百利冰室

營業中

休息中

百利茶餐廳喺西灣河好出名㗎，其實成日坐滿，今日突然想食，就等吓啦。吖，咁耐冇去，覺得水準變得一半半啦，某啲嘢仍然好好，有啲嘢就需要改進一吓！通粉個湯底好好味，冇味精，十足真材實料整出黎。但係呢，果個餐包就咗差少少，最大原因應該係佢冇焗或toast番熱佢，有好味牛油都冇用😥但我希望佢只係今次整漏咗吧？!通粉嘅湯底不錯，通粉質哋亦好，但午餐肉如果能夠煎吓就更好!要讚吓杯檸茶，有檸檬鮮味的， 而個多士就最好厚D同脆D啦！我想繼續支持你哋㗎!

每個舊區都總會有一兩間老牌冰室或者茶餐廳係個個老街坊都識，而區外人都會聽過佢名什至慕名以來幫襯，百利冰室就係其中一間喇，所以區內番工既我地，不時都會黎食lunch。環境：門面既裝潢保留左幾十年留落黎既招牌同面包架，但入面就係新裝修過既面貌，可惜既係地方比較迫。服務：lunch時間非常多人，侍應姐姐唯有極速落單上餐同收餐，但見到熟客時佢地都不忘寒暄兩句，呢d就係老店既特色喇。衛生：雖然係老店，但入面明顯有重新裝修過，所以地方睇落都唔會話唔乾淨，衛生情況還可以。味道：黎到茶餐廳叫番個碟頭飯就最能感受師傅既功架，只可惜呢個西炒飯實在令人失望，西炒飯既精髓在於茄汁同飯炒埋一齊既配合度，呢個炒飯太少茄汁，令到飯炒得太乾之餘，亦食唔到有乜蕃茄味。食到一半就停左手喇。抵食：西炒飯連熱飲$53，份量係好多，但質素黎講唔多值。

之前同事極力推介百利冰室嘅鮮茄湯底！一試會真係愛上😋!呢間冰室嘅櫥窗好得意，成日都會轉deco～今次去個deco係嘉年華😻好靚！D機動遊戲仲識郁嫁😻👍🏼臨近新年，佢仲寫住恭喜發財😂好有心思❤️我每次黎都食嘅鮮茄湯加左價😣同事叫嘅鮮茄肥牛烏冬🍲呢到嘅烏冬唔係好滑～所以我會轉做通粉😛再加$5轉雞脾🍗😈🥘湯底由鮮茄，檸檬同其他配料煮成，好濃郁！好足料！味道好似羅宋湯咁😮！我次次都會飲晒😂👍🏼太好飲啦！🥕蔬果份量都算多，唔會得1,2條~🍗南乳雞脾好入味！！又大份～正呀😋

一早起身想吃早餐，就去吃了多年的茶餐廳，百利。想起多年前，沒有雜誌訪問時，百利已很多人幫襯，但就不會像現在般這麼多人，有時中午想吃時，也要那籌排隊等候，所以近期少了吃，因一早七點左右不用等位，但都已坐滿人了我叫了一份常餐$38，有火腿通粉，湯底濃郁，通粉夠滑，煎雙蛋，最喜歡吃他們的牛油餐包，包身軟熟，甜甜的，很好味指定動作加＄3飲凍鮮奶我太太就食出前一丁餐$38，他選了餐肉煎說雙蛋，餐廳還可選擇淨蛋白，因我太太不吃蛋黃的，正合他心意，公仔麵不會煮過生，因好多餐廳都會煮得較生

真係未食過要丟棄嘅沙翁朋友見間嘢成日排隊，話沙翁出名，買兩件過我試下一攞到，見大大個，上手唔會軟林林，好期待。咬咗一大啖，嘩！好脆呀！脆到硬咁，又厚又界口。繼續咬，啲油開始必出嚟，成口油，仲要勁油溢味，跟住我已經頂唔順要放棄而嗰陣油味一路持續咗十五分鐘都揮之不去

到達百利時剛過了二時，原來沒有下午茶的，全部套餐均是11時後供應。雖然仍有人等位，不過也很快便可以入座。以前來過一次食午餐，因為太迫人坐得不舒服，故即使覺得好食，也沒再來了。今日要在附近辦點事，見不算太擠，才再幫趁。今次選了特餐，包括牛油餐飽、餐肉通粉、火腿奄列和餐飲。奶茶最快送上，趁熱飲的話，味道不錯，因為餐後再飲時，已覺得味道有點澀。再上的是牛油餐飽和火腿奄列，炒蛋只是一般，但曾經有朋友說很好吃，甚至拍得住澳牛，我覺得有點言過其實了！那個餐飽卻十分美味，雖然餐飽的表面已有點硬，內裏卻仍然很鬆軟，是那種傳統的口味，好吃！餐肉通粉也不錯，可能因為湯底好吧，因此令平凡的通粉，也變得頗美味。而且食完之後，並沒感到口渴。這個特餐的價錢是$32，且份量十足，難怪這裏經常要排隊了！

