皇茶 (已結業)

應該好多人同小編一樣深感疑惑：呢間嘢大陸勁多分店，真係黃嗎？皇茶唔係喜茶前身咩？網上討論話官網有講皇茶技術總部喺台灣。本身應該都係抄，抄完應該賣咗盤，已經唔係大陸果間，而家已經易咗好多手，黃到你唔信。可惜，每次經過都比較冷清唔係好多人幫襯，反而隔離間花果山告急所以大排長龍。最近仲新增左酒館menu有cocktail飲😂💛黃店認證：大量文宣連儂牆；有pepe抗爭公仔，老闆深黃；遊行時有免費水拎；8.5有開但罷收錢；長期播RTHK；杯面貼紙出自黃畫師手筆；曾免費贈送醫護人員飲品。👓 東方美人 $36王牌茶芝士奶蓋系列💁🏻‍♀️白茶底比較清淡，清茶清清地配合濃味嘅奶蓋係幾好。不過本身鍾意飲濃茶或者水果茶好甜嘅人就未必啱。芝士奶蓋夠creamy鹹香味適中，唔鍾意飲奶蓋或者太鹹嘅人士可能會比較鍾意，因為小編覺得可以再鹹啲。整體算奶厚茶香。評分：7/10

從社交網站得知「花果山」因疫情告急後，本來想放工後親身去撐它，但到達時年輕店主表示所有食材已售罄（同場見唔少人撲空，香港人勁有愛❤），於是就移玉步幫襯隔籬勁金黃的「皇茶」。「皇茶」6月12日已發聲，8月5日派水兼罷收錢，之後每次遊行都勁幫手足；現在小店內又貼滿文宣，非常金黃。看看餐牌，我決定試試新口味香蕉朱古力沙冰，35元。由於良心食客實在太多，等了10分鐘左右沙冰才到手。香蕉朱古力沙冰（$35）新鮮香蕉混上香濃朱古力，兩種味道非常分明。略嫌沙冰有些未夠碎，如果再打碎些就更正！

每次都係叫我最愛嘅爆檸四季春走糖；仲記得第一次話要全走糖嘅時候，調茶師再三提我真係好酸架喎，我話我應該ok ga~~~ 我平時都係飲凍檸茶走甜，咁佢就照沖比我，仲同我講如果飲落真係覺得唔OK可以加番啲甜到俾我～點知我一飲就愛上，我就係鍾意佢又酸又澀澀哋嘅味，帶出果陣清香檸味同埋個茶香，喺出面試過好多間都飲唔到佢比我嘅感覺！加上間舖頭成個環境都好舒服😌仲要係間超級黃店！大家都繼續支持小店！香港人加油💪

經過看到這間店面牆上滿佈了香港加油標語的奶茶店，決定光顧支持一下。一看餐牌之下，發現原來有酒精飲品供應，店名橫額也換成了「皇茶酒館」，所以更想選杯特別的雞尾酒試試。點了一杯皇茶雞尾酒，我問店員是甚麼來的，她說她也不知道，因為每次每杯調製的配方也不同，來給顧客一點驚喜。在旁坐下，邊期待窺看特飲的製作過程，邊與駐場的可愛哥基狗狗玩耍，很快便等到特飲出場。雞尾酒用啤酒杯呈上，好像一杯黑啤，還需請店員解說。原來這杯特調是咖啡威士忌加上奶蓋烏龍，一口呷下，先是嚐到奶蓋的濃厚鹹香，接着的是威士忌、咖啡香和烏龍茶的交響樂，喝得到酒勁，卻不會蓋過清澈的茶香。值得一試，期待下次再點的驚喜。

依間黃店有口罩提供💛💛而且喺1201當日有大量水及寶礦力派比有需要嘅人舖裏仲不停播榮光添🥰-#芒果芝芝 $35芝士奶蓋好滑同幾濃味🤤但奶蓋好快就會沉咗落去相反個芒果沙冰就有啲令小編失望因為個芒果沙冰有啲淡仲有啲水添個感覺似芒果水☹️評分：4/10

🔸芝士奶蓋桂花烏龍 $30奶蓋好味！凍凍地夠creamy 桂花烏龍嗌咗熱飲，一上手就聞到香氣都撲鼻，不過太心急燙親個咀😣 直接溝埋芝士奶蓋等凍啲先飲到，連茶都走咗甜，好彩茶味夠出，桂花香清清地mix芝士💯/皇茶旺角廣華街1號仁安大廈地下22號舖

