百好(黃氏)茶餐小廚 (已結業)

最近因腳傷關係變相要自我隔離，一日三餐都要倚賴老公照舊。工作關係，今日佢途經九龍城百好菜餐廳買左2個飯盒返黎，第一個系肉片飯，由於本人最怕飯餸有茨汁嘅關係，所以當打開見到滿滿嘅茨汁，肉片又大大塊無咩色水，睇見都吾想食，好彩老公一向不太揀食，呢個當然留比佢啦，另一個系鹽焗雞飯，雞件都算多，不太咸都尚算可以，不過鹽焗雞汁無分開上，放左飯盒一個角落處，感覺有點求其，2個飯盒再加2罐汽水共$117，價錢就吾太貴，但賣相就真的不行.

呢間茶餐廳，因為近返工既地方，所以成日黎。一個星期仲有三，四日既午餐响呢間攪惦呢間同同區其他茶餐廳比較，價錢一d都唔突出，五十零蚊有碟頭飯一杯野飲咁優勝之處係呢間茶餐廳既野大多即整，新鮮滖熱辣，一定唔會差。仲有基本上你諗到佢都會整比你豆腐火腩飯，男人既浪漫，大家都食得多，屎忽痕，玩野同佢地講豆腐火腩炒河，餐牌無既都照整比你，又夠大碟賣相唔差，夠晒邪惡

今日中午食lunch，同班同事去九龍城本身係食第二間茶餐廳，點知有個同事話嗰間餐廳午餐好貴不如食百好啦，於是就嚟咗呢間百好茶餐廳食飯。一坐低我睇睇個Menu，四個字即刻入左我眼中，就係「鴨腿湯飯」，都好耐冇食個湯飯仲要食鴨腿，本着一個試吓無妨嘅心情嚟試呢個湯飯，本身冇乜期望的，點知嚟到嘅時候，嘩...個湯好香噴噴，未食齋聞已經好吸引，食第一啖試吓佢個湯底撈飯簡直係食過返尋味，再試埋佢個鴨腿肉，啲肉好嫩滑，直頭想食完呢隻腿再想食多一隻。真心推介大家去試吓百好餐廳嘅鴨腿湯飯！最緊要價錢係性價比高，$52一碗大大碗既鴨腿湯飯仲包埋例湯及熱飲！邊到搵！

真的好久沒寫茶記的食評了....和小友到慣常去的車場玩，玩樂過後就到附近開餐醫肚。隨便走進一所尋常的茶記，這兒倒是我從來沒試過的....跟小友各吃各的，不過最後還是忍不住試了點他的雞翼一丁....雞翼煑鹵得入味，肉亦夠嫩；一丁麵處理得不過硬韌，不錯；更妙的還附搭雨三條菜心，感覺上好像健康一些....我點的是簡單的炒米粉....好吃的炒米，一定要乾身不油膩。若看到碟底油淋淋的話，這碟嘢就不用再花時間吃了。眼前的這碟，算是能滿足到這個最基本的條件。除米粉外，蛋絲、唐芹條、蔥度、冬菇絲、火腿及小蝦等全部下到足，口感挺豐富的....在龍城，茶記可是數目多的是，其中小弟試過的可是為數不少，但料想不到還有一間未吃過，而且水平還可以的....

早上行过龙岗道，来吃早餐，叫了牛扒餐。想不到牛扒比预期大2.5倍，黑胡椒的配搭ok，蛋也煎得啱啱好，两条肠，牛油面包，一杯浓味奶茶。基本上食物新鲜，份量也足，非常满意。 (厕所也乾净)

夏日炎炎嘆番杯凍檸茶，飲完一杯吳夠喉，於是老闆沖左一Jart 檸檬新鮮，茶味夠濃再叫左個雞腳，入味又彈牙～推介大家來試吓。有時候會自帶海鮮，老闆用心烹調。辣酒煮花螺，果皮蒸鮑魚，椒鹽雞翼，鹽焗雞軟骨全部都很惹味。

七月上旬‧晴這幾天在九龍城蒲，天天在這邊吃早餐。側聞這裡的熱奶茶不錯，是日就是因為這而來了吃早餐。要了蘑菇奄列，蛋煎得不太鬆軟，餡料有金菇、蟹爪菇及蘑菇，吃起來感覺健康。當然感覺更健康的是，這個奄列味道是淡淡的，要自行下鹽。至於熱奶茶，夠滑身，卻不夠茶味。個人而言，覺得同區的德昌魚蛋粉的熱奶茶比這裡的好。最好吃的就是那塊多士，夠脆口，加一元都值得轉多士。更好的就是服務，招呼好又禮貌周周。

喜歡!看蝗蟲同學既茶餐廳食評，因為寫得中肯，而且佢常吃的牛麵和奶茶也正是我的至愛，所以我覺得很具參考價值。要到九龍城辦點事，完事後例必在這裡吃點東西才離開。預先做定功課，看蝗蟲同學有什麼心水推介，最後鎖定了龍崗道33號的百好(黃氏)茶餐小廚。見到有麵餐供應，就毫無猶豫地揀了這個。沙嗲牛肉蟹柳麵，要丁麵，餐飲則是熱奶茶。先來奶茶，有別於老牌茶記的出品，這裡是用保暖杯上。奶茶香滑，奶和茶的份量得以平衡，比例剛好，入口順喉舒服。丁麵淥得爽口，不致太稔身，合心水，要份量大一點會好些；沙嗲汁幾香，牛肉卻是化學牛，略嫌牛肉質感太假；明知蟹柳是平價雪藏貨，但又偏偏愛死它，總覺味道很不錯的。慢慢歎完杯奶茶，係時候走去曲奇四重奏買曲奇餅了！

6-3-2009無食 lunch, 3:00pm 見肚餓, 落街係咁易食 d 0野. 亂行到呢間茶記, 係咁易叫了日間供應的「常餐」($20) 就算.熱奶茶用鐵杯 serve, 夠晒「存熱」, 飲落茶味奶味平均, 算幾滑, 不錯喎.公仔麵份量唔算多, 不過對我0黎講0岩0岩好; 麵淥得爽口, 不錯; 牛扒件頭好大, 咬落腍腍的, 不過「梳打度」唔算嚴重, 幾有肉味又略帶黑椒味 -- 好耐無食茶記牛扒了, 呢個的亦幾滿意, 感覺不錯. 呢度係家庭式作業的街坊茶記格局, 主要做街坊生意, 不過對住我呢 d 騎呢時間的生客, 阿姐們都幾友善的.$20 一餐, 抵食.留意到同一條街有一間格局差不多的同名車仔麵茶記, 唔知有否關連?

一間合我口味的茶餐廳,午餐的碟頭飯比其他的茶餐廳看落豐富,特別的是那個泰式咖哩,令我更加回味,味道也不太辣,簡單的蛋花加上汁料,已經不平凡~夜晚的小菜,加上廚師的功力,每道小菜也份外添香,這間茶餐廳的菜都沒什麼味精,吃上口也覺得健康~晚市推介有蝦醬蒸肉青,冰梅醬燒骨,沙拉骨,油鹽水雞等等都不錯,午市約30元,晚市約40廁所的衛生比其他茶餐廳好,夠光,不用經過後巷~樓面地下也不會有垃圾等等~