百利冰室

營業中

休息中

隨着時代的變遷，好多餐廳都一年不如一年，只有百利冰室，仍然保留住老香港的味道，從食物到員工你會感覺係時光隧道停留住， 每一次來到都見到人客總是滿滿的。 比較遺憾的是， 已經在吃不到招牌沙翁。

環境：位唔多, 而且冰室好窄, 出出入入都不太方便. 中午時間去食要等位. 不過餐廳老細態度麻麻, 對食客沒有禮貌, 可一不可再的冰室.食物：這次試了冰室出名的炸蛋球, 其實姐係沙翁, 的確整得唔錯, 是傳統的味道. 之後試了又是冰室出名的椰堆, 但椰堆好一般, 太甜而且質感差, 唔知自己食緊d 咩, 最後都食唔完成個；不過說到最差, 是冰室咩都賣曬, 蝦多士又冇, 連冰室最基本的紅豆冰又冇, 真的有點趕客.價錢：唔算貴, 沙翁$7 可以一試, 其他都正常冰室價錢, 不過試過一次都可以了.

本身係北角返工，平時有時間會同同事搭車去西灣河或者筲箕灣食lunch。今次介紹既哩間冰室本來係同事帶我去食既，但宜家就差不多成為左我既每週精選，所以想寫個食評介紹比大家。第一次去個時，眼見門面係舊式冰室格局，櫥窗裡面有個立體蛋糕，另外一邊櫥窗擺放一排排樽裝鮮奶，心諗應該做左幾廿年，d食物都應該會唔差😂 同事話d中式西式飯抵食又多選擇，味道又ok，性價幾高。不過我今次想介紹既係蕃茄肥牛湯烏冬😋 我自己麻麻地肥牛，冰室姐姐話可以轉豬扒/ 鮮牛，另外加錢仲可以轉雞脾。 姐姐豬扒湯米唔該🙌🏻 唔想食烏冬，都可以轉其他粉麵，選擇超級百搭，唔驚搭唔啱🤣豬扒夠大塊碎上唔洗切開，但講到最值得推介既係個蕃茄湯底。一般d茶餐廳既蕃茄湯大多比較淡或者用蕃膏開。但百利哩個蕃茄湯唔至夠香，味道好好又唔會太酸，仲勁多配菜，蘿蔔、椰菜花、白菜仔，勁足料。同埋係個湯入面你會見到有d檸檬皮，原來加左檸檸個湯底更香更好味。每次黎見到個花眼了亂既餐牌，到最後都總會叫返哩個烏冬😍

今天中午跟同事到西灣河百利冰室食晏。因為我平時多數都帶飯食，今日阿媽擺工，所以就同同事一嘗想食好耐既呢間冰室喇一去到見到門口大排長龍，心諗睇來今次都要等一排先可以入座，點知前後等左唔洗5分鐘已經有位喇。開餐小弟點左個沙嗲菠蘿牛肉飯。尚算可以，只是整體有點咸。整體不過不失，份量亦算充足。45蚊仲要送飲品～同事們就點了另外3個飯。見到同事碟洋蔥豬扒拼司華力腸飯好似幾吸引始終係隔離飯香～不消一會，各人都清得乾乾淨淨。

百利冰室在筲箕灣工聯會附近，已開了廿多年，評四休息，有時我忘了，不小心也會摸門釘！蕃茄豬扒烏冬是我的喜愛，這個雜菜湯底勝過香港其他餐廳很多很多倍，鮮甜好飲，濃濃的蕃茄香味是其他地方未曾嘗過，所以印像非常深刻，我愣推介比很多同事過來吃！另外，又多又大件又鬆化的豬扒也是新鮮炸起，還有好多雜菜伴上，頓感健康！份量很大，吃完會撐著肚回去！除此之外，餐廳的茄汁雞比飯及咖哩牛腩同樣出名，下次我也會試！配搭朱古力奶是最好的！不要期待有過好及體貼的服務，此終是冰室，伙計也是比較豪邁的😂

