百利火鍋海鮮酒家

營業中

休息中

放工鬆一鬆既時間又到！太子百利火鍋海鮮酒家，打邊爐首選，唔唔怕夜晚晚冇野食。太子地鐵站隔離，步行1分鐘。入番正題，晚上9點後入座有折，呢個時段梗係食海鮮！如果第一次入黎食既朋友唔洗擔心，店員會有「時日推介」，今日既推介係聖子，肥牛，海蝦！聖子，雞，魚，菜，有魚有肉！無限時嫁！全部食材都新鮮，店內地方乾淨整潔👍唔好睇小呢鍋薑蔥枝竹鯇魚鍋，廚師有先把大大條既鯇魚尾輕煎兩面，無咁易散，記得要耐心等條魚骨熟，可以整條拎出拎放喺碟，點豉油食！未落肉前，可以飲碗湯，正！我同老公都滿足攬住個肚番屋企！下次想食火鍋，記得黎試吓👍

今日同個同事去百利打邊爐，百利出名用料新鮮，又係老字號，今晚叫左細牛肉、大蟶子、海棕蝦、椒鹽鮮魷同兩支Asahi其實我成日自己一個人嚟食，食慣晒㗎啦，啲店員都認得我牛肉勁新鮮，牛味十足蟶子鮮味彈牙，10秒左右就得㗎啦海棕蝦隻隻有膏，鮮味十足椒鹽鮮魷就例牌好食，配埋個喼汁一流芫荽皮蛋湯夠晒味，夠晒下火嚟呢度呢預咗要貴啲，但勝在物有所值，兩個人你預$1000左右啦，耐唔耐食一次冇乜所謂嘅，大家都嚟試吓啦

個牛拍得住專門店，油脂分布靚，半生超正，推薦大家嚟食，手切牛肉有水準服務又好！每個禮拜都會嚟，啲魚又正！環境乾淨企理，呢度啲蝦丸好爽，好過出面，價錢合理，每次都要嚟食牛肉

環境與氣氛 ★★★★☆太子區一帶嘅地下舖，裝修唔算豪華，但座位舒適，行動空間足夠，幾多人齊齊打邊爐都唔會太侷促。店內燈光柔和，氛圍溫馨，適合朋友同家庭食飯。服務 ★★★★☆侍應有禮貌，上菜速度穩定，服務效率高而且態度友善。呼叫侍應即刻有人回應，轉鍋底同煲水都安排得好妥當。食物質素 ★★★★☆海底狗肉鍋底：即係魚片(沙皮魚)湯底，味道濃郁，用嚟煮海鮮幾合適。老虎班：主角之一，魚肉切件厚實，鮮甜彈牙，落鍋涮幾下即可享受。【必試!】手切本地肥牛：油花分佈平均，稍涮即溶，入口滿足感強，火鍋吃肉嘅一大 highlight。妙制西洋菜餃：西洋菜餡料清新，皮薄餡靚，口感爽利，與蝦餃類點心有得揮。新鮮雞件：新鮮雞，中規中矩。瑤柱鯪魚滑：質地彈牙，鯪魚滑散發㾗香，帶少少傳統蛋白質嘅打邊爐風味。抵食程度（性價比） ★★★★☆雖然人均約 $400‑$500，唔算平，但海鮮同肉類用料新鮮、份量十足，加上服務唔錯，都算值返票價。對比同區域其他中高檔火鍋店屬合理範圍。總結百利嘅強項係食材質素穩定，老虎斑同手切肥牛尤其突出。環境舒適、服務有禮，適合朋友同家人聚餐。唯一要提醒係，價格略高，但以質取勝。

