百樂麵包製造店 (已結業)

雞批 ~ 原來下面已經有識貨之人介紹過 , 見過好似一塊臉咁大既雞批嘛？應該唔會有太多人見過甚至食過 , 完全冇呃人架...真係好大個 , 而且只係買$5一個 $9兩個 , 簡直係抵抵抵 , 買返一個黎做早餐夠哂飽又能夠補充體力 , 淨係個批皮已經重牛油香味 , 又唔會一食就散哂 , 入面d餡亦絕不欺場 , 有一粒粒雞肉同少許火腿 , 而且有豐富既白汁混埋一齊 , 如果係撞正雞批岩岩出爐個陣應該會仲好味道。

$1.4 有一個包, 應是全沙田最平之一? $1.4的選擇有細麥, 菠蘿, 雞尾, 豬仔等, 十分抵食今天要了一個細麥包, 深啡色的, 包面和內部有幾粒提子(應改名叫提子麥包吧), 雖是$1.4, 但包也蠻大的, 放了半天也還軟, 吃起來感筧不錯, 當然不能和那麼十幾廿蚊的包比, 但$1.4有這樣的包, 已是很不錯了

丹麥條($3) ~ 本身係諗住買條墨西哥氣做早餐 , 點知落到去買個陣竟然冇呀 , 琴日唔想食個陣就見到成盤新鮮出爐wor , 唔制呀!!!咁冇得食墨西哥條就唯有改食丹麥條啦 , 提子乾唔太多十分好 , 因為最討厭就係食提子乾 , 而且面層有少許脆脆地 , 食落味道冇金雅餅店既咁甜 , Size亦都冇咁大條 , 不過買$3咁平冇得講啦。

誰才是面包中的伯樂?百樂真的可以是答案一再推介,都是因為百樂的包新鮮而且平今次吃的是自己未在百樂試過的首先是老婆餅平日都成日有的,$2.5個果日吃都算ok,但就不是太熱,減d分啦但另外吃的雞批,就真是很正!可能因撞不到只是頭幾次見有雞批,$5個好大個!勁抵!入面足料,仲要燙手的熱可想而知係好新鮮

墨西哥條 ($2.5) ~ 今朝買黎做早餐 , $2.5大大條軟身既墨西哥條勁抵食 , 面頭好多芝麻 , 可惜有我唔鐘意既榔絲係入面 , 好彩又唔算有好多 , 麵包上面個幾條墨西哥紋味道淡淡地唔太甜岩哂我 , 而且我好鐘意賣麵包既阿姐 , 佢地不修邊幅咁傾計既內容有時聽到都幾好笑 , 街坊生意感覺都親切d , 係有時多人買個陣d阿姐冇咁好態度亦在所難免 , 幸好仲有呢d舊式麵包店我既早餐先可以咁平搞掂。

瑞士卷 ($8.50) ~ 一早起身個肚空空如也 , 所以就落左樓下百樂買早餐食 , 可能時間太早既關係麵包款式唔多冇我想食既 , 於是買左一條瑞士卷 , 返到屋企雖然係切成一件件 , 但係因為實在係好食既關係 , 味道唔太甜之餘又夠鬆軟 , 而且可以揀冇啡色外層口感冇咁乾身 , 竟然自己食哂一大條呀 , 肯定爆哂正常人一日攝取既熱量肥死 , 不過只係用$8.50就可以令我飽足半日已經抵到爛啦。

以下是今期吃過的包>菠籮紅豆包($2.2)平到....仲要d饀同個包都好好>火腿葱餠($3)好啊!有小小粒火腿同沙拉同少少芝士好夾>蛋撻($2)果次吃好熱!勁鮮他們成日有包新鮮出爐!令d包更加好吃更加抵!有時有人會幫你夾包添but衛生差少少啦

試左以下幾款腸仔包---麻麻地,不熱的,可能我到的時間不好鶏尾包---個人其中一個最鍾意的包款,這店都整得很好啊!波籮奶黄包---自己最鍾意的包款,這店整得很好啊,包同黄都算是五五分布的,又熱辣辣!三個之中最好吃店的賣點是平,款都ok多,蛋燵聞到好香不過太飽無吃,同見到瑞士卷好平用少過$10可以飽肚不過環境差d....d夾包的盤同夾包的夾放在好近地下的位置....好彩今次吃完無事...

