百芳池上便當 (上水廣場)

營業中

休息中

好難得而家仲搵到茶飲店，成日搵唔到附近有，咁岩上水行過就冇，仲可以係咁凍既天氣走冰！因為熱飲又好似冇左個種味，必須凍飲，好彩可以走冰，同埋微糖簡直岩岩好🙌🏻唔會好甜

簡簡單單嘅台式便當星期日晏晝做完gym無所事事，行吓上水見有間餐廳風格幾簡約，周圍仲有好多綠色植物，主打台式便當，未食過就入去試吓，見佢哋全港都唔少分店。叫咗個百芳滷雞扒便當，滷水雞扒都整得幾入味幾多汁，味道偏咸少少，不過不失，而配料有粟米粒、粉絲、菜脯、半隻滷水蛋同蔬菜，其中菜脯比較出色，咸咸香香，送飯幾好，便當睇落唔大，但食落都幾飽。跟餐叫咗杯珍珠奶茶，微糖，同台式飲品店一樣可以選擇甜度，適合追求健康嘅你，珍珠都幾彈牙，但價錢略貴。

今次去咗一間台式便當店，試咗佢哋嘅濃郁滷水雞扒。雞扒厚厚一件，滷水味道非常入味，肉質嫩滑，咬落去有一種香濃嘅感覺，真係好滿足。便當入面仲有粟米粒，鮮甜可口，搭配滷水雞扒，味道更加豐富。菜脯亦都唔錯，增添咗一啲鹹香，令整個便當更加有層次感。此外，便當入面仲有半隻鹵水蛋，蛋黃溏心，咬開時流出嚟嘅蛋黃同滷水雞扒一齊食，真係好味到不得了！最後，配菜雖然唔算特別，但清新嘅口感可以平衡滷水嘅濃郁，整體來講非常和諧。不過，碳焙烏龍奶茶就有啲失望，雖然味道唔錯，但價錢偏貴，性價比唔高。飲完之後，感覺似乎冇咩特別，可能下次會考慮唔點選擇飲品。

因為要到上水銀行，所以在上水廣場搵食，上水廣場多了很多食肆，這間在門外看上去簡易光亮，又有位置，於是進去。食物方面， 我點的滷肉便當飯比較有味， 只是份量很少。朋友點的 牛肉牛筋麵實在 不能上枱， 湯底 非常似清湯，沒有味道。另外讚揚珍珠奶茶 ，甜到適中，沒有過甜。環境尚算光猛，常算清潔， 位置數量夠多。因為屬於自助式，所以服務也不能太多評價。總括來說職員笑容很好。結帳每人平均80蚊就不太抵，份量不多又唔夠味，性價比偏低。

百芳池上便當，位於上水龍琛路39號上水廣場5樓502號舖。 是一間台灣專門店， 在港九新界有多間分店， 主打台式夜市小吃、台灣便當和飲品。 ▫️百芳滷雞扒便當🍱$65 ～ 濃郁滷水的台式雞扒， 厚厚的一件，便當裏面更有粟米粒、 菜脯、鹵水蛋半隻和菜。 ▫️碳焙烏龍奶茶🥤$11～ 味道清甜，茶味香。 ▫️黑糖珍珠鮮奶🥤$29 ～ 黑糖味唔夠，味道一般。 整體便當味道幾好，但價錢偏高。 🏷️溫馨提示～ 整個用餐體驗均屬個人分享意見， 只作參考😊。

最近係上水廣場5樓開左好多間餐廳，上到黎就試下呢間台灣野有好多便當選擇，有飯有麵我就點左豬扒拌麵，豬扒都可以，另外叫左杯黑糖仙草鮮奶，杯野都好飲，夠曬味，下次可再試

今早去農莊玩割菜，出返上水剛好食晏時間，揀咗百芳茶享用午餐。點咗個台灣鹽酥雞便當，除了鹽酥雞外，配料有粉絲，粟米肉碎，椰菜，口感豐富，啱哂每樣都想食少少嘅我。鹽酥雞香脆而不膩，有點喜出望外。粉絲微辣，很惹味，水準唔錯。另外加個鹵水拼盤，豬手係平時去台灣食嗰啲無乜肉，細細粒嗰啲，質感鬆軟，味美。其他正常發揮。肉燥青菜：可能因為淋咗肉燥汁，我個人黎講，覺得有啲油膩。碳焙烏龍：便當跟餐有3款茶飲，揀咗碳焙烏龍走冰，好飲。總括而言，價錢相宜，份量充足。

大年初二又嚟食，今次叫咗炸雞髀，唔需要等20分鐘已經即刻有得食，好味道呀，大大隻雞髀，不過都唔夠豬手咁出色，豬手真係好鬆軟，入口即溶個種，起初我比佢賣相呃咗，以為好普通，點知一食就愛上，手搖飲品就唔多說，因為都係叫咗好普通的，下次再試其他先

第一次食呢間係屯門，估唔到係上水都食到，佢款式都唔算少，都幾多款揀，我食過幾次都覺得好好味😋，水準唔錯。飲品方面我覺得款式都多嘅。小食拼盤都好吸引，我每次去食都好想試佢哋嘅雞髀餐，可惜要等20分鐘，對於經常外賣嘅我來說，有點耐，但唔緊要，下次堂食試下😊我今次食鹵水雞扒唔錯，其實佢哋鹵水嘢真係幾好食🤤，豬扒又鬆軟，入口好容易食到，對於無牙嘅我嚟講，簡直就係食完再食。希望下次再嚟試其他啦，呢間真係唔錯。

—某次在友人家中嗌外賣便當覺得幾精緻唔錯 趁新開張堂食試試台灣鹽酥雞便當($63)有配菜三款+滷水蛋半隻當日應該係粉絲/粟米/娃娃菜鹽酥雞香口有肉汁 粒粒都係雞肉台灣鹽酥雞肉燥乾拌麵($64)原來乾拌麵係幼麵 要嗌湯麵先係粗麵對我嚟講幼麵太腍 唔識合做撈麵餐飲跟阿薩姆紅茶/茉香綠茶/碳焙烏龍轉其他飲品減$9———————————————————百芳池上便當 Bai Fung Bento上水龍琛路39號上水廣場5樓502號舖

午膳時間經過上水廣場，發現新開了一間台式餐廳，只營業了數天，立即與朋友一試👏🏻👏🏻餐廳環境開陽，座位闊落，靠窗位置望着綠油油的植物，感覺很治癒。餐牌選擇十分多元化，是次叫了紅燒湯麵拼酥炸豬扒，豬扒香脆而不膩，調味適中，份量稍為少了一點。但值得一讚是紅燒湯麵，紅燒牛肉湯，湯底濃郁，伴隨微辣，很是惹味😋😋追加飲品可享正價減$6 ，試了珍珠奶茶$21,，甜度冰量也可自選， 份量充足，值回票價❤️。