影片
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
2人在餐廳的20分鐘過程中，已好快搭枱上食物及叫你轉位，以便其他人搭枱。整個過程吃得極到不愉快。侍應慣性叫食客轉位的。餐廳應該在門口張貼四人卡位任何時候都需要搭枱。及限時15分鐘就要離開。符合條件者，才進入餐廳享用。
繼續閱讀
不知所謂，完全係呃人嘅餐廳，根本就冇所謂嘅外賣九折，冇得打個優惠碼，侍應態度10分差，老細亦不理事件，完全冇得投訴，冇得退款，簡直係不知所謂，奉勸各位不要過來此間餐廳食嘢
繼續閱讀
深水埗長沙灣茶餐廳都幾多嘅，但早餐嚟講我食得最多就係呢間，早餐供應至十二點，唔使趕後趕命咁衝去食😂 喜歡蛋嘅呢度可以揀太陽蛋/煎熟蛋/炒蛋，條豬肉腸都幾好食，唔係普通茶餐廳嘅廚師腸。 沙爹牛肉都算幾香濃。 煎蘿蔔糕有驚喜喎，好過 大家樂大快活嗰啲早餐蘿蔔糕。 繁忙時間係要搭枱嘅。 早餐啱啱加價，今日再食而家呢個餐由39蚊變咗做40蚊～ 之前會收支付寶wechat㗎，新年過後店完話老細唔再用呢啲，只係現金或者八達通。
繼續閱讀
本身家中30/12安師傅送/裝洗衣機，於是11:25便打電話到平時食開嘅冰室叫外賣早餐，因那冰室不設外送，亦冇參與外送平台，故需先打電話叫外賣再自取。但接電話位鄉音阿嬸電話語氣超冇禮貌，亦扮到好忙一路好似幫我落單，但一路指揮人做嘢，完全冇聽我講嘢，我講完，佢完全冇反應，可能佢根本拎開個電話冇聽我柯打，跟住就自己作單，我更正佢，佢就好理所當然咁話好忙、好嘈聽唔到，跟住一輪咀自己講個號碼就cut我線！一來冇禮貌，二來我都未落完柯打！之後我繼續打電話，打咗24次都唔通！要我自己落去俾錢再落柯打，再等！咁同我親身去落單買外賣有咩分別？！其實呢間冰室我一向都好喜歡，就算我幫襯開附近另一間幾十年老字號，唔係太趕的話，我都會行多兩步幫襯呢間，而且呢間啲人服務質素一向都唔錯。嗰位鄉音阿嬸平時堂食少見但知佢做樓面而非收銀，只有少印象，因平時慣搵熟面口或正常面相嘅員工落單，有選擇的話都唔會搵面目猙獰、只用把嘈音聲喺冰室樓面工作嘅人落單吧！但因為呢粒老鼠屎而令整間冰室一路以來建立嘅服務態度好、食物質素高嘅形象一把拖跨，冰室老闆請到呢啲員工真係冇運行！
繼續閱讀
第一次食係下午茶外賣 呢間嘢冇晚市 6點就收皮 咁諗住五香肉丁麵難食都有限 點知真係可以比佢整到咁難食 個湯係水黎 白烚公仔麵加幾粒肉丁😅。第二次去食 係早餐 經過見到諗住比多次機會佢啦 但原來都係咁難食 番茄通粉個湯好假好酸 最易整 最common嘅沙嗲牛麵都仲係可以個湯無味… 個麵好水又無味 凍檸茶個杯有條菜 又無茶味。我真係頂唔順先比差評 大家審慎考慮下先好黎食😂 (我已經係對食無乜要求嗰啲人黎，但呢間真係唔值得我再比機會)
繼續閱讀
您可能會有興趣的...