其實之前亦寫過呢間, 但方向係以價格黎寫, 今次老老實實寫一次:食評。寫百利, 不得不寫位位32的茶餐。所以唔洗影相啦, 食開都知。餐飽, 煎旦, 腿C通, 熱飲1. 餐飽, 煎旦同碟上: 餐飽咬落帶淋身而靭, 呢樣好難講, 佢地用人手造, 好難做到一致, 但若果以淨係飽計, 我會偏於少少金樺既飽質;其次, 煎旦....感覺旦唔夠香, 即係類似係放得較耐既蛋咁;2. 腿C通, 靈魂在此, 忌廉雞湯配通粉, 香港一大地道美食, 呢樣百利用足料, 真係金寶雞湯就係雞湯, 似乎無任何加工, 小弟意思無寫錯, 即係好似響屋企煮一樣, 問題係, 湯底變左帶濃和杰, 若果通粉浸耐左, 變得更杰, 好似變左另一樣野。 記得以前好多茶記, 本身有個湯底, 忌廉湯只係吊味, 雖然係稀, 但我會較中意咁樣食通粉。 好在, 百利既火腿係我暫時食筲記最好的一間, 令碟通粉有畫龍點睛之妙。3. 配熱飲鴛鴦,.....其實, 以筲記計, 百利熱飲唔係我首選, 只要你用臭覺去試, 茶與啡, 你懂的。雖然你見我樣樣評得不算高分, 但佢整體配合又算唔錯, 人手, 效率, 味道, 質素和價錢, 樣樣都係做得流暢, 同接力

今日因工作關係來左筲箕灣，午餐搵野食時經過呢間望落都好懷舊既冰室，而且一個人懶得諗食乜，於是就入左去食午餐由於接近1點午餐時間，餐廳內都坐滿人客了，因為我是一個人，好快就可以入坐，當然是搭台啦。食物價錢都非常之大眾化抵食, 我點左洋蔥汁豬扒腸飯, 配熱奶茶。個飯好快就送上，份量都好多，啱曬男士食落單時侍應姐姐會問要吾要切件上幾體貼，切件易食好多。豬扒都好多，調味都夠，系覺得咸左少少，洋蔥汁仲配有少少青豆同紅蘿蔔粒，腸仔竟然系司華力腸，幾意外真系抵食

百利冰室長期都好多人排隊架，有人慕名而來，但其實都有唔少係街坊，一個人嚟食既都唔少，可想而知～百利有嘅唔只係人氣，仲有既係食物質素餐牌上面有好多選擇！！好多人會推介豉油雞髀飯，我就最鍾意佢嘅蕃茄湯烏冬好食要講三次！番茄湯！番茄湯！！番茄湯！！！我哋分別叫咗～～～～～～蕃茄肥牛烏冬番茄豬扒通粉蕃茄肥牛通粉睇相係咪覺得好似呢！哈哈😜我諗好食嘅原因當然係個番茄濃湯啦，同埋碗湯入面蔬菜都好入味架，個人偏好烏冬囉～而且份量十足*次次都話下次要食其他不過都係食咗蕃茄肥牛烏冬

行到西灣河, 見到百利又咁多人排隊,咁耐冇食過, 心思思又排埋一份,雖然排第七個NUMBER, 但十分鐘左右就有位, 都唔算等得耐,一坐底就梗係嗌個常/特餐再加個(蛋球)沙翁啦, 入到黎唔食的話好似對唔住間餐廳咁個沙翁一上, 我就覺得唔係好對路, 點解咁黑O既! 炸到咁燶!切落去個皮好硬! 都算, 咬落去好多油, 都算點解會係有浸蔥油味?  完全破壞哂以前對哩間餐廳O既好感食到個唔好食O既沙翁, 其他野食黎到已經冇乜意思, 哂左個特餐, 哂埋枝鮮奶雖然奄列, 餐包都幾似樣, 但都於事無補了....

