皇上皇燒鵝海鮮酒家 (已結業)

七月二十七日 (星期一)今日約了同事...一行十人去飲茶見落大雨,到最就腳的皇上皇我最愛的炸魷魚鬚...無!也是最愛的流沙包...都無!最喜愛的全都無...只好吃了:蒸牛肉燒賣馬拉糕-值得一試义燒腸XO醬炒腸粉燒腩仔-不錯牛肉蒸排骨金錢肚海鮮炒飯-無乜海鮮,飯也不夠熱蟹肉炒伊麵-不過不失最後還吃了芒果布甸-全無芒果味味道不好,勝在熱熱鬧鬧整個下午在談論港男...有說有笑,為緊張的peak season 鬆一鬆

o係Central搵荼飲都唔係太多choices之前同事都話呢間唔好食....不過算啦見有得book咪去食囉我地6個人... d 野食都幾快泥到!! 不過好唔好味就....哈哈我地點左燒賣,腸粉 etc 一般經常叫既食物講真,冇樣好味!!! d 朋友都話唔想再泥!!waiters 都唔夠既,所以經常冇人同我地加荼!

原來而家仲有啲服務咁差嘅酒家...2008年4月12日，星期六，晚飯，約8至１０時半。我哋一張大枱，叫小菜食飯，味道都算ｏｋ，但好戲在後頭。我哋傾傾吓，其中一人突然發現杯茶有隻疑似“小強”浮在水面，同枱再有第二個發現另一杯有“小強”，這隻是沉的，相信已浸泡一段時間。我哋搵咗個少肥，冇戴眼鏡，４、５０歲嘅侍應檢查一下嗰兩杯茶。佢拿起來很用神的睇了近１０秒，然後話：「我有老花喎，咩嚟架？」瞬即將兩隻杯攞去架車仔度倒咗，行咗去，冇返過嚟講過一句嘢！我哋真係估佢唔到，都唔係要求佢有咩着數，至少都要交代返件事，我哋覺得係基本禮貌，更何況喺中環做飲食服務？呢個侍應再出現，就當冇事發生過，捧碟生果嚟，都唔知乾唔乾淨。後來，找了收個收銀講呢件事（佢坐我哋枱前面，應該睇到晒件事），佢竟然話：「呢啲嘢，間間酒樓都有架啦，有咩出奇？」其實我哋都明白酒樓出現“小強”不足為奇，但出奇在：（１）侍應的處理手法不專業。作為一家中環的食店，竟然簡單交代問題的意識，及對客人的禮貌都沒有。（２）侍應沒即時交代事件，更意圖「毀屍滅跡」。（３）酒家職員（至少２名）對衛生的觸覺甚低，更不把食環署放在眼內。呢間酒家枉稱“中環區地

二月四日(星期一)!!!=三個月紀念日=老公快樂!今日lunch同同事食!去到好快就點野食!11個人食左23個點心再加燒味拚盤仲有糖水!炸9肚魚真係唔係咁好味,燶左d!而其他點心都ok,特別係流沙包!而小籠包都ok!個甜品叫左薑汁雙皮奶,都唔錯既!不過就漏單-.-!!!

真係從未試過態度咁差勁o既酒樓，仲要係中環區，只怪雅麗閣結業，可以飲茶o既地方少o的啦，客人多左，但無增加人手，咁又點夠招呼客人呢? 但實在唔應該用咁態度對待客人囉......有一次，門口個姐姐仔叫我去第xx號枱，我搵極都搵唔到，問侍應們，佢地竟然叫我自己去搵，然後就走開，咁咪自己搵囉，點知一停步，就比後面另一個侍應大力推開，話我阻住佢，我就自然反應同佢講對唔住，兼且想問我張枱 係邊，但佢一於當聽唔到，仲愈叫愈走，咁咪打比個friend問o下佢地究竟係邊囉，點知原來個姐姐仔比我個枱 號係唔o岩架，我幾個friend都中o左招......後來見到我隔離果班人投訴話賣單賣得十分慢，等o左十五份鐘都仲未賣到單，果個之前推開我個侍應又懶係好服務咁話幫佢教訓賣單果位同事......咁邊個可以幫我教訓推開我o既同事呀?!最近又去飲茶，十分之多人，訂o左枱 都要等十分鐘先有枱。點知有無，仲要係唔只我一，我見有幾個人都係企晒係度，問伙記有無枱，佢地叫我地問其他人，佢唔係負責呢樣o野。隔一陣，有兩個應該高級o的o既人抬住個用黎放火鍋料o既矮仔比我地做，我地即刻投訴話有無攪錯呀，咁做，跌襯人點算呀，但佢地

