皇子印度餐廳 (都城大廈)

營業中

休息中

年初一至年初三都開已經算非常有心了， 而且入座率都有九成， 至於食物都非常之好，價錢唔貴， 四人晚餐$500左右， 至於薄餅方面可以無限追加， 今次同外國親戚嚟食飯，佢哋都表示比外國的印度餐廳做得好！

今日同朋友去食呢間印度餐廳，員工十分友善對待，雖然樓面只有兩位，但服務很好，照顧到客人需要，適合香港人嘅口味，亦保持印度的風味。 今次係我第一次來，點了 butter chicken 同波菜芝士，叫左小辣，但一點都不辣（譚仔食酸辣5小辣）喜歡食辣嘅朋友可以叫中-大辣。但本人第一次食，唔想太辣食唔到。Butter chicken 嘅咖哩係有少少甜甜地，本人幾喜歡的。波菜芝士都很好，芝士是不咸的，食落口感有點像蜂巢豆腐。點的薄餅是原味和蒜蓉味，薄餅可以無限次加。薄餅非常鬆軟，有水份，配搭以上兩味餸是非常好👍🏻蒜蓉薄餅是用蒜蓉油再配幼細的蒜蓉粒，味道不會太強烈，幾惹味的。包餐湯（今次係雜菜湯），味道也很好👍🏻最開心包餐飲有芒果奶昔，飲落酸酸甜甜，是新鮮芒果的味道，不是死甜，這個是令我最為驚喜的，水果味可以中和左主食的味道，是一個完美的句號。

最近同朋友覓食，發現一間好正嘅印度餐廳🇮🇳 只要喺呢度叫午餐或晚餐，就會有無限任食烤餅🥞同飯🍚！烤餅除咗原味，仲有蒜蓉味添！🌮 烤餅 (free)呢度有原味烤餅、蒜蓉烤餅，仲有千層餅同飯嘅選擇！烤餅超級大塊，炸得好酥脆，我鍾意蒜蓉味夠香🥰 朋友就鍾意原味，沾咖喱一流🥳🍛 BABY MUTTON RIBS CURRY 小羊排咖喱 （$108）必食推介🌟 呢個小羊排係餐廳最熱門嘅菜式，羊排切成一舊舊加入咖喱，軟腍又入味🥰 份量仲超多添！🥩 TANDOORI LAMB CHOPS (3PCS) & CURRY SAUCE 板烤羊鞍扒配咖喱汁 （$168）見呢度嘅羊咁好食🤤，我哋仲叫咗個烤羊鞍🐏！羊鞍都整得好正！用鐵板烤好惹味，而且都一樣🐥 BUTTER CHICKEN 牛油茄汁咖喱雞 （$118）我哋仲叫咗個咖喱雞，呢隻咖喱加入咗牛油茄汁，好香好creamy，沾烤餅食都好正😚皇子印度餐廳📍西灣河筲箕灣道240號海富樓地下後座📍筲箕灣筲箕灣道251-261號都城大廈地下F號舖

同朋友去食 兩個餐 坐低我哋問咗一啲簡單嘅問題 有冇嘢飲呀凍飲使唔使加錢呀有乜嘢凍飲呀 上菜質素一般 冇話非常之好食或者唔好食 但係嗌咗個羊肉呢啲羊肉就太少啦 得幾粒 牛脷嘅份量就ok嘅 可以share同人食 至於佢餐牌上面話可以免費加一添飯或者薄餅就冇問到啦 後期見到有人用信用卡找數咁就諗住食完之後用信用卡啦 睇住佢 同個女仔找數有畀返收據 人哋買外賣佢亦都有畀抽舉 到我哋埋單嘅時候 都係用信用卡找數 但係佢竟然過咗數之後走咗去 我就覺得好奇怪我叫朋友問佢攞返收據 佢話叫佢自己喺信用卡機搣出嚟喎 非常之詫異 呢種服務態度要不得 尤其是今時今日香港已經冇人消費 雖然都係好食但係唔會再去