腸仔包 ~ 新鮮出爐果然特別香氣撲鼻 , 麵包熱新新軟腍腍 , 真戚好好食 , 只可惜條腸仔煮到有少少乾身。 餐蛋包 ~ 同樣都係新鮮出爐 , 餐肉同蛋都煎得岩岩好 , 咁平既價錢就買到個新鮮既麵包 , 真係抵食到暈呀。呢排推出左好多新款式既麵包同撻餅 , 咁抵食夾大件 , 有時間可能去買多幾樣黎試下先。

每個人都應該會有一兩間麵包店特別喜歡或不喜歡 , 以我個人為例就不喜歡吃東海堂和A-1 , 買麵包時多數都會選擇在附近最方便的 , 今天下去百鋍就買了1)芝士捧 ~芝士味道並不香濃 , 不過勝在外面塗上沙律醬酸酸甜甜 , 令人吃了一條又接一條。 2)瑞士卷 ~ 細小的卷蛋很軟身 , 而且忌廉也不會過多而令人覺得膩 , 價錢便宜。雖然在Openrice不是很多好評 , 可是每天都能看到一班人潮前來買麵包 , 就連我有些朋友也偶爾會特意前來買 , 所以品質若非有保証 , 也不會有那麼多人選擇百樂這間麵包店吧。

早餐Dad買來半打蛋撻 , 為食的我一定不會放過 , 而且百樂是我喜愛麵包店 , 雖然現在加價了 , 不過仍然是比較便宜 , 蛋撻充滿蛋香味 , 曲奇皮亦非常鬆軟 , 牛油味道很重 , 百樂最近換了新景象 , 還會不時出一些新款式的麵包 , 的確是保持著一貫的水準!!!

同老婆無意中發現呢間老餅店，於是我地狂試左好幾款﹕雞尾包($1.2) - 出乎意料地好味，唔太甜。椰絲奶油包($2.2) - 老公第一次食，包身較乾，食完幾漏。菠蘿包($1.2) - 新鮮好味，平。香腸包($2.2) - 叮熱後仲好味。咸朱($1.2) - 香香地。菠蘿紅豆包($2.2) - 紅豆蓉好多，菠蘿包本身已好味。麥包($1.2) - 有麥味。花生醬包($2.2) - 花生醬味濃，早餐岩晒。究竟全港仲有冇麵包店比佢地賣得更平呢?

回應veritas的好味雞批,雞批馬仔我都有試食過啦真係唔錯,但好食的仲有蛋撻,熱辣辣出爐超正啦,好食過果d大形麵包鋪,而且價錢勁抵啦,佢地買d麵包都唔錯平靚正,下次試下丫,

呢間係一間舊式麵包店, 即係d包排晒响度,你要咩包由店員負責幫你夾. 之前嚟過呢度買'馬仔', 五個半3件, 好味過奇華果d.尋日又諗住買馬仔...見到有一盤pie狀物體, 金黃色, 直徑大過個飯碗, 應該係啱啱出爐.強調一點嘅係本人對於任何'pie & tart'類嘅食物只係抱應酬嘅態度, 不過買完馬仔之後我八掛企响度望仲有咩麵包, 個店員又好似等緊我仲要買咩包, 於是我就買多個雞pie.攞上手個pie果然係熱的, 咁啱我仲有買其他外買多咗隻叉, 於是我就一路行一路食.一放入口, 不得了, 好重牛油味, 個皮雖唔係脆但好香, 係我食過最好食嘅pie. 終歸究底一個字: 熱!!! 任何大型連鎖餅店, 由餅房出爐至售賣, d pie已經由熱轉暖, 但呢度個pie係熱!!再加上舊式餅鋪唔理健唔健康實加牛油豬油, 熱辣辣緊好食!!!不過下次嚟, 會唔會咁好彩遇啱出爐呢???

今日下年黎到呢邊見到間麵包店人流都幾多, 而且不停有包包新鮮出爐, 就走去買咗個波蘿紅豆包...食落去真係好好味ar~~d 紅豆又唔會好甜wor~~個包大大個, 都只係2.2真係好便又抵arr!!見到佢d egg tart 都好似好靚咁, 下次買吓先~