marketing團年飯專登由chaiwan來這裡吃...但唔點喎我們的corner好焗, 問侍應有無開冷氣, 佢竟然想都唔想就話有開...但轉過頭卻畀我們聽到冷氣機開動的聲音, 有番冷氣...咁的服務態度點得呀上菜, 竟然用腳好大力咁踏開張椅...在客人面前咁粗暴無禮, 唔點啦頭盤燒豬幾好味翅...無翅啦...得"鞋口"的雞絲..."獻"又"結"到死炸卷竟然是雜菜齋菜...唔好食魚ok菇扮鮑配西蘭花...唔點啦燒雞無味無食炒飯或noodle唔知味道如何果盤的西瓜唔凍又有怪味可能公司畀唔起, 要揀平菜式咁就唔好去中環啦充大頭...去皇上皇但食物就差呀差

今日Lunch約左幾位舊同事食晏, 因大家都冇咩主意, 最後都係決定去皇上皇飲茶.其實我都黎過好多次, 但係始終都唔係咁鐘意呢到D食品, 總覺得價錢同食物質素不成正比.我地今日叫全部都係點心…有春卷, 咸水角, X.O. 醬炒腸粉, 炸兩, 义燒腸, 义燒飽, 燒賣, 合桃蛋糕仔, 鳳爪, 上素什菌腐皮卷, 上湯浸莧菜, 山竹牛肉, 蝦餃, 蛋撻仔, 椰汁紅豆糕等. 先講講D炸物, 春卷同咸水角味道都係非常之一般, 唯一可以讚係碟上冇成灘油. 而X.O.炒腸粉及义燒腸都可以咁啦, 但炸兩就唔係好得…. 佳因裹面條油條又唔夠爽脆, 仲好似炸左好耐咁. 總之就係麻麻地. 而鳳爪就standard, 但山竹牛肉同上素什茵腐皮卷就好似蒸到過左龍咁, 表皮好似乾晒水咁. 睇見都冇晒胃口. 至於個燒賣睇落都好大粒, 但因本人不好酒樓style燒賣再加上我地真係叫得太多食物, 所以我pass左燒賣,椰汁紅豆糕及合桃蛋糕仔. 呀! 有兩樣野唔講唔得…某同事話食完碟蛋撻, 好似食到榴槤味…. 怪怪的!!!, 而碟上湯浸莧菜全桌人都話食到有沙…. 就算之後個部長換過碟菜心都係麻麻地…少少苦..唉…都係

又一個下午和同事來飲茶﹐又係叫四個點心。皇上皇的好處係點心成日轉款﹐經常來都唔覺悶。要了﹕玉子豆腐、春卷、豉油皇鵝腸﹐同埋唔知咩餃(見圖)。玉子豆腐是一個素菜﹐裡面重有冬菇、草菇和金菇﹐味道好清﹐玉子豆腐尤其鮮甜﹐非常軟滑﹐稀稀的淋上芡汁﹐是真正的清涼之選。至於春卷﹐其實我係唔食春卷的﹐雖然它裡面不是普通的蝦和肉﹐而是素菜﹐好像有筍、木耳等﹐但我都只吃了一條就收手。豉油皇鵝腸是新菜﹐鵝腸洗得好乾淨﹐極有咬口﹐用的豉油亦唔太鹹。果個唔知咩餃﹐是極薄的水晶皮﹐外面已經可以看到裡面的餡料﹐亦是精心之作。

