百味日式吐司專店 (已結業)

好耐好耐之前weekendhk有介紹過灣仔信德中心入面有間隱世鰻魚吐司今日終於有機會一試 真！心！正！佢個牛油同蜜糖溶哂落個面包皮到加埋個鰻魚熱辣辣 食落去真係好滋味！

午餐時間得一個人，想快靚正食個午餐，諗到去公司附近嘅信德中心，知道嗰度有得食日式吐司。自從喺韓國食過issac toast 就好想食多次！所以午餐決定來呢度試下。第一次去澳門廣場，揾咗陣先揾到，原來呢頭有咁多嘢食！到咗見唔多人，所以決定坐低食。見好多人外賣。但我估即場食係最好食。叫左份大蝦蟹子沙律吐司（$38）叫完店員會自動送上。新鮮熱辣整起，蝦食落香脆，味道冇特別；但最好食係個充滿牛油嘅面包，有少少菜搭夠，唔算好漏！快靚正之選，會再來！

又一次店鋪主打的食品我不試。我點了我鍾愛的鰻魚飯。這鰻魚飯午市定食配湯和飲品。面豉湯不太鹹，配料有海帶、豆腐和蔥等等；豆腐粒很滑。定食：配菜有麻醬菜沙律，裡面有小番茄、粟米，味道清新；還有蟹子麻醬豆腐，我第一次試這配搭，吃起來效果不錯，蟹子爽，豆腐軟，質地不同，一起吃很特別。來到主角鰻魚：鰻魚很長，上面鋪了紫菜，灑了芝麻，鰻魚醬汁稠了一點，但不會太濃味，鹹甜均勻。鰻魚肉質不算是十分肥美，但也挺厚。很久沒有吃這麼大塊的鰻魚！味道不錯飯是肥肥短短的日本米。這定食的飯比較黏，成了一團團的，這是比較失色之處。

最近，上 Openrice check 吓上環信德中心有什麼新餐廳？發現三樓澳門廣場的 <百味>，轉型為 <百味日式吐司>！聽見店名，顧名思義售賣日式吐司，卻是見到其食評好壞參半！不論好與壞，好奇的我都想幫襯試過究竟！設有堂食，於找個週末來嚐早餐吧！星期六早上，少了一大班上班族，卻多了一大班遊澳門的大陸遊客及香港人！可能大陸遊客不太知道信德中心三樓澳門廣場的關係？！早上經過見到這裡的餐廳，絕大部份都是香港人！去到收銀處，起初我都以為是套餐價；原來吐司有兩個價位，吐司有半份或全份賣！略為取巧！全份比半份多 $10！ 另加錢配飲品！早餐千島墨魚餅吐司 (全份) $42即叫即製！保證新鮮！口感亦最佳！吐司烘至外層金黃，口感鬆脆可口，墨魚餅香脆爽口，配有清酸開胃的千島醬！內外兼備！也是不錯又美味的配搭！咖啡 $6熱咖啡好甘香！算是不過不失！

平日淨係開到6點，所以一直無機會去食！佢開喺信德中心三樓，今次過開澳門，終於可以上船前買份黎試下啦！我同我朋友一人一份，大家share食，一份鰻魚，一份沙律醬豬扒個人覺得沙律醬豬扒味道唔夾，但鰻魚勁足料！！！！面包皮都勁好飯，搽哂蜜糖，味道勁夾，好邪惡！

Just drop by and release a new toast restaurant there, it was tea time and Saturday so no need to queue and easy to find a seat.I order a Japanese beef toast, and don't take me too long to received it. It was quite juicy and hot enough, the taste is good and the bread was done quite well and crunchy.

今天在信德中心的澳門廣場食到了傳說中的［鰻魚吐司］。開放式的店鋪好細間，一眼望晒全部。店堂內的醒目位置都張貼著餐牌。餐廳供應日式飯及日式吐司。［浦燒鰻魚玉子吐司］HK$ 42 ，加 HK$ 6 可以跟咖啡或汽水，免收加一。賣相一流的烘底牛油多士，夾住完整的大塊鰻魚和玉子，再加濃郁的燒汁，咬落表面香脆內裡鮮甜，一口氣食完一個，真的好味！只是我的這一份多士沒有傳說中的紫菜和木魚絲😋，有點遺憾，好在美味依然。所有出品都用紙袋包裝，就算是堂食都沒有碟同餐具。店內只有３位店員，包括製作、收銀及清潔，客人多時顯得應接不暇。