記憶中，每次經過，店前的欄杆總是有一排食客在安靜排隊等候，飢腸轆轆的我，總沒耐性，而且對這裏的食物也没多大印象，所以總捨不得花時間在輪候上。今天，約十二時已到達，可恨仍要派籌。因是一個人，因此等了五分鐘便可入內。坐在中間接近水吧的的小圓桌。茶餐廳的設計頗傳統，兩邊是卡座，中間是三四張圓桌，近大門是收銀處和擺放西餅、麵包的玻璃架。四個不相識的大男人圍坐一張小桌，頗狹迫。看了看牆壁上的午餐海報，點了 蒲汁豬排飯。鄰座的人剛離開，旋即又有另一個顧客坐下。凍奶茶先送上，呷了一口，竟有茶香，頗欣喜，大多凍奶茶只有甜味，差點忘記凍奶茶也應有茶味的。飯送來，這時與我在店外輪候的一家人才坐進對面的卡座中，汁中有兩片頗大的紅蘿蔔切片，數塊長長的豬排肉，還有些椰菜和雜豆。扒了一口飯，汁味道不錯，其餘的卻沒有驚喜。我默默的吃着，心中不禁泛起疑問，一間茶餐廳生意興隆，顧客長年不絕，聯想到的多是食物美味、價錢廉宜或食物份量大，換另一種流行的說法是「性價比」高。可是……眼睛被對面卡座的一樽朱古力奶吸引着，那是玻璃瓶的款式。多少年前，父母上餐廳，總會為子女叫一枝牛奶，這認為是健康的飲品。這幕情景很多年很多年没有上演

一早經過筲箕灣見到門口有合桃酥, 沙翁仲見到有自家做蛋糕, 舊得離又有D搞新意思!望一望門口有位馬上入去就叫咗個早餐, 首先當然要飲一啖回魂凍奶茶😋, 午餐肉有2大片好以隻荷包蛋咁上下大😋,好開心呀＋太陽蛋＋烘底多士加牛油係上😋😋😋!雖然食飽咗,臨走前都要買合桃酥和沙翁！waaaaaa個合桃酥好好好濃烈合桃味同麥味唔係好甜😋😋😋,值得一試！沙翁好鬆脆一定要即日食,如果唔係會好鬼油呀,少少甜呀！凍奶茶午餐肉,大陽蛋烘底多士合桃酥沙翁兒時西餅舖面

而家懷舊嘅冰室愈來愈少, 呢間係西灣河電車路嘅百利冰室係其中一間有超過50年歷史嘅老店。百利冰室門面唔大, 繁忙時間會聚集一大班食客係門外等位。沙翁而家已經好難係普通茶餐廳搵到。百利冰室應該翻新左唔係好耐, 感覺幾新淨, 裝修簡單。早餐時間客人都好多, 好多坐卡位的4個人全都係搭枱的。🙈去冰室食早餐當然要點煎雙蛋, 火腿通粉同奶茶啦。😋餐包同煎雙蛋味道都正常, 蛋唔會煎得過熟又唔太油, 唔錯。火腿通粉湯底夠濃厚, 通粉夠滑。👍凍奶茶茶底唔錯, 奶味都夠。😋埋單$34, 不過真係睇唔明上面寫咩。😂

來到西灣河當然試試懷舊的冰室！星期日人山人海，我倆都要等20分鐘才能入座。蕃茄肥牛烏冬這個是西灣河地頭蟲朋友推介！賣相非常吸引！配料十分豐富，陣陣番茄香味，令人垂涎欲滴！湯底濃郁，偏甜，烏冬當然不是日本的，是廣東人的口味，意想不到它有兩款蔬菜，而且肥牛份量頗多，是非常滿足的一碗烏冬！奶茶淡淡的茶味配合香濃的奶味，始終用黑白奶是最好的！若然奶茶質感再厚身一點會更好！是傳統冰室用作放糖的器皿！下次於閒日試試，好像焗飯也挺吸引！

事先聲明, 今次無相, 眼見食家已有大量相, 影多次通粉都係咁樣, 何況我幫襯佢係外賣較多。寫百利, 係事緣見有食家對其較負面, 老實, 我唔會堂食, 堂食我都會俾負評, 因為環境真係唔多舒服, 對口對面, 唔覺意對家一個乞嚏, 真係乜都食唔落。但佢一個卅蚊既餐: 包, 蛋, 粉, 飲, 足料全齊, 問你邊到搵到。麵包足料; 忌廉雞湯, 惹味火腿, 一杯熱飲, 我就覺得係好享受了。但幫襯佢真係要睇下時間, 最好一朝早或者平日下午茶, 否則人生人海咁食, 真係食唔到乜野味道。我就食過幾次堂食後, 以後支持佢就外賣, 包自己唔會食得唔安樂。而小弟就每個星期都會幫襯叫外賣, 而且仲要係朝早七點前, 食左成年, 佢既質素真係好穩定, 好多間食店都做唔到呢樣野, 但佢就可以。(星期日真係要早, 因好多時有教友一早買十幾個餐架)