影片
開飯介紹
台式便當主題店，便當以雞肉及豬肉為主，再配上蔬菜、滷蛋等餸料，十分豐富。另外亦供應台式牛肉麵、拌麵、小食及台式飲品。
繼續閱讀
營業時間
今日營業
11:00 - 20:30
星期一至日
11:00 - 20:30
以上資料只供參考, 請與餐廳確認詳情
食家推介
相關文章
同同事集合一齊喺呢度app叫呢間餐廳3個午市套餐嘅外賣見到終於可以取餐，就開開心心衝去拎外賣去到已經勁多人喺度等，餐廳前嘅位置有人出入都要互相遷就借位去到收銀櫃位問外賣喺邊拎職員話仲出緊嘢食但嗰時連我哋張外賣嘅嘢飲都未出嚟等咗十幾分鐘見到我哋一個外賣號碼嘅顧客都拎咗外賣我哋個外賣都未見影就問職員咩情況個職員居然答“因為你哋叫嘅餐唔同”🙄🙄🙄少少歉意都無心諗我哋都係叫普通午市套餐(無特別要求)啫又唔係咩豪華套餐最後由app話可以拎餐到真係拎到外賣等咗差唔多20分鐘仲要職員將鹽酥雞貼住放喺凍飲隔離😅😅😅提醒咗仲要一句唔好意思都無嘢食份量係夠不過都係落得多味精啲飯有少少硬整體味道一般但個服務真係唔掂未出餐又話可以取餐，令人失預算服務質素令人失望
繼續閱讀
主角焢肉燉得軟糯，肥瘦相間，醬色油亮誘人，入口即化，鹹甜醬香十足。配菜粉絲吸飽肉汁，滑溜「幾惹味」，增添豐富口感。清炒翠綠時菜爽脆解膩，平衡得恰好。附上一杯清香包種茶，去油解膩，昇華味蕾。簡單便當，地道風味，飽足又難忘。可以去食掛住台灣的話🫣🫣
繼續閱讀
🥢星期五晚收咗工之後要去葵涌取貨，準備第二朝既活動，順便就喺附近搵埋嘢食，男友帶咗我嚟KCC，呢度真係好多嘢食，我最後揀咗食便當🍱。🥢呢度點餐係畫紙仔，然後去收銀俾錢。🥢我點咗個百芳滷雞翼便當，開頭以為份量好少，但係食完都好飽。一個便當入面有6樣食材，有雞翼、粉絲、滷蛋、菜甫、粟米、仲有娃娃菜，真係幾驚喜。🥢男友就叫咗香腸滷肉飯便當，仲豐富，有7樣食材，香腸同滷肉真係超好味。🍹跟餐包野飲，我揀左熱炭焙烏龍茶，有少少炭燒味，但唔會苦。男友就揀咗凍阿薩姆紅茶，不過真係好甜，建議揀少甜好啦。
繼續閱讀
豐富嘅餐盒，女仔食就會夠，男仔未必夠了雖然話佢係好味同價錢成正比，但希望可以平啲，始終$80 一餐飯唔平。佢嘅菜脯粒好好味，每次我都係問佢有冇得另外買，佢都話冇，掛住呢啲好味道，唯有多啲幫襯
繼續閱讀
平時幫襯開屯門v city 同埋荃灣灣景廣場呢2間百芳，覺得好好食，同埋野飲都好好飲。今日又工作再次行經KCC,見到百芳，又想食炸雞髀，所以叫咗外賣返公司食。炸雞髀有水準，依然係咁香脆好食。但係無糖茶飲就極難飲，掉個茶包入去，拎啲滾水滾一陣再加冰，飲落完全冇茶味，感覺極似洗杯水。呢一間上次試過跟餐無糖茶飲，已經係完全冇茶味。今次加埋錢轉現萃茶，都係同樣情況。反而試過幾間分店都冇咁嘅情況，雖獨係呢間，無糖茶飲似飲洗杯水，我諗都唔會再幫襯。對佢嘅茶飲太失望。
繼續閱讀