前排見到ig/ facebook 好多報導介紹呢間鰻魚toast見佢0係上環德信, 都幾近office, 一於就搵日去試下啦因為我本人都幾中意食鰻魚的~~~ 去到德信, 要上三樓, 由左邊盡頭一路行行行, 行到去右邊盡頭都搵唔到間0野....仲諗緊係咪自己記錯地址正當好煩惱之際, 終於見到佢了!!! 原來信德中心係開左個類似food court咁而間0野就0係呢個"food court"入面!!!!!味道還好啦, 都算足料0既, 啖啖都食到鰻魚肉不過位置真係有d 唔就腳, 而味道又未至於令我有動力再特登行咁遠過來幫襯~~

蒲燒鰻魚玉子吐司.前陣子被各媒體介紹過的吐司店🙄 吐司烘得脆口 塗上牛油蜜糖 有甜甜的味道 但略乾! 玉子是整件吐司最喜歡的 煎的剛好 不會過熟🍳 而主角鰻魚🤦🏻‍♀️ 實物與照片相差太遠 現實中的鰻魚細得可憐 至於味道就和平時大部分餐廳的味道一樣 因為都是交貨的 有一層甜甜的港式燒汁!其實最大問題是點餐 一開始見到一條不短的人龍排隊點餐 但條隊可以久久都不動 排左差不多十分鐘 終於到我點餐 但在收銀機前面企左足足六分鐘 依然冇人幫我點餐 終於明白點解咁耐😀 而且店員安排極之混亂

蒲燒鰻魚玉子多士 (有2件)在兩塊搽上牛油再烘香嘅方包中間，夾住滑蛋同蒲燒鰻魚，醬汁同紫菜和木魚絲。雖然可能同其他多士沒有太大分別，但本人覺得很好食，大大條鰻魚配合大大片滑蛋，味道很特出，鰻魚的香味令人食到不停口。 而且，食下去不會好 '仔' 。大家不妨去試下~

大蝦蟹子沙灣吐司好味但店員難以溝通店員問要一份還是半份？我要一份，價錢$38我問唔係$28咩？沒有正面回答，店員收$28等取吐司後，只有半份我問唔係一份咩？店員話問咗你2次要一份定半份睇曬成張餐牌都無寫半份價錢，sorry 我誤會咗原來早餐等於半份

見openrice介紹，當去支持下小店。咁我就叫左個奶酪豬扒吐司，豬扒都幾大塊。芝士配合埋茄汁都幾惹味。但問題就出自大塊豬扒，你好難可以一啖食落口，當你咬唔開時，就會把成塊豬扒扯了出來。$38呢一個價錢，貴又唔算貴。可惜唔太飽，OL食lunch可能剛剛好。但我當下午茶都未必夠。說好聽就話日式吐司，說穿了咪即係三文治烘底，多啲料多啲醬啫。另加6蚊有罐汔水。如果加幾蚊多個冷麵或其他可以飽肚既野，我可能會多啲幫襯。

今日下午要過澳門做嘢又未夠鐘上船就係關口個類似美食廣場嘅商場逛逛打發時間喇，越行就越肚餓就求其搵左間叫百味吐司餐廳坐低叫d嘢食先d吐司都好多品種都幾有創意不過選擇困難症又發作了唔知點揀淋左五分鐘就揀左一個胡麻汁蟹棒吐司（胡麻汁同蟹棒都係我最愛）即叫即整都好快有得吃可能下午茶無咩人唔洗點等，熱辣辣等唔及咬左一大啖好香ge胡麻汁➕鮮甜蟹棒都幾夾如果塊吐司可以再燶d就完美啦本人比較鍾意吐司燶d就更加脆喇

頭先同女神係信德等船去澳門,行下行下見到澳門廣場水牌3點3想食D輕食...一睇水牌有8方雲集同百味8方周街都係,就決定試試新野!女神話試就試啦去到門口都有6,7款多士 我地點左個麻汁蟹棒蟹棒燒完出來都仲爆哂汁值得一贊

本身勁中意食鰻魚,行過見到好多人排本身有些卻步，但心想可能真係會好正就買黎試下。即叫即整要等差唔多3個字,一拎到手熱辣辣,鰻魚大大條真心好正,但一攞到手想坐底食都無曬位,想加多杯嘢飲見到又要排過就拿拿林食完就走