皇悅小廚

營業中

休息中

見到報紙介紹，而且用某信用卡有折，咪試囉！D cake 好食，椰汁燕西米露窩夠香，但翻食就淡，唔知係咪溝水，最好飲係個魚翅湯(唔知有無加味精呢)，本人就唔食生蠔，所以唔知得唔得，食物種類唔多，但整體都ok,所以話無折就唔低喇！

今天因家人生日, 想開開心心食餐好, 豈料選擇了一間<不能再差>的自助餐店.- 冷盤差勁- 灰黑"生"蠔, 零碎細件魚生, "出水"沙律- 熱盤特少- 北京餃子, 魚, 咖哩角, 牛仔骨, 鹵水"老鴿, 炒什菜(全埸至好味), 燒鰻, ...除了味道唔好, 重要無其他菜式- 甜品蛋糕乏善可陳. 最離譜連生果都淨係得"西瓜"1種. 別無選擇!!免費飲品, 勁, D沙冰由頭到尾都"水汪汪". 自助紅茶咖啡以至開水, 全部唔熱. 惟一可取是服務員勤快. 收碟加水, 手腳俐落.埋單重要送你"折扣優惠". 歡迎再試再錯..

昨天去左食, 冷盤己經唔太新鮮, 蝦, 蠔, 貝都腥腥的熱盤己經風化到又乾又硬甜品, 蛋糕都可以啦, 不過班CAKE, 差到無語倫比, 係我食過最難食的, 入唔島口, 係我平時食班CAKE的三倍厚度, 成堆粉最最最離譜的係, 間野話食到9:30, 九點D員工就係你面前分野食, 咁都得, 真係你食, 我一定唔會再光顧囉

因為同同事farewell,見有雜誌送7折coupon,仲有送每人一碟龍蝦,計落都唔洗$200,諗住試下都無妨,去到以為好多野食,點知都唔係想像中咁多,甜品,冷盤同熱盤唔多,一眼見哂!甜品種類好少,cake都係得3,4款,果撻,啫喱,兩款糖水,試左麵包布甸,好甜.芒果蛋糕好似葯水味,超失望!!反而沙律係最多選擇,有好多咁同種頪.海鮮有生蠔,龍蝦仔同青口,龍蝦仔最受歡迎,經常會冇哂,但係侍應又唔會好快加返.生蠔食左兩隻,雖然已經勁加檸檬汁同辣醬,但係都好腥.諗住食魚生,可能放一段時間,睇落唔係咁新鮮,同埋見到時已經俾人摷到亂哂,打哂風咁!!見到真係唔開胃.熱盤數埋都有差唔多有十款,無乜驚喜,到送上每人一碟露筍配兩隻"龍蝦",size細都唔緊要,最慘係啲肉硬到要用叉大力扯出o黎先食到,露筍又有渣,再一次失望!!仲有我o地由7:00開始坐到10:00幾.都冇乜出過新野,食物又出得慢,buffet由6:30--9:30, 但係9:00到己經開始收野,唔得!!雖然食物唔係咁好,但環境同服務都ok,唔會太嘈,但係整體都麻麻.

見有7折coupon,尋晚訂左位去試下,7點3去到,但counter無人係度,要等一陣,地方算細,一眼已經望哂。食物分開3類:熱盤、甜品同冷盤。每人送半隻芝士焗龍蝦配露筍(龍蝦幾鮮甜彈牙,川上之係todai食好好多,仲有蝦膏tim,芝士都好香)熱盤有15款左右,其中有好有唔好,食過燒鱔(唔錯但只係出左一次),白汁海鮮意粉(好多海鮮不過d意粉唔夠味),野菌粟米炒飯(都係唔夠味,仲有d乾),蒜香乳鴒(淡左d),炸蟹蚶(同平時食的唔同,無咩味),蒸魚(好大條,ok),牛肌骨(ok),燒牛肉(無試),燒羊架(唔太so,好腍) 沙律方面都有好多款,印尼、泰式,日式,法式,意式,壽司真係唔得(唔係珍珠米,又實,無落醋,款式少,兩個鐘都係個幾件) 甜品唔算少款,有鮮果撻,吉士puff,朱古力mousse(苦苦地),pancake(整定一塊塊係度任你加配料),tiramisu(沒有酒香),cheesecake(芝士唔夠濃),椰汁西米糕(怪怪地),好多款生果(西瓜夠甜,菠蘿都好多汁,士多啤梨酸酸咪咪)整體上有少許失望,服務都唔錯,收碟好快。

