皇廷滙 (已結業)

和舊老闆在中環飯聚，酒樓在中環晚飯時間真的很少人，小貓三四隻，反而覺得清淨仲可以傾吓計。三人點了：馬蹄土魷蒸肉餅 － 薄薄的一小碟，肉質尚算軟滑，味道剛好，這個不錯。香芹炒斑塊 － 魚肉結實有咬口，合格。沙律明蝦球 － 小朋友餸，他們用上千島沙律醬，味道偏甜。啫啫通菜煲 － 味道偏咸，但很”野”味，送飯一流。服務不錯，食物中規中舉，但已比想像中高分，價錢也可接受，在中環區也是個不錯的選擇。

一月十四日 (星期五)同事Ricci揾到好工,short notice我們也替他高興我們公司最(唯一)有人情味的老闆約翰請我們一班人飲茶替他餞別還記得老公仔之前離開公司,約翰也一樣替他餞行那次是吃日本菜,今次則大顆兒一起飲中茶時間過得真快,轉眼間老公仔己離門舊公司差不多半年是日再遇老闆,不多不少有點感觸記得以前都是往皇上皇的,人算不如天算,上年中關門大吉我們的飲茶落腳地就轉回皇廷匯同一個集團的,食物質素差不多最好味的仍然是其燒腩仔和魷魚鬚其他的點心也算是可以,約翰特別喜愛這裡的小籠包大家都吃得捧腹而回是次免費,低食指數爆燈Ricci-保,重...Keep in touch!!!

和同事黎lunch...叫些點心, 還有炸鮮魷, 炒麵炸鮮魷好好味!!!!!!!!大概我地好鍾意食呢個野, 而佢又即叫即炸, 所以熱辣辣超級好味!!!! HAHAHA但如果有汁點會更好!!!

諗住近近地, 沒試過, 點知就火滾 1. 食物水準低, 尤其是鳳爪 - 沒有任何味道, 好像白汋. 2. 經理和侍應服務態度同樣差 - - 蒸牛肉等候時間極長, 不記得order 咗, 再order. 我們食完晒D食物, 再order的蒸牛肉才到, 我們要求退回, 但經理和侍應都不準退回食物. 個經理say no 完就轉身走, 態度極差.3. 空調不足, 要開好多把風扇; 4. 星期日午市飲茶時間大把位, 係有原因的. 總結就是不用一試. 食評一個字 "差".

不太喜歡飲茶，今個星期已連飲兩次，是次主要是聚舊關係。雖然是同一集團，大家都喜歡去皇廷匯多過皇上皇。四個女仔不是大食之人，所叫的不多，不外乎那幾款點心，蝦餃、燒賣、叉燒包、鳳爪...蝦餃外型像大大粒的元寶，澄麵皮較厚身不夠通透，饀料有很多零碎的蝦肉，尚算彈牙；燒賣質地不夠爽口，肉質有點腍腍的，比不起江山笑；叉燒包的包皮很濕很腍，似乎是蒸氣倒流的闗係。另外再有的叉燒腸，米漿不透薄，不過做到幾滑溜沒有嚡口情況，叉燒又夠不多，沒有爆開滿瀉。因朋友不吃牛肉，只好將雪菜牛肉米，加$8轉做雪菜肉絲窩米，似是青椒粒多過雪菜，雪菜、米粉是腍腍的，只是湯底較為有味，真不能與昌記相比。

同老細食飯, 自然會去貴D既地方呢間個standard係絕對合格, 不用置疑上菜快, 服務一流, 份量又唔少菜式多款, 任君選擇例如乳豬全體一定要一食再食仲有蟹黃翅, 好食程度絕對係筆墨難以形容, 正到連個碗都要舔番轉頭!絕對係同級中菜不能媲美又特設麻雀耍樂, 方便開飯前娛樂一下

