皇雀會

營業中

休息中

適逢世界盃，同朋友食完飯自然就有下場，就係去睇波。仲要係阿根廷對荷蘭既戲碼，就黎左皇雀會飲酒食下野睇波狂歡下啦個場都幾大，有得擲鏢，又有幾部電視睇波，氣氛都唔錯。叫左個小食拼盤薯條夠脆又夠粗，正雞翼都夠甘香又脆，但油左d d 其他食物如腸仔春卷就一般，成碟野都好油椒鹽墨魚咀正常發揮，都係油左d 咁另外仲點左個椒鹽豆腐，但唔見左張相😵呢個椒鹽豆腐真係不得了外層炸得好香脆，粉好薄。咬一口豆腐，入面舊豆腐又滑又熱，連埋d 椒鹽就係好惹味，好食到停唔到口每人低消$200,叫埋d 啤酒佢邊睇波邊食邊飲邊嗌Happy 既一晚

葵芳食lunch地方其實好多，但我來來去去都係食果幾間，其中一間係皇雀會，貪佢近公司。但最近少食左，主要係午餐開始無咩岩食，味道又一般般，不過呢度最最好就係大廳如果滿座，就會安排入雀房用膳，房內有電視任意轉台，都幾過癮🤣🤣🤣🤣🤣但同事就唔太喜歡，因為好大陣煙味🥴🥴🥴今次同事杯咖啡就不幸地好多奶，侍應遞上時好細心，發現勁多奶好似無咩咖啡，問同事使唔使換，同事為免麻煩就算了唔換，但侍應咁好服務我地都好驚訝之餘好欣賞。👍🏽👍🏽👍🏽

之前一直以為皇雀會主要都係做麻雀同桌球既生，但見佢早排好似重新裝修左門口部分，變左有個頗有歐式風格既餐廳。今日行過見到價錢都幾平又冇乜人就行入去試下。因為都知道佢地唔係主要做餐廳業務，所以都做左一定程度既心理準備。我點咗一個焗蕃茄雞扒飯，配凍檸茶（$43），大概等左十分鐘就送到，個餐既賣相不錯，同出面西餐廳做出嚟都差不多。焗飯會選用翻炒飯底，而塊雞扒份量都好大塊，肉身嫩滑，食得出外表有煎香過。不過美中不足係塊扒有小部分感覺未夠熟透，整體黎講如果去開附近嘅話不妨一試。

好明顯~呢間擺明唔係sale嘢食啦~內有波枱麻雀枱收費算是相宜~而且d餐旦丁呀~三文治呀~都係正常茶餐廳水準~算係咁嫁啦~我都唔見有人只係入去食嘢啦~~哈哈~不過唔難食~份量夠~已不錯了~