今日我經過太子，見到有一間火鍋店，叫百利火鍋海鮮酒家，我去咗食晚飯。火鍋店門口展示咗唔少新鮮嘅食材，可以話係非常之吸引。嚟到火鍋海鮮酒家，點可以唔食海鮮？我就點咗佢哋嘅老虎斑同埋龍蝦仔套餐。呢個套餐價錢唔貴，只需要$488。套餐啱啱上碟嘅時候我忍唔住話哇咗一聲。套餐嘅擺盤非常之吸引，所有食材都擺放得好整齊。味道方面，老虎斑嘅魚皮爽口彈牙，肉質鮮甜，沾上自己調配嘅醬汁，真係食到舔舔脷。龍蝦方面，餐廳已經幫我預先處理好，所以只需要簡單烹調，唔需要再額外花時間拆除龍蝦殼。蝦肉入口爽甜，兩款海鮮都非常之新鮮。估唔到可以用呢一個價錢，就可以食到咁新鮮嘅海鮮，下次再嚟嘅時候，我會試吓點其他菜式。

#黑面奇遇記 …#小秘書 一向都贊成 #港人 #留港消費 💸 不過有啲所謂龍頭老店，佢哋對客人嘅態度認真爭唔落😤 話說呢個星期五晚 #小秘書 約咗班朋友食飯，因為大家都無心水，最後就梗係揀咗我最鍾意嘅 #火鍋 啦🤭為咗唔想食得咁趕，我哋放棄咗 #火鍋放題，跟大隊嚟到 #太子 一家老店「百利火鍋海鮮酒家」。餐廳冇乜特別裝修，不過望落去都幾光猛💡 打開餐牌，佢哋嘅火鍋湯底都幾多選擇，最吸睛當然係佢哋自稱首創嘅「海底狗肉鍋」😅 不過大家唔使擔心，佢講嘢「狗肉」其實係魚片肉，不過唔知大叔係咪想我哋幫襯多啲，竟然走過來同我哋講$198湯底用嘅唔係新鮮魚肉，要食新鮮嘅就要比五百幾買即劏嘅😅 … 佢講呢番話會唔會太有創意呢？！經過商量之後，我哋最終要咗個 #椰子雞湯 做火鍋湯底😉 佢哋用咗 #椰青水🥥 做膽，加埋啲雞件入窩，啖湯都幾清甜🤤 不過冇諗過隨後加嘅都係清水，搞到啲食物都變得冇哩紋味😅 白烚其實都唔係問題，沾啲醬油就可以😅😅 不過主理嘅大叔同一班員工嘅嘴臉真係不得了，唔講仲以為我哋做錯啲乜得罪佢哋😅 等咗大半個鐘嘅 #手切肥牛 經過三催四請終於上枱，肉質非常一般，只係輕輕喺水入面淥咗幾秒，口

首先要重點推介佢嘅四寶丸，精彩絕倫，最鍾意蝦丸，粒蝦丸係食到多隻原隻嘅蝦肉，非常爽彈，其餘三寶都係同區水準之上，必食之選，牛肉賣相已經冇得輸，食落更加唔使多講，新鮮騸牯肥牛靚位，高分，非常滿意！聽廳面叔叔講，原來呢個招牌已經有30年，叔叔喺度打工到超過20年，見證時代漸變。當晚嗌左個番茄崩沙腩鍋，都係叔叔推薦，佢話係用10隻番茄落鍋推到起沙先加湯而成嘅鍋底，非常非常非常好味，天然清甜，唔似坊間嘅又會落茄汁或者茄膏，非常值得一讚。期待下次嘅用餐，I Love it❤️❤️❤️👍👍👍

餐廳坐落喺太子人流旺區，走進餐廳之後餐廳內部嘅設計同裝修都非常舒服，冷氣亦都好大所以坐落一啲都唔侷促。喺食材方面我都見到好新鮮，我哋今次叫咗一啲肥牛、蠔、象拔蚌、羊肉等等各樣嘅食材都好新鮮，然之後加埋餐廳自己配有嘅湯底感覺非常好。同埋佢餐廳嘅服務員態度亦都服務非常好，唔會比面色你睇，亦都唔會趕你走可以俾你喺充裕嘅時間入邊慢慢咁樣喺餐廳入邊食嘢。同埋周不時店內嘅員工都會行過嚟問吓客人喺食個方面有乜嘢回饋同埋要求。所以整體嘅火鍋體驗係好唔錯。👍🏻👍🏻