珍珠奶茶同奶蓋成日飲，今次可以一次過滿足你兩個願望。店舖唔算特別大，不過都有少量座位。凡有全日制學生證，舖頭請你飲金鳳荔枝茶。雖然餐廳請，不過小編都支持你課金比錢買飲品。.🥛 珍珠奶茶奶蓋 HK$32我愛嘅鹹芝士，仲要係重芝士味道個，奶蓋份量正常，不過飲極都會覺得多 🤣 點咗三分甜，味道唔算太甜，茶味道幾濃。珍珠唔算特別多，係幾有咬口嘅。平時普通芝士奶蓋都唔平，佢仲要係珍珠奶茶底，覺得整體好飽滿，好滿足。

係旺角附近食完晚飯，飲品太細杯又唔多夠喉，最好就係買番杯台式飲品邊行邊飲。見到皇茶好似幾受歡迎，於是就揀左呢間。朋友話呢間既飲品選擇都幾岩我架，因為我中意飲芝士奶蓋，一聽就緊係要試下啦。不過睇個menu好似唔多岩我，佢既奶蓋配既都幾濃味既，例如芝士奶蓋奶茶，芝士奶蓋宇治抹茶，我就中意配清清地既綠茶。問一問店員，原來佢地都可以比客人任意配搭。最後揀左芝士奶蓋茉莉烏龍。個芝士奶蓋果然好正，唔太厚重，但好香濃!口感超好，好順滑，一d都唔膩。茶香亦不俗，唔會澀。仲記得我order果陣想同佢地講走冰，原來佢地為左奶蓋既口感，本身已經冇加冰架啦。超正!

芝士奶蓋黃金麒麟=凍頂烏龍茶清清地，好難得搵到自己中意既奶蓋茶很香的茶香，又不會太濃烈（本人很怕會有很假的茶味）而且沒有茶的澀味薄薄一層奶蓋，不會很飽茶和奶蓋恰到好處

係旺角食完飯，當然要飲杯野飲先夠滿足。選用日本Suntory 啤酒，在香港很少見，我還是第一次試，芝士奶蓋代替啤酒泡，甜度適中，稍稍比原味啤酒甜，不過配上上面濃欲，帶點鹹味的芝士奶蓋選用紐西蘭牛奶芝士，非常不錯。買想也非常有趣。平時不喝酒的人，完全可以飲完一大杯。單點一杯Suntory 啤酒也不錯，泡沫很幼滑綿密，口感很creamy，非常適合女孩子喝，不會苦，沒有很大的酒精味，飲完係口度會甘。鮮雜果四季春， 點左微糖少冰，好fresh，有蘋果，熱情果，青檸，檸檬和西瓜，很不錯。店員說不時的星期五會有live music，還有可愛的哥基駐場。下次要再來。

睇「香港人的飲食購物天地fb」網友介紹，有一間高質素黃店！用咗0分鐘排隊，懇請香港人大大力懲罰佢地啦，唔洗排隊，有無搞錯呀！說好的懲罰呢？點解貢茶/koi大排長龍？太邪惡啦，點解可以咁好飲架，肥死都抵！叫咗杯芒果芝芝，非常有驚喜，奶蓋香滑，少少咸香，居然勁重奶味aftertaste, 唔係誇張，我敢話全個旺角最好飲！一定係！芒果沙冰居然無落過一粒冰呀大佬，咁用咩做架？芒果汁雪冰再打碎囉，你地真係要試下，無可能感受唔到佢地真材實料既誠意！總結，如果喜茶要等半個鐘先有得飲，呢間皇茶我願意企3個鐘黎等！認真！