每一次經過百利冰室，門口都是好多人等位。每次冰室都坐滿人，所以一張圓枱起碼坐5-6個人，同人搭枱冇得走。今日下午去吃一個午飯，唔駛等太耐。通常黎這裏我都會叫午餐，但今日叫了雞脾烏冬，其實出名應該係肥牛烏冬，但加$5就可以轉雞脾烏冬。雞脾大隻，香口，肉質肥美，有南乳味，烏冬湯味濃郁，連椰菜，白菜，蘿蔔，蕃茄都煲得腍身易入口。至於另一款雞脾蛋意粉，蛋唔會煎得過熟，流黃，醬汁份量適中，意粉亦吸了所有醬汁。

次次lunchtime經過一定有好多附近返工的打工仔同埋學生在門口等位，不過等候時間都唔會太耐，茶餐廳野食黎得快，大家食完都趕住返去返工返學～-因為經常黎的原因，職員都認得我地，而佢地係會記得我地會嗌咩餐，連野飲都會記住！ 有一次病左，佢地仲提議我嗌檸檬可樂煲薑，飲完即刻好返好多！-我每次都會嗌雞脾蛋飯，雞脾係南乳雞脾，可以簡要豉油汁或者茄汁。蛋都可以簡要太陽蛋定係炒蛋～野食同人情味係我keep住會黎食既原因！

今早去筲箕灣道那家百利冰室吃早餐，點了個全日供應的特餐，有午餐肉通粉，牛油餐包，火腿奄列，選了一杯奶茶（餐茶）才是$35.這裡早餐人很多，要在門攞飛仔等，而且必是搭枱的，地方淺窄，坐得唔係咁舒服了！先來一碟餐肉通粉，好夠熱，忌亷湯濃滑，通粉也很可口，但兩件餐肉唔得，入口硬而不香，唔合格！火腿奄列，味道佳，不會太鹹，剛剛好，也是夠熱而口感不錯！牛油餐包就一般啦，見鄰桌都吃剩！奶茶算香滑有茶味而不會苦澀，合格水準！整體也算是物有所值，通粉的湯底是勝過其他茶餐廳的！

南乳雞肶（🍗要+$5 ）蕃茄湯米粉！佢原本湯底有secret ingredients 例如🍋檸檬同好多香草，超多蔬菜呀椰菜花同白菜仔麵底轉咩都得，又可以要雞肶，豬排or 肥牛茄湯都很好味。

去完東龍島就行返出大街諗住搵車搭返屋企行行下點知覺得有D肚餓沿途都有唔同既餐廳不過自己都係比較鐘意簡小店幫襯加上好鐘意食沙嗲牛米所以百利冰室就係不二之選喇店內裝修都有D想當年既感覺依加好少餐廳仲係用呢D牌做餐牌我地叫左一個常餐加蝦多士由於蝦多士係即叫即整所以都要等一段時間我地叫左個常餐簡左沙嗲牛肉加午餐肉另一方面加$3改左要出前一丁個沙嗲湯底都唔錯比較重花生味可惜D麵同午餐肉都比較硬D麵好似滾兩滾就上菜咁D午餐肉就唔知係牌子問題定煮得唔夠咬落都比較硬身終於等到蝦多士出場一切開即刻有煙出證明真係即叫即整D蝦滑唔硬岩岩好亦都炸到外皮好爽口走既時候先發現原來以前有沙翁食好懷念啊可惜無得再食另外 由於冰室歷史久遠儲埋儲埋都唔少有咁上下年紀既可樂