推薦狗鍋底話198包一斤老虎班，埋單原來係一斤老虎班560包狗鍋底，中曬伏！桶蠔同蟶子王係好正，抵食，就條老虎班瀨曬嘢，各位過去的話一定要留意留意距咁推薦比你，唔好上當！

公司同事搵到馬會幫手請食飯，選擇食乜期間有同事提議到百利火鍋。 可食刺身及打邊爐。 未打邊爐前先食日本大生蠔68蚊隻超大隻。 再黎988.00嘅象拔蚝刺身又鮮又爽， 跟住到54兩花竹蝦刺身，肉質彈牙。 蝦頭蝦尾再用生抽炒，蝦頭有膏。 火鍋配料有4斤嘅黃皮老虎班，骨同腩攞去椒鹽整，魚片打邊爐。 另外有南非鮑魚68隻，夠大隻。 另手切肥牛，手打牛肉丸，墨魚丸，鵝腸等食材新鮮。 雖則比其他火鍋食店貴，不過都值得一試！ 10個人用膳，平均每人1000.00

家姐仔生日本來book咗網燒，壽星女都係中意打邊邊..咁就去食百利啦～ 新店後都係第1次幫襯💛▫️胡椒豬骨鍋底 — 超香辣胡椒味，勁大嚿豬骨▫️手切肥牛（中）叫咗2碟中size手切肥牛，油膩分怖得好靚，好甘香▫️響鈴 — 即叫即炸響玲，好香蛋味▫️豬腰豬潤— 黃沙豬膶，唔係平時嗰啲發到漲個款，食落去好夠膶，爽爽粉粉，起沙！— 豬腰冇腥騷味▫️手打牛肉丸 — 超芫荽味，係平時食嗰隻山竹牛肉球▫️台灣白鱔片— 雙飛蝴蝶切，喺切功好靚，雖然厚切但淥完唔會老，爽口彈牙，好夠鮮味，沒有泥味▫️西洋菜餃 — 好好味，自家包，西洋菜同埋肉都夠多▫️黑柏葉（毛肚） — 爽口▫️鵝腸 — 肥美甘香，勁多肥膏，正啊！▫️紐西蘭蟶子 — 超級大隻，成隻手掌咁大，好鮮甜▫️另外叫咗西洋菜+唐蒿是日糖水麥米粥（由於我地要食蛋糕就冇要啦）🔶Overall嚟講係抵食到爆😏 𝗮𝗯𝗼𝘃𝗲 𝗮𝘃𝗲𝗿𝗮𝗴𝗲! 老店員超級細心，招呼非常周到，超級有人情味會成日傾計，見我地食完就話送糖水俾我地食💛老店就是滿滿人情！仲同家姐仔講生日快樂🎂🔸晚市9:00後全單8折（包括海鮮）百利火鍋海鮮酒家 (太子) 太子砵蘭街396-398號地舖

呢間火鍋店竟然一個食評都無，咁都搶到頭香朋友介紹話食過呢間火鍋好食，我哋一行四人無book位去到門口，因為只係weekday嘩！無諗過竟然一堆人等位我哋叫左鴛鴦鍋底，一邊係麻辣，另一邊係皮蛋芫荽湯，湯底夠味得黎唔好太咸，芫荽味好香，反而麻辣湯比較遜色，夠咸但係唔夠麻同辣。再黎係海鮮船，赤貝，三文魚腩，象拔蚌，花竹蝦刺身上面有金箔，刺身下面墊左檸檬做底，食起來淡淡檸檬香味，好夾，全部刺身都好新鮮，好有驚喜蝦頭唔好嘥，掉埋底落滾兩滾啜埋個蝦頭 ,正涼拌魚皮，份量都唔少好香麻油味，魚皮爽滑有𡁻口，花生炸得香口，水準一流桶蠔好大隻，淥左都無乜點縮水，食材非常新鮮總括而言，一個字講曬，