20080503中上環一帶的茶樓，週末打折之故，也都間間人滿為患，不想吃得太沒尊嚴，有時還是要選這裏，雖然就貴了一點。三個人，但了兩樣點心一碗粥一碟炒飯，就剛剛好。雲耳絲瓜餃：屬於比較少見的餡料，味道很清新，餃皮半透明，又煙韌；叉燒包：包身鬆軟，足料得來不會太甜；生滾牛肉粥：粥底綿滑，牛肉新鮮；姜米雞粒炒飯：左右有不少張枱都叫了這一味，份量很大，飯裏應該加了些薑黃粉，像著過色一樣，粒粒分明，份量很足，細嚼之下有淡淡的薑味，吃完碟底無油，誠為佳作。總的說來水準不錯，當然衡量以價錢，也是應該的。唯一的不滿是那碟炒飯吃到中間的時候發現一小角類似叉燒包下麵墊著的那張紙，但絕對不是我們自己掉下去的，所以有些微言，但出於懶的原因，也就罷了。

周圍都book唔到位, 只好book這間茶樓啦, 雖然個個都話唔係太好, 但... 總好過冇嘢食呀...去到話booking no.比個waiter知已經即刻比到位我地, 好! 唔使等!!一行7人order左好多嘢食:1. 雪菜雞絲腸- 好好味, 好滑2. 咸水角- ok, 夠熱又好味3. 蝦餃- 好大隻, 又有蝦味4. xx炒飯(唔記得左咩名) - 好多餸, 都ok, 又大碟5. 燒賣- ok6. 乳鴿- 一般, 4x一隻唔係好值7. 油菜- 真係"油"菜囉, 好多油, 又細碟...8. xo炒腸粉- 唔好食, 好油, 又凍冰冰9. 流沙包- 一啲都唔流的流沙包... 唔好食, 又凍冰冰都會再去, 因為易book枱, 又唔係話太差, 都過得好啦

一行5人去飲茶，當然預先訂了位，午飯時間絕對不可能沒有訂位，最好時間越早越好，一來有7折、二來算就訂了都未必有位。蜜汁叉燒-無錯是好蜜味，不過肉質又乾又，有同事竟然話唔錯、好食。燒賣-口感差過與街頭5元5粒的魚肉燒賣，咬落去一舊粉團似的。蝦腸-不是晶瑩剔透的細滑腸粉，粉質較粗又好腍，一夾已散。小瓜魚腐湯米線-味道淡淡的。雖然數了幾款不合格的點心，但都有好食例子的，例如流沙包，一咬開金黃色的蛋黃流出來，又香又滑。蒜茸鮮魷惹味，墊底的粉絲雖然吸晒精華，夠爽口唔會稔稔的。其實這間與同區的皇上皇是同一集團，點心款式差不多，論價錢這裡較貴，但我反宜覺得皇上皇水準較好。

今日因為要farewell 同事，所以就嚮皇廷匯訂左一張15人枱飲茶，訂位阿姐再三confirm我係咪足15人，我話係！一定足15人！結果去到飲茶，變左差唔多20個，都唔緊要，大家諗住坐迫ｄ啦，點知，皇廷匯比我張枱，只係一張10人枱！由坐落去果刻，我地就一路要求換張再大ｄ既枱，但無人理我地，叫ｄ執枱既阿哥阿姐搵部長／經理黎，佢地就當聽唔到。咁都算啦，坐迫ｄ囉！大家都諗住食完就算，到埋單果陣，我同阿部長講，我訂15位，你地比張10人枱我，好離譜啫，我地成廿人，坐張10人枱食得咁辛苦，你地識識做既都應該免茶啦！大家估下佢點答我？！佢話：「免茶最多減一蚊一位咋喎！」然後仲要眼超超咁望住我話：「乜你覺得呢張係10人枱咩？我覺得呢張係14人枱喎！」講完之後就悻悻然咁走開左．．．真係火都黎，呢ｄ係乜野服務態度？？？坐得迫，我算！你唔肯免茶，我都算！但你地連一句「唔好意思，太多人安排唔到」都唔肯講，仲要串返我轉頭，我就真係想噴火囉！！！落到收銀櫃位，同事再同個四眼肥經理理論，要求先頭唔禮貌果個部長，同我地道歉，但佢只係一路眼超超企埋一邊望住我地。個肥經理話下次送返糖水比我地，但係我想話唔駛啦！你地慳

