百斗記鷄煲小廚 (昌盛徑)

營業中

休息中

黎到元朗四周圍都是雞煲，日本放題，泰國餐廳，不同嘅美食都盡在元朗！今次去呢間雞煲在元朗區有兩間分店,一間是在B仔斜對面,另一間就在為食街后面再入d d 😎我選擇了在B仔附近的一間，因為食完雞煲過對面就可以食b仔糖水，太週到了😂一坐低當然是要個雞煲先😋少辣，少麻😋辣度分6 種，麻度分五種😝等食的過程是最痛苦的😂稻庭烏冬$28 結冰了，沒有什麼驚喜牛肉冇得頂，牛脂遍布均勻，口感非常好！梅林午餐肉$33 好味，平時都有食開😆最重要嘅主角終於到啦😍雞煲上面有大量洋蔥和芫荽😆混在一起香味濃郁，店員會幫你計時，大約6分鐘左右就可以食😁食到尾的時候，辣味太過勁了，只好叫店員加點湯，令到湯底淡一些😆

六點十三分入到去坐低，職員話只有個半鍾時間食用，冇問題！坐到六點半出外接家人來同職員講好快回來，冇人采你，只好講多次，職員態度惡劣(大聲回應聽到啦)唔使一分鐘回來問始叫野食大雞煲一個$188肥牛$168豬潤+唐生菜一罐汽水+一揸竹蔗水七點正叫多一隻公仔麵，吹兩次冇來(都知道乜事唔來)七點二十五分買單離開，check單，睇下有冇收公仔麵錢，職員態度有冇題！全單$499價錢冇問題，職員態度惡劣！食碗雲吞麵好過！冇下次其實百斗食物係好食嘅！如果唔係都冇人去食，而且經常有人排隊等候，雞煲味道好肥牛新鮮因為一坐落沒有好感，所以沒有影相，第一個感覺就係快d食，如果唔係會比職員趕走！

二人同行泥到依間開到凌晨兩點既雞煲小店佢好好可以簡大中小辣之餘仲有麻度簡個鍋未泥到之前呀姐就好好人咁推介佢最後一揸既竹遮水係好飲既，無呃我個鍋都要等一陣先到，預早叫定先就岩架啦雞煲既雞同汁係無普遍咁多既老實講但係好食既，仲好滑有啲呀姐會幫你睇住個火熟先叫你食我地叫左配料如下：一蚊牛(我都係睇食評先知有)響鈴，芋絲，羊肉，滑牛，同芝士獅子狗我係打邊爐之鬼打到連另一半都驚依間野唔算平，但啲料真係高質既響鈴(10/10)必食！！！好味到真係上左天堂，佢係新鮮炸既，脆都不在話下，一放落個湯汁度，會“炸...”一聲，鬆化晒，吸晒啲汁，真係唔食唔得，停唔到口！！！一蚊牛 (9/10)依啲卓頭野都諗住係好求其點知份量都還可以仲要係好x 好味啲牛勁重肉味，仲入口即融咁濟滑牛 (8/10)滑係滑既，不過就一定有返咁上下厚度，都要煮返咁上下時間，但都好好食，入味！芝士獅子狗 (9/10)本身都好中意食，但你知唔係間間都有得食架麻，啲芝士流晒出泥，真係唔好再講，好肚餓芋絲 (7/10)正常野唔多講整體泥講好滿意，又有電視睇，冷氣又唔會太凍，最重要啲野好食！食都唔記得影相，唔緊要，我一定會再去食，再影過！

叫咗個小辣雞煲，雞肉都ok嘅，唔會好鞋，啲汁都幾夠味，不過就好似無乜配料啲味道，味道有啲單調，半隻雞已經夠兩個人食，另外叫三個配料，手打蝦滑同墨魚滑，唔算好滑，不過啲料都足嘅，個餃子都幾足料，食落味道正正常常，但係元朗區好味過佢嘅雞煲大把

今日同一位好朋友晚餐，由於我近期比較多飯局，唔想再食西餐。而佢就唔想食得太油膩，所以就諗起可以食豬骨煲。本來打算去附近一間刀削麵食豬骨魚煲，但無奈佢只得三百幾蚊一大盤份量，兩個女仔恐怕力有不逮，就行左去附近睇下其他豬骨煲，最後比依間門口既 "一蚊肥牛"廣告吸引左入去。兩個人叫左一個豬骨煲鍋底($88)，一碟一蚊肥牛，一份蝦($80)，一份油蜜菜。豬骨煲入面有粟米羅白枝竹同四舊大既豬骨，雖然舊骨多唔多肉就取決於運氣 😂😂 不過係其他店食過既經驗，依個好似比較上少肉，少少失望。一蚊既肥牛大約有五片美國肥牛，ok啦 (老實講一蚊想點呀)。眼見其他人客點既牛肉大大碟好靚添！至於蝦大約有十隻，其實都幾貴，但至少新鮮大隻有蝦味。服務就差啲，到後來個煲煲到無水都無人加湯 😔 入面啲野就愈來愈咸 🤧🤧🤧。我地食完佢就好快手收哂我地啲野，有少少比人趕既感覺。最後兩個人食左二百四蚊。總括而言，食物質素唔錯但價錢偏貴，而家好多依個質素既任食火鍋都只係貴幾十蚊 😔😔😔

