百份百餐廳 (寶熙苑商場)

營業中

休息中

$50食茶餐廳嘅好處係 份量一定會夠 💁🏻‍♀️叫咗咖哩雞扒飯 淨係雞扒已經有兩大塊 其實咁多種咖喱入面 對港式咖喱最無興趣 但係呢度嘅咖喱係整得唔錯嘅 同埋都幾辣 不過好想問一句 點解啲藜麥可以咁少 👅

在家附近諗唔到仲吃什麼好，試但揀了一間吃晚餐呢個燉湯都幾清甜，無乜味精，茶樹菇份量算多牛坑腩入味同夠稔，有少許辣，薯仔好食，夠甜，同炸過反而意粉炒過後有牛油香，不錯份量算多，即叫即蒸，所以等左15分鐘，唔知點解入面有魷魚😅

今日路經順寧道，見呢間餐廳裝修唔錯，就入去食個早餐。餐廳面積很大，裝修頗特別，走工業風風格。剛坐低，見枱面寫住「半焗流心蛋」，就畀佢吸引住，於是就落單叫個香煎豬扒早餐配腸仔及半焗流心蛋試吓。香煎豬扒+腸仔一條+半焗流心蛋，仲有蒜蓉多士同茄汁蛋，味道同上桌擺設都唔錯。半焗流心蛋標榜是先煎後焗，外脆內嫩， 少油健康。試過之後，又確係唔錯， 因為蛋白比太陽蛋熟，細菌都會少啲， 的確比較衛生和健康。香濃奶茶這個早餐，雖然冇乜特別之處，但所有食物味道都唔錯，只係收費$33，我覺得非常合理。 仲有一樣特別要讚嘅係佢哋嘅洗手間，非常乾淨，喺茶餐廳嚟講實在少有， 希望茶餐廳 能夠繼續保持高水平嘅洗手間清潔同衛生喇。

經過此店，店鋪裝修漂亮，樓底很高，令人很舒服，有大量窗戶，差不多所有位置，坐下都能看街景，早餐 五香肉丁 加 半焗流心雞蛋公仔麵，製作不錯，賣相及味道亦佳，價錢 $29.- 很好吧

星期日下午同朋友一齊食午餐，黎到呢間人流都唔少的餐廳！見到門口塊牌果碟海南雞飯咁吸引，入到去就即刻order啦！仲有野飲添！人流不少既星期日，等左幾分鐘就有得食喇！黎到個賣相係唔錯既！咁就夾舊雞點啲醬食下啦，一放落口就覺得唔是好掂喇，啲醬同啲雞都唔夾既？啲醬味淡淡唔都算，隻雞勁鞋口，勁韌，有啲位仲要咬都咬唔開咁，有舊仲𡁻極都唔爛，我一個年青人都搞唔掂，阿婆食左都唔知點吞.........反而隔離啲配菜，白蘿蔔就幾甜幾入味，但就有啲根....飯就較乾水同硬....叫左杯熱檸水，普通野，唔多講整體呢碟海南雞飯真係唔多掂，平時都唔做大曬鬼食剩啲飯，但真係搞唔掂呀.....$58咁既質素，好失望

晚市有二人餐，有兩個餸跟白飯，仲可以加錢要多盅燉湯添。蝦乾雜菜粉絲煲，都幾多蝦乾，夠大煲。雞都算幾滑，兩個人好夠食。燉湯都好足料，而且唔會好油膩，冇加味精👍🏼

今日收得早小小，可以搵下有咩食， 見到呢間百份百，之前只係食過佢既早餐，老老實實，早餐我覺得真係麻麻地，但都決定俾多次機會佢，坐低原來岩岩有宵夜餐食，就試下佢個上海炒讚岐烏冬同肉醬意粉，我地就叫左熱好立克同熱華田，杯野飲夠熱又夠味，完全唔使再落糖肉醬意粉好入味，又大碟，宵夜時段黎講份量真係炒烏冬都好夠熱同鑊氣，不過係咸左小小，但整體黎講，都係幾好，起碼有80分。至少下次宵夜時段都會再黎食我最欣賞係野食野飲夠哂熱大大碟，唔似有d餐廳，宵夜時段真係細碟到爆

今日返完教會到成兩點幾正好到下午茶時間於是同媽咪響長沙灣周圍搵野食行到順寧道街市附近，見到開多左間百份百之前只去過元州街果間，估唔到同一區都仲有一間於是入去食下啦😋門口有得自助攞飛等位，星期日下晝時間果然超多人等左一陣已經有位，由於繁忙時間所以要搭枱座位都鬆動，唔太逼裡面真係人頭湧湧呀成間餐廳都好懷舊，好中意😍同媽咪一人一個下午茶餐：牛肉炒意粉炒得好香，牛肉好林不過係太多油😐跟餐熱奶茶一杯，佢地用Lipton 茶葉沖，比較多奶，唔係好飲到茶味😅糖都唔洗落都夠晒甜🙂都好啱我口味焗芝士火腿肉醬意粉望落都ok但係其實冇乜肉醬，火腿我真係唔多覺佢有落😒同埋拎到黎唔太熱，唔似係剛剛焗好出來唔推薦我自己都食開藜麥，都知道藜麥好處，真係正野估唔到呢度可以免費升級食藜麥飯👍🏼👍🏼不過今日食意粉就冇得試下次可以嗌飯時升級試下😁

