百芳池上便當 (灣景中心大廈)

營業中

休息中

我網上外賣平台外賣自取12:40落單，12:52 app就通知我就準備好，提我去拎。12:58去到想拎，點知去到先叫我等下！店員先疑似開始整！但等左好耐，又熱又曬！最後見有學生話趕時間見店員即整俾佢😅我即刻再問另一個店員，果時已經13:18，佢先開始整俾我！搞到我lunch遲哂到返去office!冇諗過由落單到拎外賣要等40分鐘！如果真係要到左先整，店鋪應該請先註明！！係咪見我張單用左優惠券價錢少所以就唔理我？其實只係即刻夾幾樣餸就完成，點解我去到都要等咁耐？實在太離譜！！

第一次係買珍珠奶茶，好難飲第二次幫襯買便當，機壞咗嘟唔到八達通，講咗又唔理。好啦可能真係忙到唔得閒理我啦，但唔係當我話嘟唔到機嘅時候，望都無望就淨係講咗句嘟到啊⋯⋯就唔理人……

灣仔區每逢會展有活動展覽，放飯時間真係爆多人！呢間連鎖台式便當店堂食座位有限，而且無冷氣，最啱都係叫個便當外帶返公司食。① 台灣熔肉便當 $62舖仔細細都有成十個選擇，呢個絕對係我呢個食肉獸First Choice！超大塊焢肉煮得軟腍，肥瘦比例適中，入口溶化，撈飯一流！而我鍾意食台式便當另一原因就係豐富既配菜，這個便當有半隻滷蛋，粟米粒，菜脯粒，炒菜加粉絲，雖然偏向簡單，但都令我感覺滿足。買便當追加百芳菜可減$9，台式茶飲手調最平只係加多$6② 台式鹽酥雞 $33每件都幾大件，而且肉質唔會太乾，但炸物外帶，隔左段時間先食始終爭啲，無左脆口感覺，可惜。其他分店都係正常餐廳模式，下次等我坐低再食過！

呢個台灣便檔真係好岩平時晏晝食飯唔知食乜既打工仔，個日又係去灣仔出job，見到呢個好似好吸引，本來唔太鍾意食便檔，我驚唔夠飽呀，平時晏晝真係超肚餓，我係食勁多野既人，個日我就叫左個炸雞批便檔，平時好鍾意食雞比但唯一唔好既係佢要用手食，唔係會食到好輪盡，唔理啦，醫肚比較緊要，黎到個飯盒比我想像中大，隻雞比仲要大大隻成個飯盒咁大，超滿足，佢仲要炸到好脆，真係一入口個口感超正，佢仲會有啲菜比你，食肉之餘都要食返啲菜健康啲

這間連鎖外賣專門店主打台灣風味鐵路便當，便當以台灣經典木盒盛放，相當有美感。還有多款台式小食，或以優惠價錢追加飲品。有自助點餐機非常便利。自行拎取需要的外賣餐具，擺放衛生。百芳豬扒便當 - $61一大塊的豬扒另外以紙袋盛放，吸去多餘的油脂，豬扒以黑椒等醃得很入味，入口帶點刺激感，又軟腍多汁；便當上固定的配料擺放得好整齊，有炒粉絲、酸菜粒、栗米粒、椰菜紅蘿蔔絲和半隻鹵水蛋，五顏六色十分豐富，非常飽肚。百芳滷雞翼便當 - $55三隻雞翼吸滿秘製的百芳滷水汁，夠濃夠香，入口皮滑肉嫩。玫瑰鐵觀音茶拿鐵 +$17有著幽幽的觀音茶茶香，帶少少玫瑰花香，順滑的奶泡好綿密，非常大杯。榛果鮮奶咖啡 +$26LATTE本來就有著醇香的咖啡味和香滑的鮮奶，再加上榛果風味，有陣陣的堅果類，特別惹味。

每逢喺灣仔會展附近做嘢，lunch都一定會諗起百芳，外賣便當夠晒方便，而且價錢合理，仲幾豐富下，係幾開心嘅選擇😊😊除咗便當之外，當然唔少得台式飲品，喺會展做嘢做足全日嘅話，有杯台式飲品得閒飲幾啖，都咪話唔爽！就嚟端午節，佢哋仲有台灣糭！每次買百芳，都非常滿足，每一款台式便當，都有三款配菜同埋半隻滷水蛋，大飽口福😎😎😎我同同事分別揀咗滷雞翼便當，同埋香腸滷肉飯便當。淨係見到個賣相，已經好吸引！搭lift嘅時候有個阿姐仲問我喺邊度買添😅😅肥美既雞翼👍🏼👍🏼對於我個香腸滷肉便當，我真係非常滿意！滷肉超好餸飯！ 仲要有甜甜嘅台灣腸，好滋味😋😋今日嘅配菜有粟米，粉絲，椰菜，仲有少少菜脯，每一啖飯食到嘅配菜都唔同，好正。黑糖珍珠鮮奶喺路上，已經忍唔住啜左幾啖降下溫😆😆食晒個飯盒，根本冇可能即刻飲晒成杯珍珠鮮奶，因為太豐富啦！最啱午後繼續慢慢享受，有時行嚟行去，好有需要用黑糖補充番少少糖分囉，再食埋煙韌嘅珍珠補充體力，冇得輸😁😁