唔知點解今日一醒咗就好想食b記芋西搞到連睇戲男朋友都要就我去天水圍但係晚飯食一碗糖水又唔夠飽架，拍好車就同男朋友行吓睇吓有乜食見到呢間幾多人，而且人哋啲肥牛好靚仔咁喎～一於就食雞煲啦！叫咗半隻雞中麻中辣，加一蚊換咗個肥牛侍應好好，會提我地煮幾耐啊，雞煲煮好又即刻幫我地整細個火中辣都唔係太辣，下次可以叫大。汁煮得好香濃，夠惹味！係我鍾意嘅雞煲味道！半隻雞份量都唔少兩個人食啱啱好另外一樣嘢就一定要叫嘅就係脆炸響鈴，因為我又見到隔離枱嗰個係現炸！即炸響鈴好食過來貨既好多，而且唔係度度有男朋友係加湯之前就咁點雞煲汁食，響鈴又脆又鬆化！咁樣食香口，又唔會整到淋哂，我哋兩個食唔停口！係時候加湯打邊爐我問侍應隔離枱嗰啲係乜嘢牛，原來係A 級安格斯肥牛，咁當然要叫埋（不過我諗左好耐，美國grading,usda 冇a grade ga。加拿大嘅話最好同美國一樣叫prime,之後係AAA，最差嘅先叫a...佢呢個咁靚marbling 既，究竟用邊個國家嘅分級拎a 呢？）其實睇個樣都知係好食，牛脂味重差唔多入口即溶嘅感覺不過男朋友竟然話一蚊嘅肥牛好食啲因為肉味濃其實兩隻都唔錯啦不過我自己鍾意食肥d另外叫咗

朋友生日想吃雞煲，其中一人建議百斗雞煲，未試過又不防試試，訂了7:30五位，人齊方可入座。地舖門面看來都不錯，但因為我們被安排在旁邊樓梯上的「樓上雅座」，所以環境的情況我不作描述了。友人點了一個小辣雞煲、小辣其實真不怎麼辣，嗜辣的朋友建議選更辣的層次。加$1換的肥牛($1)油花入口甘香。通常鮮滑牛肉($40)會比肥牛更濃牛肉味，但肥牛此處比較香牛肉味，此回合肥牛勝出。黑豚腩片($40)我個人認為肉質爽口，挺不錯。雙拼餃子(40)，味道沒有特別的驚喜，可以。手打雙拼丸($70)口感不彈牙，一般。廣島蠔($58)鮮甜味美不縮水，推介。生根($25)是常見的那種，不太特別。另外我們也點了一些蔬菜類，材料都新鮮，但部份價位稍高。本人推介鮮准山($35)很新鮮，喜愛。蕃茄($25)雲耳($25)本人最推介是脆炸響鈴($28)，店家自家製即場炸，非試不可。由於太美味，上桌即迅速被掃光，來不及拍照。 

咁凍除左打邊爐之外最好就係食雞煲啦,滾下滾下暖到胃.係, 一去到都幾多人等梗位, 可能凍啦大把人想食暖野好彩四個字到就有位入首先講返食物，雞係滑同真係有雞味既(有啲雞真係會無味嫁 )個煲入面有好多配菜, 香芹呀呢D食肉之餘就食下D菜中和返食到最尾先食冬菇就夠入味, 索曬啲汁服務就OK既，如果找錢快啲就更好啦

天氣噤凍, 打算同朋友一齐去食鷄煲, 呢間真係好好食, 同行的朋友有D 唔食得好辣, 我地叫咗個小辣的, 個煲好足料d, 啲雞真係好濃味，好入味好嫩滑，超正, 分量夠多，d 鷄皮係好脆口的, 真係連我平時唔食鷄皮的friend, 都話好好味. 另外, 仲叫咗 蝦, 魚、帶子、肥牛、牛丸、墨丸、菜、塁魚滑、炸腐皮 同埋響鈴. 個響鈴真係好正, 第2度肯定係食唔到. 因為係自家制的, 出平時出面買嗰d 係兩回事. 完全冇嗰d 油溢味, 好香脆同埋個質感勁正，一定要再食。

今晚大約8.00pm到,門口已經有人等枱,同個女侍應講4位,我重覆講左4次,佢先肯應我....問要等幾多張枱,佢黑口黑面對住我話好快..如果吾係朋友話想食雞煲,我一早走左我一行4人,點了半隻麻辣雞煲,加$1 送一碟肥牛,還點了炸響玲,西洋菜餃拼水餃,雜菜盤,脆鯇魚片,芋頭片,蕃薯粉雞煲點了小麻中辣,味道好好味,吾會好咸,一開蓋好香,好靚,雞都好滑$1肥牛,有8塊,抵食炸響玲比較遲來,不過係即叫即炸,仲好熱好脆水餃好味,蝦好大隻雜菜盤有生菜,豆苗,西洋菜,娃娃菜,粟米,冬菇..........拼得好靚有心思鯇魚片我無食,不過朋友話好新鮮芋頭片亦都係熱辣辣,我既至愛蕃薯粉,份量都幾多,煙韌,又吾會"歲濕濕"食完雞叫個女侍應加水,重覆叫左4次都無人理過我.到應左我,都要等7,8分鐘先有人黎加水,叫拎罐汽水,到就黎食完,追佢先記得,到埋單,竟然係個一睇就知末夠18歲既小朋友埋單都幾可笑.......一間要左追右追,無服務既鋪,食物再好都無下次