由試食到寫食評都隔左有一段時間 （啱啱開張無耐個陣去試左）快餐店黎講 性價比中 (午餐）環境唔錯 睇到裝潢有點設計 衛生情況良好 門面枱面餐具都算整潔乾淨服務員態度中中挺挺 落單到上菜時間 15-20mins價錢中等合理 相比大家樂呢類快餐店只系貴少少 但食物質素 味道 環境 都值番但對學生黎講都屬於偏貴...講番食物質素 推介咖哩牛坑腩 算叫足料 份量女仔一個人食一定夠飽 牛楠有肥有瘦 唔會燜到太淋 有少少咬口 薯仔都叫入味同淋 咖哩汁辣得黎有後勁 唔會只系得成層辣椒油 見到系有用時間慢慢煮出黎 整體比大家樂同款飯優勝另外試埋個金針雲耳蒸雞 雞件唔算滑 （雞胸肉）成碟好香麻油（偏重）同埋偏咸 但如果只系用少少汁黎淋同撈一撈個白飯就啱啱好啦仲有叫左個楊洲炒飯 唔算好特別 都叫有穫氣 粒粒分明同乾身 野飲方面 特飲加錢唔抵！熱奶茶系沖粉嘅 淡某某唔香唔滑 叫左杯5記得系咩咩利賓立都好淡 凍檸蜜尚好～總結 得閒嘅朋友可以一試

百分百餐廳連鎖式經營 可以連開甘多間分店 到底有咩實力呢?今次來到位於長沙灣既分店 小試牛刀先賣相幾精緻 睇得又食得 味道都還可以同大學canteen既頽飯差唔多甘上下😂😂講真 第一次見識到 蝦仁炒飯係甘既不過食落都係ok geh 小小鮮味帶有蛋既香味 意粉 三樣之中 呢個最好既選擇 惹味既芝士 加上義大利麵條 簡直天衣無縫 食落唔會決定膩 因為芝士份量剛剛好bor最好， 由於午飯rush hour 我地剛剛食完飯D服務人員就急急腳收拾我地既餐碟 跟住趕我地走唔係幾Like 下次應該唔會光親ga了

原本林全去飲茶，但去開個間無左，所以去左依間餐廳食！其實想食海南雞，但老公話今日唔想食，所以我地揀左乾炒牛河同肉醬意粉。乾粉牛河好大碟，牛肉都好林，可惜有色味唔夠，唔夠鑊氣又唔夠咸！加左調味都攪唔掂......肉醬意粉同樣唔夠味，我地自己加左少少茄汁先吊返少少味出黎......之前食過唔差的，但今日失色好多😓野飲方面，老公叫左凍檸茶，我叫朱古力，飲落去好似有陣薄荷味，老公話食個係舊朱古力既味道😁

Nosir說很久沒吃過西多士，所以今日下午茶去找西多士吃，行到百份百門口見新推出的阿華田奇脆套餐就被吸引進去了～就是這張海報吸引了我們😍下午茶的選擇以飽點為主，也有麵餐阿華田厚吐司配阿華田特飲$26阿華田醬不太甜，而且有些脆脆增加口感和層次，值得一試！而阿華田特飲亦非常香濃，頭幾啖要啜慢一點，不然太急會一下子將脆脆吸入喉嚨＂濁＂倒另外點了一份Q版西多士(煉奶餐)$25，少了花生醬似乎欠缺了甚麼似的，但整體甜味減少$51兩個人的平安夜下午茶😁

作為夜食一族，晚餐通常都是宵夜時段，以長沙灣的餐廳計，多數都比其他區抵食兼大碟，第二次光顧百份百宵夜時段，再一次失望，因為真係食唔飽😅宵夜餐有八款，4款是必食推介，價錢不算特別平～我們點了2個餐，餐飲分別點了熱可力和茶走，奶茶餐牌寫明用Lipton 奶茶，但整杯茶走都很淡味😑等了20分鐘，熱飲都變凍飮了，才送上第一份餐～上海炒讚歧烏冬，細碟，味道尚可，但不至於可以成為必食推介吧🤔再等5分鐘，另一碟咸魚雞粒炒飯也終於來了，上一次食，飯是炒不均，有幾口飯全是鹽，咸到震，今次＂改善＂了，完全沒下鹽，所以整碟飯是沒有味道的，只有一啖飯有一粒咸魚而有咸味😑日常晚飯老實說我們沒有特別要求，不太難吃又飽肚就可以了，可惜2次來都吃不飽，相信不會再來光顧宵夜時段了～

星期六日我們通常以下午茶作為午餐，省了不少飯錢🤑附近新開了第二間百份百，雖然比我們平常光顧的下午茶貴一點，但即管一試。我向來很喜歡吃麵包的，很久沒吃公司三文治了，於是點了一份，Nosir則點了他最愛的厚西多士～足料份量夠，味道不錯，惟一是當天店員硬要我們這張枱被搭枱，其他人則可以2人佔卡位，明明不用等超過5分鐘就有多張枱的客人離開，為什麼要欺負我們😡

可能係星期六及新店關係，勁多人，要攞飛等位食午飯，多人到有個靓女揸住個咪安排入座。，等咗十幾分鐘先有位。叫了個咖喱牛腩飯+熱檸水，等咗成十分鐘先嚟，牛腩用個小金屬煲裝住放係碟連埋飯一切上，杯熱檸水就迷你版。個牛腩飯好似話係這間連鎖餐廳的招牌菜，都唔平，要六十幾，食落就真係。。。唔好食，咖喱完全唔香且偏咸，牛腩唔好咬口唔好食，兩个人埋單佰幾，貴唔貴就見仁見智了，我就覺得唔抵又唔好食，大Ⅹ樂仲好食過佢，又平過佢。。。。