尋日同d同事一行十一人一齊食lunch，一切平平無奇，直到埋單既時候！又係果個肥經理，佢都有前科架喇！估唔到今次都仍然係咁離譜...埋單既時候，個肥經理拎張單黎講左一句：「搵個用信用咭簽左先la，你地之後慢慢再夾啦」咁o岩d 同事冇人想簽咭，咁咪大家拎d散錢出黎夾錢law... 我負責幫手點錢，點點下，個部長出聲喇：「你地咁樣好混亂架bur！簽咭la」大佬，又唔係成堆錢俾左佢，我都己經晌度數緊la，你仲嘈咩呀？我忍唔住反擊佢一句：「咁而家咪數緊俾你law」好喇，數完之後，我就將錢交俾佢！張單hkd 979，我俾左hkd 980俾佢！跟住佢勁燥：「收你hkd 980, 找番一蚊俾你！」我：「唔使找喇，唔該！」佢勁串咁講：「收你一蚊貼士，多謝哂wor！」嘩... 呢d 咩人黎架？食飯一定要簽咭架？唔可以俾一蚊貼士架？一蚊貼士你應得既..

一坐底就見到有3碟醬料，辣醬，0急汁，同醋。朋友覺得勁浪費，因為唔系人人都叫小籠包同山竹牛肉，0急汁同醋幾乎都唔會點。埋單時，看看單，原來醬料系以人頭計，認真0危錢，而且非常浪費。牛肉腸同菜都幾新鮮。什麼什麼鹽九肚魚真系不知所謂。完全無味，一0的鹽都無。我0地叫服務員"羅"0的華鹽卑我0地，點知道拒用個兩格既醬油碟，一邊裝左小量華鹽，另一邊裝0急汁。（又系0急汁，臺面唔系已經有喇0羊？）仲要呤到來時，0的0急汁流左過華鹽果邊，大半華鹽濕灑。我地仲叫0左個千層糕，一般啦，唔叫都無損失。埋單共$220。

星期六下午一家三口去飲茶, 坐樓上, 個廳有三位伙記,個兩個男侍應係度傾馬經, 言談間句句夾雜粗口, 最離譜仲要每半個鐘走去開左個電視黎睇跑馬, 完全唔似呢個級數既酒樓, 食野方面,叫左五個點心,一碟炒飯, 個海鮮札搵笨, 一條老既津菜包住一條難食既蟹柳,一塊魚片,一條火腿,一塊魚肚, 咁就收人大點, 個班粒炒飯又淡而冇味, 呢間酒樓完全唔應該係呢區生存!!唯一覺得幾好就只有裝修方面

中環開中餐，例必要訂檯。二人booking，又係坐四樓樓梯邊走廊。ordered 幾款我ge 心水選擇：1. XO醬炒腸粉2. 燒腩仔倂海蜇3. 金黃流沙包4. 蝦醬蒸鮮魷5. 郊外油菜連茶、芥。一共HK$273.00『XO醬炒腸粉』係我個人ge 偏好，次次都一定order『燒腩仔倂海蜇』皮非常脆，不過肉ge 部份稍嫌鹹『金黃流沙包』好流沙！掂！『蝦醬蒸鮮魷』夠蝦醬味，鮮魷切得頗細，粉絲有少少似假！

(30/1/07)lunch time book左位也要預早來。今天十一人,竟然安排一張中檯!?檯與檯之間又很逼。油菜,蝦餃,蝦腸粉,鮮竹牛肉,鳳爪义燒包,金錢肚。芋絲蝦春卷,好綿的芋頭加肉碎,勁正!雪菜雞絲腸粉,腸粉太爤,其實整體味道ok的。福建炒飯唔掂,pet獻好難食,餸又唔新鮮。鮮蝦菜苗餃,皮太厚。黃金流沙包,是最出色喇,真係黃金色流出來,味道咸甜平均。泰醬蝦餅,內有粟米粒,很一般。tick左最想試的,南乳雞翼,咸湯丸都無黎,很失望。