百味章魚

營業中

休息中

今次去百味章魚試咗佢哋嘅蒜香牛油小丸子，真係好好味，絕對值得俾5分，小丸子一如既往地足料！❥ 蒜香牛油小丸子小丸子外脆內軟，蒜香味十足，牛油嘅香氣更係令人陶醉。每一口都充滿咗濃郁嘅味道，加埋特製醬汁，真係唔少得。可能我比較細食，一如既往地買六粒已經飽，分量啱啱好唔會過多。而且，拎張單去隔離手搖買嘢飲仲有得平🤣同埋脫離咗加盟之後，做緊優惠，買任何嘢都平$3，性價比真係超高。未食過嘅朋友仔行開旺中，絕對要去試吓！

很久很久沒有去過東京，看看自己社媒紀錄原來已有7年多，因此聖誕節送給自己的禮物 - 孤獨的旅行家；嚴寒的冷冬，能夠令內心熾熱的，就是每個地鐵站都會見到一粒一粒的章魚燒，對我而言，章魚燒香味撲鼻的味道就是日本的味道。回到香港，原來魷魚遊戲🦑 已經開播了，但我依然想念日本的味道，因此，決定替自己來一場章魚遊戲🐙。吃章魚燒🐙二話不說想起百味章魚，原來旺角中心新開了百味章魚限定旺角店，屹立第一座2樓sb02™️舖，行過去，嘩，舖位已給一大堆年青人重重包圍，插針不入！雖然我年時已高🥲但為了心愛的章魚燒也在所不惜！我一口氣點了三種我至愛的口味：黑松露章魚燒，蟹膏章魚燒和蒜香牛油粟米章魚燒，三種味道也芳香馥郁，小丸子內的小章魚亦清爽彈牙，是我至愛的たこやき🐙！

去襯旺中行街街都會掃下街食下啲小食~發現呢間小丸子店改左名叫「百味章魚」，係由《真‧章魚無雙》同一班底，講明味道不變👍🏻保持了一貫的高水準呢家購買有優惠呀😍 買任何款式嘅章魚小丸子都會減$3👏🔸黑松露章魚燒 六粒 $36外皮香脆，裡面的章魚🐙大大粒，再搭配勁多既黑松露醬，岩曬黑松露控也～～～～🔸蟹子章魚燒 六粒 $34蟹子係我的最愛！有滿滿的綠色橙色嘅蟹子~ 咬落去有蟹子同小丸子既脆卜卜🤤再加上左沙律醬🔸蟹膏章魚燒 六粒 $36蟹膏的鹹香味道濃郁，每一口都充滿著蟹膏的香氣，好感滿足❣️❣️

三人行必去食好野，行旺中朋友話必定要食章魚小丸子。原本章魚真·無雙改左名為「百味章魚」，但仍然是原班人馬，我相信味道應該不變。今年有轉名優惠每盒減$3，又可以慳返少少錢。蟹子章魚燒 有紅色同綠色蟹子在章魚燒，顏色好靚色、香、味皆全。蟹子入口會卜卜下，而每粒章魚小丸子入面都有2粒大大嚿章魚，真材實料。芝士章魚燒 章魚小丸子上的芝士是用火槍即刻燒熔大量芝士，每粒章魚小丸子都有濃濃芝士相伴。明太子章魚燒 想不到明太子沙律醬與章魚小丸子味道是好好夾！絕配！咸咸的明太子沙律醬是鹹香滑嫩，章魚燒外酥內嫩。

今天在旺角中心逛街，當然要去掃街吃美味小食。有一層集中了多間出名小食店，而這間百味章魚的章魚燒就很吸引，而且他們是旺角中心*真 章魚無雙*的同一班底。下午這個時間都很多人，要排隊等一會。章魚燒即叫即製，口味款式選擇很多，我們一共選了三個口味。大阪風章魚燒章魚燒熱辣辣，外脆內軟，入口即溶，每粒章魚燒有兩粒章魚肉，份量多，大阪風口味香濃，沙律醬美味鮮甜，味道很配搭。櫻花蝦章魚燒櫻花蝦真的很多，鋪满表面，香脆鮮甜，美味無比。明太子章魚燒明太子味道也很惹味，明太子醬份量很足，鹹香可口，吃不停口。