好耐冇食台灣野了今次試下公司附近呢間台灣野🤣同同事一人叫咗一個便當set.我叫咗百芳豬扒便當$61豬扒超大塊又香脆超快食哂🤣飯盒仲有其他配料😂粟米，肉碎，大白菜etc估唔到仲有粉絲！作為勁鍾意粉絲既人超開心😂.同事叫咗滷雞扒便當$64都係勁大塊雞扒超入味好正🤣配料又係好多.我叫咗杯珍珠奶茶同事叫咗金青茶王2杯都好飲但個人鍾意金青茶王個清香多啲～.下次再推介其他同事黎試先🤩可以再試下其他種類

呢排日日帶飯，今日 Lunch time 唔想再匿喺公司，約咗人過嚟灣景中心行下，順便喺附近搵食。有人心血來潮，突然話想食台灣菜。記得轉彎位有間「百芳池上便當」，店舖主打台式料理，另外亦有一系列台式飲品及小食等供應，提議過去買兩個外賣，攞落去樓下公園食。佢哋嘅便當選擇都幾多，共有 10 款，定價由 $55-$65 不等，買飯盒，仲可以用優惠價追加飲品一杯。點咗台灣鹽酥雞便當 ($61)、百芳香酥雞翼便當 ($56) 同 兩款飲品。鹽酥雞新鮮即炸，食落酥香脆口，而且份量亦好足，有 4 大件。便當內還附有不少配菜，當中包括有粉絲、肉碎、粟米、黃芽白、紅蘿蔔絲、菜脯同半隻滷水蛋，有菜有肉，營養均衝又健康。香酥雞翼便當味道亦唔錯，雞翼炸至皮脆肉嫩，入面嘅雞肉好滑嫩，咬開仲會有肉汁流出，夾埋啲配菜同圓潤飽滿嘅飯粒一齊食，超有台灣風味。飲品點咗珍珠奶茶同紅豆奶茶，兩杯奶茶嘅質地好順滑香醇，珍珠煙韌彈牙、有咬口，紅豆豆味香濃，入口甜度適中，水準亦唔錯。

相信愛吃台灣菜的你，都有聽過 • 百芳池上便當🧡•的大名! 在香港多區都有分店伊百芳池上，是我朋友們和同事們的常常吃的便當之一🙈。從未試過的我，這次便試試吧～ 中午吃飯時間，店家人頭湧湧，非常受歡迎。便當共10種款式，每一款的賣相都好吸引呀～ 「 台灣鹽酥雞便當🍱 $61 」 香氣撲鼻的鹽酥雞，引人香氣從盒子和膠袋不斷散發出來，令人口水直流!!! 鹽酥雞雞塊甚多，又香又多汁，調味得宜，難怪如此受歡迎🥳。 「 百芳滷雞腿便當🍗 $64 」 賣相更吸引的百芳滷雞腿便當，大大隻滷雞腿，令人胃口大開😍。雞腿入味，肉質沒鹽酥雞的滑，但也不錯唷～便當配菜甚多，好豐富哦。 「 朱古力咖啡☕️ +$23 」 朱古力咖啡的咖啡味比較淡，奶香味為主哦🤭。

以前喺荃灣就食過呢間台灣便當原來灣仔都開左～有幾個餐可以揀～便當飯盒仲好特別 有別一般膠盒～基本上個飯底同埋配菜都係一樣既有炒粉絲、粟米肉碎、碎菜譜、青菜、同半隻滷水蛋～平時最鍾意食 香酥雞翼便當～炸得又香又脆，但入面仍然保持到有肉汁～台灣烘肉便當好大塊烘肉👍🏻～醃得好好、好入味～肥瘦分佈都錯、識食既知肥肉真係好滋味😆台式飲品黑糖紅豆鮮奶口感好滑溜、夏天飲少冰真係好正！今青茶王茶品好濃、解油膩～