突然之間好想食curry ! 所以近近地就去左皇子食！ 好抵食！ 仲可以係咁refill Naan bread 同飯！ 好彩我大約 1:30 先去，如果唔係一定要等位😅 因為見到好多office 剛食完埋單行出鋪！ lunch set : 包左一碗湯 ， 主菜 同 飲品湯 飲落好重胡椒味。 叫左 chicken curry ! 辣辣地 好好味 ！ 兩塊Naan bread 超大塊 ， 食到好飽🤤另外加左$12 叫左印度奶茶 本身唔太甜 ，有香料味！ 好好飲！ 員工好有禮貌，又識廣東話👍🏻

係附近返工咁耐，無試過食呢間，前排睇完Rock哥條片就有一下衝動去食，我地分別叫左咖哩牛脷，咖哩羊，芒果奶昔同奶茶，重有個芝士烤餅2個咖哩都出色，少少辣又香如果好食我覺得牛脷好食啲😂，但其實羊都好食只不過牛脷更加香，個咖哩唔係死咸/死辣，配埋薄餅食係一流但令我覺得最正既係芝士烤餅，熱食又拉晒絲又香口，2個人食都忍唔住叫左2份😂😂同埋我同我女朋友食完都唔覺辛苦，有時咁多芝士真係食唔落野，但佢無呢個問題❤️2杯野飲黎講，芒果奶昔都係出色，係有芒果香又唔太甜配埋呢個咖哩其實好夾❤️❤️重點係咁叫法埋單都係210蚊有找，佢啲飯同普通果隻薄餅係無限食🫰🫰🫰大胃王必去❤️❤️❤️

當晚4人準時到達，只見到兩枱客，可能我們訂得有點早，但同時也有幾個外賣單。看完餐牌之後點了三個套餐，包括羊、牛、魚另外加了一個炒什菜和兩杯飲品，因為知道烤餅和白飯任食，所以暫時要兩個烤餅和兩個白飯，但這個女侍應說只可以要兩個烤餅和一個白飯，因為我們只是要了三個套餐，炒什菜是沒有跟烤餅或白飯，覺得這個女侍應的腦袋真的有點問題，烤餅和白飯不是任食的嗎，既然她這樣說就不和她理論，後來我們吃完烤餅和白飯覺得還未飽，便和另外一個印度人再次要兩個烤餅，順便問他白飯是否也是任食，他說是任食的，沒有像之前的那個女侍應一樣說法，之後埋單看到單子上沒有加收白飯，証明那個女侍應轉數真的有點慢，無論如何這一頓晚餐我們都很滿意。

－家🏡4口星期六夜晚book咗呢間街坊印度餐廳，店舖細細，人不多，約坐了一半客人。餐廳由印度人主理，我哋共order了4個主菜，烤餅無限任食。芒果汁及咖啡都是偏甜。咖喱牛腩：算幾大碟，牛腩都幾淋。Chicken Tandoori: 啖啖肉好滿足。Mixed Seafood curry: 幾大碟足料，配料有魚塊🐠、蝦🦐、魷魚🦑，咖喱不太辣，小朋友都食得到。咖喱烤魚：上枱和預期有出入，因為係用冇鱗魚倉魚🐟，肉好實，同咖喱烤唔太夾，我哋都麻麻地，只食咗一半。整體普普通通，烤魚和飲品有改善空間。

Lunch食咩好？同事帶左我地去一間超隱世既咖哩😹但超級驚喜好好味！一定會再去分別叫左一個牛油雞，masala羊肉同埋咖哩牛舌！三樣都好好味🤤肉好足夠唔會話全部都係醬，牛舌好冧，牛油雞都好多舊，真係會飽死😂呢間店既重點係不論naan定係飯都係任添🤤我地三個人total食左差唔多20塊餅，而且佢仲有potato naan入面係有咖哩薯仔🤤好正..最重要係d naan全部都係熱辣辣唔似整定 真係超級高質。食到飽死一個人都唔洗100蚊😂間野真係好良心！