店名: 百味章魚 地址: 旺角彌敦道688號旺角中心第一座2樓SB02號舖旺角站B1出口，行1分鐘環境: 外賣價錢: 4.5/5味道: 4.5/5百味章魚係以前嘅真‧章魚無雙，由同一班底經營，只係改左名，係同一個舖位😆今次仲推出優惠，每盒可以-$2添😌佢地出面落足料，不論係章魚粒🐙定係面頭嘅配料，都滿滿的😆明太子章魚燒❤️❤️❤️❤️❤️$35熱辣辣新鮮整好，章魚燒上面鋪滿明太子醬，味道鹹鹹地，章魚燒配上惹味嘅明太子醬，好好食😋蟹膏章魚燒❤️❤️❤️❤️❤️$39佢地就連蟹膏份量都唔會手軟，蟹膏味道鮮甜，完全唔腥，配上章魚燒到味道好夾😚蟹籽章魚燒❤️❤️❤️❤️❤️$37雙色嘅蟹籽滿滿咁鋪左係章魚燒上面，蟹籽獨有咬落脆脆嘅口感，再加上彈牙嘅章魚粒，整體層次感好豐富😌

📍 百味章魚（旺角）夜晚9:00去到仍然咁多人排隊！真係好受歡迎，人流不斷！差唔多等咗半個鐘先有得食。不過都係值得嘅💓一攞到上手都係熱辣辣，真係好吸引！燒到皮脆，內餡仍然軟綿綿！呢一間位於旺角中心*真•章魚無雙，係同一班底，所以材料都係真材十足，每一粒章魚燒入面都有一粒大大粒章魚🐙咬落去仲好有口感！佢哋嘅醬汁都係獨特嘅，仲可以叫店員多醬，多跳舞草🤲🏻好治療🤭我就叫咗三款口味～✨蟹籽｛有兩款顏色嘅不同蟹籽，綠色同埋平時食嘅橙色，賣相都已經滿分，仲可以食到兩種不同口味嘅蟹籽｝✨櫻花蝦｛鋪滿好多好多嘅櫻花蝦，每一粒都食到蝦肉，溝埋識跳舞嘅跳舞草食，熱得來好有驚喜｝✨蜜糖芥末｛蜜糖嘅甜，加埋少少攻鼻既芥末，係最鍾意食嘅章魚燒味道。｝

旺角中心食物選擇非常之多，今天一試和旺角中心真.章魚無雙同一班底的百味章魚。正值星期日晚上，人流暢旺，點餐之後，需要稍等一會，才能取得食物。美食是值得被期待的，也值得花時間等候。一共帶走三款口味慢慢品嚐，當中包括：大阪風章魚燒可以說是原味章魚燒吧？加入香氣四溢的紫菜，配搭特色醬油，味道調配得濃淡得宜，配合外脆內軟腍的章魚燒，而且內裏有大約兩至三粒章魚，口感十足，一試難忘。櫻花蝦章魚燒櫻花蝦密密的佈滿章魚燒表面，毫不吝嗇，也確保蝦味濃郁。醬料微辣，吃起來惹味。內裏章魚當然也是用料十足，確保了口感。黑松露章魚燒以黑松露調味的章魚燒，醬料較為純粹、清淡，突出了黑松露雍容華貴的香味。配合煙靭彈牙的章魚粒，一口一件，非常滿足。

今日行過旺角中心，而家開咗好多小食店，見到有間新開嘅章魚小丸子店，佢地招牌寫住原班人馬，原來係真.章魚無雙同一班低，睇睇餐牌價錢合理，唔算太貴，佢地餐牌款式都幾多，我就叫咗幾款試吓。呢度d章魚小丸子涵料都幾豐富，每粒入面都有2-3粒章魚粒，粒粒都好飽滿。大阪風章魚燒-一定要叫呢款original味啦，d醬汁同木魚片份量都幾多，好味。芝士章魚燒-食果時d芝士有拉絲，佢地用火槍燒上面d芝士，半溶嘅芝士真係好正，食落仲有好香嘅燒炙嘅香味，正。蟹膏章魚燒-d蟹膏勁香濃，蟹膏份量都幾多，勁重蟹味，仲有蟹子喺上面，食落勁正，同章魚小丸子勁夾。

同好友行街，見到有間店超受歡迎，勁多人排隊🤩。行埋去一睇，發現原來係*真‧章魚無雙*同一班底所開的章魚燒😍，必須要食😍‼️所有章魚燒即叫即整，需要等候，一啖入口，熱辣辣之餘仲要非常高質，係值得等待嘅😍。我哋叫咗✨蟹子章魚燒✨橙色蟹籽見得多，綠色真係第一次見。章魚燒本身就燒得皮脆內軟，蟹籽份量好多，脆卜卜嘅感覺有點像食爆炸糖，口感一流。✨黑松露章魚燒✨呢一款香氣十足，老遠都聞得到。章魚燒內裏非常足料，章魚大大粒🐙🐙🐙黑松露醬非常濃稠，一點也不稀。肉眼可見滿滿黑松露，估唔到黑松露同章魚燒如此地夾，現在還在回味中😋✨蟹膏章魚燒✨我係蟹粉，以厚厚的蟹膏鋪滿整個章魚燒，蟹味濃郁，食落鹹香味十足，喜歡重口味嘅朋友，不要錯過💜💜。所有章魚燒都係$40樓下，而且而家仲做緊優惠，買任何款式都減$3，真係超值又高質，一定要支持這樣的小店。想睇更多介紹，馬上Follow我啦😁。#big_big_foodie #big_big_foodie食勻旺角