中午唔想頭痛去邊吃飯﹐我通常都會訂皇上皇。兩個人訂位最簡單不過﹐會有近牆的二人檯﹔但昨天和上星期去﹐靠牆的檯非常凍﹐穿背心或短袖的例如我﹐就要帶定外套以防凍親。叫左﹕海蜇伴燻蹄、酥皮蛋撻、時菜鯪魚球、鳳爪。點心味道好好﹐海蜇伴燻蹄的燻蹄數量極多﹐用來蘸的酸汁帶點辣味﹐好開胃﹔酥皮蛋撻的酥皮都可以﹐有同集團的酒樓竟然是用牛油皮﹔時菜鯪魚球好大粒而且新鮮﹐平凡的鳳爪亦都夠捻。至於服務﹐我上次講的肥女侍應﹐又係要拎去炒魷囉﹐但係用咪來炒就你地捻喇。她上次將我地的筷子除去筷子套後就咁放響張檯度﹐今次就叫她拿糖水﹐是午市送的﹐她竟然話繁忙時間冇得送。冇理由﹐我來咁多次﹐次次要求都有﹐除非改了﹐冇糖水送﹐冇理由繁忙時間至唔送。我結果叫另一位女接待員﹐她即刻同我落單。下次個肥侍應再係咁﹐咪話我唔比面﹗

冇錯﹐我又來我的飯堂喇。今次雖然幾肚餓﹐但都只係叫左四個點心。分別係蛋撻、炸五香豬骨、杏仁馬拉箋(見圖) 和糯米雞。五香豬骨係新野﹐炸得好香口和夠味﹐但擺耐左就冇咁好食喇。馬拉箋好鬆化﹐糯米雞就怪怪地﹐竟然食倒辣味﹐大家都唔知點解。有個女肥侍應﹐將檯上的筷子除去了紙套後﹐就咁放響張檯度。喂﹗筷子除左張紙後﹐你應該放響人地隻碟度丫嗎﹐就咁放響張檯度﹐你識唔識野架﹖雖然食左好少野﹐但埋單169元﹐即每人85元。中環區係咁架喇。

平時吃lunch 多數同女同事一起﹐大家都細食﹐加上飲茶令人有錯覺冇咁滯和膩﹐所以都經常來飲茶。我地一般唔會成日叫普通點心﹐反而叫廚點和特色小食。圖片顯示左面的是台式豆腐﹐右面是麻辣魷魚/菜/牛百葉﹔謹向大家推薦。亦同意Olivian 所說﹐送的糖水極好﹐除紅豆沙外﹐推薦大家試腐竹糖水(冇白果的)。

12月30日farewell同事，1月2號死黨結婚註冊完後訂左位o黎飲茶。其實好耐有o黎過，一下只四日內o黎兩次，食d點心種類都係差唔多。唔知係咪轉了師傅，以前唔食好的，呢兩次食又幾好過。腸粉好滑，蝦腸好大隻又爽，炸兩內面條油炸鬼仍然好脆，叉燒包、素菜包、臘腸卷等包類最好食，炒飯窩米亦有水準，連飯後送的紅豆沙好足料，比好多甜品舖好。

這家酒樓是最接近工作地點的酒樓﹐以前很少來是因為服務較其他同集團的酒樓差﹐而且曾經試過出菜很慢﹐桌與桌之間太密﹐所以被列入黑名單一陣子。近數星期經常來﹐原因是服務改善了許多﹐人手增多了﹐而且食物質素較同集團和同區的還要優勝。上星期三和朋友補祝生日﹐三個人只叫了四款點心﹐真係有點出奇﹐大家都說飽﹐我就覺得麻麻地飽喇。灼菜、雞翼、燒賣、同豆苗餃﹐全部有水準﹐見到它有進步﹐我都給予支持。

“皇上皇”是“皇廷匯”的集團旗下﹐它在娛樂行同上環都有分店﹐但以此間最差。中午時份﹐侍應很少﹐完全冇人加水﹐點心OK﹐桌好密﹐好嘈。Lunch 如果兩個人只吃點心都要接近100元。

This above tel. number is belongs to Entertainment Bldg 皇廷會! The one in Standard Chartered Bldg should be 2117 2117.(By editor : updated, thx!)