百匯軒 (已結業)

難得今日平日有假放, 午餐決定左同屋企人去百匯軒飲荼。中午時段人流都算多, 不過好快就有位坐啦, 點左幾樣野食….帶子福建炒飯呢個福建炒飯啲料都幾多, 而且分量都OK…..啲炒飯炒得岩岩好仲唔會有一舊舊既飯, 加上食落味道都唔錯, 個獻汁唔會太鹹, 味道岩岩好, 再加埋新鮮既帶子, 蝦同叉燒, 口感豐富。鮮蝦菜苗餃菜苗餃每個都好脹卜卜, 睇得出裡面既材料都好多, 咬落味道都唔差, 菜苗完完全全吸收哂蝦既鮮甜味, 十分好食……不過唯一美中不足既係個皮雖然好容易就咬得開而且都好通透, 但係有啲厚, 再薄番小小就會更加好。流沙奶皇包呢個點心真係有小小失望, 做唔到流沙既效果。不過味道都唔錯, 奶皇香甜幼滑, 外面包皮都做都好鬆軟好味…..順德豆腐煲小小既瓦煲上枱果陣仲係好熱辣辣, 豆腐同魚腐味道都好夾, 豆腐煮完都仲好滑而且吸哂啲醬汁, 食落都幾惹味。

估唔到第一次忍唔住要寫食評係要俾勁勁勁勁差😡😡😡，呢間野啲食物幾好都冇用，真心，未去過一間酒樓係咁上下同心態度奇差。朝早飲茶要撘枱，ok,真係冇問題，問題係佢俾左個位你坐，之後調你走，話"兩個人坐果邊啦"(但頭先係你地叫我坐先) 唔係淨係我，仲有啲一個人去食野既公公婆婆都係，一個人就俾佢任調 。講到樓面，有個真係極品，佢自己夾硬迫入去後面啲枱度拎野，唔叫人借開居然仲可以鬧人唔坐好啲俾佢入，sorry我食緊野真係冇後眼望住你做緊乜！連唔該借借都唔講直接就鬧你，仲要唔係鬧一句，係一路行再一路鬧真係叻，好彩隔離枱個婆婆都幫我，話佢日日都係咁，可能佢唔記得左我對耳未退化，聽佢鬧我鬧得好清楚！強烈推介，如果想活化心血管，應該要幫襯下

今日有親戚黎屋企 夜晚冇煮飯 同親戚食飯只會食中菜 今日唔食平時食開果間 試下百匯軒～未夠7點就食飯 所以唔洗點等位 最先上既係翡翠炒球，其實係龍躉黎既，配菜有西芹、翠肉瓜同黃椒。炒得幾香 呢碟係我覺得最好食既一碟餸。自己好鐘意食炒龍躉 都算冇令我失望 另外一碟係金銀蒜頭腩，都係龍躉 因為係龍躉兩味（$268）係加左木耳黎蒸龍躉 太淡味 呢個就一般啦 再黎既就係蒜茸粉絲蒸蟶子皇（$108/4隻）我地再加多2隻D聖子大大隻 啖啖肉 好新鮮蒜茸既份量落得岩岩好 好夠味 呢碟正! 西蘭花珊瑚帶子（$58）珊瑚蚌既份量都唔小 仲有帶子 不過帶子就唔係好大粒 亦唔係好鮮甜。 再黎叫左金牌燒雞（例牌$48）亦都唔算好特別 不過不失 唔會太咸或太淡 金沙蒜香骨（$78）d骨大大舊 面頭有d蒜粒 味道同樣係好淡 同埋都幾多肥豬肉 會有小小流既感覺始終覺得點都要食小小飯 叫多左個揚州炒飯（$98）呢個唔錯 炒得好香 亦都幾多料 唔錯唔錯 最後係咕嚕蝦球（$98）酸酸甜甜 d蝦大大隻 但d粉再小d就perfect啦 6個人加一加茶芥大約千幾蚊 仲送糖水 個個都捧住個肚走 仲要打包 都算抵食。

朋友告知新都城好多店鋪大減價! 聽到<大減價>一詞, 就好似有隻看不見的手，把人拉過去!!!!!!!!!即使不買, 看一眼也好吧! 於是今晚放工後直接到新都城, 提前晚餐，再去做大事. 來到電話門店集中那層, 發現有家酒樓, 門前擺放了特價牌 – 晚飯四寶, 每款一口價68元. 款款都很吸引, 就這樣神推鬼拉的走進去了. 內裡很大很光猛, 裝潢很高雅. 快快的下單, 等待著四寶上枱. 晚爐燒鵝皇皮燒得很脆, 肉質不太硬. 脆皮仍保留一點點油潤(皮下脂肪夠厚), 入口唔CHARM口, 啖啖鵝肉配上肥美的鵝油….滿口甘香. 清蒸沙巴虎班 68元不期望會有大大條虎班, 但呎寸也不欺場. 是一貫中式酒樓的質素, 肉質不硬. 自己則喜歡把魚肉配上蔥絲豉油撈勻, 一同品嚐. 翡翠珊瑚帶子(6件) 每件帶子不算太細, 入口是雪藏帶子的質感, 但無食到珊瑚蚌.整體OK 啦。蒜銀粉絲蒸帶子皇 每份蒸帶子下方有粉絲, 帶子呎寸約一手指公厚度, 味鮮甜.可是帶子的豉油很少, 令粉絲味道較清淡. 大部份的豉油是落在碟上, 最後要在碟子上舀出豉油一，再滴落至帶子上。另外亦點了其他款式. 晚飯惠顧

係母親節就同左屋企人去飲茶，都係朋友堆介話呢度既野係自己整既，好味d，咁就黎試下啦。 佢呢張節日點心紙食物種類較少同埋貴。 叉燒腸既叉燒係瘦既，皮都滑，豉油都好香。 奶皇包係流沙咖，又香又甜，而包都好軟。 炸餃子就硬左d，咬到牙有d痛，但入面粒蝦都係大粒既。 仲有個菜苗鮮蝦餃，因為炒過先包，所以好香!

薑米雞粒炒飯 42好味，唔太油，不過唔夠薑既香味又唔夠辣！上湯鮮竹卷 12.8清清地幾好味！海皇煎薄餅，14.8煎得好香脆，不過就油左少少！蜜汁义燒腸 14.8 味道一般！脆皮八寶素鵝 32 粉太厚又太油！