男友daddy生日, 話想來呢度食,折左大約$191一個人, 野食萛係想當不俗!!!每人有一件鮑魚同一隻翡翠螺, 味道很好!!!冷盤有生蠔, 扇貝, 龍蝦仔, 凍蝦, 全部都好新鮮!湯就唔係咁掂! 一個類似碗仔翅, 味道都ok~一個咩咩瑤注湯, 好稀, 仲差過罐頭!熱盤我不嬲都唔好, 係炒蜆同蟹吸引d, 但味道普通!甜品方面, 而家至醒起食唔到個焦糖燉蛋!!!!可惜呀~個楊枝甘靈好重花奶味! 唔係咁似楊枝甘靈囉...但都幾滑既.........tiramisu係假既....cheese cake係日式果種, 普通jar!其餘d甜品都冇乜....個panｃａｋｅ凍左，　冇人吼，個麵包布甸，好鞋，　冇乜味．．．．沙田帝都好味ｄ！不過我地五個人去，　有三個人返到屋企肚痛，不過可能係我地食得太多啦．．．我諗唔關佢事既．．哈哈．．因為有兩個人都冇事．．．．哈哈．．．．

尋日見到有75折(唔使優惠卷)~咁就一家人去食啦~個環境算ok~唔好唔差~不過夠乾淨~~野食方面~d 龍蝦仔好新鮮~~鮑魚都好入味^^~仲有炒蟹,口水雞都好有水準~甜品方面...一定要試個麵包布甸^^好正~~仲有焗焦糖蛋~~糖左少少~~不過都仲得一試^^d 待應好勤力^^服務唔錯^^~

星期一去食都算多人, 可能好多都係好似我咁有7折coupon 所以去食食物種類唔算多, 冷盤有大頭蝦, 龍蝦仔(雖細,但是最鮮甜), 生蠔(有點腥), 魚生, 沙律, 泰式鳳爪(無味)等熱盤種類更加少得可憐, 而味道亦唔係好食甜品食左件芝士蛋糕, 味道尚可, Haagen-Dazs杯裝雪糕任食飲品有咖啡, 檸檬茶, 汽水, 生啤等住飲算唔錯埋單折左都要三百六到(唔係我比所以唔係好清楚), 以咁既價錢, 咁既食物質素, 我會認為唔抵食, 兼且食完會痾既下次請都唔會去食

唔係咁差! 食物質素好,品種又多又好味!但服務就差D及多蚊.有改善必要.

去食7 8元之白助午餐，完全唔惦。熱盤只有好少點心,例如有乾蒸牛肉、春卷、炒粉麵飯。冷盤差不多全部沙律類食品，最唔惦就是見有蚊仔在壽司上面一齋食。甜品好似有好多野，但是味道全部一樣。

酒店Buffet 本人就食得多喇, 但飲食男女介紹的皇悅就真係令我大失所望了, 刺身唔新鮮, d熱野都唔熱唔好味, 一點也不像酒店, 最差就係連飲品都唔好飲=.=!佢地d 廚藝真係....... Service 都唔係好得去邊, 看見其他桌有人complain, 個環境就唔似酒店似靈堂多d >.< 咁多人評佢差, 那酒店的負責人請不要再比錢在飲食男女去騙人食了.

唔知點講啦, 本人只看飲食男女有折, 所以就被騙了, 那些刺身有蚊在上面飛=.= 真係嚇死人, 個d 位好似同茶餐廳一樣, 那裡像酒店? $2xx 一位, 就算平到$100 我都唔會再去>.<

0個次我同mummy見到有優惠劵,一於去食~我地打電話去book位~佢話full晒,只係俾到後備位我地~咁諗是但啦~有得食咪得囉!去到真係好多人~full晒!!去到6點幾到,發現好多野食,但係到7點幾到,咩野都冇...亦refill得好慢...但係收碟速度就太快,係快到你咪食完就收走左!大佬呀~你又冇野俾我食,我未食完0個d又收鬼左,你叫我食咩呀!d侍應態度又唔係好過人喔@$#%^&*$@*(一0一")講番d野食~凍盆:大件,新鮮程道都ok~可以過關熱盆:款式算多,不過0炎0炎肉...味道都...沙津:多到食唔晒,不過可惜大多係街邊貨,可以食0既唔多咁囉~甜品:全場最好食0既野~不過d cake種類少得可憐...奉勸大家一句,如果你想食buffet~又可以慢慢享受~一定唔好去呢間!!

差到都唔知點講好,我都未食過,d野可以難食到咁,唔特別,都算啦,賣相唔得,都可原諒,但連最基本既味道,都做唔到既話,咁會好過份,最費解既係,連果汁都好似特別~~特別怪過人,咁可以點樣,堂堂一間餐廳,收我幾百蚊,但質素又比唔到,幾乎無野可以入口,百幾蚊食唔飽,都係第二次既事喇,係咪好無奈下咁呢~~真係轉個彎, 上番去漆咸道南搵食,無咁嬲呀>_<

冇乜野食，魚生有d戥，生蠔我都唔敢試，沙律唔好食，熱盤完全唔吸引，我o向neway食o既K buffet仲得好多。甜品o既pancake仲衰，同個服務員講我想要一件，點知佢叫我自己包，pancake皮同cream呀糖碎呀咁分開晒，唔咪自助到要我o向出面自己包好至返位呱？結果梗係冇食到。飲品飲左strawberry smoothie，好似咳藥水咁o既味，完全唔知自己飲左乜。結果我不停的食o個d唔可能唔好食o既粒粒雪糕，食左兩三杯食到飽晒。好在今餐有人請，如果自己俾錢真係肉痛死。