落雨落左好幾日啦☔️今日Happy Friday一於Encore公司附近既外賣食餐好既😋我今次試下佢個豬扒便當🐷同事就order滷肉飯🥩網上落訂單 好快有得食👍🏻百芳豬扒便當 $61 + 黑糖珍珠鮮奶$18未打開已經嗅到塊炸豬扒既香味🤤同事都紛紛走過黎圍觀🤣一打開紙袋 炸豬扒嘅香味撲鼻😌未食已經流晒口水啦！飯盒配菜豐富 加上色彩繽紛 更加引起食慾🤩豬扒鬆軟無骨香脆😋送飯一流👍🏻特別一提豬扒嘅香料真係好香😋 嗅落去已經好香 估唔到食落去 每一啖都好香😳加上豬扒炸得鬆軟 而且無骨大大塊 啖啖肉！真係大滿足😋黑糖珍珠鮮奶嘅珍珠非常軟Q🥰煙煙韌韌既口感 配埋 香甜嘅黑糖！真係邪惡得黎又好好味🤭香腸滷肉飯便當 $59 + 荔枝紅茶$12同事話佢嘅香腸滷肉飯好有台灣風味😋滷肉嘅肉汁撈飯食一流👍🏻台灣香腸咸咸香香😋滷肉入味而且肥瘦均勻😌滷肉味撈埋其他配菜一齊食 令便當口感同味道昇華👍🏻佢最欣賞菜甫粒同埋粉絲😋哩個七彩繽紛嘅便當令佢諗起之前去台灣旅行食鐵路便當嘅經歷！真係食得出有台灣嘅味道🤩🍹荔枝紅茶岩晒健康嘅同事，因為味道唔太甜而且有茶香味道😌酸酸甜甜開胃又幫助消化👍🏻最岩食飽飯嘆返杯茶嘅感覺😋而且大

又係努力返工嘅日子~ 成日要諗食咩午餐都真係幾頭痕🧐 好彩公司樓下附近有呢間百芳池上便當，便當種類多多，電話叫定外賣自取方便又快捷😆 慢滷豬手便當 $63豬手好入味，滷水汁香濃，肉質好Q彈👍🏻 個便當仲有好多配料，粉絲，粟米粒，娃娃菜，滷肉，滷水蛋，炸菜脯，味道豐富，開胃好味😋 見到便當嘅餸鋪到滿一滿，感覺真係好幸福🥰珍珠奶茶 $14充滿台式風味嘅珍珠奶茶，奶味香濃，珍珠甜甜蜜蜜煙煙韌韌😍 當飯後甜品好唔錯👍🏻

行開買野又落雨又想食台式野食，灣仔附近有間台式幾特別既便當，感覺好有台灣味道佢既位置都幾方便。落雨都唔緊要買個外賣返去慢慢嘆。外賣自取又真係幾快唔洗等好耐就取餐有8款便當系列見到有好多選擇，便當仲包埋一杯飲品圓型的木盒便當洋金菊烏龍茶甜度適中易入口好有香茶味荔枝紅茶有荔枝唔太濃味真係剛剛好唔會好甜，好解渴味好味滷雞翼便當滷水雞翼有菜脯粟米肉碎粒同炒粉絲、滷蛋識食一定係撈埋配菜飯一齊食滷雞翼便個飯就會大大盒相當之抵食有配料連埋飯有汁一起食有汁有味既飯好好食食呢個飯都係想食粉絲香酥便當 炸雞肶新鮮即炸起好香好味同好酥脆雞脾真係好大隻，好脆而且咬落去都唔會太乾又唔咸大啖大啖食雞肶肉，因呢個係炸所以滷水飯細碗少少，都一樣有齊粟米、菜、粉絲同百芳池上便當 (灣景中心大廈) 灣仔港灣道28號灣景中心大廈Brim 28 1樓9號舖

同朋友下午茶時間嚟到食晏😂見到有兩間台灣餐廳，但好似係同一個集團 (我R爆頭都不能理解🤯)Anyway，睇完menu 決定食百芳池上~#滷肉飯便當 ★★★★一睇就覺得好豐富除咗滷肉之外佢仲有好多配菜，送飯一流而且索哂汁嘅粉絲絕對係畫龍點睛🤤#台式小食拼盤 ★★★★有 #鹽酥雞 #花枝丸 #台灣香腸，三樣我都超鍾意食最緊要係佢即刻炸起，超級香口就好似響台灣夜市掃街嗌嘅小食，超有台灣風味其實佢都有好多款唔同嘅台式手搖，不過我飲跟餐嘅紅茶都夠喇~

疫情下，都係外賣返公司食安全啲。灣仔外賣選擇有好多，不過呢間百芳就係熱門之選。無他，佢係台式便當店，係冇得外遊嘅日子，都可以懷緬一下鄉下嘅味道。🍱🍱🍱🍱🍱🍱🍱🍱🍱🍱🍱🍱🍱🍱=炸雞髀🍗便當=超大隻雞髀，啲肉醃到好入味，炸粉好薄，外皮炸到好脆，需然係外賣，但仍然保持到香脆感👍🏻=炸雞翼便當=唔想食太多肉，可以揀炸雞翼，一樣係薄炸粉，香脆可口，咬落去「索索」聲，好滿足🤤😋除咗酥炸雞髀同雞翼之外，仲有多款滷水雞肉同埋滷水雞翼可以揀。佢嘅滷水味濃厚得來又唔太鹹，都好正㗎。🍱每款便當都配有醬汁炒粉絲、炒時蔬🥦、滷水肉醬、粟米肉粒同埋滷水蛋，豐富得黎又符合均衡飲食嘅原則🤗🍚不過可能係外賣嘅原因，啲飯有啲濕。🧋每個便當可以加錢配台式手搖飲品，款式多。不過品質就唔好有太高嘅期望。