鋪頭又唔係好繁忙，又不是滿座？？？d員工都唔知係度做乜！！！何謂快餐？？？帶住兩個小朋友係門口罰企差唔多一個鐘！自己已買既大家樂個外賣都已經凍曬啦！！！真係癡線！！！仲要係遲過我落單既外賣都已經拎走曬！！！無下次！！！真係無下次！！！員工態度又超級差！！！係外賣app落單都已經可以送到屋企啦！！！仲要拎出嚟嘅外賣喺唔熱嘅！！！真心，我個外賣係擺係度，等夠鐘先拎俾我？？？？？？

平時喺香港地食晏晝有啲心動會想食香港嘢、日本嘢、一啲辣辣新新嘅嘢例如咖喱啊拉麵啊、酸菜魚啊之類嗰啲咁但係正常一間餐廳都唔會有晒以上嘅嘢咁但係好在就係百分百係真係會有晒以上嘅嘢咁所以如果同成大班friend去食個快飯又唔知有啲咩好食嘅嘅話都真係不妨推薦只係晏晝嘅時間可能會比較多人排隊可能要預早分隊叫人霸定

因為都係附近做野，所以黎左秀茂坪商場食午餐，因為去左幾間都比較多人，最後揀左百份百就岩岩好有位。入面既餐牌同格離意樂基本上一樣，係比起上黎冇湯同少左部份餐，選擇會少啲。我今次揀左個白汁雞肉焗意粉同凍麥可可，朋友就揀左凍朱古力等既時間唔係好耐👍🏻焗意粉都算多汁，雞肉都唔差，不過不失，正常水準😃但麥可可就係係比較淡，麥芽味有，但冇叫少甜都覺得淡左啲，可可味亦都欠缺。😟整體其實係正常既屋村餐廳，而對比起其他既連鎖百份百餐廳，佢飲品方面比較遜色。希望可以改善。

係秀茂坪選擇唔多,而呢間又唔係開左好耐,都算新,野食都ok,所以每日早餐好多時都食佢,但近排唔知係人手不足還是員工問題,近排員工服務極差,所以短期內都唔會再食了,還掂佢地既態度都好似唔至在有你呢個客咁

同朋友做完嘢坐低搵啲嘢食吓，去咗一個我唔太熟悉嘅地方就係秀茂坪商場，所以今次負責搵嘢食嘅係我朋友，但係睇完都冇乜嘢特別大吸引力嘅餐廳，所以結果佢話你依間百分百，因為比較穩陣。分別叫咗炸原隻雞髀餐配脆脆薯條，花生醬金磚西多士配煉奶，仲有欖菜肉鬆炒飯，加埋凍檸茶。炸雞髀都算幾大隻同埋好脆，不過好奇怪薯條就係凍嘅，所以就同佢哋講換返一份，之後來嗰份就新鮮熱辣，好好多。西多士都幾好味，今次特登配煉奶唔要糖漿，食落去更加似多士。欖菜肉鬆炒飯味道完全冇問題，不過亦都冇乜驚喜。想講今次佢哋嘅服務態度非常之好，所以服務依方面印象好深。

第一次來這間百份百 就給我一個好特別嘅印象 坐低見到餐牌上有推介「冰火菠蘿油」+ 紅豆冰 好似好吸引 於是叫了一份來試吓 結果中伏 無諗過個菠蘿油的脆皮是又淋又濕的 好難食 於是搵左個職員亞姐來講 佢答我仲得意 佢話因為個菠蘿包是要用微波爐幫我整返熱 所以會係咁 如果係咁 就應該係餐牌上注明一下 等消費者自己選擇叫唔叫？我真係未食過又淋又濕嘅菠蘿油 真係好難食 食左一啖成個擺低⋯⋯都唔知哩個係一個什麼特別推介呢？定係特別奇怪呢？⋯⋯

有時晚餐唔需要大魚大肉，山珍海味，只要夠肚餓，食嘅野都係好美味。有汁嘅餸菜特別送飯，平日夜少少嘅晚餐時間來到餐廳，看看餐牌，已被以下食物吸引：🌟麻婆肉鬆豆腐煲 配白飯及熱杏霜份量好大煲，芡汁稠度啱啱好，味道惹味，辣度適中，送飯一流，熱杏霜絲滑唔太甜。🌟胡椒豬肚雞湯 配白飯呢個湯比初開張嘅時候稍稍遜色，胡椒味唔夠令到個湯唔夠層次，豬肚同雞肉都多。🌟拍蒜豉汁蒸鯇魚 配白飯及凍檸茶🍹需時制作，即叫即蒸，等了27分鐘才上菜，拍蒜味唔夠，鯇魚肉僅僅熟，冰冰嘅檸茶好暢快！唔可能餐餐大魚大肉，簡簡單單都可以好美味。

今日去咗秀茂坪探望屋企人，同屋企人去咗百分百食下午茶！餐牌嘅食物花多眼亂 好多選擇！最鍾意食佢哋嘅脆炸薯條 佢哋嘅薯條係用新鮮薯仔切歌既炸，食落去嘅口感同一般薯條不同！

Lunch time 搵食，秀茂坪廣場雖大，但都係連鎖餐廳多。周圍幾間都係亞洲國際餐飲集團旗下幾間餐廳，圍埋成個小food court咁😂今次食左百份百，d位都幾舒服，又唔會趕人走。lunch time 1點到 唔洗等位。野食質素都ok，埋單$60價錢大眾化。

堂食後點了個外賣五香肉丁麵，等了半小時告訴我售完，然後改為豬扒疍麵，再等0分鐘才完成，服務尚有改善空間。經理很有耐性解釋，感覺好一點。整體食物質素不錯，如果員工服務能有所改善，相信會更受歡迎，期望管理層能作出改變，畢竟，態度是服務業重要的一環。

朝早食個早餐嘆番杯奶茶，勁囉～好立克奶茶真係未飲過喎之前食過有檸檬嘅奶茶之後又一力作！！好嘢！！👍🏻隻杯冇洗乾淨就比下一手用，同個員工講佢d反應仲勁，佢同我講冇可能😅比埋你睇仲同我講冇可能？！?！🤔唔通我自己帶d好立克粉嚟沖奶茶再同你講！？！？！？！仲要兩個員工撘哂博頭un 下un下咁講粉面就正正常常，但火腿好神奇地冇火腿味，炒蛋就ok ge塊多士就燶d同唔夠蒜蓉，所以就麻麻哋啦😵‍💫一大早飲杯咁嘅嘢真係good good morning🙄