影片
港鐵寶琳站 A1 出口
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
最近細佬因觸發肩膀甩骹而舊患復發，阿媽因而需要背負責任，最後多了陪伴細佬前往醫院覆診。細佬經過私家醫院醫生轉介信安排下，終於在「將軍澳醫院」進行手術，曾經留醫一段時間。細佬在出院後，仍然要按照「將軍澳醫院」醫生的要求，定時返回「將軍澳醫院」，前往醫生的骨科醫生覆診，以及接受物理治療師的治療。他接受完物理治療後，我們三人離開醫院，坐車到寶林飲茶食午飯。我們選擇在寶林飲茶，其實都只是無可奈何之下的選擇，因為將軍澳區內的酒樓數目委實不多，少得在坑口也不容易尋找酒樓。例如「東港城」裡面的酒樓「潮人飯堂」，以前「厚德商場」「稻香海鮮酒家」最近已經結業收場。我們再坐港鐵到了寶林「新都城」，發現寶林的情況，也不見得比坑口好得幾多，我們當日中午在「新都城」幫襯過的酒樓「百匯軒」，竟然也在我們光顧後兩個月，就宣告結業關係。將軍澳「百匯軒」結業給我的震撼程度，絕對不遜色於尖東「漆咸道南」旁邊的小食店「慢煮工業」，尖沙咀「慢煮工業」也是在我光顧後一個月左右時間，就忽然在無聲無息下宣告結業。不過「百匯軒」的情況，有一點比「慢煮工業」好，就是「百匯軒」結業的消息，距離我撰寫「百匯軒」食評時間尚早，只相差幾日的時間而已。所以我未至於要讓「百匯軒」食評「打尖」，跟「插隊」提前出街。我們三人在「百匯軒」裡面食午餐，目的其實只是純粹想食飽飯，所以一般點心小菜，對我來說根本就不重要。我明知每次飲中茶，都很難食到一碟，正正常常的「（非燒味）雞飯」。所以我只能退而求其次，選擇酒樓餐牌必備的「福建炒飯」，但求還有雞肉可以吃進肚子，就當自己完成個人最低要求和目標，就算數好了。至於飲食要求向來奄尖的細佬，飲中茶起碼還有豬肉叉燒，還有燒鵝燒鴨，還有湯瀨粉可以享用，細佬在飲中茶遇到的問題，相對我就來得比較少得多。阿媽再點多幾籠蝦餃燒賣，叫一碟「海蜇薰蹄」加瀨粉，飲杯中茶就可以吃完這一餐酒樓午飯。我對「福建炒飯」的要求亦都不高，我只要求「福建炒飯」有足夠的切粒雞肉，味道夠濃但不要太鹹就得。「百匯軒」「福建炒飯」唯一不夠好的地方，就是獻汁造得不夠多，令到「福建炒飯」實際製成品稍嫌乾身了一點。至於「百匯軒」「福建炒飯」其他配料的方面，我就沒有太多地方不滿要投訴了，因為「百匯軒」「福建炒飯」還有粟米、豌豆、蘿蔔、蝦仁等新鮮配料，加上雞丁後我勉強還吃到飽肚感覺。「百匯軒」「海蜇」配上，一般酒樓經常會提供的小菜「拍青瓜」，「拍青瓜」口感仍然有爽脆的感覺，而且沒有酸味怪味，我對「拍青瓜」始終沒有需要投訴。至於「鮮竹牛肉球」，牛肉球的肉問題不大，只嫌有少許筋，醬油的味道過濃過鹹，令牛肉味實際味道稍為偏鹹而已。至於細佬食的「叉燒燒鵝瀨粉」，瀨粉跟燒味分開另上。我細佬對食品要求比較奄尖，所以他一路食，一路諸多批評，嫌三嫌四，不斷批評「叉鵝瀨」的味道不夠新鮮。我就覺得燒鵝肉的味道，雖然不夠新鮮，但是味道仍然可以接受，燒鵝肉還有我要的醬汁甜鹹味道，以及具脂肪成份的油脂口感。我們三人在「新都城」「百匯軒」食完這餐中茶，平均每人價錢需要大約港幣一百一十八元左右，價錢未算是很便宜，也不算抵食，但是為了滿足阿媽的要求，我對已經結業的「百匯軒」沒有很大的不滿和批評。「新都城」戲院恰巧沒有適合的電影可以觀看，所以細佬食完午飯，立刻動身離開「新都城」，我亦對已經結業的「百匯軒」無話可說，第一次兼最後一次吃完「百匯軒」午飯，就回家就算數了。