近排香港天氣都奇奇怪怪，是日肚腩男與友人經過廣華街，又忽然傾盆大雨，咁岩見到呢間珍珠奶茶店但係又標榜自己係酒館，見佢新奇刺激就一於入去比一避雨飲番杯。通常珍珠奶茶都係買完之後要企喺條街飲，此小店竟然地方細細都放左十個八個座位，仲有bar枱位坐，下午四點都九成滿，唔知啲人係咪避雨，但直覺話俾我知呢間鋪頭應該係賣人情味。果然冇估錯，一名員工非常熱情推介飲品，最吸引到我目光嘅係佢cocktail Menu用唔同中國茶底去做cocktail係特別既，我哋最終經店員推薦試咗佢嘅招牌雲石火龍同埋酒香果究竟係乜家伙？原來雲石火龍係用茶底再加時興既奶蓋，配上紅火龍果，基酒係用上rum酒。賣相巳經可加分，飲落口感豐富，有香濃既奶蓋系面，加上新鮮火龍果酒，係有驚喜既！友人點既百香酒，顧名思義係用百香果調製而成，而佢嘅基酒係用上Bombay，用料充足啖啖果溶！飲落清新唯驚喜感不及火龍果個杯。有趣既係此店員工異常有善同健談，小店雖小但做到同客人互動，傾耐左原來相中人亦即是老闆，本身亦係一個專業攝影師！作品也放於店內成為藝術裝置。總結小店用心制作，因為此乃老闆嘅夢想，今時今日既香港就係需要有熱誠既鋪頭去真心真意

好鐘意飲芝士茶嘅我，之前好多間都飲過，曾經北角有間同名嘅(原來佢地之間完全冇關係)上過我嘅榜首，但之後估計係因為轉左手，芝士已經大不如前，所以我都冇再幫襯過，之後又有國內品牌黎左香港，都試過，都okay唔差嘅，但直到個晚路過呢度，認得就係朋友介紹過，就入去試下黎到叫左芝士茶，見到都開心，我order要少啲冰(以前北角店我係咁order的)，但店長話佢地唔會落冰，嘻嘻…仲好添浮係面嘅芝士好輕身好滑，但味道依然好rich，就黎想申條脷去食埋個杯邊個啲芝士茶好清唔會澀，成杯野冇冰，但都夠晒凍。我地好好彩，見到店長CowCow，得意到冇朋友，成日撩人玩要人摸，記得唔好同佢講拜拜呀，要講下次見唔係佢會吠你嫁坐左係店入面一邊同CowCow玩，一邊同2位超級Nice店長傾計，分享左一啲佢地做呢個芝士奶蓋嘅經歷，佢地真係好有心，好堅持！呢度對我黎講雖然就係遠啲，但以後過開黎，我相信都會黎飲我最愛嘅芝士茶

經過登打士街及廣華街附近，總會留意到好幾間台式手搖飲品店。其中一間茶飲店RoyalTea別樹一格，設有雅座之餘，晚上還會走酒吧路線！！！今天試了一些飲品，都讓我們感覺新鮮，感受到RoyalTea的創意！日本Suntory啤酒在坊間不常見，泡沫比一般啤酒來得幼滑綿密，十分creamy，可單點一杯品嚐。另外亦有用上Suntory調製奶蓋啤酒/ 桔檸啤。前者以芝士奶蓋取代啤酒泡，造型趣緻！後者非常清新，酸甜度拿捏得宜，容易入口，女生應該會喜歡的！🍼 黑糖珍珠牛奶Cow cow latte 哥基店長顏色！黑糖跟牛奶這個完美配搭，相信人人都喜歡！Cow cow latte 哥基店長顏色！黑糖跟牛奶這個完美配搭，味道上當然「冇得輸」，珍珠煙韌有嚼勁，相信人人都喜歡！當日我們還有幸見到駐場的cow cow latte, 超級可愛，大殺菲林！🥰🥰真沒想到這個Friday night碰巧也有live music，正在唱著人人皆曉的流行曲，讓我們都非常投入！

旺角登打士街一帶有好多茶飲店但講到「芝士奶蓋」我一定推薦皇茶😎😎今次我就試芝士奶蓋金鳳茶王（少甜）店員話本身已經冇冰仲可以揀「唔凍」啱晒怕太冰嘅女生❤️ 芝士奶蓋同茶嘅比例啱啱好而佢嘅奶蓋具備奶香、滑、輕薄嘅元素唔會好似出面有啲太厚重或者好人工甜味咁而茶都好香醇☺️不過我自己會鍾意再重奶味多少少（私心建議～）嗜甜嘅朋友就揀咗芒果綠妍沙冰大大杯甜度適中不錯喝😜掃完一輪街入嚟飲返杯奶蓋茶真心正😆店內有少量坐位掛住幾盞小黃燈坐喺度邊飲邊傾偈都幾好feel㗎下次試咩好呢😛