坐底食個快飯諗住十分鐘內走人，點知隔離枱食客不停向我碟飯同杯奶茶咳，見卡坐對面無人就移位避避啦，點知老闆娘行過大聲呼喝叫佢坐番原本個位，因為一陣樓面容易啲執嘢，如果店面爆滿，我都明白無所謂，但有位點解要咁對食客，幫襯咗十年都俾人咁呼喝趕你坐位，以為去咗澳牛唔係話要乜招呼，不過都唔好大大聲喝我啫由二十頭一個餐食到三十幾一個餐，一星期幫襯兩次，唔識都認得掛，使唔使大大聲喝斥叫佢坐返過去一陣收嘢方便啲。

百利茶餐廳喺西灣河好出名㗎，其實成日坐滿，今日突然想食，就等吓啦。吖，咁耐冇去，覺得水準變得一半半啦，某啲嘢仍然好好，有啲嘢就需要改進一吓！通粉個湯底好好味，冇味精，十足真材實料整出黎。但係呢，果個餐包就咗差少少，最大原因應該係佢冇焗或toast番熱佢，有好味牛油都冇用😥但我希望佢只係今次整漏咗吧？!通粉嘅湯底不錯，通粉質哋亦好，但午餐肉如果能夠煎吓就更好!要讚吓杯檸茶，有檸檬鮮味的， 而個多士就最好厚D同脆D啦！我想繼續支持你哋㗎!

每個舊區都總會有一兩間老牌冰室或者茶餐廳係個個老街坊都識，而區外人都會聽過佢名什至慕名以來幫襯，百利冰室就係其中一間喇，所以區內番工既我地，不時都會黎食lunch。環境：門面既裝潢保留左幾十年留落黎既招牌同面包架，但入面就係新裝修過既面貌，可惜既係地方比較迫。服務：lunch時間非常多人，侍應姐姐唯有極速落單上餐同收餐，但見到熟客時佢地都不忘寒暄兩句，呢d就係老店既特色喇。衛生：雖然係老店，但入面明顯有重新裝修過，所以地方睇落都唔會話唔乾淨，衛生情況還可以。味道：黎到茶餐廳叫番個碟頭飯就最能感受師傅既功架，只可惜呢個西炒飯實在令人失望，西炒飯既精髓在於茄汁同飯炒埋一齊既配合度，呢個炒飯太少茄汁，令到飯炒得太乾之餘，亦食唔到有乜蕃茄味。食到一半就停左手喇。抵食：西炒飯連熱飲$53，份量係好多，但質素黎講唔多值。

之前同事極力推介百利冰室嘅鮮茄湯底！一試會真係愛上😋!呢間冰室嘅櫥窗好得意，成日都會轉deco～今次去個deco係嘉年華😻好靚！D機動遊戲仲識郁嫁😻👍🏼臨近新年，佢仲寫住恭喜發財😂好有心思❤️我每次黎都食嘅鮮茄湯加左價😣同事叫嘅鮮茄肥牛烏冬🍲呢到嘅烏冬唔係好滑～所以我會轉做通粉😛再加$5轉雞脾🍗😈🥘湯底由鮮茄，檸檬同其他配料煮成，好濃郁！好足料！味道好似羅宋湯咁😮！我次次都會飲晒😂👍🏼太好飲啦！🥕蔬果份量都算多，唔會得1,2條~🍗南乳雞脾好入味！！又大份～正呀😋

一早起身想吃早餐，就去吃了多年的茶餐廳，百利。想起多年前，沒有雜誌訪問時，百利已很多人幫襯，但就不會像現在般這麼多人，有時中午想吃時，也要那籌排隊等候，所以近期少了吃，因一早七點左右不用等位，但都已坐滿人了我叫了一份常餐$38，有火腿通粉，湯底濃郁，通粉夠滑，煎雙蛋，最喜歡吃他們的牛油餐包，包身軟熟，甜甜的，很好味指定動作加＄3飲凍鮮奶我太太就食出前一丁餐$38，他選了餐肉煎說雙蛋，餐廳還可選擇淨蛋白，因我太太不吃蛋黃的，正合他心意，公仔麵不會煮過生，因好多餐廳都會煮得較生