繼續閱讀
好耐都無同屋企人飲茶,,今日一早醒左去拎位,,最鐘意黎百匯軒唔洗等位;同商場既酒樓閒閒地都要等20-30張抬,起碼都要早1個鐘落黎,等完都無哂心機;;依到少人飲但野食都唔錯既WOR脆皮燒腩仔 – 咬落去真係脆皮,仲要一屠薄薄肥膏,一層肉..油脂比例超好.令到有入口溶化既口感蒜蓉炒什菜; 有西蘭花,菜心,三色椒,木耳…唔會好油,,清清地想食D菜又多花款,,依個炒什菜都推薦柱哥炒飯;料好多,,飯炒到粒粒分明,好味鮮竹牛肉球豉蒜蒸排骨豉汁蒸鳳爪布拉清心腸埋單2百幾蚊4個人食好夠飽,,抵食
繼續閱讀
親戚賀我新居入伙，一行十六人去新都城百匯軒晚飯，原先訂枱十六大一細，有個放飛機，變左十五大一個手抱細路。去到同個部長講，而家少一個，連細路十六人，部長話我book位十八人，係咭度寫十八人，痴線架。同佢確認人數，又唔即時更改，話埋單時會減返，ok,我信你。因為圍餐唔可以做半席，於是點了個十二人全包宴再加小菜，另一經理勁推介我加480蚊轉星斑，我覺得不化算，所以我只加了幾個小菜。小菜份量個人黎講覺得不夠大，不過純粹個人意見，不作詳述。其中點了個蝦仁炒蛋，可惜冇來，來左個貴妃雞，由於人太多，跟本冇留意黎有否來錯，食到一半先發覺落錯單，都冇同佢計較，餐牌冇貴妃雞價錢，於是問部長，佢話$168，ok。圍餐送十二罐啤酒汽水，揀剩既汽水叫侍應換啤酒，嘩，態度差到呢，咀妙妙口嗡嗡，極不友善。好戲在後頭，埋單時，阿姐攞張單黎，一本簿拋落轉盤，嘭一聲，我都火火地，咩態度呀？對一對張單，人數計我十七人，有冇搞錯，我地連埋BB都係十六人，同佢更正，佢竟然夠膽話我訂位十七個，甘開頭個經理講嘢廢架？貴妃雞計我$188，於是又同佢更正，話經理講$168，落錯單我地已經算，個阿姐好串甘話:甘我咪改返俾你囉!戲肉來了，改完單之後，個阿姐成本單簿掉落個轉盤度，十足十老細掉file俾下屬一樣，好大聲嘭一聲嚇到個BB都跳一跳，呢次忍佢唔住啦，第一次拋，我地已經忍，第二次掉，忍無可忍。好彩佢見我地發火佢就驚，道歉，如果唔係，我諗大家準備上網睇片啦。總結，冇下次，如果大家唔介意食到一肚火或者測試自己EQ，推介值得一試。
繼續閱讀
本身訂左張大枱，14個大人1個小童(3歲)加1個手抱B，訂8點，8:15安排我地坐住張8人/10人枱，話因爲大枱d客未走，所以無枱比我地。到8:45，依然用同一個理由打發我地，結果一家人食飯，要分開2張枱。向經理求助，換黎一句既然係咁，學咩人整頭輪二輪，晚市直接得一輪就算啦。貼錢買難受！結果分2張枱食飯，d餸要我地自己分開2碟，因為2張枱唔係痴埋係隔離。呢間野以後都唔會再黎！
繼續閱讀
早一個月book 夜晚6:30 , 15 位。竟然留一張12 人枱，還要求我家人改用圓櫈逼一圍，要求退訂不果，照走，冇理由再光顧。之後經理打電話解釋係人為失误，但我一家已經去了其他酒樓。重點係，依舊不願退訂。
繼續閱讀