百好名宴

營業中

休息中

今晚諗住嚟上水百好名宴酒樓食飯，幾個員工就同我哋狂sell長腳蟹，$988話包新鮮好食，點知隻蟹嚟到，我哋就聞到臭味，我哋已經話接受唔到，講明唔會食，但個員工不斷堅持隻蟹無問題，仲起勢咁拆蟹，叫我哋試下先大佬有臭味點食呀？佢拆開隻蟹嗰陣我哋仲見到隻蟹已經出晒水，蟹肉離晒，蟹殼裝滿晒水，俾成千蚊你俾啲咁核突嘅蟹我？我哋要求退番隻蟹，點知個經理竟然鬧番我哋，話隻蟹拆開晒啦喎，無得退錢，你話唔要就唔要呀？嘩明明我哋一早已經聞到臭味話一啖都唔會食，佢仲繼續格硬拆開隻蟹屈我哋俾錢！呢種經營手法真係好差劣囉，我哋以後都唔會再幫襯！！！

是日打算一家人出去食餐飯，一早打左去book枱，點知去到等成15分鐘都未有，知客話訂枱只係優先安排唔係留枱，第一次聽訂左枱唔係留枱，同場仲要冇人等緊位，入到去仲見到有兩張吉枱執好晒唔係冇枱，真係未食都已經一肚氣，明明有枱都唔放客入？無奈！食物方面之前家人食過佢既波士頓龍蝦伊麵好抵食，但今次龍蝦失準了，好瘦冇肉食。值得一提個片皮鴨，麼麼皮上到黎仲熱辣辣，$78一食，呢個價錢本身都唔使抱咩期望，正唔正宗不是重點，超值又抵食。響大堂會睇到d阿姐片鴨，但呢個時勢人來人往其實唔係咁好，同場見到有食客唔戴口罩走黎走去，如果加多塊板可以擋一擋個片鴨位會衛生d其餘菜式都係不過不失，不過總括都叫抵食同夠熱好食。呢間酒樓似係食海鮮多，下次可以試下其他海鮮菜式。服務方面有待改善，舉手叫侍應十世冇人應。

最近經常食日式、西式野，好耐無食中菜，於是心血來朝，同友人去屋企附近既酒樓試試佢地既晚市中菜~今次總共叫左4樣野食，分別係例牌燒鵝、波士頓龍蝦芝士伊麵、牛柳粒同埋蒜蓉粉絲蒸扇貝1.例牌燒鵝，正正常常，好有肉汁，肉唔「鞋」，但有少少多肥肉><🙈🙈2.波士頓龍蝦芝士伊麵，芝士另加40蚊，個人覺得有點太貴...整體啲伊麵好索芝士汁，條條麵都食到芝士，但啲龍蝦好難拆同埋無咩肉，少少失望🤦🏻‍♀️3.牛柳粒，普普通通，唔叫都得><😝4. 蒜蓉粉絲蒸扇貝，60幾蚊4隻，點解咁記得個價錢?因為都幾抵食~~另外，啲粉絲完完全全痴實哂蒜蓉，味濃，而扇貝都算大又鮮甜，真係要encore，下次想食8隻，正！🤤🤤👍🏻最後，啲食物有少少凍，如果熱辣辣拎出黎，會好食好多，希望酒樓可以改善下💪🏻💪🏻

心血來潮想食個舒適休閒的午飯，呢間有如往常源源不絕既人流，有位坐低之後就迅速揀選幾樣菜色打算食到唔停口，首先就系蝦米腸粉微微油炸配合豉油同兩種特製醬汁就成為開飯既序幕，好食之餘來左個椰奶桂花糕睇落好味，食落翻尋味，絕非單純甜味！接著又來左個鮮蝦炆伊麵，十分爽口彈牙不油膩，隨之而來薑汁糕簡直系喜出望外既好食，似食啫喱咬落有陣陣薑味相當難忘啊，叉燒包跟住出場入口感覺幸福溫暖和味，菜苗餃同蝦餃都上埋皮薄餡多充滿鮮味，接下來肉絲炒麵到場感受到乾麵與肉絲明顯對比既美味，最後由皮脆肉嫩既乳鴿完美收場！謝謝給位

疫情下已經很久沒出去食飯，趁母親生日，又見到這酒楼新開了一段時間。門囗廣告又非常吸引，一行五人分了兩張枱去慶祝！現在多得偉大的祖國封殺澳洲食品，香港人有口福啦！龍蝦勁抵食，大大碟，上湯煮，鮮甜肉多美味！員工們都非常好服務又有禮貌，見議了一條斤半重的黄魚(＄218)，但我們覺得很普通，魚肉很散，不建議再試。另外大連鮑也十分扺食，＄68有6只大大只，燒鵝叫了例牌，也很好食！再叫了一份酥炸生蚝，有5只很大只的，香脆好味，最後加了一碟椒絲腐乳通菜，侍應還送上桂花糕作甜品，完美！ 這間酒樓給了我們很好的印象，下次再試套餐！