影片
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
農曆新年，係家庭聚會的好時光。可是，一個疫情，令到大家都冇聚好多年了。今年，終於再一次有人踏出來去搞家庭聚會了。由於家庭中的長者，年事越來越高，所以聚餐的選擇，都是以交通方便為主。所以，主辦的表親就選中了美孚的《百樂門》。大伙兒來一個午餐的新年大餐。那天，我們連開三席。而，首先我們先要照顧兩位茹素的人士。就是我太太同姨甥仔的女友。簡單的一碟，是羅漢齋。以菜加上木耳，金針菇等等。純蔬，味道清新清淡。另一個素菜是紅燒豆腐。又熱又香口，茹素人士又好，茹毛飲血的大家都好，都覺得這豆腐香濃口感滑。十分滿意。仲有一個腰果素丁。西芹，腰果百合冬菇，都是爽爽脆脆的。當然，味道夠清，好合素食者的心意。而我們的席珍，就由大紅乳豬拼盤開始。一份乳豬，豉油雞，叉燒，燒鴨及拍青瓜。酒樓味部的出品，今時今日，雖未必是在酒樓廚房即燒，但通常都會在選料上較好，所以，在口感上，我覺得會比不少燒臘店勝一籌的。這一個拼盤，亦的確，有水準。之後來了一大份春卷。那時，表姐立即衝過來說，這份叫鮮什果沙律春卷，素食來的。香脆，香滑，入口亦充滿水果味。當然，最令人開心的口感，就是夠脆。由於是午餐宴會，所以其中的兩道席珍是燒賣同蝦餃。同樣，不知是隕製定是有駐場師傅製作點心。但兩樣都是鮮味十足。總之，若是酒樓或是點心店的燒賣同蝦餃做得不好，已經可以說是趕客。然後來的菜式，叫上湯焗水晶大蝦球。似乎是一個龍蝦伊麵的蝦球版。整個小菜，最令大家開心的並不是蝦，而是盡吸湯汁的伊麵。翡翠美果海鮮寶，是一道飲宴的常見菜，甜豆同腰果，都是爽爽脆脆的。而幔同魷魚片，就增添了這一道菜的鮮味道。新年餐，總要有一道意頭菜。我們華人喜歡發，所以有這一道發財大好市 (髮菜蠔豉伴豆苗)。 有好味的蠔油同好味靚蠔豉，令這一道菜的味道非常之濃香。吃完是不是真的 "發財好市" ? 我不理了，總之，味道好就是好東西。是次的席宴魚，是一條清蒸沙巴大海虎班。肉質結實而爽口，就是最佳的石班口感。當然，蒸魚的豉油夠甜美，令到這一條魚，再加分。席宴，除總會有魚之外，也總會有雞。而鴻運報喜燒雞，就是這一餐的美味雞。這雞，第一賣點是皮脆，而第二賣點就是肉嫩。大家都知道即場吃不下了，大家都決定，打包。然而，回到家，再整返熱來吃，依然是好味道。最後，是甜品，健康紅棗糕。說明是健康，所以不太甜，而且，似乎沒有用魚膠粉，是最傳統的中式做法。味道香，純紅棗的甜味，味道十分好。大家食得開心，玩得也開心。而且，大家亦決定了，回復舊日子，每年都要做一個家庭式的團拜。而《百樂門》的這一餐，簡單好味道。
繼續閱讀
如果不是地點就腳，我是不會再光顧這間酒樓；每次光顧之後，都會有後悔的感覺，前兩天光顧晚飯時，樓面侍應的服務態度差勁😡，令我決心不會再光顧多一次，樓面侍應總是不會理會你😫，像是看不到客人的呼喚似的，當向經理提出的時候，連經理的態度也不是怎麼好；食物尚可，一次畀一次差。吃飯幾千元還要受氣😡，決心不會再光顧。
繼續閱讀
美孚都有幾間酒樓可以選擇，今次揀左百樂門食下，畢竟呢間應該都唔錯，不過今次黎食完之後感覺質素差了，食物質素下降了。。。點了唔同點心包括鮮魷魚，馬拉盞，蝦餃，燒賣。咖哩魷魚，質素較低，原因唔入味，d汁太稀太淡，食落去自然唔太多咖哩味。馬拉盞，普通，唔夠甜，口感正常。蝦餃，質素較低，皮始終有d厚有d痴。。糖水都係唔夠熱，食糖水最緊要熱，一唔夠熱就唔好味。而且上漏單，叫左幾次先話睇錯單。。。整體黎講，今次點既食物質素真係好一般唔吸引。。。
繼續閱讀
媽媽因為年長，經常要去瑪嘉烈醫院覆診， 有小巴由醫院去美孚， 好多時候，都會同媽媽喺美孚相聚和食午餐。老人家都係鍾意去飲茶，嘆下茶食個包， 傾下閒偈， 她就好開心。以前年輕唔鍾意去飲茶，覺得好嘥時間， 而家喜歡享受慢活嘅生活 ，感悟人生。百樂門已經成為美孚地標之一， 午餐和晚餐都食過超過30次， 喜歡佢嘅環境夠寬敞，舒適， 大部分嘅侍應生都好有禮貌。最重要係位置好， 搭西鐵同地鐵都好方便， 媽媽嘆完茶， 行幾分鐘就可以搭車返屋企。
繼續閱讀
百樂門食小菜,食物質素比我想像中好!我地一圍12人, 叫左個套餐, 唔洗煩要order D 咩, 仲要例牌最後都食唔曬, 因為份量都偏多!- 沙律蝦球 --> 好脆口但係好熱氣, 炸份比較多, 但成粒蝦上, 都幾好食- 蠔皇金錢鵝掌--> 本人本身唔太鐘意食鵝掌, 但我都忍唔住食左隻, 因為佢好淋, 味道偏甜,鵝掌下面仲有好多生菜同冬菇墊底, 好食!- 生炒糯米飯 --> 飯ge質感比較濕, 不過味道其實就OK, 唔會話太鹹, 色水我覺得唔夠深色, 即係唔係落左好多鼓油嘅~- 雞煲排翅 --> 呢個高質, 好潤, 雞係原隻上最後甜品係桂芯榚作結~
繼續閱讀