一個人去剪髮，遇著個師傅放飯時間，唯有等佢食完飯返嚟，剪完個頭都差唔多成點鐘。喺筲箕灣食晏🍴，見到呢間印度餐廳，西灣河間（應該係總店）以前成日去食，貪佢naan任食，呢間分店未嚟過，見好耐無幫襯，就入去食個咖哩餐叫咗個咖哩羊腩+naan餐湯唔係以前嘅青豆湯，而係油淋淋深紅色，應該係🍅湯啩，呷咗兩啖就唔想飲羊腩得幾件，味道還可以，但係個naan就好差，雖然係熱，但無咗以前質感，兼且底部烘到燶哂總結：呢度嘅裝修同總店大致差不多，naan亦任食，不過，如果早幾年你有幫襯舊店，就知道當中嘅分別，昔日佢哋嘅咖哩同nann真喺超級好食，真材實料，set lunch有青豆薄荷湯同塊薄脆，包餐飲，可以話係平、靚、正；但今日價錢除咗唔再親民，食物質素雖然唔可以話好差，但真心講同以前比確差好遠，祇可以話，物價高漲，今非昔比。

之前食呢間都係午市，今次係第一次試下佢嘅晚市，價錢其實比lunch唔係貴太多，大概係~90至100+.叫咗三個餐四個人share﹐原來佢唔係一人一個餐嘅話就冇得refill啲薄餅嘅。一開始佢就有畀一個脆餅，配一個綠色類似薄荷醬之類嘅野，但呢個餅非常之鹹，跟住仲有就係每人上咗個湯。我哋叫咗一個chicken curry同一個seafood curry, 都係最普通嘅咖哩，味道同港式嘅咖哩幾相似，有少少失望。之前嚟食呢間都覺得佢呢唔屬於好辣嘅，可能係迎合香港人嘅口味。跟住再叫咗一個呢係鐵板燒嘅魚肉，原來都係有一個汁嘅，佢嘅魚肉本來就已經係醃過，雖然係鐵板燒但係唔係好硬既，然係d 汁真係同另外咖哩係唔同，辣得黎有一種甜味嘅。但係配薄餅都係發現用curry最match.

我最愛嘅印度餐廳🥰🥰🥰今次分別叫咗魚咖喱同雞肉咖哩，份量唔少而且呢個咖哩係有落到蕃茄去煮嘅，對於我呢個蕃茄愛好者嚟講簡直💯另外佢嘅性價比亦十分之高，每個餐都可以任叫薄餅，而且係即叫即整，非常新鮮滾熱辣，薄餅咬落鬆脆，好香牛油味。

今日朋友專程黎筲箕灣試呢間印度食品😃有驚喜😄因為今次係第一次食，所以都係朋友揸主意點食野一開始店員會俾份小食我地食落去鹹鹹地脆脆地，好似薯片一樣後尾點餐點左二樣食物，而食物都包左碗粟米湯而埋單都只係$250有找食物方面好地道，唔好好濃味，價錢十分抵👍🏻員工都好好，食到最後會問我地食物如何，有咩需要改進👍🏻👍🏻👍🏻 所以好推介大家黎呢間小店試下印度風味😃平日都唔需要book位，佢有二間分店，另外一間都係附近

同女朋友去完石澳，出返黎西灣河一試印度皇子咖喱～我地8點去到，咁岩有人走，唔洗等位～一坐低，店員先放低熱辣辣芝麻餅同薄荷醬～佢地原來weekend都有做set dinner，有unlimited naan，我地叫左咖喱魚試下；另外我地仲叫左好出名既butter chicken配paratha~🐠 咖喱魚咖喱魚用左炸魚塊，魚肉唔算十分結實但咖喱味夠香濃~好食加埋naan食好正~naan仲可以refill，keep住有熱辣辣naan送上🐔 butter chicken呢個比butter chicken更加唔辣，雞肉大件同埋啖啖肉Paratha好酥脆，十分邪惡～🥭 我地仲叫左mango lassi，印度特色飲品~芒果加yogurt，不過女朋友就覺得太甜><

Very good food and we’re so glad it’s close to home; we come quite often when we don’t feel like cooking. The unlimited naan and rice is great, even though we don’t usually need more than 1-1.5 pieces of naan per person. It’s enough food even when we’re hungry.