今日同朋友去旺角中心行街，咁岩見到一間小丸子好多人排隊，原來呢排店舖加盟約滿，由真•章魚無雙正式轉名為「百味章魚」，仲要係原班人馬！即刻幫襯支持🤪🤪我叫左三個不同味道既試下仲係米之前既味道！點知好有驚喜！包香味俱全😍😍😍😍我今次叫左蜜糖芥茉章魚燒，明太子章魚燒同. 沙律蛋章魚燒！每隻味我都好鐘意，因為入面既章魚都好大粒😍😍😍好有咬口，就算隔左半個鐘都仲好脆！冇淋左既感覺！愈食愈上引！‼️‼️百味章魚 (旺角)🔱旺角彌敦道688號旺角中心第一座2樓SB02號舖🔱

今次試咗明太子章魚燒，都好好味，章魚燒上面有滿滿嘅明太子醬，每粒章魚燒入面都會有粒大大既章魚，口感十足！建議大家黎旺中掃街，先喺呢度落咗單，再去買其他嘢食，因為呢度都等幾耐，我足足等咗30分鐘先有（職員本身講10分鐘🤪）我嗰六粒章魚燒！你見到附近好附多人，其實啲人都係等緊，落單基本上唔使排隊，同埋佢依家有優惠，減$3

約咗朋友行旺中，見到有間百味章魚，店前已有很多客人等外賣，我哋也喜歡食章魚燒，立刻order 試吓，味道果然超正，朋友話百味章魚和極受歡迎嘅真‧章魚無雙同一班底，無論味道和食物質素都保持到水準！章魚燒即叫即做，有多種口味選擇，亦可選擇6粒或8粒一份大阪風章魚燒： 章魚燒外脆內軟，裡面是彈牙多汁的章魚粒，配上燒汁、蛋黃醬和木魚碎，夠惹味！蜜糖芥末章魚燒：章魚燒面層淋上濃郁蜜糖芥末醬，咬一口外脆內軟的章魚燒，味道清爽帶點辣味。黑松露章魚燒表面淋有滿滿的自製黑松露醬，香氣撲鼻之餘又非常足料，每粒章魚燒內都有兩三粒章魚，爽口彈牙，絕對值得一試！

每次去旺角都會上嚟旺角中心掃街呢間店舖特別多人原來係章魚燒呀仲係「真．章魚無雙」嘅原班人馬味道依然保持水準．超足料一盒6粒 / 8粒即叫即製．好有效率拎上手熱辣辣．真係要小心熱親咀呀✨芝士章魚燒裡面章魚Q彈．充滿嚼勁舖上芝士再用火槍燒至半溶狀態啖啖都芝味十足✨蟹膏章魚燒面層舖上滿滿蟹膏味道濃郁．估唔到同章魚燒可以咁夾✨蟹子章魚燒雙色蟹籽賣相好靚呀加少少沙律醬．完美嘅配搭店舖仲有轉名優惠．每盒減$3梗係一次過試幾隻口味啦

好耐冇食過章魚小丸子，一直都覺得係日本先可以食到正宗嘅，但係真係太想食，咁啱見到旺角開咗間新嘅章魚燒舖頭，咁就梗係試吓啦。我哋三個朋友各自叫咗三個唔同味道，估唔到個個味道都好有特色。每粒章魚小丸子都有好多章魚，而且個外皮比較薄，我覺得比日本嘅更加好食。我認為最抵讚嘅就係我叫嘅明太子章魚燒，因為佢嘅明太子唔會好鹹，味道啱啱好，襯埋熱辣辣嘅章魚燒真係一流啊。另外我朋友嘅蟹籽章魚小丸子都好好食，佢嘅蟹子好多，而且味道啱啱好，本身朋友諗住拎返屋企食，但係我哋忍唔住當場食晒啦。呢間章魚燒又平又好食，而且有好多唔同嘅口味，承諾比日本更加好食，真係好推薦大家嚟試吓。